Wednesday, April 24th, 2019

ചുകപ്പ് ഭീമന്‍മാരെ തുരത്തി മൂന്നാംവട്ടവും മഞ്ഞപ്പട

റിയൊ ഡി ജനീറോ : ലോകചാമ്പ്യന്‍മാരുടെ നെഞ്ചിലേക്ക് മൂന്ന് അമ്പുകള്‍ എയ്തു കയറ്റി മഞ്ഞക്കിളികള്‍ കോണ്‍ഫെഡറേഷന്‍ കപ്പുമായി കൂടണഞ്ഞു. ഇന്നലെ ഇന്ത്യന്‍ സമയം പുലര്‍ച്ചെ മൂന്ന് മണിക്കായിരുന്നു സ്‌പെയിനിന്റെ നെഞ്ചകം തകര്‍ത്ത ബ്രസീലിയന്‍ മുന്നേറ്റം. ഗ്യാലറിയിലെ മഞ്ഞക്കടലില്‍ ഇരമ്പിയാര്‍ത്ത ആവേശത്തിരമാലകളെ സാക്ഷിയാക്കിക്കൊണ്ട് ബ്രസീല്‍ മൂന്നാമതും കപ്പില്‍ മുത്തമിട്ടു. ഫ്രെഡായിരുന്നു ഗോള്‍വേട്ടക്ക് തുടക്കമിട്ടത്. ഒന്നിനു പിറകെ മറ്റൊന്നു കൂടി. അവസാന ആണി അടിച്ചതാകട്ടെ ബ്രസീലിന്റെ പ്രിയ ഹീറോ നെയ്മറും.തൊണ്ണൂറാം സെക്കന്‍ഡിലായിരുന്നു സ്പാനിഷ് പടയുടെ നെഞ്ചുകീറിയ ഫ്രെഡിന്റെ ആദ്യഗോള്‍. വലതുവശത്ത് … Continue reading "ചുകപ്പ് ഭീമന്‍മാരെ തുരത്തി മൂന്നാംവട്ടവും മഞ്ഞപ്പട"

