Thursday, April 25th, 2019

കുഴല്‍ക്കിണര്‍ നിയന്ത്രണം വിനയാകുന്നതായി കര്‍ഷകര്‍

പാലക്കാട്: പുതിയ കുഴല്‍ക്കിണര്‍ നിര്‍മാണവുമായി ബന്ധപ്പെട്ട് നിയന്ത്രണം കര്‍ഷകര്‍ക്ക് വിനയാകുന്നതായി ആരോപണം. ഭൂഗര്‍ഭജലമൂറ്റല്‍ കുറക്കുന്നതിനായി ഭൂജല അതോറിറ്റിയാണ് നിയന്ത്രണങ്ങള്‍ ഏര്‍പ്പെടുത്തിയിരിക്കുന്നത്. മുന്‍പ് 15 കുതിരശക്തിയുള്ള മോട്ടോര്‍ ഉപയോഗിച്ച് വെള്ളമൂറ്റുന്നതിന് അനുവദിച്ചിരുന്നു. എന്നാല്‍ പുതുതായി കുഴല്‍ കിണര്‍ സ്ഥാപിക്കുന്നവര്‍ക്ക് പരമാവധി അഞ്ച് കുതിരശക്തിയുള്ള മോട്ടോര്‍ സ്ഥാപിക്കാന്‍ മാത്രമാണ് അനുമതിയുള്ളത്. കൂടാതെ ആഴ്ചയില്‍ ഒരു ദിവസം 8000 ലീറ്റര്‍ വെള്ളംപമ്പിംഗ് മാത്രമാണ് അനുവാദമുള്ളത്. കുഴല്‍ക്കിണറില്‍ നിന്നു തുറന്ന കിണറിലേക്ക് വെള്ളം പമ്പ് ചെയ്യാന്‍ പാടില്ലെന്നും ഡ്രിപ്പ് ഇറിഗേഷന്‍ പദ്ധതി നടപ്പിലാക്കണമെന്നുമാണ് … Continue reading "കുഴല്‍ക്കിണര്‍ നിയന്ത്രണം വിനയാകുന്നതായി കര്‍ഷകര്‍"

