Friday, April 26th, 2019

അതിരപ്പിള്ളി സര്‍ക്കാര്‍ പിന്‍മാറില്ല

      ഇടുക്കി: അതിരപ്പിള്ളിയില്‍നിന്ന് പിന്‍മാറേണ്ടതില്ലെന്ന് സര്‍ക്കാര്‍. ബദല്‍ പദ്ധതിക്ക് അംഗീകാരം നല്‍കി സാധ്യതയടച്ചു കളയേണ്ടതില്ലെന്നും സര്‍ക്കാര്‍ തീരുമാനിച്ചു. ഘടകകക്ഷികളില്‍നിന്നടക്കം എതിര്‍പ്പുയരുമ്പോഴാണ് കഴിഞ്ഞ ദിവസം മന്ത്രിയുടെ സാന്നിധ്യത്തില്‍ ചേര്‍ന്ന വൈദ്യുതി ബോര്‍ഡ് ഉന്നതതല യോഗം ഇത്തരത്തിലൊരു തീരുമാനത്തിലെത്തിയതെന്നാണ് സൂചന. ‘ജൈവ കലവറയായ അതിരപ്പിള്ളിയെ കീറിമുറിച്ച് വൈദ്യുതി, അതല്ലെങ്കില്‍ പരിസ്ഥിതിക്ക് ഒരുദോഷവും വരുത്താതെ സോളാര്‍ പാടങ്ങള്‍ ഉപയോഗപ്പെടുത്തി വൈദ്യുതി’ ഈ ആശയമാണ് ചര്‍ച്ചക്ക് വന്നത്. പദ്ധതി അതിരപ്പിള്ളിയുടെ ജൈവവൈവിധ്യത്തിന് ഒരു തകരാറും ഉണ്ടാക്കില്ലെന്നും ‘അതിരപ്പിള്ളിക്ക് ബദല്‍’ എന്ന … Continue reading "അതിരപ്പിള്ളി സര്‍ക്കാര്‍ പിന്‍മാറില്ല"

Published On:Jun 12, 2017 | 9:29 am

athirapally

 

 

