Wednesday, September 19th, 2018

ബസും ടിപ്പറും കൂട്ടിയിടിച്ചു; ടിപ്പര്‍ ഡ്രൈവര്‍ മരിച്ചു

പാലക്കാട്: ചിറ്റൂര്‍ കെഎസ്ആര്‍ടിസി ബസും ടിപ്പര്‍ ലോറിയും കൂട്ടിയിടിച്ച് ടിപ്പര്‍ ഡ്രൈവര്‍ മരിച്ചു. കെഎസ്ആര്‍ടിസി ഡ്രൈവറടക്കം 12 പേര്‍ക്ക് പരിക്ക്. ടിപ്പര്‍ ലോറി ഓടിച്ചിരുന്ന പൊല്‍പ്പുള്ളി പനയൂര്‍ അത്തിക്കോട് രാജന്റെ മകന്‍ സജീവന്‍(31) ആണ് മരിച്ചത്. കൈകാലുകള്‍ക്ക് ഗുരുതരമായി പരുക്കേറ്റ ബസ് ഡ്രൈവര്‍ നല്ലേപ്പിള്ളി പന്നിപെരുന്തല കെ ബാബുവിനെ(44) തൃശൂര്‍ മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു. മറ്റുള്ളവരെ സമീപത്തെ സ്വകാര്യ ആശുപത്രിയില്‍ പ്രവേശിപ്പിച്ചു. ആലമ്പാടി സ്വദേശികളായ സന്തോഷ്(45), പ്രേമകുമാരി(45), സുല്‍ഫിയ(18), സുല്‍ത്താന്‍(45), എരുത്തേമ്പതി ജോസഫ്(26), ജയപ്രിയ(40) കരിവപ്പാറ … Continue reading "ബസും ടിപ്പറും കൂട്ടിയിടിച്ചു; ടിപ്പര്‍ ഡ്രൈവര്‍ മരിച്ചു"

Published On:Jul 10, 2018 | 8:06 am

പാലക്കാട്: ചിറ്റൂര്‍ കെഎസ്ആര്‍ടിസി ബസും ടിപ്പര്‍ ലോറിയും കൂട്ടിയിടിച്ച് ടിപ്പര്‍ ഡ്രൈവര്‍ മരിച്ചു. കെഎസ്ആര്‍ടിസി ഡ്രൈവറടക്കം 12 പേര്‍ക്ക് പരിക്ക്. ടിപ്പര്‍ ലോറി ഓടിച്ചിരുന്ന പൊല്‍പ്പുള്ളി പനയൂര്‍ അത്തിക്കോട് രാജന്റെ മകന്‍ സജീവന്‍(31) ആണ് മരിച്ചത്. കൈകാലുകള്‍ക്ക് ഗുരുതരമായി പരുക്കേറ്റ ബസ് ഡ്രൈവര്‍ നല്ലേപ്പിള്ളി പന്നിപെരുന്തല കെ ബാബുവിനെ(44) തൃശൂര്‍ മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു. മറ്റുള്ളവരെ സമീപത്തെ സ്വകാര്യ ആശുപത്രിയില്‍ പ്രവേശിപ്പിച്ചു. ആലമ്പാടി സ്വദേശികളായ സന്തോഷ്(45), പ്രേമകുമാരി(45), സുല്‍ഫിയ(18), സുല്‍ത്താന്‍(45), എരുത്തേമ്പതി ജോസഫ്(26), ജയപ്രിയ(40) കരിവപ്പാറ സ്വദേശികളായ ഷഹാബാനത്ത്(41), മുട്ടിമാമ്പള്ളം സൗമ്യ(20), നാട്ടുകല്‍ അബുതാഹിര്‍(35), കല്ലാണ്ടിചള്ള സുദേവന്‍(53), കോപ്പുമേനോന്‍ചള്ള ആറുച്ചാമി(54) എന്നിവര്‍ക്കാണ് പരുക്കേറ്റത്. ബസില്‍ 18 യാത്രക്കാരാണ് ഉണ്ടായിരുന്നത്. ഇന്നലെ രാവിലെ 6.45 ന് കൊഴിഞ്ഞാമ്പാറ നാട്ടുകല്‍ കൃഷ്ണ ഗ്യാസ് ഏജന്‍സിക്കു മുന്‍വശത്തായിരുന്നു അപകടം. ബസ് കൊഴിഞ്ഞാമ്പാറയില്‍ നിന്നും കോട്ടയത്തേക്കും ടിപ്പര്‍ നല്ലേപ്പിള്ളി ഭാഗത്ത് നിന്നും കൊഴിഞ്ഞാമ്പാറയിലേക്കും പോവുകയായിരുന്നു. ഇടിയുടെ ആഘാതത്തില്‍ പുറകിലോട്ടു നീങ്ങിയ ടിപ്പര്‍ തട്ടി അടുത്ത് നിന്ന് വൈദ്യുത തൂണ്‍ ഒടിഞ്ഞുവീണു. ചിറ്റൂരില്‍ നിന്നെത്തിയ അഗ്‌നിരക്ഷാസേനയും പോലീസും നാട്ടുകാരും ഒരു മണിക്കൂറോളം പണിപെട്ടാണ് ടിപ്പറിനകത്ത് കുടുങ്ങിയ സജീവന്റെ മൃതദേഹം പുറത്തെടുത്തത്.

LIVE NEWS - ONLINE

  • 1
    2 mins ago

    കാട്ടു പന്നിയുടെ കുത്തേറ്റ് കര്‍ക്ഷകന്‍ മരിച്ചു

  • 2
    26 mins ago

    പ്രളയ ദുരിതാശ്വാസ പട്ടികയില്‍ അനര്‍ഹരെന്ന് ചെന്നിത്തല

  • 3
    36 mins ago

    അന്താരാഷ്ട്ര ചലച്ചിത്ര മേള റദ്ദാക്കരുത്: വിഖ്യാത സംവിധായകന്‍ കിം കി ഡുക്ക്

  • 4
    40 mins ago

    പുനലൂര്‍ നിയോജക മണ്ഡലത്തില്‍ ഇന്ന് സിപിഐ ഹര്‍ത്താല്‍

  • 5
    43 mins ago

    റഷ്യയില്‍ ബസുകള്‍ തമ്മില്‍ കൂട്ടിയിടിച്ച് അഞ്ച് പേര്‍ മരിച്ചു

  • 6
    45 mins ago

    ഗള്‍ഫില്‍ വീണ്ടുമൊരു ഇന്ത്യ-പാക് ക്രിക്കറ്റ് യുദ്ധം

  • 7
    2 hours ago

    ബിഷപ് ഫ്രാങ്കോയെ ഇന്ന് തൃപ്പൂണിത്തുറയില്‍ വെച്ച് ചോദ്യം ചെയ്യും

  • 8
    12 hours ago

    മുസ്ലിം വിഭാഗക്കാര്‍ അടക്കം എല്ലാവരെയും ഉള്‍ക്കൊള്ളുന്നതാണ് ഹിന്ദുത്വമെന്ന് മോഹന്‍ ഭാഗവത്

  • 9
    14 hours ago

    എ.എം.എം.എയ്ക്ക് വീണ്ടും കത്തു നല്‍കി നടിമാര്‍