Friday, September 21st, 2018

ബസ് തൊഴിലാളികളും മനുഷ്യരല്ലെ..!

കണ്ണൂരിലെ ബസ് തൊഴിലാളികള്‍ ബോണസ് വര്‍ധനവിന് വേണ്ടി ഈ മാസം 10 മുതല്‍ പണിമുടക്കുമെന്ന് നോട്ടീസ് നല്‍കിയിരിക്കുകയാണ്. സ്വകാര്യ ബസ് തൊഴിലാളികളുടെ സംയുക്ത സമരസമിതിയാണ് ജില്ലാ ലേബര്‍ ഓഫീസര്‍ക്കും ബസ് ഉടമസ്ഥ സംഘടനകള്‍ക്കും പണിമുടക്ക് നോട്ടീസ് നല്‍കിയത്. ഓണത്തിനും വിഷുവിനുമാണ് കണ്ണൂരിലെ ബസ് തൊഴിലാളികള്‍ക്ക് ബോണസ് നല്‍കിക്കൊണ്ടിരിക്കുന്നത്. കാലാകാലങ്ങളില്‍ ബോണസ് വര്‍ധിപ്പിക്കണമെന്നാവശ്യപ്പെടാറുണ്ട്്. തൊഴിലാളികള്‍ ആവശ്യപ്പെടുന്ന വര്‍ധനവ് നല്‍കാറില്ല. എങ്കിലും അതാത് സമയത്തെ ഒത്തുതീര്‍പ്പ് വ്യവസ്ഥയുടെ ഭാഗമായി വര്‍ധനവ് കൊടുക്കാറുമുണ്ട്്. എന്നാല്‍ ഇക്കുറി അതല്ല പ്രശ്്‌നം. തൊഴിലാളികള്‍ക്ക് ബോണസ് … Continue reading "ബസ് തൊഴിലാളികളും മനുഷ്യരല്ലെ..!"

