Cinema

        ന്യൂഡല്‍ഹി: പ്രശസത് ബോളിവുഡ് താരം ധര്‍മ്മേന്ദ്രയെ ആശുപത്രിയില്‍ പ്രവേശിപ്പിച്ചു. ഉദരസംബന്ധമായ അസുഖത്തെ തുടര്‍ന്ന് മുംബൈയിലെ നാനാവതി ആശുപത്രിയിലാണ് അദ്ദേഹത്തെ പ്രവേശിപ്പിച്ചത്. ആരോഗ്യനില മെച്ചപ്പെട്ടതായും കുറച്ചു ദിവസങ്ങള്‍ക്കകം അദ്ദേഹത്തിനു വീട്ടില്‍ പോകാന്‍ സാധിക്കുമെന്നും ഡോക്ടര്‍മാര്‍ പറഞ്ഞു. ബോളിവുഡിലെ എക്കാലത്തേയും മികച്ച ചിത്രം ഷോലെയിലെ കഥാപാത്രമാണ് ധര്‍മ്മേന്ദ്രയെ ശ്രദ്ധേയനാക്കിയത്. അനുപമ, ചുപ്‌കേ ചുപ്‌കേ, നസീബ്, ഡ്രീംഗേള്‍, ചാരസ് തുടങ്ങി നൂറോളം ചിത്രങ്ങളില്‍ ധര്‍മ്മേന്ദ്ര അഭിനയിച്ചിട്ടുണ്ട്

സെയ്ഫ്-കരീന ദമ്പതികള്‍ക്ക് ആണ്‍കുഞ്ഞ്

      മുബൈ: ബോളിവുഡ് താരം കരീന കപൂറിനും-സെയ്ഫ് അലി ഖാനും ആണ്‍കുഞ്ഞ് ജനിച്ചു. തയ്മൂര്‍ അലി ഖാന്‍ എന്നാണ് കുഞ്ഞിന്റെ പേരിട്ടത്. ബ്രീച്ച് കാന്‍ഡി ആശുപത്രിയില്‍ ഇന്ന് രാവിലെ 7.30ഓടെയാണ് കുഞ്ഞ് ജനിച്ചത്. അമ്മയും കുഞ്ഞും സുഖമായിരിക്കുന്നതായി ആശുപത്രി അധികൃതര്‍ പറഞ്ഞു. കരീനയുടെ അടുത്ത സുഹൃത്തായ സംവിധായകന്‍ കരണ്‍ ജോഹറാണ് കുഞ്ഞിനെ പേര് പുറത്തുവിട്ടത്. സെയ്ഫിന്റെയും കരീനയുടെയും ആദ്യത്തെ കുട്ടിയാണിത്. അമൃത സിംഗുമായുള്ള ആദ്യ വിവാഹത്തില്‍ സെയ്ഫിന് രണ്ട് മക്കളുണ്ട്

ചലച്ചിത്ര നടന്‍ ജഗന്നാഥ വര്‍മ അന്തരിച്ചു
സിനിമാ പ്രവര്‍ത്തകന്‍ നദീറിനെതിരെ യു.എ.പി.എ ചുമത്തി
നോട്ട് അസാധുവാക്കല്‍ ധീരമായ നടപടി: ആമീര്‍ ഖാന്‍
രാജ്യാന്തര ചലച്ചിത്ര മേള: ‘ക്ലാഷി’ന് സുവര്‍ണ ചകോരം

