ERNAKULAM

    കൊച്ചി: കൊച്ചിയില്‍ ഗുണ്ടസംഘം ആക്രമിച്ച നടി പ്രതികരണവുമായി രംഗത്ത്. സാമൂഹിക മാധ്യമമായ ഇന്‍സ്റ്റഗ്രാമിലാണ് തന്റെ ചിത്രത്തോടൊപ്പം നടി സംഭവത്തിനുശേഷം ആദ്യമായി പ്രതികരിച്ചത്. ജീവിതം പല തവണ തന്നെ തളര്‍ത്തിയിട്ടുണ്ടെന്നും സാധാരണ ജീവിതത്തിലേക്ക് മടങ്ങിവരുക തന്നെ ചെയ്യുമെന്നും നടി പറഞ്ഞു. പരാജയങ്ങളും ദു:ഖങ്ങളും അനുഭവിച്ചിട്ടുണ്ട്. പക്ഷേ ഒരു കാര്യം തീര്‍ച്ച, എല്ലായ്‌പ്പോഴും ഞാന്‍ തിരിച്ചുവന്നിട്ടുണ്ട്. ആക്രമണത്തിന് ശേഷം തന്നെ പിന്തുണച്ചവര്‍ക്ക് നന്ദി അറിയിക്കുന്നതായും നടി പറഞ്ഞു. മികച്ച പ്രതികരണമാണ് നടിയുടെ പോസ്റ്റിന് ലഭിക്കുന്നത്. കഴിഞ്ഞ 17ന് രാത്രിയാണ് കൊച്ചിയിലെ സുഹൃത്തിന്റെ വീട്ടിലേക്ക് കാറില്‍ സഞ്ചരിക്കവെ നടി ആക്രമണത്തിനിരയായത്. ഫോര്‍ട്ട്‌കൊച്ചിയില്‍ പുതിയ സിനിമയുടെ ചിത്രീകരണത്തിലാണ് നടി. നേരത്തേ മാധ്യമപ്രവര്‍ത്തകരോട് സംസാരിക്കുമെന്ന് അറിയിച്ചിരുന്നെങ്കിലും കേസന്വേഷണത്തെ ബാധിക്കുമെന്ന് പൊലീസ് അറിയിച്ചതിനാല്‍ പിന്മാറുകയായിരുന്നു

അരി വില നിയന്ത്രിക്കും: കാനം

    കൊച്ചി: സംസ്ഥാനത്ത് അരിവില നിയന്ത്രിക്കുമെന്ന് സിപിഐ സംസ്ഥാന സെക്രട്ടറി കാനം രാജേന്ദ്രന്‍. കിലോയ്ക്ക് 25 രൂപ നിരക്കില്‍ മാവേലി സ്റ്റോറുകള്‍ വഴി അരിവിതരണം നടത്തും. ഇതോടെ വിപണിയിലെ ഉയര്‍ന്ന വില പിടിച്ചുനിര്‍ത്താനാവും. കൊച്ചിയില്‍ നടിയെ ആക്രമിച്ച സംഭവത്തിലെ ഗൂഢാലോചന അന്വേഷിച്ച് പുറത്തുകൊണ്ടുവരണമെന്ന ആവശ്യത്തില്‍ സിപിഐ ഉറച്ചുനില്‍ക്കുമെന്നും കാനം രാജേന്ദ്രന്‍ പറഞ്ഞു. കൊച്ചിയില്‍ മാധ്യമപ്രവര്‍ത്തകരുടെ ചോദ്യങ്ങളോട് പ്രതികരിക്കുകയായിരുന്നു അദ്ദേഹം

