Friday, February 22nd, 2019

നല്ല ആരോഗ്യത്തിന് ബ്രൊക്കോളി

ക്യാന്‍സര്‍ തടയാന്‍ ഏറെ സഹായിക്കുന്നു.

Published On:Aug 24, 2018 | 9:31 am

പച്ചക്കറികളും പഴവര്‍ഗങ്ങളുമെല്ലാം ആരോഗ്യത്തിന് ഏറെ മികച്ചവയാണ്. പലതരം വൈറ്റമിനുകളും ധാതുക്കളും നാരുകളുമെല്ലാം അടങ്ങിയവയാണ് പച്ചക്കറികള്‍. അത്തരത്തില്‍ പച്ചക്കറികളില്‍ ഏറെ ഗുണം ചെയ്യുന്നതാണ് ബ്രോക്കോളി. ധാരാളം മിനറല്‍സും വിറ്റാമിനുകളും അടങ്ങിയിട്ടുള്ളതിനാല്‍ ഹൃദയാരോഗ്യം സംരക്ഷിക്കുന്നതില്‍ ബ്രൊക്കോളിക്കുള്ള പങ്ക് വളരെ വലുതാണ്. ക്യാന്‍സര്‍ തടയാന്‍ ഏറെ സഹായകമാണെന്നതാണ് ഇതിന്റെ ഒരു ഗുണം. ഇതിനു പുറമെ തടി കുറയാനും മറ്റ് ഒരു പിടി ആരോഗ്യ ഗുണങ്ങള്‍ക്കായും ഇതുപയോഗിയ്ക്കുന്നതു നല്ലതാണ്.
* ബ്രോക്കോളി കഴിച്ചാലുള്ള ഗുണം
ദഹനം മെച്ചപ്പെടുത്തുന്ന ഒന്നാണ് ബ്രൊക്കോളി. ഇതിലെ നാരുകളാണ് ഇതിനു സഹായിക്കുന്നത്. നാരുകള്‍ ഉള്ളതു കൊണ്ടുതന്നെ ദഹനത്തിനും മലബന്ധം പോലുള്ള പ്രശ്നങ്ങള്‍ക്കും ഇത് ഏറെ നല്ലതാണ്.
ബിപി കുറയ്ക്കാനും ബ്രൊക്കോളി ഏറെ ഉത്തമമാണ്. ഇതിലെ സള്‍ഫറും പൊട്ടാസ്യവുമെല്ലാമാണ് ഈ ഗുണം നല്‍കുന്നത്. ഇതും ഹൃദയാരോഗ്യത്തിനു സഹായകമാണ്.
തടി കുറയ്ക്കാന്‍ പറ്റിയ നല്ലൊരു പച്ചക്കറി കൂടിയാണ് ബ്രൊക്കോളി. ഇതിലെ നാരുകളാണ് ഈ ഗുണം നല്‍കുന്നത്. വിശപ്പു കുറച്ചും ദഹനം മെച്ചപ്പെടുത്തിയുമെല്ലാം ഇതു സഹായിക്കുന്നു.
കൊളസ്ട്രോള്‍ കുറയ്ക്കാന്‍ സഹായിക്കുന്ന നല്ലൊരു പച്ചക്കറിയാണ് ബ്രൊക്കോളി. ഇതിലെ ഫൈബറാണ് ഇതിനു സഹായിക്കുന്നത്. ഫൈബര്‍ ബൈല്‍ ആസിഡുമായി ചേര്‍ത്ത് പെട്ടെന്നു തന്നെ ശരീരത്തില്‍ നിന്നും കൊളസ്ട്രോള്‍ ദഹനേന്ദ്രിയത്തില്‍ നിന്നും പുറന്തള്ളാന്‍ സഹായിക്കുന്നു.
ക്യാന്‍സറിനുള്ള ഉത്തമ ഔഷധമാണ് ബ്രൊക്കോളി. പ്രത്യേകിച്ചും കുടലിനെ ബാധിയ്ക്കുന്ന ക്യാന്‍സര്‍. ഇത് കുടലിനുണ്ടാകുന്ന വീക്കം കുറച്ചാണ് ക്യാന്‍സര്‍ കുടലിനെ ബാധിയ്ക്കുന്നതു തടയുന്നത്. ഇതിനു പുറമെ യൂറിനറി ക്യാന്‍സര്‍, ബ്രെസ്റ്റ് ക്യാന്‍സര്‍ എന്നിവ തടയാനും ഇത് ഏറെ നല്ലതാണ്. ശരീരത്തില്‍ അധികം വരുന്ന ഈസ്ട്രജന്‍ പുറന്തള്ളിയാണ് ഇത് സ്തനാര്‍ബുദം തടയുന്നത്. ബ്രൊക്കോളിയില്‍ ക്യാന്‍സര്‍ തടയാന്‍ ശേഷിയുളള പല ഘടകങ്ങളും അടങ്ങിയിട്ടുമുണ്ട്.
കണ്ണിന്റെ കാഴ്ച മെച്ചപ്പെടുത്തുന്നതിനും ഏറെ മികച്ചതാണ് ബ്രൊക്കോളി. ഇതിലെ വൈറ്റമിന്‍ എ, ബീറ്റാകരോട്ടിന്‍, ഫോസ്ഫറസ്, മറ്റു വൈറ്റമിനുകള്‍ എന്നിവ കണ്ണിന്റെ ആരോഗ്യത്തിന് ഉത്തമമാണ്.
വൈറ്റമിന്‍ കെ, കാല്‍സ്യം എന്നിവ കൂടിയ തോതില്‍ ബ്രൊക്കോളിയില്‍ അടങ്ങിയിട്ടുണ്ട്. ഇത് എല്ലിന്റെ ആരോഗ്യത്തിനും എല്ലുതേയ്മാനം പോലുളള പ്രശ്നങ്ങള്‍ തടയാനും സഹായിക്കുന്നുണ്ട്. ഇതിലെ ഫോസ്ഫറസ്, സിങ്ക്, മഗ്‌നീഷ്യം എന്നിവ കുട്ടികള്‍ക്കും പ്രായമായവര്‍ക്കും മുലയൂട്ടുന്ന അമ്മമാര്‍ക്കും ഏറെ നല്ലതാണ്.

