Tuesday, July 23rd, 2019

ബാഹുബലി പേന മുതല്‍ ജി പി എസ് കുടവരെ

ഓരോ വര്‍ഷവും കുട്ടികളെ ആകര്‍ഷിക്കാന്‍ ഉല്‍പന്നങ്ങളുടെ ഘടനയിലും പേരിലും പുതുമയുമായെത്തുന്നതിന് ഇക്കുറിയും മാറ്റമില്ല.

Published On:May 26, 2018 | 10:50 am

കണ്ണൂര്‍: ബാഹുബലി പേന, കുട്ടികളുടെ പ്രിയ കാര്‍ട്ടൂണ്‍ കഥാപാത്രങ്ങളായ ഡോറയുടെയും സ്‌പൈഡര്‍മാന്റെയും ചിത്രങ്ങള്‍ അച്ചടിച്ച ബാഗുകള്‍, വെള്ളം ചീറ്റുന്ന കുട…കൗതുകങ്ങളെ പിന്തുടരുന്ന കുഞ്ഞുമനസ്സുകളെ ആകര്‍ഷിക്കാന്‍ സ്‌കൂള്‍ വിപണി അവസാന തിരക്കില്‍. വേനലവധി കഴിഞ്ഞ് സ്‌കൂള്‍ തുറക്കാന്‍ ദിവസങ്ങള്‍ മാത്രം ശേഷിക്കെ വന്‍ തിരക്കാണ് കണ്ണൂരിലെങ്ങും സ്‌കൂള്‍ വിപണിയിലുള്ളത്.
ഓരോ വര്‍ഷവും കുട്ടികളെ ആകര്‍ഷിക്കാന്‍ ഉല്‍പന്നങ്ങളുടെ ഘടനയിലും പേരിലും പുതുമയുമായെത്തുന്നതിന് ഇക്കുറിയും മാറ്റമില്ല. ജി പി എസ് സംവിധാനമുള്ള പ്രമുഖ കമ്പനിയുടെ കുടയാണ് ഇത്തവണ വിപണിയിലെ താരം.
ഓഫീസിലോ ക്ലാസിലോ കടകളിലോ മറന്നുവെച്ചാല്‍ ജി പി എസ് സംവിധാനമുപയോഗിച്ച് കണ്ടെത്താന്‍ കഴിയുന്ന കുട ഉപഭോക്താക്കള്‍ക്കും കൗതുകം സമ്മാനിക്കുകയാണ്. കുട വാങ്ങിയ ശേഷം മൊബൈലില്‍ ആപ്പ് ഇന്‍സ്റ്റാള്‍ ചെയ്താല്‍ കുടയിരിക്കുന്ന സ്ഥലം ഫോണ്‍ കാണിച്ചുതരും. 3300-3500 രൂപയാണ് വില.
കടയിലെത്തിയാല്‍ കാര്‍ട്ടൂണ്‍ കഥാപാത്രങ്ങളുടെ ചിത്രങ്ങളുള്ള ബാഗ് വാങ്ങി നല്‍കാനാണ് കുട്ടികള്‍ വാശി പിടിക്കുന്നത്. 500 രൂപവരെയാണ് ഇത്തരം ബാഗുകളുടെ വില.
പിടി വലിച്ചൂരുമ്പോള്‍ വെള്ളം ചീറ്റുന്ന കുടയും വിപണിയിലെ ആകര്‍ഷണമാണ്. മാഗ്നറ്റിക് സംവിധാനവും കാല്‍ക്കുലേറ്ററുകളുമുള്ള പെന്‍സില്‍ ബോക്‌സും വിപണിയില്‍ യഥേഷ്ടം. പ്ലാസ്റ്റിക് ഒഴിവാക്കി പകരം സ്റ്റീല്‍ വാട്ടര്‍ ബോട്ടുകളാണ് ഇത്തവണ വിപണിയില്‍ നിറഞ്ഞുനില്‍ക്കുന്നത്.

 

LIVE NEWS - ONLINE

  • 1
    10 mins ago

    തലയോട്ടിക്കുള്ളിലെ രക്തസ്രാവം; മന്ത്രി മണിക്ക് ഇന്ന് ശസ്ത്രക്രിയ

  • 2
    31 mins ago

    കശ്മീര്‍ വിഷയത്തില്‍ ആരുടെയും സഹായം വേണ്ട: ഇന്ത്യ

  • 3
    34 mins ago

    വെള്ളക്കെട്ടില്‍ വീണ് ഒരാള്‍ മരിച്ചു

  • 4
    39 mins ago

    ഞാന്‍ പന്ത്രണ്ടാം ക്ലാസുകാരനായ ഗുസ്തിക്കാരന്‍: പൃഥി രാജ്

  • 5
    2 hours ago

    തമിഴ്‌നാട് സ്വദേശികളായ ദമ്പതികള്‍ക്ക് നടുറോഡില്‍ ക്രൂരമര്‍ദനം

  • 6
    15 hours ago

    കാസര്‍കോട്, കണ്ണൂര്‍ ജില്ലകളില്‍ ചൊവ്വാഴ്ച വിദ്യാഭ്യാസ സ്ഥാപനങ്ങള്‍ക്ക് അവധി

  • 7
    20 hours ago

    തലസ്ഥാനത്ത് തെരുവ് യുദ്ധം

  • 8
    21 hours ago

    യൂത്ത് കോണ്‍ഗ്രസ് പിഎസ് സി ഓഫീസ് മാര്‍ച്ചില്‍ സംഘര്‍ഷം

  • 9
    21 hours ago

    യൂണിവേഴ്‌സിറ്റി കോളജ് വധശ്രമക്കേസ്; പ്രതികള്‍ക്കായി തെരച്ചില്‍