കൊച്ചി മെട്രോ യാത്രക്ക് സ്മാര്‍ട്ട് കാര്‍ഡ്
ഇന്ത്യ ബിജെപി നേതാക്കളുടെ സ്വകാര്യ സ്വത്തല്ല: എംവി ജയരാജന്‍
പള്‍സര്‍ സുനിയെയും വിജേഷിനെയും പോലീസ് കസ്റ്റഡിയില്‍ വിട്ടു
ആക്രമിക്കപ്പെട്ട നടി വീണ്ടും അഭിനയലോകത്തേക്ക്; ധൈര്യത്തെ പ്രകീര്‍ത്തിച്ച് പൃഥ്വീരാജ്

      കൊച്ചി: കൊച്ചിയില്‍ ആക്രമിക്കപ്പെട്ട നടി വിവാദങ്ങള്‍ക്കൊടുവില്‍ വീണ്ടും അഭിനയലോകത്തേക്ക്. പൃഥ്വിരാജ് നായകനാകുന്ന പുതിയ ചിത്രത്തിലാണ് ഇവര്‍ അഭിനയിക്കുന്നത്. ഈ സിനിമയുടെ ലൊക്കേഷനിലെത്തിയ നടി ഇന്ന് മാധ്യമങ്ങളെ കാണുമെന്ന് നേരത്തെ പ്രഖ്യാപിച്ചെങ്കിലും തിരിച്ചറിയല്‍ പരേഡ് നടക്കുന്ന സാഹചര്യത്തില്‍ ഇന്ന് മാധ്യമങ്ങളെ കാണുന്നതില്‍ നിന്നും നടിയെ പോലീസ് വിലക്കിയിട്ടുണ്ട്. തുടര്‍ന്ന് മാധ്യമങ്ങളെ കാണുന്നത് നാളത്തേക്ക് മാറ്റി. അതിനിടെ നടി വീണ്ടും അഭിനയജീവിതത്തിലേക്ക് തിരിച്ചുവരുന്നതില്‍ നടിയുടെ ധൈര്യത്തെ അഭിനന്ദിച്ച് നടന്‍ പൃഥ്വിരാജ് രംഗത്തെത്തി. തന്റെ ഫേസ്ബുക്ക് പോസ്റ്റിലാണ് പൃഥ്വി നടിയെ പ്രകീര്‍ത്തിച്ച് പോസ്റ്റിട്ടത്. നടി അസാധാരാണ ധൈര്യമാണ് കാണിച്ചത്. ഇത് മറ്റുള്ളവര്‍ക്ക് മാതൃകയാണ്. ഇന്ന് എന്റെ പ്രിയ സുഹൃത്ത് അവരുടെ പുതിയ ചിത്രം ആദമിന്റെ ചിത്രീകരണത്തിനായി എത്തുമ്പോള്‍ എന്റെ ജീവിതത്തില്‍ ഒരു അസാധാരാണമായ നിമിഷത്തിന് സാക്ഷിയാവാന്‍ ഒരിക്കല്‍ കൂടി അവസരം ലഭിക്കുകയാണ്. നിങ്ങളുടെ ജീവിതം നിങ്ങള്‍ക്ക് മാത്രമെ നിയന്ത്രിക്കാന്‍ സാധിക്കുവെന്ന് മനസിലാക്കി തരുന്ന.. കേള്‍ക്കാതെ പോയ നിരവധി ശബ്ദങ്ങള്‍ക്കിടയില്‍ നടത്തുന്ന ഒരു പ്രസ്താവന..അവര്‍ നടത്തുമെന്നും പോസ്റ്റില്‍ പറയുന്നു. അതേസമയം, നടിയെ തട്ടിക്കൊണ്ടുപോയ കേസുമായി ബന്ധപ്പെട്ട് പിടിയിലായ പ്രതികളുടെ തിരിച്ചറിയല്‍ പരേഡ് ഇന്നു നടത്തും. കാക്കനാട് സബ് ജയിലില്‍ ഉച്ചയ്ക്ക് 12നാണ് തിരിച്ചറിയില്‍ പരേഡ്. പ്രതികളായ പള്‍സര്‍ സുനി, വിജീഷ്, മണികണ്ഠന്‍ തുടങ്ങിയ പ്രതികളുടെ തിരിച്ചറിയല്‍ പരേഡാണ് നടക്കുക. അതിനിടെ, നടി്‌ക്കെതിരെ ക്വട്ടേഷന്‍ സാധ്യത പോലീസ് തള്ളി. പള്‍സര്‍ സുനിക്ക് നടിയെ ആക്രമിക്കാനുള്ള ക്വട്ടേഷന്‍ ആരെങ്കിലും നല്‍കിയിട്ടുണ്ടോ എന്നതിന് തെളിവുകളൊന്നും ഇതുവവരെ ലഭിച്ചിട്ടില്ലെന്നും ഫോണ്‍ രേഖകള്‍ പരിശോധിച്ചെങ്കിലും കൂടുതല്‍ തെളിവുകളൊന്നും ലഭിച്ചില്ലെന്നും പോലീസ് പറഞ്ഞു