Published On:Sep 17, 2013 | 2:59 pm

പാലക്കാട്: പുതിയ കുഴല്‍ക്കിണര്‍ നിര്‍മാണവുമായി ബന്ധപ്പെട്ട് നിയന്ത്രണം കര്‍ഷകര്‍ക്ക് വിനയാകുന്നതായി ആരോപണം.
ഭൂഗര്‍ഭജലമൂറ്റല്‍ കുറക്കുന്നതിനായി ഭൂജല അതോറിറ്റിയാണ് നിയന്ത്രണങ്ങള്‍ ഏര്‍പ്പെടുത്തിയിരിക്കുന്നത്. മുന്‍പ് 15 കുതിരശക്തിയുള്ള മോട്ടോര്‍ ഉപയോഗിച്ച് വെള്ളമൂറ്റുന്നതിന് അനുവദിച്ചിരുന്നു. എന്നാല്‍ പുതുതായി കുഴല്‍ കിണര്‍ സ്ഥാപിക്കുന്നവര്‍ക്ക് പരമാവധി അഞ്ച് കുതിരശക്തിയുള്ള മോട്ടോര്‍ സ്ഥാപിക്കാന്‍ മാത്രമാണ് അനുമതിയുള്ളത്. കൂടാതെ ആഴ്ചയില്‍ ഒരു ദിവസം 8000 ലീറ്റര്‍ വെള്ളംപമ്പിംഗ് മാത്രമാണ് അനുവാദമുള്ളത്. കുഴല്‍ക്കിണറില്‍ നിന്നു തുറന്ന കിണറിലേക്ക് വെള്ളം പമ്പ് ചെയ്യാന്‍ പാടില്ലെന്നും ഡ്രിപ്പ് ഇറിഗേഷന്‍ പദ്ധതി നടപ്പിലാക്കണമെന്നുമാണ് നിര്‍ദേശമുള്ളത്.
വെള്ളത്തിന്റെ തോതറിയുന്നതിനു വേണ്ടി വാട്ടര്‍ഫ്‌ളോ മീറ്റര്‍ ഘടിപ്പിക്കണമെന്നും അമിതമായി ജലചൂഷണം നടത്തിയാല്‍ പെര്‍മിറ്റ് റദ്ദാക്കുമെന്നാണ് അതോറിറ്റി അറിയിച്ചിരിക്കുന്നത്. വെള്ളമൂറ്റല്‍ കുറക്കണമെന്ന നിര്‍ദേശം കേരകര്‍ഷകരെ ഏറെ പ്രതിസന്ധിയിലാക്കും. പ്രതിദിനം തെങ്ങിന് 60 ലീറ്റര്‍ വെള്ളം നല്‍കണമെന്നാണ് കൃഷി വിദഗ്ധരുടെ നിര്‍ദേശം. പ്രതിമാസം 1800 ലീറ്റര്‍ വെള്ളം നല്‍കണമെന്നു ചുരുക്കം. ഒരു മാസം 32000 ലീറ്റര്‍ വെള്ളം ഉപയോഗിച്ച് എത്ര തെങ്ങ് നനക്കാന്‍ കഴിയുമെന്നാണ് കര്‍ഷകരുടെ ആശങ്ക. പരമാവധി
18 തെങ്ങ് നനയ്ക്കാന്‍ മാത്രമെ കഴിയുകയുള്ളു.
കൂടാതെ ഡ്രിപ്പ് സ്ഥാപിക്കുന്നതിനും മറ്റുമായി മൂന്നു ലക്ഷത്തോളം രൂപ ചെലവാകുകയും ചെയ്യും. ഇത്രയും രൂപ ചെലവാക്കി നനയ്ക്കുന്നതിനു പകരം കിണറ്റില്‍ നിന്നു കോരിയൊഴിക്കാമെന്നാണ് കര്‍ഷകരുടെ പക്ഷം. കിഴക്കന്‍മേഖലയില്‍ കുഴല്‍ക്കിണറിനെ മാത്രം ആശ്രയിച്ചു കൃഷി ചെയ്യുന്ന കര്‍ഷകരെ ഇതു പ്രതിസന്ധിയിലാക്കും. ജലസേചന സൗകര്യങ്ങളില്ലാത്ത വടകരപ്പതി, എരുത്തേമ്പതി, കൊഴിഞ്ഞാമ്പാറ പഞ്ചായത്തുകളിലെ പുതിയ കര്‍ഷകരെയാണ് ഏറെ ബാധിക്കുക.

 

LIVE NEWS - ONLINE

  • 1
    10 mins ago

    മലമ്പനി തടയാന്‍ മുന്‍കരുതല്‍ നടപടി

  • 2
    10 mins ago

    ചീഫ് ജസ്റ്റിസിനെതിരായ ഗൂഢാലോചന അന്വേഷിക്കും; സുപ്രീം കോടതി

  • 3
    2 hours ago

    വാരാണസിയില്‍ പ്രിയങ്ക ഗാന്ധി മത്സരിക്കില്ല

  • 4
    2 hours ago

    വാരാണസിയില്‍ പ്രിയങ്ക ഗാന്ധി മത്സരിക്കില്ല

  • 5
    3 hours ago

    സ്പീഡ് ഗവര്‍ണറുകള്‍ ഘടിപ്പിക്കാത്ത ബസുകള്‍ക്കെതിരെ നടപടി: മന്ത്രി ശശീന്ദ്രന്‍

  • 6
    3 hours ago

    സ്പീഡ് ഗവര്‍ണറുകള്‍ ഘടിപ്പിക്കാത്ത ബസുകള്‍ക്കെതിരെ നടപടി: മന്ത്രി ശശീന്ദ്രന്‍

  • 7
    3 hours ago

    കോടതിയെ റിമോട്ട് കണ്‍ട്രോളിലൂടെ നിയന്ത്രിക്കാന്‍ അനുവദിക്കില്ല: ജസ്റ്റിസ് അരുണ്‍ മിശ്ര

  • 8
    4 hours ago

    ദുല്‍ഖര്‍ സല്‍മാന്‍ നിര്‍മാണരംഗത്തേക്ക്

  • 9
    4 hours ago

    അറ്റകുറ്റപ്പണിക്കിടെ വിമാനത്തിന് തീ പിടിച്ചു