Thursday, October 18th, 2018

കറുത്ത സ്റ്റിക്കര്‍ പ്രചരണത്തിന് പിന്നിലാര്

കേരളത്തിന്റെ പല ഭാഗങ്ങളിലെ വീടുകളില്‍ അര്‍ധരാത്രിയില്‍ അജ്ഞാതസംഘം കറുത്ത സ്റ്റിക്കര്‍ പതിച്ചുവെന്ന പ്രചരണം ജനങ്ങള്‍ക്കിടയില്‍ പരിഭ്രാന്തിക്കിടയാക്കി. സമൂഹ മാധ്യമങ്ങളില്‍ ഇതുസംബന്ധിച്ച് സന്ദേശങ്ങളും പ്രചരിച്ചു. കവര്‍ച്ചക്കാര്‍ക്ക് തിരിച്ചറിയാന്‍ വേണ്ടിയാണ് കറുത്ത സ്റ്റിക്കര്‍ വീടുകളിലും മറ്റും പതിക്കുന്നതെന്നാണ് പ്രചരണം. ഈ സന്ദര്‍ഭത്തില്‍ തന്നെ സംസ്ഥാനത്തെ വിവിധയിടത്ത് കൊലപാതകങ്ങളും കവര്‍ച്ചയും നടന്നു. കൊലപാതകങ്ങളും സ്റ്റിക്കറും ഒരു നാണയത്തിന്റെ രണ്ടുവശമെന്ന നിലയില്‍ പ്രചരിപ്പിക്കപ്പെട്ടതോടെ കേരളമെങ്ങും സ്റ്റിക്കര്‍ ഭൂതം താണ്ഡവമാടി. പിന്നെ പോലീസ് സ്റ്റേഷനുകളിലേക്ക് തുരു തുരാ വിളിയായി. ഞങ്ങളുടെ വീട്ടിലും സ്റ്റിക്കര്‍ ഒട്ടിച്ചു. … Continue reading "കറുത്ത സ്റ്റിക്കര്‍ പ്രചരണത്തിന് പിന്നിലാര്"