ആക്രമിക്കപ്പെട്ട നടി അഭിനയ രംഗത്തേക്ക്; മാധ്യമങ്ങളെ കാണില്ല
പള്‍സര്‍ സുനിയെ ഇന്ന് കോടതിയില്‍ ഹാജരാക്കും
പള്‍സര്‍ സുനിയുമായി പോലീസ് തെളിവെടുപ്പ് നടത്തി
പള്‍സറിനെ അറിയില്ല: ലാല്‍

        കൊച്ചി: നടിയെ ആക്രമിച്ച കേസിലെ പ്രധാനപ്രതിയായ പള്‍സര്‍ സുനിയെ അറിയില്ലെന്ന് സംവിധായകന്‍ ലാല്‍ വ്യക്തമാക്കി. പലരും ഊഹാപോഹങ്ങള്‍ പരത്തുകയാണെന്നും അദ്ദേഹം പറഞ്ഞു. പള്‍സര്‍ സുനിയും കൂട്ടരും ആക്രമിച്ചതിനു ശേഷം ലാലിന്റെ വീടിന് മുന്നിലായിരുന്നു നടിയെ ആക്രമികള്‍ ഇറക്കിവിട്ടത്. പിന്നീട് ലാല്‍ തന്നെയാണ് നടി ആക്രമിക്കപ്പെട്ട കാര്യം പോലീസിനെ അറിയിച്ചത്. എന്നാല്‍ നടിയെ ആക്രമിച്ച കേസില്‍ ലാലിന് ബന്ധമുണ്ടെന്ന് ആരോപണമുണ്ടായിരുന്നു. അതിനിടെയാണ് സുനിയെ പരിചയമില്ലെന്ന് ലാല്‍ വ്യക്തമാക്കിയത്. കൂടാതെ, പള്‍സള്‍ സുനിയെ അറസ്റ്റ് ചെയ്ത പോലീസിനെ ലാല്‍ അഭിനന്ദിച്ചു. പ്രതിയെ പിടികൂടാനായത് മഹാകാര്യമാണെന്നും പോലീസിനെ അഭിനന്ദിക്കുന്നുവെന്നും ലാല്‍ പറഞ്ഞു. ഷൂട്ടിംഗ് ആവശ്യത്തിനല്ല നടി കൊച്ചിയിലെത്തിയതെന്നും നടി ആവശ്യപ്പെട്ട പ്രകാരമാണ് കാര്‍ വിട്ടുകൊടുത്തതെന്നും ലാല്‍ വ്യക്തമാക്കി. നടിയെ ആക്രമിച്ചതിന് പിന്നില്‍ ഗൂഢാലോചനയുണ്ട്. ഈ ആക്രമണത്തിന് പിന്നിലെ ഗൂഢാലോചന കണ്ടെത്തണമെന്നും ലാല്‍ ആവശ്യപ്പെട്ടു. നടന്‍ ദിലീപിനെ സംഭവത്തിലേക്ക് അനാവശ്യമായി വലിച്ചിഴക്കുകയിയരുന്നു. തന്നെ സഹായിക്കാന്‍ വന്ന ആന്റോ ജോസഫിനെ ക്രൂശിക്കുന്നതില്‍ വിഷമമുണ്ട്. അദ്ദേഹം വ്യക്തമാക്കി

