Art & Culture

      മത്സ്യങ്ങളുടെ കൂട്ടം മാത്രമാണ് ചാകരയെന്നത് തെറ്റിദ്ധാരണയാണെന്നും കാറ്റ്, ഒഴുക്ക്, തിര, ചെളി തുടങ്ങിയവ കൂടിച്ചേര്‍ന്ന് സമുദ്രത്തിന്റെ അടിത്തട്ടില്‍ നിന്ന് മുകളിലേക്കുണ്ടാകുന്ന ശക്തമായ ജലപ്രവാഹമാണ് യഥാര്‍ഥ ചാകരയെന്നും പഠനം. ശാസ്ത്ര ലോകത്ത് അപ് വെല്ലിംഗ് എന്ന് അറിയപ്പെടുന്ന കടലിന്റെ അടിത്തട്ടില്‍ നിന്ന് മുകളിലേക്കുണ്ടാകുന്ന ശക്തമായ ജലപ്രവാഹം മൂലമുണ്ടാകുന്ന ഭൗതിക രൂപീകരണമാണ് ചാകരയെന്ന് നാഷണല്‍ ഇന്‍സ്റ്റിറ്റിയൂട്ട് ഓഫ് ഓഷ്യാനോഗ്രഫി(എന്‍ഐഒ) നടത്തിയ പഠനങ്ങളില്‍ നിന്നു വ്യക്തമായത്. ആഗോള താപനത്തെ തടയുന്ന ബാക്ടീരിയകളുടെ സാന്നിധ്യം അടക്കം നിരവധി ജൈവ കൗതുകങ്ങളാണ് ചാകര പ്രതിഭാസത്തില്‍ ഒളിഞ്ഞിരിക്കുന്നത്. ആഗോളതാപനത്തെ നിയന്ത്രിക്കുന്നതിന് ചാകരസഹായിക്കുന്നതായും പഠനത്തില്‍ കണ്ടെത്തി. ചാകരയോടനുബന്ധിച്ച് രൂപപ്പെടുന്ന ഫ്രജിലേറിയ, നോക്റ്റിലുക്ക, കോസിനോഡിസ്‌കസ് തുടങ്ങിയ കടലിലെ സസ്യങ്ങളെ ഭക്ഷിക്കാനാണ് മത്സ്യങ്ങള്‍ എത്തുന്നതെന്ന് സെന്‍ട്രല്‍ മറൈന്‍ ഫിഷറീസ് റിസര്‍ച്ച് ഇന്‍സ്റ്റിറ്റിയൂട്ടിലെ ശാസ്ത്രജ്ഞയായ ഡോ. വി. കൃപ പറഞ്ഞു. ഫ്രിജിലേറിയ കൂടുതലായി രൂപപ്പെടുന്ന സമയത്ത് ചാള മീനായിരിക്കും അധികമായി എത്തുക. ഇങ്ങനെ ഓരോ മത്സ്യങ്ങളുടെയും ഇഷ്ടപ്പെട്ട ആഹാരം ലഭ്യമാകുമ്പോള്‍ വ്യത്യസ്തമായ മത്സ്യങ്ങള്‍ ഇവയെ ഭക്ഷിക്കാന്‍ എത്തും. അയല, കൊഴുവ, ചെമ്മീന്‍ എന്നിവയാണ് ഇത്തരത്തില്‍ പ്രധാനമായും എത്തുന്നത്. ഇവയില്‍ ചെമ്മീന്‍ ഉപരിതലത്തില്‍ എത്തുന്നത് ഓക്‌സിജന്‍ ലഭിക്കാനാണ്. ജലം ഉപരിതലത്തിലേക്ക് പ്രവഹിക്കുമ്പോള്‍ അടിത്തട്ടിലുള്ള ഓക്‌സിജന്‍ അംശം കുറഞ്ഞ ജലമായിരിക്കും എത്തുക. അതിനനുസരിച്ച് ചെമ്മീന്‍ ഉപരിതലത്തിലേക്ക് ഉയരും. ഇത്തരത്തില്‍ എത്തുന്ന ചെറു മത്സ്യങ്ങളെ ഭക്ഷിക്കാനാണ് വലിയ മത്സ്യങ്ങള്‍ ചാകര പ്രദേശത്തേക്ക് എത്തുന്നതെന്നും അവര്‍ ചൂണ്ടിക്കാട്ടി