      തിരു: കേരളത്തിന്റെ 21മത് രാജ്യാന്തര ചലച്ചിത്ര മേളയിലെ മികച്ച ചിത്രത്തിനുള്ള സുവര്‍ണചകോരം മുഹമ്മദ് ദിയാദ് സംവിധാനം ചെയ്ത ഈജിപ്ഷ്യന്‍ ചിത്രം ക്ലാഷ് കരസ്ഥമാക്കി. ജനകീയ പ്രക്ഷോഭത്തെ തുടര്‍ന്ന് ഈജിപ്ത് ഭരണാധികാരി മുഹമ്മദ് മുര്‍സി പുറത്താക്കപ്പെട്ടതിനു ശേഷം ഈജിപ്തില്‍ നടന്ന ആഭ്യന്തര കലാപമായിരുന്നു ക്ലാഷിന്റെ ഇതിവൃത്തം. പ്രേക്ഷകരുടെ ആവശ്യപ്രകാരം മേളയില്‍ നാലു തവണ ഈ ചിത്രം പ്രദര്‍ശിപ്പിക്കപ്പെട്ടു. മികച്ച സംവിധാനത്തിനുള്ള രജതചകോരം ക്ലെയര്‍ ഒബ്‌സ് ക്വുര്‍ സംവിധാനം ചെയ്ത യെസിം ഒസ്ത ലാഗുനാണ്. നിശാഗന്ധിയില്‍ നടന്ന വര്‍ണാഭമായ സമാപനച്ചടങ്ങില്‍ മുഖ്യമന്ത്രി പിണറായി വിജയനാണ് പുരസ്‌കാരങ്ങള്‍ സമ്മാനിച്ചത്. ജൂറി ചെയര്‍മാന്‍ മിഷേല്‍ ഖലീഫി പുരസ്‌കാരങ്ങള്‍ പ്രഖ്യാപിച്ചു. 15 ലക്ഷം രൂപയാണ് സുവര്‍ണചകോരത്തിനുള്ള പുരസ്‌കാരത്തുക. മികച്ച സംവിധായകനുള്ള രജതചകോരത്തിന് നാലു ലക്ഷം രൂപയാണ് സമ്മാനത്തുക. മികച്ച നവാഗത സംവിധായിക്കുള്ള രജതചകോരം ‘മാന്‍ഹോള്‍’ സംവിധാനം ചെയ്ത വിധു വിന്‍സെന്റിന് സമ്മാനിച്ചു. മൂന്നു ലക്ഷം രൂപയാണ് സമ്മാനത്തുക. മികച്ച മലയാളചിത്രത്തിനുള്ള നെറ്റ്പാക് അവാര്‍ഡ് രാജീവ് രവി സംവിധാനം ചെയ്ത ‘കമ്മട്ടിപ്പാട’ത്തിനാണ്. മല്‍സരവിഭാഗത്തില്‍ മേളയിലെ പ്രതിനിധികളുടെ വോട്ടിങ്ങില്‍ മുന്നിലെത്തി പ്രേക്ഷകപിന്തുണ ലഭിച്ച ചിത്രത്തിനുള്ള പുരസ്‌കാരം മുഹമ്മദ് ദിയാദ് സംവിധാനം ചെയ്ത ക്ലാഷ് നേടി. രണ്ടു ലക്ഷം രൂപയാണ് സമ്മാനത്തുക. രാജ്യാന്തര ചലച്ചിത്ര നിരൂപക ഫെഡറേഷന്‍(ഫിപ്രസി) തിരഞ്ഞെടുത്ത മികച്ച മല്‍സരവിഭാഗ ചിത്രം ജാക്ക് സാഗ സംവിധാനം ചെയ്ത ‘വെയര്‍ ഹൗസ്ഡി’നാണ്. മികച്ച മലയാള സിനിമയ്ക്കുള്ള ഫിപ്രസി പുരസ്‌കാരം വിധു വിന്‍സെന്റ് വിധാനം ചെയ്ത മാന്‍ഹോള്‍ നേടി. ഏഷ്യന്‍ ചലച്ചിത്രങ്ങളുടെ പ്രോല്‍സാഹനത്തിന് നെറ്റ്‌വര്‍ക്ക് ഫോര്‍ ദ് പ്രമോഷന്‍ ഓഫ് ഏഷ്യന്‍ ഫിലിം സെന്റര്‍(നെറ്റ്പാക്) ഏര്‍പ്പെടുത്തിയ മത്സരവിഭാഗത്തിലെ മികച്ച ഏഷ്യന്‍ ചിത്രത്തിനുള്ള പുരസ്‌കാരം മുസ്തഫ കാര സംവിധാനം ചെയ്ത കോള്‍ഡ് ഓഫ് കലന്തര്‍ കരസ്ഥമാക്കി. മേളയില്‍ മികച്ച പ്രദര്‍ശന സൗകര്യമൊരുക്കിയതിന്റെ എസ്തറ്റിക് അവാര്‍ഡ് കൈരളി കെഎസ്എഫ്ഡിസി തിയറ്റര്‍ നേടി. മികച്ച സാങ്കേതിക സൗകര്യത്തിന് തിയറ്ററുകള്‍ക്ക് ഏര്‍പ്പെടുത്തിയ ടെക്‌നിക്കല്‍ അവാര്‍ഡ് ശ്രീപത്മനാഭ തിയറ്ററിനു ലഭിച്ചു. ദ്രാവിഡ ദൃശ്യതാളത്തോടെയാണ് ചലച്ചിത്രമേള കൊടിയിറങ്ങിയത്. മന്ത്രിമാരായ എകെ ബാലന്‍, കടകംപള്ളി സുരേന്ദ്രന്‍, മേയര്‍ അഡ്വ. വികെ പ്രശാന്ത്, എ സമ്പത്ത് എംപി, വിഎസ് ശിവകുമാര്‍ എംഎല്‍എ, സാംസ്‌കാരിക സെക്രട്ടറി റാണി ജോര്‍ജ്, ചലച്ചിത്ര അക്കാദമി ചെയര്‍മാന്‍ കമല്‍, വൈസ് ചെയര്‍പഴ്‌സന്‍ ബീന പോള്‍, അക്കാദമി സെക്രട്ടറി മഹേഷ് പഞ്ചു, കെഎസ്എഫ്ഡിസി ചെയര്‍മാന്‍ ലെനിന്‍ രാജേന്ദ്രന്‍ തുടങ്ങിയവര്‍ സമാപന സമ്മേളനത്തില്‍ പങ്കെടുത്തു