Published On:Apr 5, 2018 | 1:55 pm

കണ്ണൂരിലെ ബസ് തൊഴിലാളികള്‍ ബോണസ് വര്‍ധനവിന് വേണ്ടി ഈ മാസം 10 മുതല്‍ പണിമുടക്കുമെന്ന് നോട്ടീസ് നല്‍കിയിരിക്കുകയാണ്. സ്വകാര്യ ബസ് തൊഴിലാളികളുടെ സംയുക്ത സമരസമിതിയാണ് ജില്ലാ ലേബര്‍ ഓഫീസര്‍ക്കും ബസ് ഉടമസ്ഥ സംഘടനകള്‍ക്കും പണിമുടക്ക് നോട്ടീസ് നല്‍കിയത്. ഓണത്തിനും വിഷുവിനുമാണ് കണ്ണൂരിലെ ബസ് തൊഴിലാളികള്‍ക്ക് ബോണസ് നല്‍കിക്കൊണ്ടിരിക്കുന്നത്.
കാലാകാലങ്ങളില്‍ ബോണസ് വര്‍ധിപ്പിക്കണമെന്നാവശ്യപ്പെടാറുണ്ട്്. തൊഴിലാളികള്‍ ആവശ്യപ്പെടുന്ന വര്‍ധനവ് നല്‍കാറില്ല. എങ്കിലും അതാത് സമയത്തെ ഒത്തുതീര്‍പ്പ് വ്യവസ്ഥയുടെ ഭാഗമായി വര്‍ധനവ് കൊടുക്കാറുമുണ്ട്്. എന്നാല്‍ ഇക്കുറി അതല്ല പ്രശ്്‌നം.
തൊഴിലാളികള്‍ക്ക് ബോണസ് ലഭിക്കാനുള്ള ശമ്പള പരിധി 3500 രൂപയില്‍ നിന്ന് 7000 രൂപയായി കേന്ദ്രസര്‍ക്കാര്‍ ഉയര്‍ത്തിയിട്ടുണ്ട്്. എന്നാല്‍ കേന്ദ്രസര്‍ക്കാര്‍ നടപ്പാക്കിയ ശമ്പള പരിധി അംഗീകരിക്കാന്‍ ബസ്സുടമകള്‍ തയ്യാറാവുന്നില്ലെന്നാണ് തൊഴിലാളി യൂനിയനുകള്‍ പറയുന്നത്. എന്നാല്‍ സ്വകാര്യ ബസ് വ്യവസായം വന്‍ പ്രതിസന്ധിയിലൂടെയാണ് കടന്നുപോകുന്നത്. അടിക്കടിയുണ്ടാവുന്ന ഇന്ധന വര്‍ധനവും സ്‌പെയര്‍പാര്‍ട്‌സുകള്‍ക്കും മറ്റുമുണ്ടായ വിലക്കയറ്റവും പുതിയ ടാക്‌സ് സമ്പ്രദായവുമൊക്കെ കൂടി തങ്ങള്‍ക്ക് താങ്ങാന്‍പറ്റാത്ത അവസ്ഥയിലൂടെ ഞെങ്ങി ഞെരുങ്ങിയാണ് ബസ് വ്യവസായം നീങ്ങുന്നതെന്നാണ് ബസ്സുടമകളുടെ വാദം. എന്നാല്‍ ബസ് ചാര്‍ജ് വര്‍ധനവിലൂടെ ഒരു പരിധിയെങ്കിലും ഇത്തരം പ്രശ്‌നങ്ങള്‍ പരിഹരിക്കാന്‍ ബസ് ഉടമകള്‍ക്ക് മാര്‍ഗം തുറന്നുകിട്ടിയിട്ടും തങ്ങളുടെ ന്യായമായ അവകാശങ്ങള്‍ ചോദിക്കുമ്പോള്‍ മുഖം തിരിഞ്ഞുനില്‍ക്കുന്ന സമ്പ്രദായമാണ് ബസ് ഉടമകള്‍ക്കുള്ളതെന്നാണ് തൊഴിലാളികല്‍ പറയുന്നത്. രണ്ട് പക്ഷത്തും അവരവരുടെ ന്യായവാദങ്ങള്‍ നിരത്താനുണ്ട്്.
കണ്ണൂരിലെ തൊഴിലാളികളെ സംബന്ധിച്ചിടത്തോളം വിഷു ഉത്സവ സീസണില്‍ തങ്ങളുടെ കുടുംബത്തോടൊപ്പം ആഘോഷിക്കണമെങ്കില്‍ ബോണസ് ലഭിച്ചേ മതിയാകൂ. ഇന്ത്യയിലെ തൊഴിലാളികള്‍ക്ക് കേന്ദ്രസര്‍ക്കാര്‍ അനുവദിച്ച ബോണസ് പരിധി തങ്ങള്‍ക്കും ലഭിക്കണമെന്ന് മാത്രമേ ഞങ്ങള്‍ ഉന്നയിക്കുന്നുള്ളൂവെന്നാണ് തൊഴിലാളി സംഘടനകള്‍ പറയുന്നത്. ഇതുസംബന്ധിച്ച് ലേബര്‍ ഓഫീസര്‍ ബസ്സുടമകളോടും തൊഴിലാളികളോടും ചര്‍ച്ച നടത്തിയെങ്കിലും ധാരണയിലെത്താന്‍ സാധിച്ചിട്ടില്ല. ഏഴാം തീയ്യതി ഇരുകൂട്ടരുടെയും യോഗം വിളിച്ചിട്ടുണ്ട്്. കടുത്ത സാമ്പത്തിക പ്രതിസന്ധിനേരിടുന്ന ഘട്ടത്തില്‍ ബസ് തൊഴിലാളികളെ സമരത്തിലേക്ക് വലിച്ചിഴക്കുന്നത് തടയുക തന്നെവേണം. എല്ലാ തൊഴിലാളികളുടെയും ബോണസ് അവരുടെ അവകാശമാണ്. അത് വിലപേശി വാങ്ങാനുള്ളതല്ല. കാലാകാലങ്ങളില്‍ ആഘോഷങ്ങള്‍ക്ക് മുന്നോടിയായി തൊഴിലാളി സംഘടനകള്‍ സമരം പ്രഖ്യാപിക്കുമ്പോള്‍ മാത്രം ബോണസ് നല്‍കേണ്ട രീതി മാറ്റേണ്ട കാലം അതിക്രമിച്ചു. കൃത്യമായ വ്യവസ്ഥയോടെ അതത് കാലഘട്ടത്തിനനുസൃതമായി സര്‍ക്കാറിന്റെ നിര്‍ദ്ദേശങ്ങള്‍ പാലിക്കപ്പെടും. തൊഴിലാളികള്‍ക്ക് ബോണസ് നല്‍കാനുള്ള അന്തരീക്ഷം സൃഷ്ടിച്ചേ പറ്റൂ.
ന്യായമായ അവകാശം അനുവദിച്ചുകിട്ടാന്‍ തൊഴിലാളികളെ സമരരംഗത്തേക്ക് വലിച്ചിഴക്കുന്ന പ്രവണത അവസാനിച്ചേ പറ്റൂ. മുതലാളിമാരും തൊഴിലാളികളും തമ്മിലുള്ള തര്‍ക്കത്തില്‍ ബലിയാടാകുന്നത് യഥാര്‍ത്ഥത്തില്‍ പൊതുസമൂഹമാണ് അഥവാ യാത്രക്കാരാണ്. മുതലാളിമാരും തൊഴിലാളികളും യാത്രക്കാരെ വലിച്ചിഴച്ചുകൊണ്ട് പണിമുടക്ക് നടത്തുന്ന രീതി പാടേ ഉപേക്ഷിക്കണം. ഇവര്‍ തമ്മിലുള്ള തര്‍ക്കത്തില്‍ പാവം യാത്രക്കാര്‍ എന്തുപിഴച്ചു. യാത്രക്കാരെ ബലിയാടാക്കിയിട്ടാണോ അവകാശങ്ങള്‍ നേടിയെടുക്കേണ്ടത്. ഒരു കാര്യം തൊഴിലാളികളും ഉടമകളും ഓര്‍ക്കുന്നത് നന്ന്. യാത്രക്കാര്‍ ഉണ്ടെങ്കിലേ ഈ വ്യവസായം നിലനില്‍ക്കൂ. ബസ്സില്‍ ആരും കയറുന്നില്ലെങ്കില്‍ തൊഴിലാളിക്കും മുതലാളിക്കും അവകാശങ്ങള്‍ക്ക് വേണ്ടി കടിപിടികൂടാന്‍ സാധിക്കുമോ? ഇക്കാര്യത്തില്‍ ഭരണകൂടം ശ്രദ്ധപുലര്‍ത്തണം. സ്വകാര്യ ബസ് പൊതുസമൂഹത്തിന് വേണ്ടിയാണ്. യാത്രക്കാരെ വലച്ചുകൊണ്ടുള്ള പണിമുടക്കിലേക്ക് ബോണസ് ചര്‍ച്ച നീങ്ങാതെ രമ്യമായി പരിഹരിക്കാന്‍ ജില്ലാ ഭരണകൂടവും ഇടപെടണം. അമാന്തം കാട്ടരുത്. അമാന്തിച്ചാല്‍ വലിയ വില കൊടുക്കേണ്ടിവരും.