ഹജ്ജ്; അഞ്ചാംവര്‍ഷ അപേക്ഷകരില്‍ കേരളം രണ്ടാമത്

    കോഴിക്കോട്: ഈ വര്‍ഷത്തെ ഹജ്ജി ന് അഞ്ചാം വര്‍ഷ അപേക്ഷകരില്‍ കേരളം രണ്ടാമത്. ഗുജറാത്താണ് ഒന്നാം സ്ഥാനത്ത്. റിസര്‍വ് കാറ്റഗറിയില്‍പ്പെട്ട അഞ്ചാം വര്‍ഷക്കാരായി 20,896 പേരാണ് മൊത്തം അപേക്ഷ നല്‍കിയത്. ഇതില്‍ 9,700 പേര്‍ ഗുജറാത്തില്‍ നിന്നാണ്. കേരളത്തില്‍ നിന്ന് 9,038 പേരും മഹാരാഷ്ട്രയില്‍ നിന്ന് 2,158 പേരുമാണുള്ളത്. നിലവിലുള്ള മാനദണ്ഡം ഹജ്ജ് കമ്മിറ്റി തുടര്‍ന്നാല്‍ ഇവര്‍ക്ക് നറുക്കെടുപ്പില്ലാതെ നേരിട്ട് ഹജ്ജിന് അവസരം ലഭിച്ചേക്കും. 70 വയസ്സിന് മുകളിലുള്ള 1,733 പേരും സംസ്ഥാനത്തുനിന്ന് അപേക്ഷിച്ചിട്ടുണ്ട്. അതേസമയം, ഹജ്ജ് കമ്മിറ്റി മുഖേന ഹജ്ജിന് അപേക്ഷ നല്‍കിയവരില്‍ കൂടുതല്‍ പേരും ഈ വര്‍ഷവും കേരളത്തില്‍ നിന്നാണ്. തൊണ്ണൂറ്റയ്യായിരത്തോളം അപേക്ഷകളാണ് ഹജ്ജ് ഹൗസില്‍ ലഭിച്ചത്. അപേക്ഷകളുടെ സൂക്ഷ്മ പരിശോധന നടന്നുവരുന്നു. ഇത് പൂര്‍ത്തിയാകുന്നതോടെ മാത്രമേ കൃത്യമായ കണക്ക് ലഭിക്കൂ

ഇനി നിറച്ചാര്‍ത്തിന്റെ ദിനങ്ങള്‍; കണ്ണൂര്‍ പുഷ്‌പോത്സവം നാളെ മുതല്‍
ചരിത്രത്തിലേക്ക് വാതായനം തുറന്ന് ശിലാചിത്രങ്ങള്‍
ഹജ്ജ് ക്വാട്ട വര്‍ധിപ്പിച്ചു
കലാകിരീടം ഇത്തവണയും കോഴിക്കോടിന് തന്നെ

      കണ്ണൂര്‍: സ്‌കൂള്‍ സ്വര്‍ണക്കപ്പ് ഒരിക്കല്‍ കൂടി കോഴിക്കോടിന്. പാലക്കാടിനെ നേരിയ വ്യത്യാസത്തില്‍ മറികടന്നാണ് കോഴിക്കോട് സ്വര്‍ണക്കപ്പ് നിലനിര്‍ത്തിയത്. തുടര്‍ച്ചയായ 11ാം തവണ ജേതാക്കളായ കോഴിക്കോടിന്റെ കിരീടനേട്ടം 18 ആയി. റണ്ണേഴ്‌സ് അപ്പായ പാലക്കാട് 936 പോയന്റ് നേടി. ആതിഥേയരായ കണ്ണൂര്‍ 933 പോയന്റുമായി മൂന്നാംസ്ഥാനം സ്വന്തമാക്കി. അവസാന ദിനം കിരീടപോരാട്ടത്തിന് വെല്ലുവിളിയായി കണ്ണൂരും ഒപ്പംപിടിച്ചതോടെ മത്സരം അവസാനിച്ചിട്ടും ക്ലൈമാക്‌സ് എന്തെന്നറിയാന്‍ കാത്തിരിക്കേണ്ടി വന്നു. പാലക്കാടിന്റെ മൂന്ന് ഹയര്‍ അപ്പീലുകള്‍ തള്ളിയതോടെ കോഴിക്കോട് കിരീടം ഉറപ്പിച്ചു. അവസാന ദിനമായ ഞായറാഴ്ച നാല് ഇനങ്ങളിലാണ് മത്സരങ്ങള്‍ നടന്നത്. എച്ച്.എസ് ചേണ്ടമേളത്തില്‍ പാലക്കാടിന്റെ ജി.എച്ച്.എസ് കൊടുമുണ്ട രണ്ടാംസ്ഥാനവും കോഴിക്കോടിന്റെ ജി.വി.എച്ച്.എസ്.എസ് കൊയിലാണ്ടി മൂന്നാംസ്ഥാനവും നേടി. ഇതോടെ പാലക്കാട് മുന്നേറ്റം തുടര്‍ന്നു. ദേശഭക്തിഗാനത്തില്‍ പ്രോവിഡന്‍സ് ജി.ജി.എച്ച്.എസ്.എസ് രണ്ടാം സ്ഥാനം നേടിയതോടെ കോഴിക്കോട് പോയന്റ് വ്യത്യാസം കുറച്ചു. നാടന്‍പാട്ടില്‍ ഇരുജില്ലകള്‍ക്കും ഗ്രേഡ് മാത്രമാണ് ലഭിച്ചത്. അവസാന ഇനമായ വഞ്ചിപ്പാട്ടില്‍ കൂടുതല്‍ പോയന്റ് ലഭിക്കുന്നവര്‍ക്ക് കിരീടം ഉറപ്പായിരുന്നു. വൈകീട്ട് നാലുമണിയോടെ വഞ്ചിപ്പാട്ടിന്റെ ഫലമത്തെിയപ്പോള്‍ ചേളന്നൂര്‍ എ.കെ.കെ.ആര്‍ ഗേള്‍സ് എച്ച്.എസ്.എസിലെ കെ. സൈനിക അനൂപിന്റെ നേതൃത്വത്തിലുള്ള ടീം മൂന്നാം സ്ഥാനം നേടിയതോടെ കോഴിക്കോട് മുന്നിലത്തെി. എന്നാല്‍, പാലക്കാടിന്റെ മൂന്ന് ഹയര്‍ അപ്പീലുകള്‍ പരിഗണിക്കാനുണ്ടായിരുന്നത് പിന്നീടും പിരിമുറുക്കമേറ്റി. ഒടുവില്‍ ആറരയോടെ മൂന്ന് ഹയര്‍ അപ്പീലുകളും തള്ളിയപ്പോള്‍ കിരീടം കോഴിക്കോടിന് സ്വന്തമായി