പ്രിയങ്ക ചോപ്ര യൂനിസെഫ് ഗുഡ്‌വില്‍ അംബാസഡര്‍
ബീപി കൂട്ടല്ലേ ബിപ്‌സ്
കമല്‍ നടത്തുന്നത് തരം താണ പകപോക്കല്‍: മാക്ട
ചലച്ചിത്രമേളയില്‍ ദേശീയ ഗാനത്തോട് അനാദരവ്; 7 പേര്‍ കസ്റ്റഡിയില്‍

        തിരു: തിരുവനന്തപുരത്ത് നടക്കുന്ന രാജ്യാന്തര ചലച്ചിത്ര മേളക്കിടെ ദേശീയ ഗാനത്തോട് അനാദരവു കാണിച്ചതിനു ആറു പേരെ പോലീസ് കസ്റ്റഡിയിലെടുത്തു. ഒരു വനിതയടക്കമുള്ളവരാണ് അറസ്റ്റിലായത്. നിശാഗന്ധി തീയേറ്ററില്‍ പ്രദര്‍ശിപ്പിച്ച ‘ക്ലാഷ്’ എന്ന ചിത്രം തുടങ്ങുന്നതിനു മുന്‍പ് ദേശീയഗാനം ആലപിക്കുമ്പോള്‍ എഴുന്നേറ്റുനില്‍ക്കാതിരുന്ന ഏഴ് പേരെ പോലീസ് കസ്റ്റഡിയിലെടുത്തത്. ദേശീയ ഗാനം ആലപിക്കുന്ന സമയത്ത് എഴുന്നേല്‍ക്കാത്തവരെ നിരീക്ഷിക്കാന്‍ കന്റോണ്‍മെന്റ് എസ്പിക്ക് ഡിജിപി ലോക്‌നാഥ് ബഹ്‌റ നിര്‍ദേശം നല്‍കിയിരുന്നു. തീയേറ്ററില്‍ ദേശീയ ഗാനം ആലപിക്കുമ്പോള്‍ ഏഴ് പേര്‍ എഴുന്നേറ്റില്ല. സമീപത്തുണ്ടായിരുന്ന പോലീസുകാരന്‍ എഴുന്നേല്‍ക്കാന്‍ ആവശ്യപ്പെട്ടെങ്കിലും ഇവര്‍ കൂട്ടാക്കിയില്ല. തുടര്‍ന്ന് ചലച്ചിത്ര അക്കാദമിയുടെ ഭാരവാഹികളായ കമലും സിബി മലയിലും എത്തി പ്രേക്ഷകരുമായി സംസാരിച്ചെങ്കിലും അവര്‍ എഴുന്നേല്‍ക്കാന്‍ കൂട്ടാക്കിയില്ല. തുടര്‍ന്നാണ് ഇവരെ കസ്റ്റഡിയിലെടുത്തത്. തിയ്യറ്ററില്‍ ദേശീയഗാനം ആലപിക്കുന്നത് നിര്‍ബന്ധമാണെന്ന് ഇയ്യിടെ സുപ്രീം കോടതി ഉത്തരവിട്ടിരുന്നു

