Wednesday, September 19th, 2018

ടെക്‌നിക്കല്‍ ജീവനക്കാരില്ല; ബിഎസ്എന്‍എലില്‍ പ്രതിസന്ധി രൂക്ഷം

കോഴിക്കോട്: ടെക്‌നിക്കല്‍ വിഭാഗത്തില്‍ ജീവനക്കാരുടെ കുറവ് കാരണം സേവനകാര്യത്തില്‍ ബിഎസ്എന്‍എല്‍ ഉപഭോക്താക്കള്‍ നേരിടുന്ന പ്രയാസങ്ങള്‍ രൂക്ഷമായി. 1985 മുതല്‍ നേരിടുന്ന പ്രതിസന്ധിക്ക് ഇതുവരെ പരിഹാരം കാണാന്‍ കഴിഞ്ഞിട്ടില്ല. ജൂണിയര്‍ ടെക്‌നിക്കല്‍ ഓഫീസര്‍മാര്‍ മുതല്‍ താഴോട്ടുളളവരും ഇവര്‍ക്കു കീഴിലുള്ള കരാര്‍ തൊഴിലാളികളും ഉള്‍പ്പെടുന്ന ഗ്രൂപ്പ്-സി ജീവനക്കാരുടെ വന്‍തോതിലുള്ള കുറവാണു സംസ്ഥാനത്ത്് നിലനില്‍ക്കുന്നത്. ടെക്‌നിക്കല്‍ വിഭാഗത്തില്‍ ഇപ്പോള്‍ സംസ്ഥാനത്തൊട്ടാകെ 5,000 പേര്‍ മാത്രമാണു ജോലി ചെയ്യുന്നത്. 750 ലൈനിന് ഒരാള്‍ എന്ന നിലയില്‍ ഗ്രാമീണ മേഖലയിലും 500 ലൈനുകള്‍ക്ക് ഒരാള്‍ … Continue reading "ടെക്‌നിക്കല്‍ ജീവനക്കാരില്ല; ബിഎസ്എന്‍എലില്‍ പ്രതിസന്ധി രൂക്ഷം"