നിറഞ്ഞൊഴുകി നിള; പാലക്കാട് മുന്നില്‍
കലാകേരളം തിങ്കളാഴ്ച കണ്ണൂരില്‍ ഉണരും
വേദികള്‍ റെഡി; കലോത്സവ തിമിര്‍പ്പിലേക്ക് കണ്ണൂര്‍
കൗമാര കലയുടെ മാമാങ്കത്തിന് തിങ്കളാഴ്ച കൊടിയേറ്റം

    കണ്ണൂര്‍: കൗമാരകലയുടെ മാമാങ്കത്തിന് തിങ്കളാഴ്ച കൊടിയുയരും. ഏഷ്യയിലെ ഏറ്റവും വലിയ കലാമേളയായ സംസ്ഥാന സ്‌കൂള്‍ കലോത്സവം കണ്ണൂര്‍ നഗരത്തിലെ 20 വേദികളിലായി തിങ്കളാഴ്ച മുതല്‍ 22 വരെ നടക്കും. ഇന്നുച്ചതിരിഞ്ഞ് കലോത്സവത്തിന്റെ വരവറിയിച്ച് വിളംബര ഘോഷയാത്ര നടക്കും. 12 അംഗ ബാന്റ് സംഘമാണ് വിളംബര ജാഥക്ക് മുന്നിലുണ്ടാവുക. റെയില്‍വെ സ്റ്റേഷന്‍ റോഡില്‍ മുത്തപ്പന്‍ ക്ഷേത്രത്തിന് സമീപത്ത് നിന്നാണ് വിളംബര ജാഥക്ക് തുടക്കം. വൈകീട്ട് ടൗണ്‍ സ്‌ക്വയറില്‍ സമാപിക്കും. സംഘാടകരും വിദ്യാര്‍ത്ഥികളും വിളംബര ഘോഷയാത്രയില്‍ സംബന്ധിക്കുമെന്ന് പബ്ലിസിറ്റി ചെയര്‍മാന്‍ പി പി ദിവ്യയും കണ്‍വീനര്‍ കെ എന്‍ വിനോദും അറിയിച്ചു. തിങ്കളാഴ്ച ഉച്ചകഴിഞ്ഞ് വര്‍ണ്ണവിസ്മയം തീര്‍ക്കുന്ന സാംസ്‌കാരിക ഘോഷയാത്രയോടെയാണ് കൗമാരകലയുടെ മാമാങ്കത്തിന്റെ തുടക്കമാകുന്നത്. ഉച്ചകഴിഞ്ഞ് 2.30ന് സെന്റ് മൈക്കിള്‍സ് സ്‌കൂള്‍ പരിസരത്ത് ഘോഷയാത്ര ഐ ജി ദിനേന്ദ്രകശ്യപ് ഫ്‌ളാഗ് ഓഫ് ചെയ്യും. ഫ്‌ളോട്ടുകള്‍ അടക്കമുള്ള വിവിധ കലാരൂപങ്ങള്‍ അണിനിരക്കും. സംസ്ഥാനത്തെമ്പാടുമുള്ള 12000 ഓളം കലാപ്രതിഭകള്‍ കലോത്സവത്തില്‍ മാറ്റുരയ്ക്കും. പോലീസ് മൈതാനത്തെ നിളാ നദിയുടെ പേരിട്ട പ്രധാന വേദിയിലാണ് ഉദ്ഘാടനം. മുഖ്യമന്ത്രി പിണറായി വിജയന്‍, മന്ത്രിമാര്‍, എം പി-എം എല്‍ എമാര്‍ തുടങ്ങിയവര്‍ പങ്കെടുക്കും. പ്രമുഖ സിനിമാതാരങ്ങളെ ഉദ്ഘാടന സമ്മേളനത്തില്‍ കൊണ്ടുവരാന്‍ ശ്രമം നടന്നുവരികയാണ്. പോലീസ് മൈതാനത്തെ പ്രധാന വേദിയുടെ നിര്‍മ്മാണം നാളെ പൂര്‍ത്തിയാകും. സ്റ്റേഡിയം ഗ്രൗണ്ടില്‍ ഒരുക്കിയ ഊട്ടുപുരയില്‍ ഞായറാഴ്ചയാണ് പാലുകാച്ച്. പഴയിടം മോഹനന്‍ നമ്പൂതിരിയുടെ നേതൃത്വത്തിലാണ് വിദ്യാര്‍ത്ഥികള്‍ക്കും അധ്യാപകര്‍ക്കും സംഘാടകര്‍ക്കും ഭക്ഷണ ക്രമീകരണങ്ങള്‍ ഒരുക്കിയിട്ടുള്ളത്. വിവിധ ജില്ലകളില്‍ നിന്ന് കണ്ണൂര്‍ റെയില്‍വെ സ്റ്റേഷനിലും ബസ് സ്റ്റാന്റിലും എത്തുന്ന മത്സരാര്‍ത്ഥികളെ കൊണ്ടുപോകാന്‍ വാഹനങ്ങളും ഏര്‍പ്പെടുത്തിയിട്ടുണ്ട്. വിവിധ സ്‌കൂളുകളില്‍ നിന്നുള്ള 25 ബസ്സുകളാണ് ഏര്‍പ്പെടുത്തിയിട്ടുള്ളത്. ഊട്ടുപുരയിലേക്കും മറ്റുവേദികളിലേക്കും എത്തിപ്പെടാനുള്ള വാഹന സൗകര്യവും ഒരുക്കിയിട്ടുണ്ട്. ഗതാഗതപ്രശ്‌നം പരിഹരിക്കാന്‍ വന്‍ പോലീസ് സന്നാഹവുമുണ്ട്. കുട്ടിപോലീസിന്റെ സേവനയും ലഭ്യമാണ്. സ്‌കൂള്‍ കലോത്സവവുമായി ബന്ധപ്പെട്ട് മന്ത്രിമാര്‍ അടക്കമുള്ള സംഘം പ്രവര്‍ത്തനങ്ങള്‍ വിലയിരുത്തി. കുടുതല്‍ ഒരുക്കങ്ങള്‍ വിശദീകരിക്കാന്‍ വിദ്യാഭ്യാസ മന്ത്രി രവീന്ദ്രനാഥും പൊതുവിദ്യാഭ്യാസ ഡയരക്ടര്‍ മോഹന്‍കുമറും, എ ഡി പി ഐ ജെസ്സി ജേക്കബും നാളെ മാധ്യമപ്രവര്‍ത്തകരെ കാണുന്നുണ്ട്. സ്‌കൂള്‍ കലോത്സവത്തിനൊപ്പം അറബിക് കലോത്സവവും സംസ്‌കൃത കലോത്സവവും നടക്കും. ഇതോടൊപ്പം 17 മുതല്‍ സാംസ്‌കാരികോത്സവും നടക്കും. കണ്ണൂര്‍ നഗരത്തില്‍ ഓടുന്ന ഓട്ടോറിക്ഷ തൊഴിലാളികള്‍ക്ക് കലോത്സവ വേദികളെ സംബന്ധിച്ച് അവബോധമുണ്ടാക്കുന്നതിന് ഗതാഗത കമ്മിറ്റി ആവിഷ്‌ക്കരിച്ച ഫെസ്റ്റ് ഓട്ടോ, ബെസ്റ്റ് ഓട്ടോ ക്യാമ്പിന്റെ ഉദ്ഘാടനം ഇന്ന് വൈകീട്ട് 4.30ന് പഴയ ബസ് സ്റ്റാന്റില്‍ ഐ ജി ദിനേന്ദ്രകശ്യപ് ഉദ്ഘാടനം ചെയ്യുമെന്ന് ട്രാന്‍സ്‌പോര്‍ട്ട് സംഘാടക സമിതി ചെയര്‍മാന്‍ പി കെ രാഗേഷും നൗഷാദ് പൂതപ്പാറയും അറിയിച്ചു