21-ാമത് കേരള രാജ്യാന്തര ചലച്ചിത്രമേളക്ക് തിരിതെളിഞ്ഞു

        തിരു: ഇരുപത്തി ഒന്നാമത് കേരള രാജ്യാന്തര ചലച്ചിത്രമേളക്ക് തിരിതെളിഞ്ഞു. നിശാഗന്ധി ഓഡിറ്റോറിയത്തില്‍ മുഖ്യമന്ത്രി പിണറായി വിജയന്‍ മേള ഉദ്ഘാടനം ചെയ്തു. എട്ടു ദിവസങ്ങളിലായി നടക്കുന്ന ചലച്ചിത്രമേള തിരുവനന്തപുരത്തെ ഉത്സവ പ്രതീതിയാലാക്കിയെന്ന് അദ്ദേഹം പറഞ്ഞു. കേരളത്തിലെ ചലച്ചിത്രമേളയുടെ ജനകീയ മുഖം ഏറെ വലുതാണെന്നും പിണറായി കൂട്ടിച്ചേര്‍ത്തു. സാംസ്‌കാരിക മന്ത്രി എ.കെ.ബാലന്‍ അധ്യക്ഷത വഹിച്ച ചടങ്ങില്‍ അമോല്‍ പലേക്കര്‍ മുഖ്യാതിഥിയായി. ധനമന്ത്രി ഡോ. തോമസ് ഐസക് ഫെസ്റ്റിവല്‍ ബുക്ക് മേയര്‍ വി.കെ. പ്രശാന്തിന് നല്‍കി പ്രകാശനം ചെയ്യും. എം.പിമാരായ ശശി തരൂര്‍, സുരേഷ്‌ഗോപി, കെ. മുരളീധരന്‍ എം.എല്‍.എ, അക്കാദമി ചെയര്‍മാന്‍ കമല്‍, ചെയര്‍പേഴ്‌സ്ണ്‍ ബീനാപോള്‍ തുടങ്ങിയവര്‍ പങ്കെടുത്തു. ‘പാര്‍ട്ടിംഗ’് ആണ് ഉദ്ഘാടന ചിത്രം. മേളയുടെ പ്രമേയമായ അഭയാര്‍ഥി പ്രശ്‌നമാണ് ഉദ്ഘാടന ചിത്രത്തിന്റെ ഉള്ളടക്കം. അഭയാര്‍ഥി വിഭാഗത്തെ കൂടാതെ ലിംഗസമത്വം പ്രമേയമായ ജെന്‍ഡര്‍ ബെന്‍ഡര്‍ വിഭാഗവും മേളയുടെ സവിശേഷതയാണ്. 13 തീയേറ്ററുകളിലായാണ് പ്രദര്‍ശനം. ഔദ്യോഗിക ഉദ്ഘാടനം വൈകുന്നേരമാണെങ്കിലും രാവിലെ 10 മണി മുതല്‍ വിവിധ തീയേറ്ററുകളില്‍ പ്രദര്‍ശനമുണ്ടാകും. മേളയുടെ ചരിത്രത്തിലാദ്യമായി ‘ഭിന്നലിംഗക്കാര്‍ക്കായി പ്രത്യേക സൗകര്യമൊരുക്കിയിട്ടുണ്ട്. ടാഗോര്‍ തീയേറ്റര്‍, നിശാഗന്ധി, നിള, കൈരളി എന്നിവിടങ്ങളില്‍ ഇ ടോയ്‌ലറ്റ് ഉണ്ടാകും. ചലച്ചിത്രമേളയിലെ അനുഭവങ്ങള്‍ പങ്കുവയ്ക്കാന്‍ ഭിന്നലിംഗക്കാര്‍ക്കായി ഐഎഫ്എഫ്‌കെയുടെ ഔേദ്യാഗിക പേജില്‍ പ്രത്യേക സൗകര്യവുമുണ്ട്. ഇക്കുറി മേളയില്‍ ആധുനിക സാങ്കേതികവിദ്യയുടെ സാധ്യതകള്‍ പൂര്‍ണമായി ഉപയോഗപ്പെടുത്തിയിട്ടുണ്ട്. ഡെലിഗേറ്റുകള്‍ക്കുള്ള ആര്‍.എഫ്.ഐ.ഡി തിരിച്ചറിയല്‍ കാര്‍ഡ്, പ്രദര്‍ശനത്തിന്റെ വിശദാംശങ്ങള്‍ അറിയാന്‍ മൊബൈല്‍ ആപ്ലിക്കേഷന്‍, തിയേറ്ററുകളില്‍ താമസം കൂടാതെ പ്രവേശനം സാധ്യമാക്കുന്നതിന് നിയര്‍ ഫീല്‍ഡ് കമ്മ്യൂണിക്കേഷന്‍ തുടങ്ങിയ സംവിധാനങ്ങളുമുണ്ടാകും. വജ്രകേരളം ആഘോഷങ്ങളുടെ ‘ഭാഗമായി കേരളത്തിലെ തനത് കലാരൂപങ്ങള്‍ക്ക് നാളെ മുതല്‍ (10.12.2016) 15 വരെ വൈകുന്നേരം 7.30 ന് ടാഗോര്‍ തീയേറ്റര്‍ വേദിയാകും. നാടന്‍പാട്ടുകള്‍, തോല്‍പ്പാവക്കൂത്ത്, മുടിയേറ്റ്, ചവിട്ടുനാടകം, അറബനമുട്ട് തുടങ്ങിയ കലാരൂപങ്ങള്‍ അരങ്ങേറും. സീറ്റ് റിസര്‍വേഷന്‍, ബുക്ക് ചെയ്ത സീറ്റുകളുടെ വിശദാംശങ്ങള്‍, പ്രദര്‍ശന വിവരങ്ങള്‍, തീയേറ്ററുകളുടെ വിശദാംശങ്ങള്‍ എന്നിവയും ഈ ആപ്ലിക്കേഷന്‍ വഴി ലഭിക്കും. പ്രദര്‍ശനത്തില്‍ വരുത്തുന്ന മാറ്റം ഉള്‍പ്പെടെയുള്ള വിവരങ്ങള്‍ പ്രതിനിധികളെ അറിയിക്കാന്‍ എസ്.എം.എസ് സംവിധാനവും സീറ്റുകള്‍ റിസര്‍വ് ചെയ്യാന്‍ മൊബൈല്‍ നമ്പരുമുണ്ട്. 9446301234 എന്ന മൊബൈല്‍ നമ്പരിലേക്ക് സിനിമയുടെ കോഡ് അയച്ചാല്‍ സീറ്റുകള്‍ മുന്‍കൂട്ടി രജിസ്റ്റര്‍ ചെയ്യാം. ഇക്കുറി ചലച്ചിത്രമേള നല്ലൊരു അനുഭവമായിരിക്കും ഓരോ ചലചിത്രപ്രേമികള്‍ക്കും നല്‍കുക എന്ന പൂര്‍ണ്ണ വിശ്വാസത്തിലാണ് മേളയുടെ സംഘാടകര്‍

