MALAPPURAM

      മലപ്പൂറം: കരിപ്പൂരില്‍നിന്ന് ഈ വര്‍ഷം ഹജ്ജ് വിമാനം അനുവദിക്കേണ്ടതില്ലെന്ന് കേന്ദ്ര സര്‍ക്കാര്‍ തീരുമാനിച്ചു. സാങ്കേതിക തടസ്സം പരിഗണിച്ചാണ് കോഴിക്കോട് വിമാനത്താവളം ഹജ്ജ് എംബാര്‍ക്കേഷന്‍ പോയന്റ് ആക്കേണ്ടെന്ന് തീരുമാനിച്ചതെന്ന് ഹജ്ജിന്റെ ചുമതലയുള്ള കേന്ദ്ര ന്യൂനപക്ഷ മന്ത്രി മുഖ്താര്‍ അബ്ബാസ് നഖ്വി അറിയിച്ചു. അടുത്ത വര്‍ഷം കോഴിക്കോട്ടേക്ക് മാറ്റുന്ന കാര്യം ഹജ്ജ് എംബാര്‍ക്കേഷന്‍ പോയന്റ് കരിപ്പൂരിലേക്ക് മാറ്റണമെന്നാവശ്യപ്പെട്ട് സംഘടനകള്‍ പ്രക്ഷോഭം ശക്തമാക്കുന്നതിനിടയിലാണ് മന്ത്രിയുടെ നിലപാട്. മന്ത്രി കെ.ടി. ജലീല്‍, മുസ്ലിം ലീഗ്, യൂത്ത് ലീഗ് നേതാക്കളായ ഇ.ടി. മുഹമ്മദ് ബഷീര്‍, പി.വി. അബ്ദുല്‍ വഹാബ്, മുനവ്വറലി ശിഹാബ് തങ്ങള്‍, പി.കെ. ഫിറോസ,് കാന്തപുരം എ.പി. അബൂബക്കര്‍ മുസ്ലിര്‍ എന്നിവര്‍ കേന്ദ്ര വ്യോമയാന മന്ത്രി അശോക് ഗജപതി രാജുവിനെയും ന്യൂനപക്ഷ മന്ത്രി നഖ്‌വിയെയും കണ്ടിരുന്നു. മലബാര്‍ വികസന ഫോറത്തിന്റെ നേതൃത്വത്തില്‍ നടക്കുന്ന പ്രക്ഷോഭത്തിന് പുറമെ മുസ്ലിം യൂത്ത് ലീഗ്, വെല്‍ഫെയര്‍പാര്‍ട്ടി, സോളിഡാരിറ്റി തുടങ്ങിയ കക്ഷികളും സമരത്തിലാണ്

45,000 ക്ലാസ്മുറികള്‍ ഹൈടെക്കാക്കും: സി രവീന്ദ്രനാഥ്

മലപ്പുറം: കേരളത്തിലെ 45,000 ക്ലാസ്മുറികള്‍ ഹൈടെക്കാക്കുമെന്ന് വിദ്യാഭ്യാസമന്ത്രി സി രവീന്ദ്രനാഥ്. കോട്ടക്കലില്‍ കേരള നോണ്‍ ടീച്ചിങ് എംപ്ലോയീസ് ഓര്‍ഗനൈസേഷന്‍ ആറാം സംസ്ഥാന സമ്മേളനം ഉദ്ഘാടനംചെയ്യുകയായിരുന്നു അദ്ദേഹം. പൊതുവിദ്യാഭ്യാസ സംരക്ഷണം എല്ലാവരും ചേര്‍ന്ന് ഏറ്റെടുക്കണം കാരണം മൂലധനവും കമ്പോളവും കോര്‍പറേറ്റുകളുമാണ് വിദ്യാഭ്യാസം നിയന്ത്രിക്കുന്നതെന്നും മന്ത്രി പറഞ്ഞു. ചടങ്ങില്‍ സംസ്ഥാന പ്രസിഡന്റ് ജേക്കബ് സി നൈനാനായിരുന്നു അധ്യക്ഷന്‍. സിപിഐഎം ജില്ലാ സെക്രട്ടറി പിപി വാസുദേവന്‍ സംസാരിച്ചു. സ്വാഗതസംഘം ചെയര്‍മാന്‍ ഇഎന്‍ മോഹന്‍ദാസ് സ്വാഗതവും ജനറല്‍ കണ്‍വീനര്‍ സുനില്‍ പി നായര്‍ നന്ദിയും പറഞ്ഞു