LIVE NEWS - ONLINE

  • 1
    7 hours ago

    കശ്മീരില്‍ ഏറ്റുമുട്ടല്‍: രണ്ട് ഭീകരരെ സുരക്ഷാസേന വധിച്ചു

  • 2
    9 hours ago

    ശബരിമല വിഷയം ഉയര്‍ത്തിക്കാട്ടി സംസ്ഥാന സര്‍ക്കാരിനെ വിമര്‍ശിച്ച് അമിത്ഷാ

  • 3
    10 hours ago

    വിവാഹാഭ്യര്‍ഥന നിരസിച്ചു, തമിഴ്നാട്ടില്‍ അധ്യാപികയെ ക്ലാസ്സ് മുറിയിലിട്ട് വെട്ടിക്കൊന്നു

  • 4
    12 hours ago

    കൊല്ലപ്പെട്ടവരുടെ വീട് മുഖ്യമന്ത്രി സന്ദര്‍ശിക്കാതിരുന്നത് സുരക്ഷാ കാരണങ്ങളാല്‍: കാനം

  • 5
    13 hours ago

    പെരിയ ഇരട്ടക്കൊല; ക്രൈംബ്രാഞ്ച് അന്വേഷണം കേസ് അട്ടിമറിക്കാന്‍: ചെന്നിത്തല

  • 6
    14 hours ago

    ലാവ്‌ലിന്‍; അന്തിമവാദം ഏപ്രിലിലെന്ന് സുപ്രീം കോടതി

  • 7
    15 hours ago

    സര്‍ക്കാരിന്റെ ആയിരം ദിനാഘോഷസമ്മാനം

  • 8
    16 hours ago

    പെരിയ ഇരട്ടക്കൊല ഹീനമെന്ന് മുഖ്യമന്ത്രി

  • 9
    17 hours ago

    പെരിന്തല്‍മണ്ണ മൗലാന ആശുപത്രിയില്‍ തീപിടുത്തം