PALAKKAD

    അഗളി: അട്ടപ്പാടിയില്‍ നവജാതശിശു മരിച്ചു. അഗളി ഗ്രാമപഞ്ചായത്തിലെ പട്ടിമാളം ഊരിലെ വെള്ളിങ്കിരി-രാജമ്മ ദമ്പതിമാരുടെ നാല് മാസം പ്രായമുള്ള ആണ്‍കുഞ്ഞ് രാഹുലാണ് മരിച്ചത്. ഇന്നലെ വൈകീട്ട് കോട്ടത്തറ ഗവ. ട്രൈബല്‍ ആശുപത്രിയിലേക്കുള്ള വഴിമധ്യേയാണ് മരണം. കുട്ടിയുടെ രക്തത്തില്‍ ഹീമോഗ്‌ളോബിന്റെ അളവ് 1.4 മാത്രമാണുള്ളത്. കടുത്ത വിളര്‍ച്ചയാണ് മരണകാരണമെന്ന് ആശുപത്രി അധികൃതര്‍ പറഞ്ഞു

കുട്ടിക്കൊമ്പന്റെ പരാക്രമത്തില്‍ രണ്ട് പേര്‍ക്ക് പരിക്ക്

പാലക്കാട്: മലമ്പുഴയില്‍ കുട്ടിക്കൊമ്പന്റെ പരാക്രമത്തില്‍ രണ്ട് പേര്‍ക്ക് പരിക്ക്. കൂടാതെ വനംവകുപ്പിന്റെ ജീപ്പും തകര്‍ത്തിട്ടുണ്ട്. വാരണി അക്കരക്കാട്, പുതിയ ജയില്‍ കെട്ടിടത്തിന് പിറകിലാണ് കഴിഞ്ഞ ദിവസം രാത്രി തീറ്റ തേടിയെത്തി തിരിച്ച് പോകാനാവതെ ഒറ്റപ്പെട്ട കുട്ടിക്കൊമ്പന്റെ പരാക്രമം. നേരം പുലര്‍ന്ന് ജനക്കൂട്ടമെത്തിയതോടെ ഏതു വഴിക്ക് പോകണമെന്നറിയാതെ തലങ്ങും വിലങ്ങും നടക്കുന്നതിനിടയില്‍ ആനയുടെ മുന്നിപ്പെട്ട വാരണിയിലെ ടിപ്പര്‍ ഡ്രൈവര്‍ രമേഷിനെ കുത്തുകയായിരുന്നു. പുറത്തും നെഞ്ചിലും പരിക്കേറ്റ ഇയാള്‍ ജില്ലാ ആശുപത്രിയില്‍ ചികില്‍സയിലാണ്. മൂന്നുനാലു തവണ ഇയാളെ നിലത്തിട്ട് കുത്തിയ ആന ആളുകളുടെ നിലവിളി കേട്ടാണ് പിന്‍തിരിഞ്ഞത്. ഇയാള്‍ക്ക് മുന്ന് മാസം മുമ്പും കാട്ടനയുടെ ആക്രമണത്തില്‍ പരിക്കേറ്റിരുന്നു. ഇതിനിടയില്‍ വീടിന്റെ അടുക്കളകളുടെ പുക കുഴല്‍ പിഴുതെറിഞ്ഞു. ഓലക്കുടിലും തകര്‍ക്കുകയും ചുടുകൂടിയതോടെ അവിടെ നിന്ന് ഇറിഗേഷന്‍ ഗസ്റ്റ് ഹൌസിനു മുന്നിലെത്തിയ ആന അവിടെ നിര്‍ത്തിയിരുന്ന ബൈക്കും സൈക്കിളം വനംവകുപ്പിന്റെ ജീപ്പും തകര്‍ത്തു. ഇവിടെ നിന്നിരുന്ന വാച്ചര്‍ക്കും പരിക്കേറ്റു. ഇതു വഴി പുഴയിലേക്കിറങ്ങിയ ആന നീരാട്ട് നടത്തിയ ശേഷം ജയിലിന്റെ പിന്‍വശത്തുതന്നെ നിലയുറപ്പിക്കുകയും രാത്രിയോടെ ആനയെ കാടുകയറ്റി വിടുകയും ചെയ്തു

സംസ്ഥാനം കടുത്ത കുടിവെള്ള ക്ഷാമത്തിലേക്ക്
തോക്കുചൂണ്ടി വെടിയതിര്‍ത്ത് ജ്വല്ലറിയില്‍ മോഷണശ്രമം
ഒറ്റപ്പാലത്ത് രണ്ട് പോലീസുകാര്‍ക്ക് കുത്തേറ്റു
കഞ്ചാവും തോക്കുമായി രണ്ട് യുവാക്കള്‍ അറസ്റ്റില്‍