ടയര്‍ കടക്ക് തീ പിടിച്ചു
ഹജ്ജ് സര്‍വിസ് കരിപ്പൂരില്‍ നിന്നാരംഭിക്കണം: യൂത്ത് ലീഗ്
മോഷ്ടിച്ച ബൈക്കുകളുടെ വില്‍പനക്കാരന്‍ അറസ്റ്റില്‍
വിദ്യാര്‍ത്ഥിനിയെ പീഡിപ്പിച്ച് ഗര്‍ഭിണിയാക്കിയ പിതാവ് അറസ്റ്റില്‍

മലപ്പുറം: മാതാവ് മരിച്ച പത്താംക്ലാസ് വിദ്യാര്‍ത്ഥിനിയെ പീഡിപ്പിച്ച് ഗര്‍ഭിണിയാക്കിയ കേസില്‍ പിതാവ് അറസ്റ്റില്‍. പെണ്‍കുട്ടി ദിവസങ്ങളായി സ്‌കൂളിലെത്തുന്നില്ലെന്ന വിവരത്തെ തുടര്‍ന്ന് മലപ്പുറം ചൈല്‍ഡ്‌ലൈന്‍ പ്രവര്‍ത്തകര്‍ വീട്ടിലെത്തി അന്വേഷിച്ചപ്പോഴാണ് വിവരം പുറത്തായത്. വീട് പരിശോധിക്കുന്നത് തടയാന്‍ പിതാവ് ശ്രമിച്ചെങ്കിലും ചൈല്‍ഡ്‌ലൈന്‍ പ്രവര്‍ത്തകര്‍ പൊലീസ് സഹായം തേടി. കുട്ടിയെ കൗണ്‍സിലിംഗിന് വിധേയയാക്കിയപ്പോഴാണ് പീഡന വിവരം പുറത്തറിഞ്ഞത്. മഞ്ചേരി മെഡിക്കല്‍ കോളേജില്‍ നടത്തിയ വൈദ്യപരിശോധനയില്‍ പെണ്‍കുട്ടി ആറുമാസം ഗര്‍ഭിണിയാണെന്ന് തെളിയുകയും തുടര്‍ന്ന് പെണ്‍കുട്ടിയെ നിര്‍ഭയ ഹോമിലേക്ക് മാറ്റുകയായിരുന്നു. പ്രതി രണ്ട് വിവാഹം കഴിച്ചെങ്കിലും ഇവര്‍ രണ്ടുപേരും മരിച്ചു. ആദ്യഭാര്യയില്‍ രണ്ട് കുട്ടികളും രണ്ടാം ഭാര്യയില്‍ ആറ് കുട്ടികളുമുണ്ട്. അനാഥാലയത്തില്‍ കഴിഞ്ഞിരുന്ന രണ്ടാംഭാര്യയുടെ കുട്ടികളെ ഇയാള്‍ വര്‍ഷങ്ങള്‍ക്ക് മുമ്പ് വീട്ടിലെത്തെിച്ചിരുന്നു. ഇതിലൊരാളെയാണ് പീഡിപ്പിച്ചത്. ജില്ലാ ചൈല്‍ഡ് വെല്‍ഫയര്‍ കമ്മിറ്റി മുമ്പാകെ ഹാജരാക്കിയ മറ്റു കുട്ടികളെ ചില്‍ഡ്രന്‍സ് ഹോമിലേക്ക് മാറ്റുകയും പ്രതിയെ അറസ്റ്റ് ചെയ്യുകയും ചെയ്തു