സംസ്ഥാന കലോത്സവം; ഘോഷയാത്രാ ലഹരിയില്‍ നഗരം

        കണ്ണൂര്‍: ഐക്യകേരളത്തിന്റെ അറുപതാംപിറന്നാള്‍ ആഘോഷിക്കുന്ന അവസരത്തിലാണ് കണ്ണൂര്‍ കോര്‍പ്പറേഷനില്‍ കന്നി കലോത്സവത്തിന് തിരിതെളിയുന്നത്. അതേ, സംസ്ഥാന സ്‌കൂള്‍ കലാമേളയുടെ 57-ാമത് അരങ്ങ് കണ്ണൂരില്‍ ആരംഭിക്കുമ്പോള്‍ അതിന്റെ സ്മരണക്ക് കണ്ണൂരില്‍ ഒരു വടവൃക്ഷം പടര്‍ന്ന് പന്തലിക്കും. ഇത് ആദ്യമായാണ് കലോത്സവ ആഥിത്യഭൂമിയില്‍ കലാമരം നട്ട് കലോത്സവ തിരിതെളിയിക്കുന്നത്. കലോത്സവത്തിന് മുഖ്യമന്ത്രി തിരിതെളിയിക്കും. കലോത്സവത്തിന്റെ വരവറിയിക്കുന്ന ഘോഷയാത്ര വലിയ സംഭവമാക്കാനുള്ള ഒരുക്കങ്ങള്‍ അണിയറയില്‍ ഒരുങ്ങുകയാണ്. പതിനാറിന് ഉച്ചക്ക് രണ്ടരക്ക് നടക്കുന്ന സാംസ്‌കാരിക ഘോഷയാത്ര ഈ കലാമരം വഹിച്ചുകൊണ്ടായിരിക്കും നീങ്ങുക. മുഖ്യവേദിയായ പോലീസ് മൈതാനത്ത് ഈ മരം ഒരാഴ്ച പ്രദര്‍ശിപ്പിക്കും. കലോത്സവത്തിന് തിരശ്ശീല വീഴുമ്പോള്‍ മൈതാനത്തിന്റെ ഒരുമൂലയില്‍ ഈ മരം വെച്ചുപിടിപ്പിക്കും. കലോത്സവത്തിലൂടെ പ്രകൃതിസംരക്ഷണ സന്ദേശം നല്‍കുകയാണ് ഇതിന്റെ ഉദ്ദേശം. അലങ്കരിച്ച വാഹനത്തിലാണ് കലാമരം സാംസ്‌കാരിക ഘോഷയാത്രയില്‍ കൊണ്ടുവരിക. കണ്ണൂര്‍ സെന്റ്‌മൈക്കിള്‍സ് സ്‌കൂള്‍ പരിസരത്ത് നിന്നാരംഭിക്കുന്ന ഘോഷയാത്ര പ്രഭാത് റോഡ്, ഫോര്‍ട്ട്‌റോഡ്, സ്റ്റേഷന്‍ റോഡ്, മുനിസിപ്പല്‍ ബസ് സ്റ്റാന്റ് വഴി മുഖ്യവേദിയായ പോലീസ് മൈതാനത്ത് പ്രവേശിക്കും. ഇതുവരെ നടന്ന സ്‌കൂള്‍ കലോത്സവ ഘോഷയാത്ര രീതികളെ താരതമ്യം ചെയ്യുമ്പോള്‍ കണ്ണൂരിലെ നഗരപാതക്ക് പതിനായിരത്തിലേറെ കുട്ടികളെ ഉള്‍ക്കൊള്ളാന്‍ സാധിക്കില്ല. ഇതേതുടര്‍ന്ന് കുട്ടികളുടെ എണ്ണം പകുതിയായി വെട്ടിക്കുറക്കാനാണ് സംഘാടകര്‍ തീരുമാനിച്ചിട്ടുള്ളത്. അതുകൊണ്ട് കണ്ണൂരിലെ ഘോഷയാത്രയില്‍ ഇത്തവണ അയ്യായിരത്തില്‍ താഴെ മാത്രമെ കുട്ടികള്‍ അണിനിരക്കുകയുള്ളൂ. നഗരറോഡിന് അനുസൃതമായ വീതിയിലായിരിക്കും ഘോഷയാത്ര രൂപകല്‍പ്പന ചെയ്യുക. പതിനാറിന് സെന്റ്‌മൈക്കിള്‍സ് സ്‌കൂള്‍ മൈതാനത്ത് ഐ ജി ദിനേന്ദ്രകശ്യപ് ഫഌഗ് ഓഫ് ചെയ്യും. ഘോഷയാത്രയില്‍ പെങ്കടുക്കുന്ന കുട്ടികള്‍ക്കും കലാകാരന്മാര്‍ക്കും കുടിവെള്ളം വിതരണം ചെയ്യാന്‍ മൊബൈല്‍ സ്‌ക്വാഡും ഉണ്ട്. ഘോഷയാത്രയില്‍ മന്ത്രിമാരും ജനപ്രതിനിധികളും ഉള്‍പ്പെടെയുള്ള പ്രമുഖര്‍ അണിനിരക്കും. ബാനര്‍ പിടിക്കുന്ന വിദ്യാര്‍ത്ഥികള്‍ക്കും മറ്റും ടീഷര്‍ട്ടും തൊപ്പിയും നല്‍കും. തെയ്യം, തിറ, പൂതക്കളി, നരിക്കളി, ചെണ്ടമേളം, ഡാന്‍സ്, ശിങ്കാരിമേളം, പഞ്ചവാദ്യം, കാവടിയാട്ടം, പൂക്കാവടി, പുലിക്കളി, മുത്തുക്കുടകള്‍ എന്നിവ ഘോഷയാത്രയിലുണ്ടാവും. വിവിധ സ്‌കൂളുകളുടെ നേതൃത്വത്തില്‍ ബാന്റ്‌മേളം, അറബനമുട്ട്, ഒപ്പന, കോല്‍ക്കളി, തിരുവാതിര, ദഫ്മുട്ട്, തുള്ളല്‍, നാടന്‍പാട്ട്, എന്നിവയമുണ്ടാകും. സംസ്ഥാന സ്‌കൂള്‍ കലോത്സവത്തിന്റെ മുഖ്യവേദിയായ പോലീസ് മൈതാനത്ത് സ്റ്റാളുകള്‍ സ്ഥാപിക്കുന്നതിന് അപേക്ഷ നല്‍കിയ മാധ്യങ്ങളുടെ പട്ടിക മീഡിയ കമ്മറ്റി പരിഗണിച്ച് അന്തിമ തീരുമാനമെടുക്കും. മനോരമ, ഏഷ്യാനെറ്റ്, കൈരളി, ഇന്ത്യാവിഷന്‍, സൂര്യ, ജയ്ഹിന്ദ്, ജീവന്‍, അമൃത, ജനം, സിറ്റി ചാനല്‍, റിപ്പോര്‍ട്ടര്‍, ചാനലുകള്‍ക്ക് 20 ത 10 സ്റ്റാളുകളും മാതൃഭൂമി മലയാളമനോരമ, ചന്ദ്രിക , മാധ്യമം, സുപ്രഭാതം, തേജസ്, ദേശാഭിമാനി, സിറാജ്, വീക്ഷണം, ജനയുഗം ദിനപത്രങ്ങള്‍ക്ക് 10 ത10 സ്റ്റാളുകളുമാണ് അനുവദിക്കുക. നറുക്കെടുപ്പിലൂടെയാണ് മുന്‍ഗണനാക്രമം നിശ്ചയിക്കുക. മൊത്തം 50 പവലിയനുകളുണ്ടാവും. 39 അപേക്ഷകളാണ് എത്തിയത്. സ്റ്റാളിനായി തുക നല്‍കിയവര്‍ക്ക് മാത്രമേ നറുക്കെടുപ്പില്‍ പരിഗണിക്കൂ. അനുവദിച്ച സ്റ്റാളുകള്‍ അതത് സ്ഥാപനങ്ങള്‍ തന്നെ ഉപയോഗിക്കണം. സ്റ്റാള്‍ ആവശ്യമില്ലാത്തവര്‍ നേരത്തെ അറിയിക്കണം. ജനുവരി 10ന് ശേഷം മീഡിയ പാസ് വിതരണം ചെയ്യുമെന്നാണ് സൂചന. സംസ്ഥാന സ്‌കൂള്‍ കലോത്സവത്തിന്റെ സംഘാടക സമിതി ഓഫീസ് ഭാരത് സ്‌കൗട്ട് ആന്റ് ഗൈഡ്‌സ് ഹാളില്‍ ഇന്ന് കാലത്ത് മന്ത്രി കെ കെ ശൈലജ ഉദ്ഘാടനം [&hellip