നടനും പത്രപ്രവര്‍ത്തകനുമായ ചോ രാമസ്വാമി അന്തരിച്ചു

        ചെന്നൈ: ആക്ഷേപ ഹാസ്യ സാഹിത്യകാരനും, പ്രമുഖ രാഷ്ട്രീയ നിരീക്ഷകനും സാഹിത്യകാരനും നടനും പത്രപ്രവര്‍ത്തകനും തുഗ്ലക്ക് വാരികയുടെ സ്ഥാപകനും എഡിറ്ററുമായ ചോ രാമസ്വാമി(82) അന്തരിച്ചു. ഇന്ന് പുലര്‍ച്ചെ 4.40 ന് ചെന്നൈ അപ്പോളോ ആസ്പത്രിയിലായിരുന്നു അന്ത്യം. ശ്വാസകോശ സംബന്ധമായ അസുഖത്തെ തുടര്‍ന്ന് ഏറെക്കാലമായി ചികിത്സയിലായിരുന്നു. ശ്രീനിവാസ അയ്യര്‍ രാമസ്വാമി എന്ന ചോ രാമസ്വാമി നിര്‍ഭയമായി രാഷ്ട്രീയ നേതൃത്വത്തെ തന്റെ തൂലിക കൊണ്ട് വിമര്‍ശിച്ച വ്യക്തിയായിരുന്നു. ശ്വാസ തടസം അനുഭവപ്പെട്ടതിനെ തുടര്‍ന്ന് കഴിഞ്ഞ ആഴ്ചയാണ് അപ്പോളോ ആശുപത്രിയില്‍ പ്രവേശിപ്പിച്ചത്. ആശുപത്രിയില്‍ വച്ചാണ് മരണം സംഭവിച്ചത്. ജയലളിതയുമായി ഏറ്റവും അടുപ്പമുണ്ടായിരുന്ന അപൂര്‍വം വ്യക്തിത്വങ്ങളില്‍ ഒരാള്‍ കൂടിയായിരുന്നു ചോ രാമസ്വാമി. ജയലളിത വിടപറഞ്ഞ് മണിക്കൂറുകള്‍ക്കുള്ളില്‍ ചോയും വിടപറയുന്നു. അഭിഭാഷക കുടംബത്തില്‍ ജനിച്ച് അഭിഭാഷകനായി കുറച്ച് പ്രവര്‍ത്തിച്ചു. പിന്നീട് ടിടികെ ഗ്രൂപ്പിന്റെ നിയമോപദേശകനായി. പിന്നീട് നാടക – സിനിമാ നടനായി. ഒടുവില്‍ തുഗ്ലക് എന്ന മാസിക തുടങ്ങി പത്രപ്രവര്‍ത്തകനായി പ്രശസ്തിയാര്‍ജിച്ചു. സിനിമയിലും നാടകത്തിലും അഭിനയിച്ചു ഫലിപ്പിച്ച രാഷ്ട്രീയ പരിഹാസത്തിന്റെ തുടര്‍ച്ചയായിരുന്നു അദ്ദേഹത്തിന്റെ മാഗസിനും. അദ്ദേഹത്തിന്റെ രാഷ്ട്രീയ ആക്ഷേപഹാസ്യ കുറിപ്പുകളും പ്രയോഗങ്ങളും എല്ലാകാലത്തും ചര്‍ച്ചാവിഷയമായിരുന്നു. 170 സിനിമകളില്‍ അദ്ദേഹം അഭിനയിച്ചിട്ടുണ്ട്. 4000 വേദികളില്‍ നാടകങ്ങള്‍ അവതരിപ്പിച്ചു. ഏതാണ്ട് ഇരുപത് വര്‍ഷക്കാലം തമിഴ് സിനിമാരംഗത്ത് സജീവമായിരുന്നു അദ്ദേഹം. 1999 മുതല്‍ 2005 വരെ അദ്ദേഹം രാജ്യസഭാ എം.പിയായി. കെ.ആര്‍ നാരായണന്‍ രാഷ് ട്രപതിയായിരിക്കെയാണ് അദ്ദേഹത്തെ രാജ്യസഭയിലേക്ക് നാമനിര്‍ദേശം ചെയ്തത്. നിലവിലെ പ്രധാനമന്ത്രി നരേന്ദ്ര മോദി, എല്‍.കെ അദ്വാനി, കെ.കാമരാജ്, ഇന്ദിരാഗാന്ധി, ജയപ്രകാശ് നാരായണന്‍ തുടങ്ങി വിവിധ രാഷ്ട്രീയ നേതാക്കളുമായി നല്ല ബന്ധം പുലര്‍ത്തിയിരുന്നു. അപ്പോഴും ശക്തമായി രാഷ്ട്രീയ വിമര്‍ശനം നടത്താനും അദ്ദേഹം മടിച്ചില്ല. ഭാര്യയ്ക്കും മകനും മകള്‍ക്കുമൊപ്പം ആയിരുന്നു താമസം