പാലക്കാട്: ഗോപാലപുരം ചെക് പോസ്റ്റിലെ പരിശോധനക്കിടെ കെഎസ്ആര്‍ടി ബസില്‍ നിന്നും കഞ്ചാവും തോക്കുമായി യുവാക്കള്‍ അറസ്റ്റിലായി. തൃശൂര്‍ മുളങ്കുന്നത്തുകാവ് കളരിക്കല്‍ പ്രമേഷ്(20), വരടാക്കിവളപ്പില്‍ സഞ്ജു(22) എന്നിവരെയാണ് എക്‌സൈസിന്റെ പിടിയിലായത്. ഇവരില്‍നിന്ന് 350 ഗ്രാം കഞ്ചാവും, ഒരു വടിവാള്‍, ഒരു എയര്‍ പിസ്റ്റള്‍, അഞ്ച് മൊബൈല്‍ ഫോണ്‍, സിം കാര്‍ഡുകള്‍ എന്നിവയാണ് ഇവരില്‍ നിന്നും കണ്ടെടുത്തത്. പഴനിയില്‍ നിന്നും ചേര്‍ത്തലയിലേക്ക് പോകുകയായിരുന്ന കെഎസ്ആര്‍ടിസി ബസ് വൈകിട്ട് ഗോപാലപുരം ചെക് പോസ്റ്റിലെത്തിയപ്പോഴാണ് പരിശോധന നടത്തിയത്. ഇവരില്‍ നിന്നും പിടികൂടിയ ആയുധങ്ങള്‍ പൊലീസിനു കൈമാറി

പ്രകൃതി വിരുദ്ധ പീഡനം: രണ്ട് വിദ്യാര്‍ത്ഥികള്‍ക്കെതിരെ കേസെടുത്തു
വാഷും വാറ്റുപകരണങ്ങളും പിടികൂടി
നടിയെ ആക്രമിച്ചസംഭവം; ഒരാള്‍ കൂടി പിടിയില്‍
ഇന്ന് റേഷന്‍വ്യാപാരികള്‍ കടയടച്ച് സമരം

പാലക്കാട്: റേഷന്‍വ്യാപാരികള്‍ ഉന്നയിച്ച കാര്യങ്ങളില്‍ അനുകൂല തീരുമാനമെടുക്കാത്ത സര്‍ക്കാര്‍നടപടിയില്‍ പ്രതിഷേധിച്ച് കടകളടച്ച് സമരം. ഇതിന്റെഭാഗമായി താലൂക്ക്‌കേന്ദ്രങ്ങളില്‍ ധര്‍ണ നടത്തും. വ്യാപാരികളുടെയും സഹായിയുടെയും വേതനം, വാടക, കട നവീകരണം തുടങ്ങിയ കാര്യങ്ങളില്‍ നടപടിയില്ലാത്തതിനാലാണ് കേരള റീട്ടെയില്‍ റേഷന്‍ ഡീലേഴ്‌സ് അസോസിയേഷന്‍ സമരം നടത്തുന്നത്. ഏപ്രില്‍ മുതല്‍ അനിശ്ചിതകാലസമരം നടത്താന്‍ സംയുക്ത സമരസമിതി തീരുമാനിച്ചിട്ടുണ്ട്

മണലിയില്‍ ആറ് വീടുകള്‍ കത്തിനശിച്ചു

പാലക്കാട്: മണലിയിലുണ്ടായ തീപ്പിടിത്തത്തില്‍ ആറ് വീടുകള്‍ കത്തിനശിച്ചു. മണലി ജെ.എം. മഹാള്‍ റോഡിലെ നഗരസഭാ തൊഴിലാളികള്‍ താമസിക്കുന്ന മുനിസിപ്പല്‍ ക്വാര്‍ട്ടേഴ്‌സിനടുത്തെ വീടുകളാണ് അഗ്‌നിക്കിരയായത്. തിങ്കളാഴ്ചയായിരുന്നു സംഭവം. നഷ്ടം കണക്കാക്കിയിട്ടില്ല. നഗരസഭയിലെ താത്കാലിക ശുചീകരണത്തൊഴിലാളികളായ നടരാജന്‍, അരുണ്‍, ശരവണന്‍, അജിത്കുമാര്‍, രാജേന്ദ്രന്‍, ശ്രീനിവാസന്‍ എന്നിവരുടെ വീടുകളാണ് കത്തിനശിച്ചത്. ആളപായമില്ല. ഓലമേഞ്ഞതും ഷീറ്റിട്ടതുമായ ആറ് വീടുകളിലായി 25 പേരാണ് താമസിച്ചിരുന്നത്. സമീപത്തെ പുരയിടത്തിലെ പുല്ലില്‍നിന്ന് പടര്‍ന്ന തീ അജിത്കുമാറിന്റെ വീടിനെയാണ് ആദ്യം ബാധിച്ചത്. തീപ്പിടിത്തത്തില്‍ ഇവരുടെ പാചകവാതക സിലിന്‍ഡര്‍ പൊട്ടിത്തെറിച്ചു. ഇതാണ് തീപ്പിടിത്തത്തിന്റെ വ്യാപ്തി കൂട്ടിയത്. അഗ്‌നിശമനസേന സ്ഥലത്തെത്തിയപ്പോഴേക്കും തീ ആളിപ്പടര്‍ന്നിരുന്നു. 15 മിനിട്ടുകൊണ്ട് തീയണച്ചു. തീപ്പിടിത്തത്തില്‍ ആറ് വീടുകളും പൂര്‍ണമായും കത്തിനശിച്ചു