പള്‍സര്‍ സുനിക്കായി ഹൗസ് ബോട്ടുകളില്‍ വ്യാപക പരിശോധന

    ആലപ്പുഴ: നടിയെ തട്ടിക്കൊണ്ടുപോയി ഉപദ്രവിച്ച സംഭവത്തിലെ പ്രധാന പ്രതി പള്‍സര്‍ സുനി കുട്ടനാട്ടില്‍ ഹൗസ് ബോട്ടില്‍ ഉണ്ടെന്ന സൂചനയെ തുടര്‍ന്ന് പോലീസ് പരിശോധന നടത്തി. ഇന്നലെ രാത്രിയാണ് പോലീസിന്റെ വിവിധ സംഘങ്ങള്‍ കുട്ടനാടിന്റെ പല ഭാഗങ്ങളിലും തങ്ങുന്ന ഹൗസ് ബോട്ടുകളില്‍ പരിശോധന നടത്തിയത്. രാത്രി വൈകിയും പരിശോധന തുടരുകയാണ്. പ്രമുഖരായ പല നടന്മാര്‍ക്കും ആലപ്പുഴയില്‍ ആഡംബര ഹൗസ് ബോട്ടുകള്‍ ഉണ്ടെന്നതും അന്വേഷണത്തിന് കാരണമായിട്ടുണ്ട്. രണ്ടുദിവസം മുമ്പാണ് അമ്പലപ്പുഴയില്‍ എത്തിയ സുനി തലനാരിഴക്ക് രക്ഷപ്പെട്ടത്. ഒളിവില്‍ കഴിയാന്‍ സുഹൃത്തുക്കളില്‍നിന്ന് പണം സംഘടിപ്പിക്കാന്‍ കൂടിയാണ് ഇയാള്‍ ഇവിടെ എത്തിയത്. എന്നാല്‍, ആവശ്യപ്പെട്ട പണം ലഭിച്ചില്ല. തുടര്‍ന്ന് കായംകുളത്ത് എത്തി സ്വര്‍ണാഭരണങ്ങള്‍ പണയം വെച്ച് പണം വാങ്ങിയതായാണ് സൂചന. ടൗണിലെ ഒരു സ്വകാര്യ പണമിടപാട് സ്ഥാപനത്തില്‍ ആണ് പണയം വെച്ചത്. അന്വേഷണ സംഘത്തിന് ഇത് സംബന്ധിച്ച് സൂചന ലഭിച്ചിട്ടുണ്ട്

നടിയെ ആക്രമിച്ചസംഭവം; ഒരാള്‍ കൂടി പിടിയില്‍

        കൊച്ചി/പാലക്കാട്: നടിയെ ആക്രമിച്ച കേസിലെ പ്രധാന പ്രതികളില്‍ ഒരാള്‍ കൂടി പിടിയില്‍. ഇതോടെ കേസില്‍ പിടിയിലായവരുടെ എണ്ണം മൂന്നായി. പ്രധാന പ്രതികളിലൊരാളായ മണികണ്ഠന്‍ എന്നയാളാണ് പിടിയിലായതെന്നാണ് സൂചന. പാലക്കാട്ടെ ഒളിസങ്കേതത്തില്‍നിന്നാണ് ഇയാള്‍ പിടിയിലായത്. നടിയെ കാറില്‍ പീഡിപ്പിക്കാന്‍ ഉണ്ടായിരുന്നയാളാണ് മണികണ്ഠനെന്ന് നേരത്തേ പിടിയിലായവര്‍ പൊലീസിന് മൊഴി നല്‍കിയിരുന്നു. ഇനി പള്‍സര്‍ സുനി, വിജീഷ് എന്നിവര്‍ മാത്രമാണ് പിടിയിലാകാനുള്ളത്. ഇവരെയും ഉടന്‍ പിടികൂടാനാകുമെന്നാണ് പോലീസ് കരുതുന്നത്. കൊച്ചിയിലെ പോലീസ് സംഘമാണ് മണികണ്ഠനെ പിടികൂടിയതെന്ന് സൂചനയുണ്ട്

കൊച്ചി മെട്രോ; ആലുവ മുതല്‍ പാലാരിവട്ടം വരെ മാര്‍ച്ചില്‍ ഓടും

      കൊച്ചി: കൊച്ചി മെട്രോയുടെ നിര്‍മാണ ജോലി സമയബന്ധിതമായി നീങ്ങുന്നതിനാല്‍ ഇതുവരെ 400 കോടിയുടെ ലാഭം ഉണ്ടായതായി ഡി.എം.ആര്‍.സി മുഖ്യ ഉപദേഷ്ടാവ് ഇ. ശ്രീധരന്‍. നിര്‍മാണ പ്രവര്‍ത്തനങ്ങള്‍ സമയബന്ധിതമായി പൂര്‍ത്തീകരിക്കാനായാല്‍ പദ്ധതിവിഹിതത്തില്‍ വലിയ ലാഭം ഇനിയും കണ്ടത്തൊനാകും. മാര്‍ച്ച് അവസാനത്തോടെ ആലുവ മുതല്‍ പാലാരിവട്ടം വരെ മെട്രോ സര്‍വിസ് തുടങ്ങാനാകുമെന്നും അദ്ദേഹം വാര്‍്ത്താ ലേഖകരോട് പറഞ്ഞു. ഒന്നാം ഘട്ടമായി ആലുവ മുതല്‍ പേട്ടവരെയും രണ്ടാം ഘട്ടം പാലാരിവട്ടം മുതല്‍ കാക്കനാട് വരെയുമാണ് തീരുമാനിച്ചിട്ടുള്ളത്. മൂന്നാംഘട്ടം കൂടി അടിയന്തരമായി ആരംഭിക്കേണ്ടതുണ്ട്. നിര്‍മാണ പുരോഗതി സംബന്ധിച്ച് കഴിഞ്ഞ മാസം നടന്ന അവലോകന യോഗത്തില്‍ മഹാരാജാസ് കോളജ് വരെ ആദ്യഘട്ട സര്‍വിസ് ആരംഭിക്കണമെന്ന് മുഖ്യമന്ത്രി നിര്‍ദേശിച്ചിരുന്നു. എന്നാല്‍, ഇപ്പോള്‍ പാലാരിവട്ടം വരെ മാത്രമേ ആരംഭിക്കാന്‍ കഴിയുകയുള്ളൂവെന്നും ജൂണില്‍ മഹാരാജാസ് വരെ ഓടിത്തുടങ്ങുമെന്നും ശ്രീധരന്‍ വ്യക്തമാക്കി. ഡി.എം.ആര്‍.സിയും കൊച്ചി മെട്രോ റെയില്‍ കോര്‍പറേഷന്‍ ലിമിറ്റഡും തമ്മിലെ കരാര്‍ ഈ മാര്‍ച്ചില്‍ അവസാനിക്കും. കരാര്‍ പുതുക്കുന്നതിനെപ്പറ്റി തീരുമാനമെടുക്കേണ്ടത് കെ.എം.ആര്‍.എല്‍ ആണ്. ഭൂമിയേറ്റെടുക്കലും തൊഴിലാളി പ്രശ്‌നങ്ങളും സമരങ്ങളുമെല്ലാം നിര്‍മാണത്തെ കാര്യമായി ബാധിക്കുന്നുണ്ടെന്നും ശ്രീധരന്‍ പറഞ്ഞു

DISTRICT NEWS
MORE NEWS

© Copyright 2013 Sudinam. All rights reserved.