കുതിരമാളികയില്‍ സംഗീതോത്സവം

      സ്വാതിതിരുനാള്‍ സംഗീതട്രസ്റ്റിന്റെ സ്വാതി സംഗീതോത്സവം പതിനെട്ടാം വയസിലേക്ക്. ധനുമാസക്കുളിരില്‍ കോട്ടയ്ക്കകത്തെ പത്മനാഭസ്വാമിക്ഷേത്രത്തോട് ചേര്‍ന്നുള്ള കുതിരമാളികയില്‍ അരങ്ങേറുന്ന സംഗീതസാന്ദ്രമായ സന്ധ്യകള്‍ തലസ്ഥാനവാസികള്‍ക്ക് ഗൃഹാതുരമായ വിരുന്നൊരുക്കും. പതിവ്‌പോലെ ജനുവരി നാലിന് തുടങ്ങി പതിമൂന്നിന് അവസാനിക്കുന്ന സംഗീതസദ്യ 8ാം തീയതിയൊഴിച്ച് എല്ലാ ദിവസവും വൈകിട്ട് 6ന് കച്ചേരിയോടെ ആരംഭിക്കും. ചെന്നൈയിലെ മാര്‍ഗഴി സംഗീതോത്സവം പോലെ തിരുവനന്തപുരം കൊണ്ടാടുന്ന സംഗീതവിരുന്നിന് പതിവ് പോലെ ഇക്കുറിയും പാടാനും പക്കമേളമൊരുക്കാനും പ്രശസ്തരെത്തും. സഞ്ജയ് സുബ്രഹ്മണ്യനും ഒ.എസ്. അരുണും എസ്.ആര്‍. മഹാദേവശര്‍മ്മയും ബി. ഹരികുമാറും മറ്റുമൊക്കെ അരങ്ങ് തകര്‍ക്കും. ഇത്തവണ 15ാം തീയതി കുതിരമാളികയോട് ചേര്‍ന്നുള്ള എസ്.യു.ടി ചിത്രാലയത്തില്‍ പ്രിന്‍സ് രാമവര്‍മ്മയുടെ സ്‌പെഷ്യല്‍ കച്ചേരി കൂടിയുണ്ട്. ജനുവരി 6ന് പാടുന്നത് അദിതി പ്രഹ്ലാദ്. തിരുവനന്തപുരം സമ്പത്ത് (വയലിന്‍), ഡോ.ജി. ബാബു (മൃദംഗം), ആദിച്ചനല്ലൂര്‍ അനില്‍കുമാര്‍ (ഘടം), തിരുനക്കര രതീഷ് (മോര്‍സിംഗ്). ജനുവരി നാലിന് വൈകിട്ട് 6 ന് പ്രിന്‍സ് അശ്വതിതിരുനാള്‍ രാമവര്‍മ്മയുടെ കച്ചേരിയോടെയാണ് പരിപാടിയുടെ തുടക്കം. ആവണീശ്വരം എസ്.ആര്‍.വിനു (വയലിന്‍), ബി. ഹരികുമാര്‍ (മൃദംഗം), ഡോ.എസ്. കാര്‍ത്തിക് (ഘടം), പയ്യന്നൂര്‍ ഗോവിന്ദപ്രസാദ് (മോര്‍സിംഗ്) എന്നിവര്‍ പക്കമേളമൊരുക്കും. ജനുവരി 5ന് അമൃത വെങ്കടേഷ് പാടും. എം. രാജീവ് (വയലിന്‍), എസ്.ജെ. അര്‍ജുന്‍ ഗണേശ് (മൃദംഗം), ഡോ.എസ്. കാര്‍ത്തിക് (ഘടം), പയ്യന്നൂര്‍ ഗോവിന്ദപ്രസാദ് (മോര്‍സിംഗ്). ജനുവരി 7നാണ് ഒ.എസ്. അരുണിന്റെ സംഗീതക്കച്ചേരി. ആവണീശ്വരം എസ്.ആര്‍.വിനു (വയലിന്‍), ജെ. വൈദ്യനാഥന്‍ (മൃദംഗം), ഡോ.