നിലമ്പൂരില്‍ കൊമ്പന്റെ ജഡം കണ്ടെത്തി
കരിപ്പൂരില്‍ രണ്ടു കിലോ സ്വര്‍ണം പിടികൂടി
കുഞ്ഞിമുഹമ്മദ് വളാഞ്ചേരി അന്തരിച്ചു
നിലമ്പൂരില്‍ നിന്ന് പിടിയിലായ ആള്‍ മാവോയിസ്റ്റ് പ്രവര്‍ത്തകനെന്ന് സ്ഥിരീകരിച്ചു

      നിലമ്പൂര്‍: നിലമ്പൂര്‍ വനമേഖലയില്‍ നിന്ന് ഇന്നലെ പിടിയിലായ തമിഴ്‌നാട് സ്വദേശി മാവോയിസ്റ്റ് പ്രവര്‍ത്തകനെന്ന് സ്ഥിരീകരിച്ചു. കോയമ്പത്തൂര്‍ സ്വദേശിയായ അയ്യപ്പനാണ് ഇന്നലെ തണ്ടര്‍ബോള്‍ട്ട് സംഘത്തിന്റെ പിടിയിലായത്. നേരത്തെ പോലീസുമായി ഏറ്റുമുട്ടല്‍ നടന്ന പടുക്ക ഫോറസ്റ്റ് ഓഫീസിനു സമീപത്തുനിന്നാണ് ഇയാള്‍ പിടിയിലാകുന്നത്. നിലമ്പൂര്‍ ഏറ്റുമുട്ടലിനുശേഷം വനവുമായി അതിര്‍ത്തി പങ്കിടുന്ന ജില്ലകളില്‍ പോലീസ് കനത്ത സുരക്ഷ ഏര്‍പ്പെടുത്തിയിരുന്നു. ഇത്തരത്തില്‍ നടത്തിയ തെരച്ചിലിലാണ് അയ്യപ്പന്‍ തണ്ടര്‍ബോള്‍ട്ടിന്റെ വലയിലായത്. പിടിയിലായ ഉടന്‍ ഇയാള്‍ മാവോയിസ്റ്റ് അനുകൂല മുദ്രാവാക്യം മുഴക്കിയതായി പോലീസ് അറിയിച്ചിരുന്നു

കരിപ്പൂരില്‍ നിന്ന് മൂന്ന് പുതിയ സര്‍വീസുകള്‍

      മലപ്പുറം: നവീകരണം പൂര്‍ത്തിയാവുന്നതോടെ കരിപ്പൂരില്‍നിന്ന് പുതുതായി മൂന്ന് സര്‍വിസുകള്‍. ഒമാന്‍ എയര്‍, ഇന്‍ഡിഗോ എയര്‍ എന്നിവയാണ് സര്‍വിസുകള്‍ പ്രഖ്യാപിച്ചത്. മസ്‌കത്തിലേക്കുള്ള ഒമാന്‍ എയര്‍ സര്‍വിസ് തിങ്കളാഴ്ച മുതല്‍ കരിപ്പൂരില്‍ നിന്നാരംഭിച്ചു. ഇന്‍ഡിഗോ എയര്‍ ഷാര്‍ജ, മസ്‌കത്ത് എന്നിവിടങ്ങളിലേക്കാണ് പുതിയ സര്‍വിസുകള്‍ നടത്തുന്നത്. ഖത്തര്‍ എയര്‍വേസ്, ഇത്തിഹാദ് എന്നീ കമ്പനികളും പുതിയ സര്‍വിസുകള്‍ ആരംഭിച്ചേക്കും. ഇടത്തരം വലിയ വിമാനങ്ങള്‍ക്ക് ഡയറക്ടറേറ്റ് ജനറല്‍ ഓഫ് സിവില്‍ ഏവിയേഷന്‍ അനുമതി നല്‍കിയാല്‍ ദുബൈയിലേക്ക് എമിറേറ്റ്‌സും ജിദ്ദയിലേക്ക് സൗദി എയര്‍ലൈന്‍സും സര്‍വിസ് നടത്തും. ഇന്‍ഡിഗോ മാര്‍ച്ച് 20 മുതലാണ് ഷാര്‍ജ, മസ്‌കത്ത് എന്നിവിടങ്ങളിലേക്ക് പുതിയ സര്‍വിസ് ആരംഭിക്കുന്നത്. ഇതോടെ മസ്‌കത്തിലേക്ക് കരിപ്പൂരില്‍നിന്ന് പ്രതിദിനം നാല് സര്‍വിസുകളുണ്ടാകും. ഒമാന്‍ എയറിന് രണ്ടും എയര്‍ ഇന്ത്യ എക്‌സ്പ്രസ്, ഇന്‍ഡിഗോ എന്നിവക്ക് ഓരോന്നും വീതം സര്‍വിസാണുള്ളത്