Published On:Aug 23, 2013 | 5:19 pm

കോഴിക്കോട്: ടെക്‌നിക്കല്‍ വിഭാഗത്തില്‍ ജീവനക്കാരുടെ കുറവ് കാരണം സേവനകാര്യത്തില്‍ ബിഎസ്എന്‍എല്‍ ഉപഭോക്താക്കള്‍ നേരിടുന്ന പ്രയാസങ്ങള്‍ രൂക്ഷമായി. 1985 മുതല്‍ നേരിടുന്ന പ്രതിസന്ധിക്ക് ഇതുവരെ പരിഹാരം കാണാന്‍ കഴിഞ്ഞിട്ടില്ല. ജൂണിയര്‍ ടെക്‌നിക്കല്‍ ഓഫീസര്‍മാര്‍ മുതല്‍ താഴോട്ടുളളവരും ഇവര്‍ക്കു കീഴിലുള്ള കരാര്‍ തൊഴിലാളികളും ഉള്‍പ്പെടുന്ന ഗ്രൂപ്പ്-സി ജീവനക്കാരുടെ വന്‍തോതിലുള്ള കുറവാണു സംസ്ഥാനത്ത്് നിലനില്‍ക്കുന്നത്.
ടെക്‌നിക്കല്‍ വിഭാഗത്തില്‍ ഇപ്പോള്‍ സംസ്ഥാനത്തൊട്ടാകെ 5,000 പേര്‍ മാത്രമാണു ജോലി ചെയ്യുന്നത്. 750 ലൈനിന് ഒരാള്‍ എന്ന നിലയില്‍ ഗ്രാമീണ മേഖലയിലും 500 ലൈനുകള്‍ക്ക് ഒരാള്‍ എന്ന നിലയില്‍ നഗരപരിധിയിലും ജീവനക്കാര്‍ വേണമെന്നാണു ബിഎസ്എന്‍എലിന്റെ മാര്‍ഗ നിര്‍ദേശ രേഖയിലുള്ളത്. മുമ്പ് ടെലികോം ഡിപ്പാര്‍ട്ടുമെന്റ് ആയിരുന്നപ്പോഴുള്ളതും ഇതേ രീതിതന്നെയായിരുന്നു. ഈ രംഗത്ത് കരാര്‍ തൊഴിലാളികള്‍ മാത്രമാണ് ഇപ്പോള്‍ പുറംജോലിക്കായി നിയമിക്കപ്പെട്ടിട്ടുള്ളത്.
എന്നാല്‍, സംസ്ഥാനത്തൊട്ടാകെ എത്ര ആളുകളെ നിയമിക്കേണ്ടതുണ്ടെന്ന കാര്യത്തില്‍ വകുപ്പിനു വ്യക്തതയില്ല. അതുകൊണ്ടുതന്നെ പുറം ജോലിക്ക് എത്തുന്ന കരാര്‍ തൊഴിലാളികളുടെ എണ്ണത്തിലുണ്ടാകുന്ന കുറവ് പരിഹരിക്കുന്നതിലും ഓരോ പ്രദേശത്തെ ടെലിഫോണ്‍ എക്‌സ്‌ചേഞ്ചിലുള്ള ടെക്‌നിക്കല്‍ വിഭാഗത്തിലെ ജീവനക്കാരുടെ ഒഴിവുകള്‍ നികത്തുന്നതിലും ഒരു തരത്തിലുള്ള ശ്രമങ്ങളും ഉണ്ടാകുന്നില്ല.
കരാര്‍ തൊഴിലാളികള്‍ ഉള്‍പ്പെടുന്ന ടെക്‌നിക്കല്‍ വിഭാഗത്തില്‍ നിലവിലുള്ള ഒഴിവുകള്‍ നികത്തുന്നതിലുള്ള കാലതാമസമാണു പലേടത്തും തകരാറിലായ ടെലിഫോണുകള്‍ നന്നാക്കാന്‍ കഴിയാത്തതിനു കാരണമെന്നു ജീവനക്കാര്‍ പറയുന്നു. ടെലികേം വകുപ്പ് ബിഎസ്എന്‍എല്‍ ആയതോടെയാണു പ്രതിസന്ധി രൂക്ഷമായതെന്നാണു ടെക്‌നിക്കല്‍ വിഭാഗം തൊഴിലാളികള്‍ പറയുന്നു.

 

LIVE NEWS - ONLINE

  • 1
    4 hours ago

    മുല്ലപ്പള്ളി രാമചന്ദ്രന്‍ കെ.പി.സി.സി അധ്യക്ഷന്‍

  • 2
    5 hours ago

    പ്രധാനമന്ത്രിയെ കാണാന്‍ അനുമതി നല്‍കാത്തതിന്റെ വിഷമത്തില്‍ യുവതി ബസിന് തീവച്ചു

  • 3
    7 hours ago

    ചോദ്യം ചെയ്യല്‍ നാളേയും തുടരും

  • 4
    9 hours ago

    കെ. കരുണാകരന്‍ മരിച്ചത് നീതികിട്ടാതെ: നമ്പി നാരായണന്‍

  • 5
    11 hours ago

    ഓണം ബംബര്‍ തൃശൂരില്‍

  • 6
    12 hours ago

    കുമാരനല്ലൂരില്‍ റെയില്‍വേ ട്രാക്കില്‍ വിള്ളല്‍

  • 7
    13 hours ago

    സര്‍ക്കാരിന് തിരിച്ചടിയായി നീതിപീഠത്തിന്റെ ഇടപെടല്‍

  • 8
    15 hours ago

    ഇന്ധനവില ജനങ്ങളെ ബുദ്ധിമുട്ടിക്കുന്നു: കേന്ദ്ര മന്ത്രി നിതിന്‍ ഗഡ്കരി

  • 9
    15 hours ago

    കിണറ്റില്‍ വീണ് ഗൃഹനാഥന്‍ മരിച്ചു