എസ്. കാര്‍ത്തിക് (ഘടം), രത്‌നശ്രി അയ്യര്‍ (തബല). ജനുവരി 9ന് വൈകിട്ട് 6 ന് ബൃന്ദ മാണിക്കവാസകന്‍ പാടുന്നു. തിരുവനന്തപുരം സമ്പത്ത് (വയലിന്‍), പാലക്കാട് മഹേഷ് കുമാര്‍ (മൃദംഗം), വാഴപ്പള്ളി കൃഷ്ണകുമാര്‍ (ഘടം), തിരുനക്കര രതീഷ് (മോര്‍സിംഗ്). ജനുവരി 10ന് താമരക്കാട് ഗോവിന്ദന്‍ നമ്പൂതിരി പാടുന്നു. ഇടപ്പള്ളി അജിത്കുമാര്‍ (വയലിന്‍), ഡോ.ജി. ബാബു (മൃദംഗം), ഉഡുപ്പി ശ്രീധര്‍ (ഘടം), കോട്ടയം മുരളി (മോര്‍സിംഗ്). ജനുവരി 11ന് അമിത് നഡിഗിന്റെ പുല്ലാങ്കുഴല്‍ കച്ചേരിയാണ്. എസ്.ആര്‍. മഹാദേവശര്‍മ്മ (വയലിന്‍), ചേര്‍ത്തല കൃഷ്ണകുമാര്‍ (മൃദംഗം), മാഞ്ഞൂര്‍ ഉണ്ണികൃഷ്ണന്‍ (ഘടം), സോമശേഖര്‍ ജോയിസ് (കൊന്നക്കോല്‍). ജനവരി 8ാംതീയതി രണ്ട് കച്ചേരികള്‍. വൈകിട്ട് 5.30ന് മഹാദേവന്റെ വീണക്കച്ചേരി. പാലക്കാട് മഹേഷ് കുമാര്‍ (മൃദംഗം), ആദിച്ചനല്ലൂര്‍ അനില്‍കുമാര്‍ (ഘടം). രാത്രി 7മണിക്ക് സുരഭി പുസ്തകം പാടുന്നു. ആനന്ദ് വിശ്വനാഥന്‍ (വയലിന്‍), പാലക്കാട് മഹേഷ് കുമാര്‍ (മൃദംഗം), ആദിച്ചനല്ലൂര്‍ അനില്‍കുമാര്‍ (ഘടം). 15ാം തീയതി വൈകിട്ട് ആറിന് ശ്രീ ഉത്രാടം തിരുനാള്‍ ചിത്രാലയത്തില്‍ പ്രിന്‍സ് രാമവര്‍മ്മയുടെ സ്‌പെഷ്യല്‍ കച്ചേരിയുണ്ടാകും. ആവണീശ്വരം എസ്.ആര്‍.വിനു (വയലിന്‍), ബി. ഹരികുമാര്‍ (മൃദംഗം), ഡോ.എസ്. കാര്‍ത്തിക് (ഘടം), പയ്യന്നൂര്‍ ഗോവിന്ദപ്രസാദ് (മോര്‍സിംഗ്). ജനുവരി 12ന് കശ്യപ് മഹേഷിന്റെ പാട്ട്. ബി. അനന്തകൃഷ്ണന്‍ (വയലിന്‍), നെയ്‌വേലി വെങ്കടേഷ് (മൃദംഗം), മാഞ്ഞൂര്‍ ഉണ്ണികൃഷ്ണന്‍ (ഘടം), ഭാഗ്യലക്ഷ്മി എം.കൃഷ്ണ (മോര്‍സിംഗ്). അവസാനദിവസമായ 13ാം തീയതിയാണ് സഞ്ജയ് സുബ്രഹ്മണ്യന്‍ പാടുക. എസ്. വരദരാജന്‍ (വയലിന്‍), നാഞ്ചില്‍ ആര്‍. അരുള്‍ (മൃദംഗം), പെരുകാവ് പി.എല്‍. സുധീര്‍ (ഘടം), ഭാഗ്യലക്ഷ്മി എം.കൃഷ്ണ (മോര്‍സിംഗ്)