വിദേശമദ്യ വില്‍പ്പനക്കിടെ ഒരാള്‍ പിടിയില്‍

മലപ്പുറം: നിലമ്പൂരില്‍ ഇന്ത്യന്‍ നിര്‍മിത വിദേശമദ്യം വില്‍പ്പനനടത്തുന്നതിനിടെ ഒരാള്‍ പിടിയിലായി. വഴിക്കടവ് പഞ്ചായത്തിലെ മരുത നെടുമണ്ണില്‍ ചന്ദ്രനെ(43)യാണ് നിലമ്പൂര്‍ എക്‌സൈസ് സിഐ ടി അനില്‍കുമാറിന്റെ നേതൃത്വത്തിലുള്ള സംഘം പിടികൂടിയിലായത്. എക്‌സൈസ് പ്രിവന്റീവ് ഓഫീസര്‍ പി രാമചന്ദ്രന്‍, സിവില്‍ എക്‌സൈസ് ഓഫീസര്‍ പി ഉമ്മര്‍കുട്ടി എന്നിവരും സംഘത്തിലുണ്ടായിരുന്നു. പ്രതിയെ നിലമ്പൂര്‍ കോടതിയില്‍ ഹാജരാക്കി

തെരുവുനായ വന്ധ്യംകരണത്തിന് ഗുജറാത്ത് സംഘമെത്തി

മലപ്പുറം: എടപ്പാളില്‍ തെരുവുനായ്ക്കളെ വന്ധ്യംകരിക്കാന്‍ ഗുജറാത്തില്‍ നിന്നുമുള്ള മൊബൈല്‍ സംഘം എടപ്പാളിലെി. വന്ധ്യംകരിക്കാനുള്ള സംവിധാനങ്ങളുള്ള സഞ്ചരിക്കുന്ന വാനില്‍ മൂന്നുപേരടങ്ങുന്ന സംഘമാണ് എത്തിയത്. തെരുവുനായ്ക്കളെ കൊല്ലാതെ വന്ധ്യംകരിച്ച് വിടണമെന്ന കോടതിയുടെയും കേന്ദ്രസര്‍ക്കാരിന്റെയും നിര്‍ദ്ദേശം നടപ്പിലാക്കാനാണ് സഞ്ചരിക്കുന്ന വാന്‍ നാടുനീളെയെത്തുന്നത്. തെരുവുകളില്‍ അലഞ്ഞു നടക്കുന്ന നായ്ക്കളെ പിടികൂടി വാനില്‍ കയറ്റി ഇന്‍ജക്ഷന്‍ നല്‍കിയശേഷം വന്ധ്യംകരണം നടത്തി പിടിച്ചിടത്തുതന്നെ വിട്ടയക്കുകയാണ് സംഘംചെയ്യുന്നത്. ആന്റി റാബീസ് ടാസ്‌ക് ഫോഴ്‌സിന്റെ ആംബുലന്‍സാണ് വിവിധ ഭാഗങ്ങളില്‍ സഞ്ചരിക്കുന്നത്

DISTRICT NEWS
MORE NEWS

© Copyright 2013 Sudinam. All rights reserved.