Published On:Feb 5, 2018 | 1:34 pm

കേരളത്തിന്റെ പല ഭാഗങ്ങളിലെ വീടുകളില്‍ അര്‍ധരാത്രിയില്‍ അജ്ഞാതസംഘം കറുത്ത സ്റ്റിക്കര്‍ പതിച്ചുവെന്ന പ്രചരണം ജനങ്ങള്‍ക്കിടയില്‍ പരിഭ്രാന്തിക്കിടയാക്കി. സമൂഹ മാധ്യമങ്ങളില്‍ ഇതുസംബന്ധിച്ച് സന്ദേശങ്ങളും പ്രചരിച്ചു. കവര്‍ച്ചക്കാര്‍ക്ക് തിരിച്ചറിയാന്‍ വേണ്ടിയാണ് കറുത്ത സ്റ്റിക്കര്‍ വീടുകളിലും മറ്റും പതിക്കുന്നതെന്നാണ് പ്രചരണം. ഈ സന്ദര്‍ഭത്തില്‍ തന്നെ സംസ്ഥാനത്തെ വിവിധയിടത്ത് കൊലപാതകങ്ങളും കവര്‍ച്ചയും നടന്നു. കൊലപാതകങ്ങളും സ്റ്റിക്കറും ഒരു നാണയത്തിന്റെ രണ്ടുവശമെന്ന നിലയില്‍ പ്രചരിപ്പിക്കപ്പെട്ടതോടെ കേരളമെങ്ങും സ്റ്റിക്കര്‍ ഭൂതം താണ്ഡവമാടി. പിന്നെ പോലീസ് സ്റ്റേഷനുകളിലേക്ക് തുരു തുരാ വിളിയായി. ഞങ്ങളുടെ വീട്ടിലും സ്റ്റിക്കര്‍ ഒട്ടിച്ചു. പരാതി കിട്ടിയ ഉടനെ പോലീസ് അതാതിടങ്ങളില്‍ കുതിക്കുകയും ചെയ്തു. ആദ്യം സമൂഹ മാധ്യമങ്ങളില്‍ പ്രചരിപ്പിച്ച സന്ദേശം പിന്നീട് ദൃശ്യ-മാധ്യമ വാര്‍ത്തകളായി വന്നു. കണ്ണൂര്‍ ജില്ലയിലെ വിവിധയിടങ്ങളിലും സ്റ്റിക്കര്‍ പതിച്ചതായി പ്രചരണമുണ്ടായി.
അതിനിടയിലാണ് ജനല്‍ഗ്ലാസ് വ്യാപാരികള്‍ ഗ്ലാസ് തിരിച്ചറിയാന്‍ വേണ്ടി ഒട്ടിക്കുന്ന കറുത്ത സ്റ്റിക്കറാണ് ജനാലകളില്‍ കാണുന്നതെന്ന് പോലീസ് വിലയിരുത്തിയത്. ഇതുസംബന്ധിച്ച പ്രസ്താവനകളും വന്നു. യഥാര്‍ത്ഥത്തില്‍ തന്റെ വീട്ടിലെ ജനല്‍ ഗ്ലാസില്‍ സ്റ്റിക്കറുണ്ടെന്ന് പിന്നീടാണ് പലരും തിരിച്ചറിഞ്ഞത്. അടുത്തകാലത്ത് നിര്‍മ്മിച്ച പല വീടുകളുടെയും മുന്തിയ ഇനം ജനല്‍ ഗ്ലാസുകളില്‍ സ്റ്റിക്കര്‍ പതിച്ചിട്ടുണ്ടെന്ന് പോലീസിനും ബോധ്യപ്പെട്ടത് പിന്നീടാണ്. പല വീട്ടുടമകളും സ്റ്റിക്കര്‍ പ്രചരണത്തില്‍ കുടുങ്ങി. രാവിലെ എഴുന്നേറ്റ ഉടന്‍ ജനല്‍ നോക്കുമ്പോള്‍ സ്റ്റിക്കര്‍ കണ്ട് വേവലാതിപ്പെടുകയായിരുന്നു. ഇവരുടെ വേവലാതി മുതലെടുക്കാന്‍ സാമൂഹ്യവിരുദ്ധരായ ഒരുസംഘം സോഷ്യല്‍ മീഡിയ വഴി പരിശ്രമിക്കുകയും ചെയ്തു. അതില്‍ സഹായകമായ ഒരു വാര്‍ത്തയുമുണ്ടായി.
വീട്ടമ്മയെ കെട്ടിയിട്ട് കവര്‍ച്ച നടത്തിയ വീടിന് പ്രത്യേക അടയാളം പതിച്ചിരുന്നുവെന്ന വാര്‍ത്ത വന്നതിന് പിന്നാലെയാണ് സമൂഹ മാധ്യമങ്ങളില്‍ കറുത്ത സ്റ്റിക്കര്‍ ഭൂതാവേശം നടത്തിയത്. ചില സംഘങ്ങള്‍ കവര്‍ച്ച മുന്‍കൂട്ടി പ്ലാന്‍ ചെയ്യുമ്പോള്‍ കൃത്യം നടത്തുന്നവര്‍ക്ക് അടയാളങ്ങള്‍ നല്‍കാറുണ്ടെന്നുള്ളത് വാസ്തവമാണ്. പക്ഷെ അതൊരിക്കലും ഒരു കളറിലോ ഒരേ രീതിയിലോ ആയിരിക്കില്ലെന്ന് പൊതുജനം മനസിലാക്കണം. അതോടൊപ്പം കഴിഞ്ഞദിവസമുണ്ടായ മറ്റൊരു പ്രചരണം കുട്ടികളെ പിടിക്കാന്‍ കേരളത്തില്‍ ഒരുസംഘമെത്തിയിട്ടുണ്ടെന്നാണ്. ഇതിന്റെ പേരില്‍ കയ്യില്‍ ആരോകൊടുത്ത മിഠായിയുമായി തെരുവിലൂടെ പോകുന്ന യാചകനെ ഒരുകൂട്ടം യുവാക്കള്‍ ക്രൂരമായി അക്രമിച്ച് അവശനാക്കിയപ്പോള്‍ പോലീസെത്തി ആശുപത്രിയിലാക്കിയ സംഭവവും റിപ്പോര്‍ട്ട് ചെയ്തു. ഈ വിഷയത്തില്‍ മുഖ്യമന്ത്രിയും ഡി ജി പിയും നേരിട്ട് ഇടപെട്ട് പ്രസ്താവനയും നടത്തേണ്ടിവന്നു.
വ്യാജ പ്രചരണങ്ങള്‍ കേട്ട് തെരുവിലിറങ്ങി നിയമം കയ്യിലെടുക്കുന്ന പ്രവണത സാക്ഷര സമൂഹത്തിന് ചേര്‍ന്നതല്ല. രാജ്യത്തെ ഏറ്റവും മികച്ച രാഷ്ട്രീയ ബോധമുള്ള വിവേകശാലികളായവര്‍ വസിക്കുന്ന ദൈവത്തിന്റെ സ്വന്തം നാടാണ് കേരളം. പക്ഷെ അങ്ങനെയുള്ള പ്രബുദ്ധ കേരളത്തില്‍ വ്യാജസിദ്ധന്മാരും കപട സന്യാസികളും ഒറ്റുകാരും വ്യാജന്മാരും വ്യാജവാര്‍ത്താ പ്രചാരകരും ഗുണ്ടാസംഘങ്ങളും ബോംബ് നിര്‍മ്മാതാക്കളും കയ്യടക്കിയിരിക്കയാണ്. വിരലിലെണ്ണാവുന്ന ഇത്തരം സാമൂഹ്യവിരുദ്ധരാണ് ദൈവത്തിന്റെ സ്വന്തം നാടിനെ മലീമസമാക്കുന്നത്. ഇത് മുളയിലെ നുളളിക്കളയണം. ഇത്തരം പ്രവണതകള്‍ ഇനി ആവര്‍ത്തിക്കാന്‍ അവസരം നല്‍കരുത്. തെറ്റും ശരിയും തിരിച്ചറിയാനുള്ള വിവേകശാലികളുടെ നാടായി കേരളം മാറണം.