LIVE NEWS - ONLINE

  • 1
    2 hours ago

    ബിഷപ്പിന്റെ അറസ്റ്റ് രേഖപ്പെടുത്തി

  • 2
    3 hours ago

    നരേന്ദ്രമോദിയേയും അമിത് ഷായേയും രൂക്ഷമായി വിമര്‍ശിച്ച് ശത്രുഘ്നന്‍ സിന്‍ഹ

  • 3
    5 hours ago

    ബിഷപ്പിനെ വൈദ്യപരിശോധനക്ക് തൃപ്പൂണിത്തുറ താലൂക്ക് ആശുപത്രിയില്‍ എത്തിച്ചു

  • 4
    5 hours ago

    ടാന്‍സാനിയയില്‍ കടത്തുബോട്ട് മറിഞ്ഞുണ്ടായ അപകടത്തില്‍ 100 പേര്‍ മരിച്ചു

  • 5
    8 hours ago

    ബിഷപ്പ് ഫ്രാങ്കോ മുളയ്ക്കല്‍ അറസ്റ്റില്‍

  • 6
    9 hours ago

    കന്യാസ്ത്രീസമരത്തെ സര്‍ക്കാര്‍ വിരുദ്ധ സമരമായി മാറ്റാന്‍ നീക്കം: കോടിയേരി

  • 7
    12 hours ago

    യുവാവ് ദുരൂഹ സാഹചര്യത്തില്‍ മരിച്ച നിലയില്‍

  • 8
    13 hours ago

    അശ്ലീല വാട്‌സാപ്പ് വീഡിയോ; മൂന്നുപേര്‍ കസ്റ്റഡിയില്‍

  • 9
    13 hours ago

    കശ്മീരില്‍ മൂന്ന് പോലീസുദ്യോഗസ്ഥരെ തീവ്രവാദികള്‍ തട്ടിക്കൊണ്ടുപോയി