 
ഇടുക്കി: അതിരപ്പിള്ളിയില്‍നിന്ന് പിന്‍മാറേണ്ടതില്ലെന്ന് സര്‍ക്കാര്‍. ബദല്‍ പദ്ധതിക്ക് അംഗീകാരം നല്‍കി സാധ്യതയടച്ചു കളയേണ്ടതില്ലെന്നും സര്‍ക്കാര്‍ തീരുമാനിച്ചു.
ഘടകകക്ഷികളില്‍നിന്നടക്കം എതിര്‍പ്പുയരുമ്പോഴാണ് കഴിഞ്ഞ ദിവസം മന്ത്രിയുടെ സാന്നിധ്യത്തില്‍ ചേര്‍ന്ന വൈദ്യുതി ബോര്‍ഡ് ഉന്നതതല യോഗം ഇത്തരത്തിലൊരു തീരുമാനത്തിലെത്തിയതെന്നാണ് സൂചന. ‘ജൈവ കലവറയായ അതിരപ്പിള്ളിയെ കീറിമുറിച്ച് വൈദ്യുതി, അതല്ലെങ്കില്‍ പരിസ്ഥിതിക്ക് ഒരുദോഷവും വരുത്താതെ സോളാര്‍ പാടങ്ങള്‍ ഉപയോഗപ്പെടുത്തി വൈദ്യുതി’ ഈ ആശയമാണ് ചര്‍ച്ചക്ക് വന്നത്. പദ്ധതി അതിരപ്പിള്ളിയുടെ ജൈവവൈവിധ്യത്തിന് ഒരു തകരാറും ഉണ്ടാക്കില്ലെന്നും ‘അതിരപ്പിള്ളിക്ക് ബദല്‍’ എന്ന നിലയില്‍ സൗരോര്‍ജ പദ്ധതി അനുവദിക്കുന്നത് വാതില്‍ എന്നത്തേക്കുമായി കൊട്ടിയടക്കലാകുമെന്നുമാണ് യോഗം വിലയിരുത്തിയത്.
അതിരപ്പിള്ളിക്ക് ബദല്‍ എന്ന തലക്കെട്ടില്‍ സൗരോര്‍ജ വൈദ്യുതി ഉല്‍പാദനത്തിന് നാഷനല്‍ തെര്‍മല്‍ പവര്‍ കോര്‍പറേഷന്‍ (എന്‍.ടി.പി.സി) സര്‍ക്കാറിനു പദ്ധതി സമര്‍പ്പിച്ച സാഹചര്യത്തിലാണ് വിഷയം ചര്‍ച്ചക്ക് വന്നത്. അതേസമയം, എന്‍.ടി.പി.സിയുടെ അപേക്ഷ യോഗം പരിഗണിച്ചില്ല. അതിരപ്പിള്ളിയില്‍നിന്ന് കണക്കാക്കുന്നതിലേറെ വൈദ്യുതി ചുരുങ്ങിയ സമയത്തിനുള്ളിലും കുറഞ്ഞ ചെലവിലും ലഭ്യമാകുമെന്നതാണ് ബദല്‍ പദ്ധതിയില്‍ ചൂണ്ടിക്കാട്ടുന്നത്.
അതിരപ്പിള്ളിക്ക് ഇത് എന്തുകൊണ്ട് ബദല്‍ ആകുമെന്ന റിപ്പോര്‍ട്ട് സഹിതം 350 മെഗാവാട്ടിന്റെ പദ്ധതിയാണ് എന്‍.ടി.പി.സി സര്‍ക്കാറിനു സമര്‍പ്പിച്ചിരിക്കുന്നത്. അതിരപ്പിള്ളി നടപ്പായാല്‍ പരമാവധി 163 മെഗാവാട്ടില്‍ താഴെ മാത്രമാണ് കിട്ടുക. സര്‍ക്കാറിനു ഭൂമി ഏറ്റെടുക്കേണ്ടതില്ല.
പദ്ധതി നടപ്പാക്കാന്‍ 400 കോടിയില്‍ താഴെ മാത്രമേ ചെലവ് വരൂ. പരിസ്ഥിതിക്ക് ഒരു കോട്ടവും സംഭവിക്കില്ല. യൂനിറ്റിന് മൂന്ന് രൂപയില്‍ താഴെ നിരക്കില്‍ സൗരോര്‍ജ വൈദ്യുതി നല്‍കാനാവും തുടങ്ങിയ നേട്ടങ്ങളുമുണ്ട്. അതിരപ്പള്ളിക്ക് 936 കോടിയിലേറെ ചെലവ് വരുമെന്നാണ് ഇപ്പോഴത്തെ കണക്ക്.

LIVE NEWS - ONLINE

  • 1
    36 mins ago

    ഇടതുമുന്നണി 18 സീറ്റുകള്‍ നേടും: കോടിയേരി

  • 2
    2 hours ago

    അന്തര്‍സംസ്ഥാന രാത്രികാല യാത്ര സുരക്ഷിതമാവണം

  • 3
    3 hours ago

    വാരാണസിയില്‍ മോദി നാമനിര്‍ദേശ പത്രിക സമര്‍പ്പിച്ചു

  • 4
    3 hours ago

    തീരപ്രദേശങ്ങളില്‍ ഒരു മാസത്തെ സൗജന്യ റേഷന്‍: മുഖ്യമന്ത്രി

  • 5
    3 hours ago

    മോദി സിനിമ തെരഞ്ഞെടുപ്പിന് മുമ്പ് പ്രദര്‍ശിപ്പിക്കരുത്: സുപ്രീം കോടതി

  • 6
    4 hours ago

    കേരളത്തില്‍ ബിജെപി പ്രവര്‍ത്തകര്‍ കൊല്ലപ്പെടുന്നു:മോദി

  • 7
    4 hours ago

    കേരളത്തില്‍ ബിജെപി പ്രവര്‍ത്തകര്‍ കൊല്ലപ്പെടുന്നു:മോദി

  • 8
    4 hours ago

    കൊച്ചിയില്‍ വീട്ടമ്മയെ കഴുത്ത് ഞെരിച്ചു കൊന്നു

  • 9
    5 hours ago

    കൊച്ചിയില്‍ വീട്ടമ്മയെ കഴുത്ത് ഞെരിച്ചു കൊന്നു