മൊബൈല്‍ ക്യാമറ ഒളിപ്പിച്ചുവച്ച് വിഡിയോ പകര്‍ത്തിയ പൊലീസുകാരന്‍ പിടിയില്‍

പാലക്കാട്: മൊബൈല്‍ ക്യാമറ ഒളിപ്പിച്ചുവച്ച് വിഡിയോ പകര്‍ത്തിയെന്ന പരാതിയില്‍ പൊലീസുകാരനെ നാട്ടുകാര്‍ കൈയോടെ പിടികൂടി പൊലീസില്‍ ഏല്‍പ്പിച്ചു. ഹേമാംബിക നഗര്‍ പൊലീസ് സ്‌റ്റേഷനിലെ പൊലീസുകാരനായ നെന്മാറ ചാത്തമംഗലം ചൊട്ടിപ്പാറ പന്തല്ലൂര്‍ ഹൗസില്‍ രണ്‍ബീര്‍(32) ആണു ഇന്നലെ വൈകിട്ട് വല്ലങ്ങിയില്‍ നിന്നും പിടിയിലായത്. വല്ലങ്ങിയില്‍ പഞ്ചായത്ത് വായനശാലാ കെട്ടിടത്തിന്റെ മറവിലുള്ള മതിലിലെ ദ്വാരത്തില്‍ നിന്നാണ് മൊബൈല്‍ കണ്ടെടുത്തത്. സമീപത്തു ജോലി ചെയ്തുവരുന്ന സ്ത്രീ തൊഴിലാളികള്‍ സ്ഥിരമായി മൂത്രമൊഴിക്കാന്‍ എത്തുന്ന സ്ഥലത്താണ് കടലാസില്‍ പൊതിഞ്ഞ നിലയില്‍ മൊബൈല്‍ ഫോണ്‍ കണ്ടെത്തിയത്. രണ്ടു ദിവസമായി ഇവിടെ കാണപ്പെട്ട കടലാസു പൊതി എടുത്തു പരിശോധിച്ചപ്പോഴാണ് മൊബൈലാണെന്ന് മനസ്സിലായത്. ഇക്കാര്യം തൊഴിലാളിയുടെ സഹോദരനെയും പഞ്ചായത്തംഗം രമേഷിനെയും അറിയിക്കുകയും സമീപത്തുതന്നെ നില്‍പ്പുണ്ടായിരുന്ന പൊലീസുകാരന്‍ സ്ത്രീ തൊഴിലാളിയില്‍ നിന്നു നിര്‍ബന്ധപൂര്‍വം മൊബൈല്‍ തിരിച്ചുവാങ്ങാന്‍ ശ്രമിച്ചതായും രമേഷ് പറഞ്ഞു. മറ്റു ചില ക്രിമിനല്‍കേസ് പ്രതികളെ രഹസ്യമായി പിടികൂടാന്‍ ഉപയോഗിച്ചതാണെന്ന് പൊലീസ് പറഞ്ഞങ്കിലും മൊബൈല്‍ പരിശോധിച്ചപ്പോള്‍ അശ്ലീല വിഡിയോ കണ്ടെത്തുകയായിരുന്നു

ചരക്കു വാഹന പണിമുടക്ക് ഫെബ്രുവരി 7 ന്

    പാലക്കാട്: സംസ്ഥാനത്തെ ചരക്കു വാഹനങ്ങള്‍ ഫെബ്രുവരി 7 ന് സൂചനാ പണിമുടക്ക് നടത്തും. സ്റ്റേറ്റ് ലോറി ഓണേഴ്‌സ് ഫെഡറേഷനാണ് പണിമുടക്കിന് ആഹ്വാനം ചെയ്തിരിക്കുന്നത്. കേന്ദ്ര-സംസ്ഥാന സര്‍ക്കാരുകളുടെ നയങ്ങളില്‍ പ്രതിഷേധിച്ചാണ് സമരം. 15 വര്‍ഷം പഴക്കം ചെന്ന ഡീസല്‍ വാഹനങ്ങള്‍ നിരോധിക്കാനുള്ള കേന്ദ്രനീക്കം ഉപേക്ഷിക്കുക, വാഹന രജിസ്‌ട്രേഷന്‍ ഫീസ് വര്‍ദ്ധിപ്പിച്ച നടപടി റദ്ദാക്കുക, വാളയാര്‍ ഉള്‍പ്പെടെയുള്ള ചെക്‌പോസ്റ്റുകളില്‍ അടിസ്ഥാന സൗകര്യം ഏര്‍പ്പെടുത്തുക, സംസ്ഥാനത്തെ സേവന നികുതി പിന്‍വലിക്കുക തുടങ്ങിയ ആവശ്യങ്ങള്‍ ഉന്നയിച്ചാണ് സമരം

DISTRICT NEWS
MORE NEWS

© Copyright 2013 Sudinam. All rights reserved.