Wednesday, May 22nd, 2019

കാര്‍ എഞ്ചിന്‍ അമിതമായി ചൂടായാല്‍

എഞ്ചിന്‍ അമിതമായി ചൂടാകുന്ന വേളയില്‍ കാറില്‍ ഹീറ്റര്‍ പ്രവര്‍ത്തിപ്പിച്ചിടുക

Published On:Dec 3, 2018 | 11:56 am

എത്ര പരിപാലിച്ചാലും കാര്‍ എഞ്ചിന്‍ ചില അവസരങ്ങളില്‍ അമിതമായി ചൂടാകും. എന്നാല്‍ യാത്രയില്‍ പ്രതീക്ഷിക്കാതെ എഞ്ചിന്‍ ചൂടായി പുകഞ്ഞാല്‍ എന്തുചെയ്യും. കാര്‍ അമിതമായി ചൂടായാല്‍ ഈ കാര്യങ്ങള്‍ ചെയ്താല്‍ മതി. 

* എഞ്ചിനില്‍ നിന്നുള്ള താപം ഉപയോഗിച്ചാണ് എസിയിലെ ഹീറ്റര്‍ സംവിധാനം പ്രവര്‍ത്തിക്കുക. അതുകൊണ്ടു എഞ്ചിന്‍ അമിതമായി ചൂടാകുന്ന വേളയില്‍ കാറില്‍ ഹീറ്റര്‍ പ്രവര്‍ത്തിപ്പിച്ചിടുക. ഇതുവഴി എഞ്ചിന്‍ താപം ക്രമപ്പെടുത്താം. ഹീറ്റര്‍ ഓണ്‍ ചെയ്തതിന് ശേഷം ഫാന്‍ വേഗത കൂട്ടുക, ഫ്രഷ് എയര്‍ മോഡിലേക്ക് മാറ്റുക. എസി വെന്റുകള്‍ തുറന്ന ജനാലകളുടെ ദിശയില്‍ നിര്‍ത്തുക. അല്ലെങ്കില്‍ ക്യാബിനില്‍ ചൂട് കൂടും.
* കൂളന്റ് നില ഇടവേളകളില്‍ പരിശോധിക്കണം. റേഡിയേറ്ററില്‍ ആവശ്യത്തിന് വെള്ളവും കൂളന്റുമില്ലെങ്കില്‍ എഞ്ചിന്‍ താപം ക്രമാതീതമായി ഉയരും. കൂളന്റ് എത്രത്തോളം വേണമെന്ന് റേഡിയേറ്റര്‍ അറയില്‍ വ്യക്തമായി നിര്‍മ്മാതാക്കള്‍ രേഖപ്പെടുത്തിയിട്ടുണ്ട്. കാര്‍ ചൂടായിരിക്കുമ്പോള്‍ കൂളന്റ് നിറയ്ക്കാന്‍ ശ്രമിക്കുന്നത് തെറ്റാണ്. ഈ അവസരത്തില്‍ പൊള്ളലേല്‍ക്കാനുള്ള സാധ്യത കൂടും.
* എഞ്ചിന്‍ അമിതമായി ചൂടായെന്ന് കണ്ടാല്‍ ഓടിക്കൊണ്ടിരിക്കുന്ന കാര്‍ സുരക്ഷിതമായി വഴിയരികില്‍ നിര്‍ത്തണം. താപം രേഖപ്പെടുത്തുന്ന മീറ്ററില്‍ സൂചിക ചുവപ്പുവര കടന്നാല്‍ ആദ്യം ബോണറ്റ് പരിശോധിക്കണം. ബോണറ്റില്‍ നിന്നും പുക ഉയരുന്നുണ്ടോയെന്ന് ശ്രദ്ധിക്കുക. റേഡിയേറ്റര്‍ കുഴലിലുള്ള ചോര്‍ച്ചയാകാം ബോണറ്റിലെ പുകയ്ക്ക് കാരണം. എഞ്ചിന്‍ തണുത്താല്‍ മാത്രമെ റേഡിയേറ്റര്‍ ചോര്‍ച്ച പരിഹരിക്കാന്‍ സാധിക്കൂ. പുക അടങ്ങിയതിന് ശേഷം മാത്രമെ ബോണറ്റ് തുറക്കാവു. അല്ലാത്തപക്ഷം പൊള്ളല്‍ ഏല്‍ക്കാനുള്ള സാധ്യത കൂടുതലാണ്. ബോണറ്റ് തുറന്നുവച്ചാല്‍ എഞ്ചിന്‍ പെട്ടെന്ന് തണുക്കും. എഞ്ചിന്‍ തണുത്തതിന് ശേഷം റേഡിയറ്ററിന് മുന്നില്‍ തടസ്സങ്ങളുണ്ടോയെന്നും പരിശോധിക്കുക.
* പ്രവര്‍ത്തിക്കാന്‍ അനുയോജ്യമായ താപത്തില്‍ എഞ്ചിന്‍ എത്തുന്നപക്ഷം കൂളിംഗ് ഫാനുകള്‍ കാറില്‍ പ്രവര്‍ത്തിക്കാറാണ് പതിവ്. തകരാറ് കാരണം കൂളിംഗ് ഫാന്‍ പ്രവര്‍ത്തിക്കുന്നില്ലെങ്കില്‍ എഞ്ചിന്‍ താപം വര്‍ധിക്കാന്‍ സാധ്യത കൂടും. കേടായ ഫ്യൂസും കൂളിംഗ് ഫാന്‍ പ്രവര്‍ത്തിക്കാതിരിക്കാനുള്ള കാരണമാണ്. റേഡിയേറ്ററിലേക്ക് വായു വലിച്ചെടുക്കുകയാണ് കൂളിംഗ് ഫാനിന്റെ ദൗത്യം. കൂളിംഗ് ഫാന്‍ പ്രവര്‍ത്തിച്ചില്ലെങ്കിലും സാധാരണ വേഗത്തില്‍ റോഡിലൂടെ നീങ്ങാന്‍ കാറിന് ബുദ്ധിമുട്ട് നേരിടില്ല. എന്നാല്‍ തിരക്ക് കാരണം കാര്‍ നിരങ്ങിയാണ് നീങ്ങുന്നതെങ്കില്‍ എഞ്ചിന്‍ താപം പെട്ടെന്ന് വര്‍ധിക്കും. കാര്‍ അമിതമായി ചൂടായെന്ന് കണ്ടാല്‍ വഴിയരികില്‍ നിര്‍ത്തി എഞ്ചിന്‍ തണുക്കും വരെ കാത്തുനില്‍ക്കണം.

