Saturday, September 22nd, 2018

ബാബുവധം: മുഖ്യപ്രതി പിടിയില്‍

കൊല നടത്തിയ ശേഷം പള്ളൂരില്‍ നിന്നും മുങ്ങിയ പ്രതി എറണാകുളം പിറവത്തെ ഒരു സുഹൃത്തിന്റെ ബേക്കറിയില്‍ ഒളിച്ചു കഴിയുകയായിരുന്നു.

Published On:Jun 16, 2018 | 3:06 pm

കണ്ണൂര്‍: സി.പി.എം നേതാവും മാഹി നഗരസഭാ മുന്‍ കൗണ്‍സിലറുമായ പള്ളൂരിലെ കണ്ണിപൊയില്‍ ബാബുവിനെ കൊലപ്പെടുത്തിയ കേസിലെ മുഖ്യപ്രതിയായ ആര്‍.എസ്.എസ്. പ്രവര്‍ത്തകനെ എറണാകുളത്ത് വെച്ച് മാഹിയിലെ പ്രത്യേക അന്വേഷണ സംഘം പിടികൂടി. മാഹി ചെമ്പ്രയിലെ ആയിനിയാട്ട് മിത്തല്‍ സനീഷ് എന്ന ഏഴില്‍ അരശിനെ (30) യാണ് അന്വേഷണ സംഘത്തിലെ സി.ഐ. ഷണ്‍മുഖത്തിന്റെ നേതൃത്വത്തില്‍ കസ്റ്റഡിയിലെടുത്തത്. കൊല നടത്തിയ ശേഷം പള്ളൂരില്‍ നിന്നും മുങ്ങിയ പ്രതി എറണാകുളം പിറവത്തെ ഒരു സുഹൃത്തിന്റെ ബേക്കറിയില്‍ ഒളിച്ചു കഴിയുകയായിരുന്നു. സംശയാസ്പദ സാഹചര്യത്തില്‍ കാണപ്പെട്ട യുവാവിനെ നിരീക്ഷിച്ച നാട്ടുകാരാണ് വിവരം പോലീസിന് കൈമാറിയത്. തുടര്‍ന്ന് മാഹി പോലീസുമൊത്ത് നടത്തിയ സംയുക്ത നീക്കത്തിലാണ് പിടികൂടാനായത്.
ചെമ്പ്രയിലെ ആര്‍.എസ്.എസ്. ശാഖാ മുഖ്യശിക്ഷക് കാരി സതീഷിന്റെ സഹോദരനാണ് സനീഷ്. കസ്റ്റഡിയിലെടുത്ത പ്രതിയുമായി അന്വേഷണ സംഘം പുതുച്ചേരിയിലേക്ക് വരുമെന്നാണ് സൂചന. ഇവിടെ വച്ച് ചോദ്യം ചെയ്യാനാണ് നീക്കമെന്നറിയുന്നു. പുതുച്ചേരി സീനിയര്‍ പോലീസ് സുപ്രണ്ട് അപൂര്‍വ്വ ഗുപ്തയുടെ നേതൃത്വത്തിലുള്ള ഉദ്യോഗസ്ഥരാണ് ബാബു വധക്കേസ് അന്വേഷിക്കുന്നത്. സനീഷിനെ പിടികൂടിയതോടെ കേസില്‍ എട്ട് ആര്‍.എസ്.എസ്. പ്രവര്‍ത്തകര്‍ ഇതുവരെ പിടിയിലായിട്ടുണ്ട്. ഇവരില്‍ ഏഴു പേരും കണ്ണൂര്‍ ജയിലില്‍ റിമാന്റിലാണുള്ളത്. നാല് പ്രതികളെ കൂടി പിടികിട്ടാനുണ്ട്. ഇക്കഴിഞ്ഞ മെയ് 7ന് രാത്രിയിലാണ് ബാബുവിനെ വീട്ടിലേക്കുള്ള വഴിയില്‍ ആസൂത്രിതമായി കൊലപ്പെടുത്തിയത്. ഇവരില്‍ ചിലര്‍ മംഗളൂരിലെ രഹസ്യ കേന്ദ്രത്തിലുള്ളതായി അന്വേഷണ സംഘത്തിന് സൂചനയുണ്ട്. ഇവരെ പിടികൂടാനുള്ള നീക്കവും നടത്തുന്നുണ്ട്.

LIVE NEWS - ONLINE

  • 1
    6 hours ago

    ബിഷപ്പിനെ ഞായറാഴ്ച്ച രാവിലെ തെളിവെടുപ്പിനായി കുറവിലങ്ങാട് മഠത്തില്‍ എത്തിക്കും

  • 2
    6 hours ago

    ഗള്‍ഫിലേക്ക് കടത്താന്‍ ശ്രമിച്ച ഹാഷിഷ് പിടികൂടി

  • 3
    9 hours ago

    ലോക്‌സഭാ തെരഞ്ഞെടുപ്പില്‍ മികച്ച വിജയം ലക്ഷ്യം: മുല്ലപ്പള്ളി

  • 4
    12 hours ago

    ബിഷപ്പിനെ കോടതിയില്‍ ഹാജരാക്കി

  • 5
    12 hours ago

    രക്തവും ഉമിനീരും ബലം പ്രയോഗിച്ച് ശേഖരിച്ചു: ബിഷപ്പ്

  • 6
    12 hours ago

    ബിഷപ്പിനെ രണ്ട് ദിവസത്തെ പോലീസ് കസ്റ്റഡിയില്‍ വിട്ടു

  • 7
    14 hours ago

    ബിഷപ് ഫ്രാങ്കോ മുളക്കലിനെ ഇന്ന് കോടതിയില്‍ ഹാജരാക്കും

  • 8
    14 hours ago

    കന്യാസ്ത്രീകള്‍ സമരം ചെയ്തില്ലെങ്കിലും സര്‍ക്കാര്‍ നടപടി സ്വീകരിക്കും: എം.എ.ബേബി

  • 9
    14 hours ago

    കോടിയേരിക്ക് മാനസികം: പിഎസ് ശ്രീധരന്‍ പിള്ള