Tuesday, June 25th, 2019

അമേരിക്കയില്‍ സ്‌ഫോടനം; 70 പേര്‍ മരണപ്പെട്ടതായി സംശയം

ടെക്‌സാസ് : അമേരിക്കയിലെ ടെക്‌സസിലുണ്ടായ വന്‍ സ്‌ഫോടനത്തില്‍ നിരവധി പേര്‍ മരിച്ചു.ടെക്‌സസിലെ വാസ്‌കോയിലുള്ള രാസവളം നിര്‍മാണശാലയിലാണ് സ്‌ഫോടനമുണ്ടായത്. രണ്ടു പേര്‍ മരിച്ചതായാണ് ഔദ്യോഗിക സ്ഥിരീകരണമെങ്കിലും മരണസംഖ്യ 70 കടന്നതായാണ് അനൗദ്യോഗിക റിപ്പോര്‍ട്ടുകള്‍. ഒട്ടേറെപേര്‍ ഫാക്ടറിക്കുള്ളില്‍ കുടുങ്ങിക്കിടക്കുന്നതായും റിപ്പോര്‍ട്ടുണ്ട്. നൂറിലേറെപ്പേര്‍ക്കു പരുക്കേറ്റു. ഇവരെ ആശുപത്രിയില്‍ പ്രവേശിപ്പിച്ചു. സ്‌ഫോടനത്തെ തുടര്‍ന്ന് സമീപത്തെ 75 ഓളം കെട്ടിടങ്ങള്‍ക്ക് തീപിടിച്ചു. തീവ്രവാദി ആക്രമണമല്ലെന്നാണു വാര്‍ത്താ ഏജന്‍സികളുടെ റിപ്പോര്‍ട്ട് സൂചിപ്പിക്കുന്നത്. രക്ഷാപ്രവര്‍ത്തനങ്ങള്‍ പുരോഗമിക്കുകയാണ്. ഇന്ത്യന്‍ സമയം ഇന്നു പുലര്‍ച്ചെയാണു സ്‌ഫോടനം . ഫാക്ടറിക്കു സമീപത്തെ … Continue reading "അമേരിക്കയില്‍ സ്‌ഫോടനം; 70 പേര്‍ മരണപ്പെട്ടതായി സംശയം"

Published On:Apr 18, 2013 | 6:28 pm

ടെക്‌സാസ് : അമേരിക്കയിലെ ടെക്‌സസിലുണ്ടായ വന്‍ സ്‌ഫോടനത്തില്‍ നിരവധി പേര്‍ മരിച്ചു.ടെക്‌സസിലെ വാസ്‌കോയിലുള്ള രാസവളം നിര്‍മാണശാലയിലാണ് സ്‌ഫോടനമുണ്ടായത്. രണ്ടു പേര്‍ മരിച്ചതായാണ് ഔദ്യോഗിക സ്ഥിരീകരണമെങ്കിലും മരണസംഖ്യ 70 കടന്നതായാണ് അനൗദ്യോഗിക റിപ്പോര്‍ട്ടുകള്‍. ഒട്ടേറെപേര്‍ ഫാക്ടറിക്കുള്ളില്‍ കുടുങ്ങിക്കിടക്കുന്നതായും റിപ്പോര്‍ട്ടുണ്ട്. നൂറിലേറെപ്പേര്‍ക്കു പരുക്കേറ്റു. ഇവരെ ആശുപത്രിയില്‍ പ്രവേശിപ്പിച്ചു.
സ്‌ഫോടനത്തെ തുടര്‍ന്ന് സമീപത്തെ 75 ഓളം കെട്ടിടങ്ങള്‍ക്ക് തീപിടിച്ചു. തീവ്രവാദി ആക്രമണമല്ലെന്നാണു വാര്‍ത്താ ഏജന്‍സികളുടെ റിപ്പോര്‍ട്ട് സൂചിപ്പിക്കുന്നത്. രക്ഷാപ്രവര്‍ത്തനങ്ങള്‍ പുരോഗമിക്കുകയാണ്. ഇന്ത്യന്‍ സമയം ഇന്നു പുലര്‍ച്ചെയാണു സ്‌ഫോടനം .
ഫാക്ടറിക്കു സമീപത്തെ ഒരു സ്‌കൂളിനും നഴ്‌സിംഗ് ഹോമിനും തീപിടിച്ചു. ഫെഡറല്‍ എമര്‍ജന്‍സി മാനേജ്‌മെന്റ് എജന്‍സിയുടെ നേതൃത്വത്തില്‍ ടെക്‌സസ് സംസ്ഥാനത്തിന്റെയും ഫെഡറല്‍ സര്‍ക്കാറിന്റെയും ദുരിതനിവാരണ പ്രവര്‍ത്തനങ്ങള്‍ ആരംഭിച്ചതായി വൈറ്റ്ഹൗസ് വൃത്തങ്ങള്‍ അറിയിച്ചു.
ബോസ്റ്റണ്‍ മാരത്തണിലെ സ്‌ഫോടനവാര്‍ത്തകള്‍ക്കും യുഎസ് സെനറ്റര്‍ക്ക് മാരകവിഷമടങ്ങിയ കത്തു ലഭിച്ച സംഭവത്തിനും പിന്നാലെ ഇന്നത്തെ സ്‌ഫോടനം അമേരിക്കയെ പിടിച്ചുലച്ചു. ബോസ്റ്റണില്‍ മാരത്തണ്‍ മല്‍സരത്തിനിടെ കഴിഞ്ഞ ദിവസമുണ്ടായ സ്‌ഫോടനത്തില്‍ മൂന്നു പേര്‍ കൊല്ലപ്പെടുകയും 141 പേര്‍ക്കു പരുക്കേല്‍ക്കുകയും ചെയ്തിരുന്നു.

LIVE NEWS - ONLINE

  • 1
    48 mins ago

    ജാമ്യഹര്‍ജിയില്‍ വിധി വരും വരെ ബിനോയിയെ അറസ്റ്റ് ചെയ്യില്ല

  • 2
    3 hours ago

    റിമാന്റ് പ്രതിയുടെ മരണം; എട്ട് പോലീസുകാരെ സ്ഥലം മാറ്റി

  • 3
    4 hours ago

    മലപ്പുറം ജില്ല വിഭജനം അശാസ്ത്രീയം

  • 4
    6 hours ago

    മൊറട്ടോറിയം; റിസര്‍വ് ബാങ്കിനെ നേരില്‍ സമീപിക്കും: മുഖ്യമന്ത്രി

  • 5
    7 hours ago

    സര്‍വകാല റിക്കാര്‍ഡ് ഭേദിച്ച് സ്വര്‍ണ വില കുതിക്കുന്നു

  • 6
    7 hours ago

    പ്രവാസി വ്യവസായിയുടെ ആത്മഹത്യ: നഗരസഭാ അധ്യക്ഷക്കെതിരെ തെളിവില്ല

  • 7
    7 hours ago

    കണ്ണൂര്‍ സെന്‍ട്രല്‍ ജയിലില്‍ നാലാം ദിനവും റെയ്ഡ്

  • 8
    8 hours ago

    പ്രളയത്തില്‍ 15,394 വീടുകള്‍ തകര്‍ന്നു: മന്ത്രി

  • 9
    8 hours ago

    ദിഷ പട്ടാണിയും ടൈഗര്‍ ഷ്‌റോഫും വേര്‍പിരിയുന്നു