LIVE NEWS - ONLINE

  • 1
    5 hours ago

    പെരിയയില്‍ ജില്ലാ കളക്ടര്‍ നാളെ നിരോധനാജ്ഞ പ്രഖ്യാപിച്ചു

  • 2
    6 hours ago

    സ്വര്‍ണക്കവര്‍ച്ച കേസ്: മുഖ്യപ്രതി പിടിയില്‍

  • 3
    13 hours ago

    യാക്കൂബ് വധം; അഞ്ച് ആര്‍.എസ്.എസ്. പ്രവര്‍ത്തകര്‍ കുറ്റക്കാര്‍

  • 4
    13 hours ago

    ആളുമാറി ശസ്ത്രക്രിയ; മനുഷ്യാവകാശ കമ്മീഷന്‍ കേസെടുത്തു

  • 5
    15 hours ago

    മാന്‍ ബുക്കര്‍ പുരസ്‌കാരം പ്രശസ്ത അറബി സാഹിത്യകാരി ജൂഖ അല്‍ഹാര്‍സിക്ക്

  • 6
    15 hours ago

    വോട്ടെണ്ണല്‍ സുൂപ്പര്‍ ഫാസ്റ്റ് വേഗത്തില്‍ വേണ്ടെന്ന് തെരഞ്ഞെടുപ്പ് കമ്മീഷന്‍

  • 7
    15 hours ago

    വോട്ടെണ്ണല്‍ പൂര്‍ത്തിയാക്കാന്‍ 10 മണിക്കൂര്‍

  • 8
    15 hours ago

    കശ്മീരില്‍ ഏറ്റുമുട്ടല്‍; രണ്ട് തീവ്രവാദികളെ വധിച്ചു

  • 9
    16 hours ago

    നടന്‍ സിദ്ദിഖിനെതിരെ മീ ടൂ ആരോപണവുമായി നടി രേവതി സമ്പത്ത്