Saturday, July 20th, 2019

ദുര്‍ഗന്ധത്തിന് അറുതിവരുത്താന്‍ കണ്ണൂര്‍ റെയില്‍വെ സ്റ്റേഷനില്‍ ബയോ ടോയ്‌ലറ്റ്

കണ്ണൂരില്‍ കൂടി കടന്നുപോകുന്ന എല്ലാ ട്രെയിനുകളിലും ബയോ ടോയ്‌ലറ്റുകള്‍ സ്ഥാപിച്ചുകഴിഞ്ഞു.

Published On:Feb 19, 2019 | 11:34 am

കണ്ണൂര്‍: ഹോ ! എന്തൊരു നാറ്റമാ ! ഇത് റെയില്‍വെ സ്റ്റേഷനോ അതോ മാലിന്യ വിസര്‍ജ്യസ്ഥലമോ? മാസങ്ങള്‍ക്ക് മുമ്പ് കണ്ണൂര്‍ റെയില്‍വെ സ്റ്റേഷനില്‍ എത്തുന്നവര്‍ സ്ഥിരമായി ചോദിച്ചിരുന്ന ചോദ്യമാണിത്. കണ്ണൂരില്‍ക്കൂടി ട്രെയിന്‍ കടുന്നുപോയിക്കഴിഞ്ഞാല്‍ പിന്നെ ദുര്‍ഗന്ധം കാരണം പ്ലാറ്റ് ഫോമുകളില്‍ ഇരിക്കാന്‍ പറ്റാത്ത അവസ്ഥയായിരുന്നു. നാറ്റം വരാതിരിക്കാന്‍ ട്രാക്കുകളില്‍ ക്ലോറിന്‍ പൗഡറുകളും മറ്റും ഇടുന്നത് പതിവായിരുന്നു. എന്നാല്‍ ഇതിന് പരിഹാരമെന്നോണമാണ് ട്രെയിനുകളില്‍ ബയോ ടോയ്‌ലറ്റുകള്‍ കൊണ്ടുവന്നത്. കണ്ണൂരില്‍ കൂടി കടന്നുപോകുന്ന എല്ലാ ട്രെയിനുകളിലും ബയോ ടോയ്‌ലറ്റുകള്‍ സ്ഥാപിച്ചുകഴിഞ്ഞു. എന്നാല്‍ ബയോ ടോയ്‌ലറ്റുകള്‍ ഉപയോഗിക്കാന്‍ പലര്‍ക്കും അറിയില്ല. അതുകൊണ്ട് തന്നെ ഇതില്‍ നാപ്കിനുകളും ബോട്ടിലുകളും ഇട്ട് ടോയ്‌ലറ്റുകള്‍ കേടാക്കുകയും ചെയ്യുന്നത് പതിവായതോടെ റെയില്‍വെ പാലക്കാട് ഡിവിഷന്റെ നേതൃത്വത്തില്‍ റെയില്‍വെ സ്റ്റേഷനുകളില്‍ ബയോ ടോയ്‌ലറ്റ് മാതൃക വെക്കുന്നുണ്ട്. നിലവില്‍ പാലക്കാട്, ഷൊര്‍ണൂര്‍, മംഗലാപുരം എന്നീ സ്റ്റേഷനുകളില്‍ ബയോ ടോയ്‌ലറ്റ് മാതൃക തയ്യാറായിക്കഴിഞ്ഞു. കണ്ണൂര്‍ റെയില്‍വെ സ്റ്റേഷനില്‍ ടോയ്‌ലറ്റ് മാതൃക തയ്യാറായിക്കൊണ്ടിരിക്കുകയാണ്. ഇതുകൂടാതെ ബയോ ടോയ്‌ലറ്റിനെ കുറിച്ചുള്ള ബോധവല്‍ക്കരണത്തിന്റെ ഭാഗമായി ട്രെയിനുകള്‍ കയറിയിറങ്ങി നോട്ടീസുകള്‍ വിതരണം ചെയ്യുകയും ആളുകള്‍ക്ക് ബോധവല്‍ക്കരണ ക്ലാസ്സുകള്‍ എടുത്തുകൊടുക്കുകയും ചെയ്തിരുന്നു. പൊതുജനങ്ങള്‍ ടോയ്‌ലറ്റ് ഉപയോഗിക്കുന്നതിനെ കുറിച്ച് എളുപ്പം മനസ്സിലാക്കാന്‍ ഹിന്ദി, ഇംഗ്ലീഷ്, മലയാളം എന്നീ ഭാഷകളില്‍ ഉപയോഗിക്കേണ്ട വിധം ടോയ്‌ലറ്റിന് മുന്നില്‍ എഴുതിവെച്ചിട്ടുണ്ട്. പ്രകൃതിക്ക് ദോഷം വരാത്ത രീതിയില്‍ ട്രെയിനുകള്‍ സജ്ജീകരിക്കുന്നതിന്റെ ഭാഗാമായാണ് ട്രെയിനുകളില്‍ ബയോ ടോയ്‌ലറ്റുകള്‍ നിര്‍മ്മിച്ചതെന്ന് അധികൃതര്‍ പറയുന്നു.

 

 

LIVE NEWS - ONLINE

  • 1
    2 hours ago

    കാണാതായ നാല് മത്സ്യത്തൊഴിലാളികളെ കണ്ടെത്തി

  • 2
    2 hours ago

    സിഒടി നസീര്‍ വധശ്രമം; ഷംസീര്‍ എംഎല്‍എ എത്തിയത് പോലീസ് തെരയുന്ന വാഹനത്തില്‍

  • 3
    3 hours ago

    തെരച്ചിലില്‍ മത്സ്യത്തൊഴിലാളികളെയും ഉള്‍പ്പെടുത്തണം: ഉമ്മന്‍ചാണ്ടി

  • 4
    3 hours ago

    സോന്‍ഭദ്ര സന്ദര്‍ശിക്കാനെത്തിയ എപിമാര്‍ കസ്റ്റഡിയില്‍

  • 5
    4 hours ago

    വിദ്യാര്‍ത്ഥികളെ നിര്‍ബന്ധിച്ച് സമരങ്ങള്‍ക്കിറക്കുന്നത് തടയും: മന്ത്രി ജലീല്‍

  • 6
    4 hours ago

    വിദ്യാര്‍ത്ഥികളെ നിര്‍ബന്ധിച്ച് സമരങ്ങള്‍ക്കിറക്കുന്നത് തടയും: മന്ത്രി ജലീല്‍

  • 7
    4 hours ago

    കെ.എസ്.ആര്‍.ടി.സി ബസുകള്‍ കൂട്ടിയിടിച്ച് യാത്രക്കാര്‍ക്ക് പരിക്കേറ്റു

  • 8
    5 hours ago

    ആടൈയിലെ ചുംബന രംഗത്തിന് എന്താണിത്ര കുഴപ്പം

  • 9
    5 hours ago

    കാവര്‍ഷം കനത്തു; ചൊവ്വാഴ്ചവരെ കനത്ത മഴ തുടരും