Saturday, September 22nd, 2018

ദിലീപിന് ജാമ്യമില്ല; പ്രഥമദൃഷ്ട്യാ കേസുണ്ടെന്ന് കോടതി

പ്രതിക്കെതിരെ കൃത്യമായ സാഹചര്യ തെളിവുണ്ടെന്ന ഗൗരവമായ നിരീക്ഷണവും കോടതി നടത്തി

Published On:Jul 24, 2017 | 8:38 am

കൊച്ചി: നടിയെ ആക്രമിച്ച കേസില്‍ നടന്‍ ദിലീപിന് ജാമ്യമില്ല. ഹൈക്കോടതിയില്‍ സമര്‍പ്പിച്ച ജാമ്യാപേക്ഷ സിംഗിള്‍ ബെഞ്ച് തള്ളി. ഇനി സുപ്രീംകോടതിയെ സമീപിക്കുകയല്ലാതെ ദിലീപിന് മറ്റ് മാര്‍ഗമില്ലാതായി. ജാമ്യം ലഭിച്ച് പുറത്തിറങ്ങിയാല്‍ കേസിനെ സ്വാധീനിക്കാന്‍ ദിലീപ് ശ്രമിക്കുമെന്ന പ്രൊസിക്യൂഷന്റെ വാദംഅംഗീകരിച്ചാണ് ഹൈക്കോടതി ജാമ്യം നിഷേധിച്ചത്.
പ്രതിക്കെതിരെ കൃത്യമായ സാഹചര്യ തെളിവുണ്ടെന്ന ഗൗരവമായ നിരീക്ഷണവും കോടതി നടത്തി. മൊബൈല്‍ ഫോണ്‍ ഉള്‍പ്പെടെയുള്ള നിര്‍ണായക തെളിവുകള്‍ കണ്ടെടുക്കേണ്ട സാഹചര്യത്തില്‍ ജാമ്യം നല്‍കാനാവില്ലെന്നും കോടതി ചൂണ്ടിക്കാട്ടി. പ്രതി ഉന്നതനായതിനാല്‍ തെളിവുകള്‍ നശിപ്പിക്കപ്പെടാന്‍ സാധ്യതയുണ്ട്. കേസില്‍ കൂടുതല്‍ പ്രതികളുണ്ടെന്ന പ്രൊസിക്യൂഷന്റെ വാദവും കോടതി അംഗീകരിച്ചു. നടിക്കെതിരെ ക്രൂരമായ കുറ്റകൃത്യമാണ് നടന്നതെന്നും കോടതി ചൂണ്ടിക്കാട്ടി.
സാക്ഷികളെ സ്വാധീനിക്കാന്‍ ശ്രമം നടക്കുമെന്നതായിരുന്നു ജാമ്യാപേക്ഷയെ എതിര്‍ത്തു കൊണ്ട് പ്രൊസിക്യൂഷന്‍ വാദിച്ചത്. നടിയെ ആക്രമിക്കുന്നതിന്റെ ദൃശ്യങ്ങള്‍ അടങ്ങിയ മൊബൈല്‍ കണ്ടെടുത്തിട്ടില്ലെന്നും മാനേജര്‍ അപ്പുണ്ണിയെ ചോദ്യം ചെയ്യേണ്ടതുണ്ടെന്നും പ്രൊസിക്യൂഷന്‍ വാദിച്ചു.
നടന്‍ അഭിനയിച്ച് പാതിവഴിയിലായ നിരവധി സിനിമകള്‍ ഉണ്ടെന്നും ജാമ്യം ലഭിച്ചില്ലെങ്കില്‍ നിര്‍മാതാക്കള്‍ക്ക് കോടിക്കണക്കിന് രൂപയുടെ നഷ്ടമുണ്ടാകുമെന്നും പ്രതിഭാഗം വാദിച്ചു. എന്നാല്‍ ഇക്കാര്യമൊന്നും കോടതി പരിഗണിച്ചില്ല. ദിലീപിനെ ആവശ്യത്തിലധികം ചോദ്യം ചെയ്തുകഴിഞ്ഞ സ്ഥിതിക്ക് ജാമ്യം അനുവദിക്കണമെന്നായിരുന്നു പ്രതിഭാഗത്തിന്റെ വാദം. ദിലീപ് അന്വേഷണവുമായി പൂര്‍ണമായും സഹകരിക്കുന്നുണ്ടെന്നും പ്രതിഭാഗം വാദിച്ചു.

LIVE NEWS - ONLINE

  • 1
    11 hours ago

    ബിഷപ്പിന്റെ അറസ്റ്റ് രേഖപ്പെടുത്തി

  • 2
    12 hours ago

    നരേന്ദ്രമോദിയേയും അമിത് ഷായേയും രൂക്ഷമായി വിമര്‍ശിച്ച് ശത്രുഘ്നന്‍ സിന്‍ഹ

  • 3
    14 hours ago

    ബിഷപ്പിനെ വൈദ്യപരിശോധനക്ക് തൃപ്പൂണിത്തുറ താലൂക്ക് ആശുപത്രിയില്‍ എത്തിച്ചു

  • 4
    14 hours ago

    ടാന്‍സാനിയയില്‍ കടത്തുബോട്ട് മറിഞ്ഞുണ്ടായ അപകടത്തില്‍ 100 പേര്‍ മരിച്ചു

  • 5
    16 hours ago

    ബിഷപ്പ് ഫ്രാങ്കോ മുളയ്ക്കല്‍ അറസ്റ്റില്‍

  • 6
    18 hours ago

    കന്യാസ്ത്രീസമരത്തെ സര്‍ക്കാര്‍ വിരുദ്ധ സമരമായി മാറ്റാന്‍ നീക്കം: കോടിയേരി

  • 7
    21 hours ago

    യുവാവ് ദുരൂഹ സാഹചര്യത്തില്‍ മരിച്ച നിലയില്‍

  • 8
    22 hours ago

    അശ്ലീല വാട്‌സാപ്പ് വീഡിയോ; മൂന്നുപേര്‍ കസ്റ്റഡിയില്‍

  • 9
    22 hours ago

    കശ്മീരില്‍ മൂന്ന് പോലീസുദ്യോഗസ്ഥരെ തീവ്രവാദികള്‍ തട്ടിക്കൊണ്ടുപോയി