Published On:Jul 1, 2013 | 10:45 am

BRAZIL-CONFEDERATIONറിയൊ ഡി ജനീറോ : ലോകചാമ്പ്യന്‍മാരുടെ നെഞ്ചിലേക്ക് മൂന്ന് അമ്പുകള്‍ എയ്തു കയറ്റി മഞ്ഞക്കിളികള്‍ കോണ്‍ഫെഡറേഷന്‍ കപ്പുമായി കൂടണഞ്ഞു. ഇന്നലെ ഇന്ത്യന്‍ സമയം പുലര്‍ച്ചെ മൂന്ന് മണിക്കായിരുന്നു സ്‌പെയിനിന്റെ നെഞ്ചകം തകര്‍ത്ത ബ്രസീലിയന്‍ മുന്നേറ്റം. ഗ്യാലറിയിലെ മഞ്ഞക്കടലില്‍ ഇരമ്പിയാര്‍ത്ത ആവേശത്തിരമാലകളെ സാക്ഷിയാക്കിക്കൊണ്ട് ബ്രസീല്‍ മൂന്നാമതും കപ്പില്‍ മുത്തമിട്ടു.
ഫ്രെഡായിരുന്നു ഗോള്‍വേട്ടക്ക് തുടക്കമിട്ടത്. ഒന്നിനു പിറകെ മറ്റൊന്നു കൂടി. അവസാന ആണി അടിച്ചതാകട്ടെ ബ്രസീലിന്റെ പ്രിയ ഹീറോ നെയ്മറും.തൊണ്ണൂറാം സെക്കന്‍ഡിലായിരുന്നു സ്പാനിഷ് പടയുടെ നെഞ്ചുകീറിയ ഫ്രെഡിന്റെ ആദ്യഗോള്‍. വലതുവശത്ത് നിന്ന് ഹള്‍ക്ക് കൊടുത്ത പാസ് ബോക്‌സില്‍ കാത്തു നിന്ന നെയ്മറുടെ കാലില്‍ പതിച്ചപ്പോള്‍ സ്പാനിഷ് പടക്ക് ദുസ്സൂചനയൊന്നും കിട്ടിയില്ല. നെയ്മറുടെ കാലില്‍ നിന്ന് കറങ്ങിത്തിരിഞ്ഞ പന്ത് പിടിക്കാന്‍ നിലത്തുവീണ സ്പാനിഷ് ഗോളി കസീയസിനൊപ്പം താഴെ വീണ ഫ്രെഡ് കസീയസിന് തൊടാന്‍ കഴിയുന്നതിന് മുമ്പെ പോസ്റ്റിലേക്ക് തിരിച്ചു വിട്ടപ്പോള്‍ ഗ്യാലറിയില്‍ മഞ്ഞസുനാമി തിരകള്‍ ആഞ്ഞടിച്ചു. രണ്ടു മിനിറ്റിനകം ഒരിക്കല്‍ക്കൂടി ഫ്രെഡ് നെറ്റിലേയ്ക്ക് നിറയൊഴിച്ചപ്പോള്‍ ടിക്കി ടാക്കയെന്ന സ്പാനിഷ് തന്ത്രം കാഴ്ചക്കാരായി. ഒടുവില്‍ കളിയിലെ മൂന്നാംഗോളും ടൂര്‍ണമെന്റിലെ നാലാം ഗോളും നേടി നെയ്മര്‍ തന്റെ നിയോഗവും ബ്രസീലിന്റെ വിധിയും നിശ്ചയിക്കുകയായിരുന്നു. മറുവശത്ത് ഫെണാണ്ടോ ടോറസും പെഡ്രോയും ഡേവിഡ് സില്‍വയ്ക്ക് പകരം വന്ന യുവാന്‍ മാട്ടയുമെല്ലാം പന്ത് ലഭിക്കാനായി വേഴാമ്പലിനെ പോലെ ബ്രസീലിയന്‍ പെനാല്‍റ്റി ഏരിയയില്‍ കാത്തു നിന്നെങ്കിലും ടിക്കിടാക്കയെ പ്രതിരോധിച്ച് ബ്രസീല്‍ സ്‌പെയിനിന്റെ പാസുകള്‍ ലക്ഷ്യത്തിലെത്താതെ മുറിച്ചു. ഇതിനിടെ പിക്വെ ചുകപ്പ് കാര്‍ഡ് കണ്ട് പുറത്താകുകയും റാമോസ് ഒരു പെനാല്‍റ്റി തുലക്കുകയും ചെയ്തു. ഫാബര്‍ഗാസിനെ പുറത്തിരുത്തിയ സ്പാനിഷ് കോച്ചിന്റെ തന്ത്രം പിഴച്ചതും ലോകചാമ്പ്യന്‍മാരുടെ ദയനീയ തോല്‍വിക്ക് ആക്കം കൂട്ടി.
കോണ്‍ഫെഡറേഷന്‍സ് കപ്പിലെ ബ്രസീലിന്റെ നാലാം കിരീടമാണിത്. 1997ലെ ആദ്യ ടൂര്‍ണമെന്റിലും ബ്രസീലായിരുന്നു ജേതാക്കള്‍. ലോകകപ്പിനും യൂറോകപ്പിനും പിറകെ കോണ്‍ഫെഡറേഷന്‍സ് കപ്പ് കൂടി നേടാമെന്ന മോഹവുമായെത്തിയ സ്‌പെയിനിന് ഒടുവില്‍ മറക്കാന സമ്മാനിച്ചത് മറക്കാനാഗ്രഹിക്കുന്ന ദിവസമായിരുന്നു. അഞ്ചു ഗോളോടെ ഫെര്‍ണാണ്ടോ ടൊറസ് സുവര്‍ണപാദുകം സ്വന്തമാക്കിയതു മാത്രമായിരുന്നു സ്‌പെയിനിന്റെ ഏക ആശ്വാസം.

LIVE NEWS - ONLINE

  • 1
    9 hours ago

    ടിക് ടോക് നിരോധനം മദ്രാസ് ഹൈക്കോടതി നീക്കി

  • 2
    10 hours ago

    ശ്രീനഗറില്‍ പാക് തീവ്രവാദി പിടിയില്‍

  • 3
    12 hours ago

    കെവിന്‍ വധം; സാക്ഷി എഴു പ്രതികളെ തിരിച്ചറിഞ്ഞു

  • 4
    13 hours ago

    അരിമ്പ്രയില്‍ നടന്നത് ചീമേനി മോഡല്‍ ആക്രമണം: എം വി ജയരാജന്‍

  • 5
    15 hours ago

    ഷുഹൈബ് വധം; നാലു പ്രതികള്‍ക്ക് ജാമ്യം

  • 6
    15 hours ago

    ജയിച്ചാലും തോറ്റാലും കള്ളവോട്ടിനെതിരെ പോരാടും: കെ സുധാകരന്‍

  • 7
    15 hours ago

    ഇനി കണക്കുകൂട്ടലിന്റെ ദിനങ്ങള്‍

  • 8
    18 hours ago

    ഉയര്‍ന്ന പോളിംഗ് കോണ്‍ഗ്രസിന് ഗുണം ചെയ്യും: തരൂര്‍

  • 9
    19 hours ago

    സംസ്ഥാനത്ത് പോളിംഗ് 77.67 ശതമാനം