Sunday, April 21st, 2019

ബിജെപി അധ്യക്ഷ സ്ഥാനം; സംസ്ഥാന ഘടകം പൊട്ടിത്തെറിയിലേക്ക്

അഭിപ്രായ സമന്വയത്തിനായി ദേശീയ സഹകരണ സംഘടന സെക്രട്ടറി വിളിച്ച യോഗം മൂന്ന് ജനറല്‍ സെക്രട്ടറിമാര്‍ ബഹിഷ്‌കരിച്ചു.

Published On:Jun 13, 2018 | 9:24 am

പാലക്കാട്: കുമ്മനം രാജശേഖരന്‍ പാര്‍ട്ടി അധ്യക്ഷ സ്ഥാനം രാജിവെച്ച ഒഴിവിലേക്ക് പകരക്കാരനെ നിയോഗിക്കുന്നതിലെ പ്രശ്‌നങ്ങളെ ചൊല്ലി ബി.ജെ.പി സംസ്ഥാന ഘടകം പൊട്ടിത്തെറിയിലേക്ക്. അഭിപ്രായ സമന്വയത്തിനായി ദേശീയ സഹകരണ സംഘടന സെക്രട്ടറി വിളിച്ച യോഗം മൂന്ന് ജനറല്‍ സെക്രട്ടറിമാര്‍ ബഹിഷ്‌കരിച്ചതോടെയാണ് പാര്‍ട്ടിയിലെ ഭിന്നത ഒരിക്കല്‍കൂടി മറനീക്കി പുറത്തു വന്നത്. ആര്‍.എസ്.എസിന്റെ കൂടി താല്‍പര്യം കണക്കിലെടുത്ത് പാലക്കാട് ജില്ലയിലെ നേതാവിന്റെ വസതിയില്‍ വിളിച്ച യോഗമാണ് മൂന്ന് സംസ്ഥാന ജനറല്‍ സെക്രട്ടറിമാര്‍ ആസൂത്രിത നീക്കത്തിലൂടെ അവഗണിച്ചത്.
കെ. സുരേന്ദ്രനെ സംസ്ഥാന പ്രസിഡന്റാക്കുന്നതിനെ രൂക്ഷമായി എതിര്‍ക്കുന്ന വിഭാഗത്തിന്റെ തീരുമാനമാണ് ഇന്നലെ പാലക്കാട്ട് നടപ്പായത്. ഒമ്പത് കോര്‍കമ്മിറ്റി അംഗങ്ങളില്‍ ഏഴുപേരും 14 ജില്ല പ്രസിഡന്റുമാരില്‍ 10 പേരും സുരേന്ദ്രനോടുള്ള എതിര്‍പ്പ് നേതൃത്വത്തെ അറിയിച്ചിട്ടുണ്ട്. എ.എന്‍. രാധാകൃഷ്ണന് അവസരം നല്‍കണമെന്നാണ് ഈ വിഭാഗത്തിന്റെ താല്‍പ്പര്യം. ജില്ലാ പ്രസിഡന്റുമാരില്‍ ഒരാള്‍ ഇരുപക്ഷത്തുമില്ല. മൂന്നുപേര്‍ കെ. സുരേന്ദ്രനൊപ്പമാണ്. 32 സംസ്ഥാന ഭാരവാഹികളില്‍ 20 പേര്‍ രാധാകൃഷ്ണനൊപ്പമാണെന്നാണ് സൂചന.
എന്നാല്‍, സുരേന്ദ്രനെ പ്രസിഡന്റാക്കണമെന്ന ശാഠ്യമുള്ള ചിലര്‍ രണ്ടും കല്‍പിച്ചുള്ള നീക്കത്തിലാണെന്ന് എതിര്‍വിഭാഗം വിശ്വസിക്കുന്നു. ഈ നീക്കത്തിനുള്ള തിരിച്ചടിയായാണ് കൂട്ട ബഹിഷ്‌കരണം വിലയിരുത്തുന്നത്. ദേശീയ ഭാരവാഹിയും അടുത്തിടെ മഹാരാഷ്ട്രയില്‍നിന്ന് രാജ്യസഭയിലേക്ക് തെരഞ്ഞെടുക്കപ്പെട്ട വി. മുരളീധരനോട് അടുപ്പം പുലര്‍ത്തുന്ന വ്യക്തിയുമായ ബി. സന്തോഷാണ് സംസ്ഥാനത്തെ നാല് പാര്‍ട്ടി ജനറല്‍ സെക്രട്ടറിമാരുടെ അടിയന്തരയോഗം വിളിച്ചത്.

LIVE NEWS - ONLINE

  • 1
    10 hours ago

    സുരേന്ദ്രന്‍ അയ്യപ്പഭക്തരുടെ സ്ഥാനാര്‍ത്ഥിയെന്ന് അമിത് ഷാ

  • 2
    11 hours ago

    തിങ്കളാഴ്ച വിദ്യാഭ്യാസ സ്ഥാപനങ്ങള്‍ക്ക് അവധി

  • 3
    13 hours ago

    കോഴിക്കോട് ഒരാള്‍ കുത്തേറ്റ് മരിച്ചു

  • 4
    14 hours ago

    കര്‍ഷകരെയും ആദിവാസികളെയും മോദി സര്‍ക്കാര്‍ വഞ്ചിച്ചു: പ്രിയങ്ക

  • 5
    17 hours ago

    ശബരിമല; വിശ്വാസികളെ ചതിച്ചത് ബിജെപി: ശശി തരൂര്‍

  • 6
    18 hours ago

    നീതിന്യായ സംവിധാനം ഭീഷണിയില്‍; ലൈംഗികാരോപണം ബ്ലാക്ക് മെയ്‌ലിംഗ്്: ചീഫ് ജസ്റ്റിസ്

  • 7
    19 hours ago

    രമ്യഹരിദാസിനെതിരായ മോശം പരാമര്‍ശം; എ.വിജയരാഘവനെതിരെ കേസെടുക്കില്ല

  • 8
    19 hours ago

    സുപ്രീം കോടതിയില്‍ അസാധാരണ നടപടി

  • 9
    19 hours ago

    അടിയന്തര സിറ്റിംഗ് വിളിച്ചു ചേര്‍ത്തു