ഉറുമാമ്പഴ ഉത്സവം കാണാന്‍ അല്‍ബാഹ വിളിക്കുന്നു

        ഗര്‍ഫ് ലോകത്തെ സവിസേഷ ഉത്സവമായ ഉറുമാമ്പഴ ഉത്സവത്തിന് വന്‍ തിരക്ക്. സൗദിയിലെ അല്‍ബാഹയില്‍ നടക്കുന്ന ഉത്സവത്തില്‍ പ്രദേശവാസികളും സഞ്ചാരികളും വന്‍തോതില്‍് എത്തിത്തുടങ്ങി. 180 ഓളം കര്‍ഷകര്‍ അണിനിരക്കുന്ന ഉറുമാമ്പഴോല്‍സവത്തില്‍ 250 ഓളം കൃഷിയിടങ്ങളില്‍നിന്നുള്ള പഴങ്ങളാണ് പ്രദര്‍ശിപ്പിക്കുന്നത്. മേഖലയിലെ കര്‍ഷകര്‍ വര്‍ഷത്തില്‍ 13 ടണ്‍ ഉറുമാമ്പഴം ഉല്‍പ്പാദിപ്പിക്കുന്നുണ്ട് എന്നാണ് കണക്ക്. പഴങ്ങള്‍ മാര്‍ക്കറ്റ് ചെയ്യുകയും കര്‍ഷകര്‍ക്ക് കൂടുതല്‍ ഉല്‍പാദിപ്പിക്കാനുള്ള പ്രചോദനം നല്‍കുകയുമാണ് പ്രദര്‍ശനത്തിന്റെ മുഖ്യ ലക്ഷ്യം. ‘റുമാന്‍ അല്‍ബാഹ’ പ്രദര്‍ശനത്തിന്റെ ഭാഗമായി മറ്റ് കൃഷി ഉല്‍പന്നങ്ങളുടെ പ്രദര്‍ശനവും നടക്കുന്നുണ്ട്. കൃഷിയുടെ പ്രാധാന്യത്തെക്കുറിച്ച ബോധവല്‍ക്കരണ കഌസുകളും ലഘുലേഖ വിതരണവും പ്രദര്‍ശനത്തിന്റെ ഭാഗമായി ഒരുക്കിയിട്ടുണ്ട്

DISTRICT NEWS
MORE NEWS

© Copyright 2013 Sudinam. All rights reserved.