LIVE NEWS - ONLINE

  • 1
    11 hours ago

    ഹര്‍ത്താലിനോടനുബന്ധിച്ച് അക്രമമുണ്ടായാല്‍ കര്‍ശന നടപടികള്‍ സ്വീകരിക്കുമെന്ന് ലോക്നാഥ് ബെഹ്റ

  • 2
    13 hours ago

    ശബരിമല കര്‍മസമിതിയും നാളെ ഹര്‍ത്താലിന് ആഹ്വാനം ചെയ്തു

  • 3
    13 hours ago

    ശബരിമലയില്‍ നാളെ നിരോധനാജ്ഞ

  • 4
    16 hours ago

    നിലക്കലില്‍ സംഘര്‍ഷം; കല്ലേറ്, പോലീസ് ലാത്തിവീശി

  • 5
    18 hours ago

    പ്രതിഷേധക്കാരെ അറസ്റ്റ്ചെയ്ത് നീക്കി; മാധ്യമങ്ങള്‍ക്ക് നേരെ ആക്രമണം

  • 6
    18 hours ago

    നാഥനില്ലാ സമരത്തിന് ആളെകൂട്ടേണ്ട ബാധ്യത യോഗത്തിനില്ല: വെള്ളാപ്പള്ളി

  • 7
    20 hours ago

    ശബരിമല: സുഗമമായ ദര്‍ശനത്തിന് സൗകര്യമൊരുക്കണം

  • 8
    21 hours ago

    പമ്പയില്‍ സംഘര്‍ഷം

  • 9
    23 hours ago

    സന്നിധാനത്തെത്തിയ ആരോഗ്യവകുപ്പ് വനിതാ ഉദ്യോഗസ്ഥരെ പരിശോധിച്ചു