Monday, June 17th, 2019

തീരുമാനം മാറ്റിയില്ലെങ്കില്‍ അവാര്‍ഡ് ദാന ചടങ്ങ് ബഹിഷ്‌കരിക്കുമെന്ന് ജേതാക്കള്‍

കേന്ദ്ര സര്‍ക്കാരിന്റെ തീരുമാനം തങ്ങളെ മുറിവേല്‍പ്പിച്ചു

Published On:May 3, 2018 | 1:01 pm

ന്യൂഡല്‍ഹി: ചലച്ചിത്ര അവാര്‍ഡ് ജേതാക്കളില്‍ 15 പേര്‍ക്ക് മാത്രം രാഷ്ട്രപതിയും ബാക്കിയുള്ളവര്‍ക്കു വാര്‍ത്താ വിതരണ പ്രക്ഷേപണ മന്ത്രിയും അവാര്‍ഡ് സമ്മാനിക്കാനുള്ള കേന്ദ്ര സര്‍ക്കാര്‍ തീരുമാനത്തില്‍ കടുത്ത പ്രതിഷേധവുമായി ജേതാക്കള്‍. എല്ലാവര്‍ക്കും രാഷ്ട്രപതി തന്നെ അവാര്‍ഡ് സമ്മാനിച്ചില്ലെങ്കില്‍ അറുപത്തിയഞ്ചാമത് ദേശീയ അവാര്‍ഡ് വിതരണ ചടങ്ങ് ബഹിഷ്‌കരിക്കുമെന്ന് ജേതാക്കള്‍ കേന്ദ്രത്തെ അറിയിച്ചു. ഇത് സംബന്ധിച്ച് ജേതാക്കള്‍ ഒപ്പിട്ട് നിവേദനവും കേന്ദത്തിന് കൈമാറി.
കേന്ദ്ര സര്‍ക്കാരിന്റെ തീരുമാനം തങ്ങളെ മുറിവേല്‍പിച്ചെന്ന് ജേതാക്കള്‍ ഒരേ സ്വരത്തില്‍ പറഞ്ഞു. വളരെ നിരാശ ഉണ്ടാക്കുന്ന തീരുമാനാണിത്. എന്തുകൊണ്ടാണ് ഇങ്ങനെയൊരു തീരുമാനമെന്ന് അറിയില്ല. അവാര്‍ഡ്ദാന ചടങ്ങിന്റെ തന്നെ ശോഭ കെടുത്തുന്ന തീരുമാനമാണിതെന്നും ജേതാക്കള്‍ കേന്ദ്രത്തിന് നല്‍കിയ നിവേദനത്തില്‍ ചൂണ്ടിക്കാട്ടി. പുരസ്‌കാരമല്ല ചടങ്ങാണ് ബഹിഷ്‌കരിക്കുന്നത്. രാഷ്ട്രത്തിന്റെ ആദരമാണ് അവാര്‍ഡ്. അത് രാഷ്ട്രപതി തന്നെ നല്‍കണമെന്നും അവാര്‍ഡ് ജേതാക്കള്‍ ആവശ്യപ്പെട്ടു.
ഇന്നത്തെ ചടങ്ങ് ബഹിഷ്‌കരിക്കുമെന്ന ഭീഷണിയെ തുടര്‍ന്ന് വാര്‍ത്താവിതരണ മന്ത്രി സ്ഥലത്തെത്തുകയും രാഷ്ട്രപതി ഭവനുമായി ആലോചിച്ച് വേണ്ടതു ചെയ്യാമെന്ന് ഉറപ്പു നല്‍കുകയും ചെയ്തു. എന്നാല്‍ ഈ സമയംവരെ സര്‍ക്കാരില്‍ നിന്ന് യാതൊരു തീരുമാനവും ഉണ്ടായിട്ടില്ലെന്നും അവാര്‍ഡ് ജേതാക്കള്‍ കുറ്റപ്പെടുത്തി.
മികച്ച സംവിധായകന്‍( ജയരാജ്), ഗായകന്‍(യേശുദാസ്), തിരക്കഥാകൃത്ത്(സജീവ് പാഴൂര്‍),സഹനടന്‍( ഫഹദ് ഫാസില്‍) , ജൂറി പുരസ്‌കാരം (പാര്‍വതി) തുടങ്ങീ 14 പുരസ്‌കാരങ്ങളാണ് ഇക്കുറി മലയാളത്തിന് ലഭിച്ചത്.

 

LIVE NEWS - ONLINE

  • 1
    49 mins ago

    തലശ്ശരേിയിലെ ബി.ജെ.പി നേതാവ് എം.പി.സുമേഷ് വധശ്രമക്കേസില്‍ ആറ് സി.പി.എം പ്രവര്‍ത്തകര്‍ കുറ്റക്കാര്‍

  • 2
    2 hours ago

    പശ്ചിമ ബംഗാളിലെ സമരം ചെയ്യുന്ന ഡോക്ടര്‍മാരുമായി മമത ഇന്ന് ചര്‍ച്ച നടത്തും

  • 3
    4 hours ago

    കശ്മീരില്‍ ഏറ്റുമുട്ടല്‍: രണ്ട് ഭീകരരെ സുരക്ഷാസേന വധിച്ചു

  • 4
    4 hours ago

    സര്‍ക്കാറിന് തിരിച്ചടി; ഖാദര്‍ കമ്മറ്റി റിപ്പോര്‍ട്ട് ഹൈക്കോടതി സ്‌റ്റേ ചെയ്തു

  • 5
    5 hours ago

    ഡോക്ടര്‍മാരുടെ പണിമുടക്ക് പൂര്‍ണം; രോഗികള്‍ വലഞ്ഞു

  • 6
    6 hours ago

    അംഗസംഖ്യയുടെ കാര്യത്തില്‍ പ്രതിപക്ഷം ആശങ്കപ്പെടേണ്ട: മോദി

  • 7
    6 hours ago

    അംഗസംഖ്യയുടെ കാര്യത്തില്‍ പ്രതിപക്ഷം ആശങ്കപ്പെടേണ്ട: മോദി

  • 8
    6 hours ago

    യുദ്ധത്തിനില്ല,ഭീഷണി നേരിടും: സൗദി

  • 9
    6 hours ago

    വ്യോമസേനാ വിമാനം തകര്‍ന്ന് മരിച്ച സൈനികന്റെ കുടുംബത്തെ മുഖ്യമന്ത്രി സന്ദര്‍ശിച്ചു