Thursday, April 25th, 2019

ബ്ലൂ വെയില്‍ ഗെയിം: ആത്മഹത്യക്ക് തുനിഞ്ഞ വിദ്യാര്‍ത്ഥിയെ രക്ഷപ്പെടുത്തി

അമ്പതാമത്തെ ലെവല്‍ പൂര്‍ത്തീകരിക്കാനായി സ്‌കൂള്‍ കെട്ടിടത്തില്‍ നിന്ന് ചാടാനൊരുങ്ങവെയാണ് അധ്യാപകരും സഹപാഠികളും ചേര്‍ന്ന് രക്ഷപ്പെടുത്തിയത്.

Published On:Aug 11, 2017 | 11:41 am

ഭോപ്പാല്‍: കൗമാരപ്രായക്കാരെ ആത്മഹത്യയിലേക്ക് തള്ളിവിടുന്ന ബ്ലൂ വെയില്‍ ഗെയിമിന്റ ഇരയാകുമായിരുന്ന വിദ്യാര്‍ത്ഥിയെ തക്കസമയത്ത് രക്ഷപ്പെടുത്തി. മധ്യപ്രദേശിലെ ഇന്‍ഡോര്‍ ചമേലിദേവി സ്‌കൂളിലെ വിദ്യാര്‍ത്ഥിയെയാണ് അധ്യാപകരും സഹപാഠികളും ചേര്‍ന്ന് രക്ഷപ്പെടുത്തിയത്.
ബ്ലൂ വെയില്‍ ഗെയിം പിന്തുടരുകയായിരുന്ന ഏഴാം ക്ലാസ് വിദ്യാര്‍ത്ഥി അമ്പതാമത്തെ ലെവല്‍ പൂര്‍ത്തീകരിക്കാനായി സ്‌കൂള്‍ കെട്ടിടത്തിന്റെ മൂന്നാംനിലയില്‍ നിന്ന് താഴേക്ക് ചാടാനൊരുങ്ങവെയാണ് അധ്യാപകരും സഹപാഠികളും ചേര്‍ന്ന് രക്ഷപ്പെടുത്തിയത്. വിദ്യാര്‍ത്ഥി മൂന്നാം നിലയിലെ ജനാലക്കുള്ളിലൂടെ പുറത്തേക്ക് കടക്കാനൊരുങ്ങുന്നതും രണ്ടു സഹപാഠികള്‍ പിന്തിരിപ്പിക്കാന്‍ ശ്രമിക്കുന്നതും കായികാധ്യാപകനായ ഫറൂഖിന്റെ ശ്രദ്ധയില്‍ പെടുകയായിരുന്നു.
പിതാവിന്റെ മൊബൈല്‍ ഫോണിലാണ് വിദ്യാര്‍ത്ഥി ബ്ലൂ വെയില്‍ ഗെയിം കളിച്ചതെന്നാണ് സൂചന. രക്ഷിതാക്കള്‍ ഇക്കാര്യം അറിഞ്ഞില്ലെന്നാണ് കരുതുന്നത്. ഗെയിം പൂര്‍ത്തിയാക്കിയാല്‍ രണ്ടു കോടി രൂപ പ്രതിഫലം ലഭിക്കുമെന്നാണത്രെ കുട്ടിയെ വിശ്വസിപ്പിച്ചത്. അതേസമയം, കുട്ടി കളിച്ചത് ബ്ലൂ വെയില്‍ ഗെയിം തന്നെയാണോ എന്ന കാര്യം പോലീസ് പൂര്‍ണമായും മുഖവിലക്കെടുത്തിട്ടില്ല. ഓരോ ലെവല്‍ പൂര്‍ത്തീകരിക്കുമ്പോഴും തിമിംഗലത്തിന്റെ രൂപത്തിലുള്ള മുറിവ് ശരീരത്തില്‍ ഏല്‍പ്പിക്കണമെന്നാണ് നിബന്ധന. കുട്ടിയുടെ ശരീരത്തില്‍ ഇത്തരം മുറിവുകള്‍ കാണാത്തതാണ് സംശയത്തിനിടയാക്കുന്നത്.
കഴിഞ്ഞ ദിവസം പഞ്ചാബില്‍ ഒരു കുട്ടി ബ്ലൂ വെയില്‍ ഗെയിം പിന്തുടര്‍ന്ന് ആത്മഹത്യ ചെയ്തതായി സൂചനയുണ്ടായിരുന്നു.

LIVE NEWS - ONLINE

  • 1
    13 mins ago

    മലമ്പനി തടയാന്‍ മുന്‍കരുതല്‍ നടപടി

  • 2
    13 mins ago

    ചീഫ് ജസ്റ്റിസിനെതിരായ ഗൂഢാലോചന അന്വേഷിക്കും; സുപ്രീം കോടതി

  • 3
    2 hours ago

    വാരാണസിയില്‍ പ്രിയങ്ക ഗാന്ധി മത്സരിക്കില്ല

  • 4
    2 hours ago

    വാരാണസിയില്‍ പ്രിയങ്ക ഗാന്ധി മത്സരിക്കില്ല

  • 5
    3 hours ago

    സ്പീഡ് ഗവര്‍ണറുകള്‍ ഘടിപ്പിക്കാത്ത ബസുകള്‍ക്കെതിരെ നടപടി: മന്ത്രി ശശീന്ദ്രന്‍

  • 6
    3 hours ago

    സ്പീഡ് ഗവര്‍ണറുകള്‍ ഘടിപ്പിക്കാത്ത ബസുകള്‍ക്കെതിരെ നടപടി: മന്ത്രി ശശീന്ദ്രന്‍

  • 7
    3 hours ago

    കോടതിയെ റിമോട്ട് കണ്‍ട്രോളിലൂടെ നിയന്ത്രിക്കാന്‍ അനുവദിക്കില്ല: ജസ്റ്റിസ് അരുണ്‍ മിശ്ര

  • 8
    4 hours ago

    ദുല്‍ഖര്‍ സല്‍മാന്‍ നിര്‍മാണരംഗത്തേക്ക്

  • 9
    4 hours ago

    അറ്റകുറ്റപ്പണിക്കിടെ വിമാനത്തിന് തീ പിടിച്ചു