പാക് നടി വെടിയേറ്റ് മരിച്ചു

        ഇസ്‌ലാമാബാദ്:പ്രമുഖ പാക് നാടക നടി കിസ്മത് ബേഗ് ലാഹോറില്‍ വെടിയേറ്റു മരിച്ചു. കഴിഞ്ഞദിവസം ഒരു പരിപാടി കഴിഞ്ഞ് ഡ്രൈവര്‍ക്കും സഹായിക്കും ഒപ്പം വീട്ടിലേക്ക് മടങ്ങുന്നതിനിടെ ബൈക്കിലും കാറിലുമായി വന്ന അജ്ഞാതരായ തോക്കുധാരികള്‍ വാഹനം തടഞ്ഞുനിര്‍ത്തി ഇവര്‍ക്കുനേരെ വെടിവെക്കുകയായിരുന്നു. വെടിയേറ്റ് വീണ നടിയെ ഉടന്‍ തന്നെ സമീപത്തെ ആശുപത്രിയില്‍ എത്തിച്ചെങ്കിലും മരിച്ചിരുന്നു. ശരീരത്തില്‍ നിന്നും അനിയന്ത്രിതമായി രക്തം വാര്‍ന്നു പോയതാണ് മരണകാരണം. ആക്രമണത്തില്‍ നടിക്കൊപ്പം വാഹനത്തില്‍ ഉണ്ടായിരുന്ന ഡ്രൈവര്‍ക്കും പരിക്കേറ്റിട്ടുണ്ട്. എന്നാല്‍ ഇവരുടെ പരിക്ക് അത്ര ഗുരുതരമല്ല. സംഭവം വളരെ ആസൂത്രിതമായി നടപ്പിലാക്കിയതാണെന്നും നടി പരിപാടി കഴിഞ്ഞ് സ്‌റ്റേജ് വിട്ടപ്പോള്‍ തന്നെ പിന്തുടര്‍ന്ന സംഘമാണ് കൊലയ്ക്ക് പിന്നിലെന്നും പോലീസ് പറയുന്നു

DISTRICT NEWS
MORE NEWS

© Copyright 2013 Sudinam. All rights reserved.