Tuesday, September 25th, 2018

അപകടങ്ങള്‍ക്ക് പ്രധാന കാരണം കൈനാട്ടികള്‍ സ്ഥാപിക്കാത്തത്

അന്യ സംസ്ഥാനങ്ങളില്‍ നിന്ന് മാത്രമല്ല, സമീപ ജില്ലകളില്‍ നിന്നെത്തുന്ന വാഹന ഡ്രൈവര്‍മാര്‍ പോലും ഇപ്പോള്‍ നമ്മുടെ റോഡില്‍ എത്തിയാല്‍ എങ്ങോട്ട് പോകണമെന്ന് മനസ്സിലാകാതെ വിഷമിക്കുകയാണ്.

Published On:Aug 28, 2018 | 1:52 pm

കണ്ണൂര്‍: ദേശീയ പാതയില്‍ പുതിയതെരുവിനും ചാല ബൈപ്പാസിനുമിടയില്‍ അടിക്കടിയുണ്ടാകുന്ന വാഹനാപകടങ്ങള്‍ക്ക് കാരണം റോഡരികില്‍ കൈനാട്ടികള്‍ സ്ഥാപിക്കാത്തത്. അന്യ സംസ്ഥാനങ്ങളില്‍ നിന്ന് മാത്രമല്ല, സമീപ ജില്ലകളില്‍ നിന്നെത്തുന്ന വാഹന ഡ്രൈവര്‍മാര്‍ പോലും ഇപ്പോള്‍ നമ്മുടെ റോഡില്‍ എത്തിയാല്‍ എങ്ങോട്ട് പോകണമെന്ന് മനസ്സിലാകാതെ വിഷമിക്കുകയാണ്. പ്രധാന ജംഗ്്ഷനുകളില്‍ മുമ്പ് ദിശാസൂചന നല്‍കിക്കൊണ്ടുള്ള കൈനാട്ടികള്‍ റോഡരികുകളില്‍ സ്ഥാപിക്കാറുണ്ടായിരുന്നു. വാതക ടാങ്കര്‍ ലോറി മുതല്‍ അന്യസംസ്ഥാനങ്ങളില്‍ നിന്ന് ചരക്കുമായെത്തുന്ന ലോറികള്‍ വരെയുള്ള നൂറുകണക്കിന് ചരക്ക് വാഹനങ്ങളും അതുപോലെ സമീപ ജില്ലകളില്‍ നിന്നെത്തുന്നവരും നഗരത്തിലെ പ്രധാന കവലകളിലെത്തുമ്പോള്‍ എങ്ങോട്ട് തിരിഞ്ഞ് പോകണമെന്നറിയാതെ ഏതെങ്കിലും ഭാഗത്തേക്കുള്ള റോഡുകളിലേക്ക് ദിശതെറ്റി പോവുകയാണ്്. ഇത് പലപ്പോഴും ഗതാഗതസ്തംഭനത്തിനും അപകടങ്ങള്‍ക്കും കാരണമാവുകയും ചെയ്യുന്നുണ്ടെന്നും നാട്ടുകാര്‍ പറയുന്നു. മാത്രമല്ല, പല സ്ഥലത്തും റോഡില്‍ റിഫഌക്റ്റര്‍ പതിക്കാനും അധികൃതര്‍ തയ്യാറാവുന്നില്ല.
റോഡുകളുടെ പ്രധാന കവലകള്‍ തോറും ഡ്രൈവര്‍മാര്‍ക്ക് എളുപ്പം തിരിച്ചറിയാന്‍ പാകത്തില്‍ വലിയ ദിശാ ബോര്‍ഡുകള്‍ സ്ഥാപിക്കാന്‍ ബന്ധപ്പെട്ടവര്‍ അടിയന്തര നടപടികള്‍ സ്വീകരിക്കണം. പുതിയതെരു ഭാഗത്ത് നിന്നും വരുന്ന വാഹനങ്ങള്‍ തെക്കീബസാറിലെത്തിയാല്‍ പലപ്പോഴും കക്കാട് ഭാഗത്തേക്കും ചേംബര്‍ ഹാള്‍ ഭാഗത്തെത്തുന്ന വാഹനങ്ങള്‍ സിറ്റി ഭാഗത്തേക്കും വഴിമാറി ഓടിപ്പോകുന്ന അവസ്ഥയാണ്. ഇത് പലപ്പോഴും ഗതാഗതസ്തംഭനത്തിനും അപകടങ്ങള്‍ക്കും കാരണമാവുകയും ചെയ്യുന്നു. രാത്രികാലത്താണ് പ്രധാനമായും വാഹനങ്ങള്‍ വഴിയറിയാതെ ചുറ്റിത്തിരിയുന്നത്. കാല്‍ടെക്‌സിലെത്തിയ അന്യസംസ്ഥാനത്ത് നിന്നുവന്ന ചരക്ക് ലോറികള്‍ ദിശതെറ്റി ടൗണ്‍ പോലീസ് സ്‌റ്റേഷന് മുന്നിലൂടെ ഒന്നിലേറെ തവണ വട്ടംകറങ്ങിയ സംഭവങ്ങള്‍ പോലുമുണ്ടാകു്ന്നുണ്ട്.

LIVE NEWS - ONLINE

  • 1
    48 mins ago

    ഫ്രാങ്കോയെ പി.സി ജോര്‍ജ് ജയിലില്‍ സന്ദര്‍ശിച്ചു

  • 2
    2 hours ago

    ബാലഭാസ്‌കറിന് അടിയന്തര ശസ്ത്രക്രിയ

  • 3
    4 hours ago

    തന്നെ പുറത്താക്കാന്‍ കോണ്‍ഗ്രസ് വിദേശ ശക്തികളെ കൂട്ടുപിടിക്കുന്നു: മോദി

  • 4
    5 hours ago

    സുനന്ദ കേസ്; അന്തിമ വാദം കേള്‍ക്കുന്നത് ഹൈക്കോടതി മാറ്റി

  • 5
    7 hours ago

    റഫാല്‍ ഇടപാട്; സത്യം പുറത്ത് വരണം

  • 6
    7 hours ago

    അഭിമന്യു കൊലക്കേസ്; അന്വേഷണ സംഘം കുറ്റപത്രം സമര്‍പ്പിച്ചു

  • 7
    7 hours ago

    വയനാട്ടില്‍ കര്‍ഷകന്‍ ആത്മഹത്യ ചെയ്തു

  • 8
    8 hours ago

    വൃദ്ധസദനത്തില്‍ മരിച്ച അന്തേവാസികളുടെ മൃതദേഹങ്ങള്‍ സംസ്‌കരിച്ചു

  • 9
    9 hours ago

    തെരഞ്ഞെടുപ്പില്‍ മത്സരിക്കുന്നതിന് ക്രിമിനല്‍ കേസ് അയോഗ്യതയല്ല: സുപ്രീം കോടതി