Saturday, February 23rd, 2019

അതിരപ്പിള്ളിയുടെ മനസ്സ്

    അതിരപ്പള്ളി സുന്ദരിയാണ്. കാടിന്റെ മനോഹാരിതക്കുള്ളില്‍ സഞ്ചാരികളുടെ പാദ സ്പര്‍ശനമേറ്റുണരാന്‍ വെമ്പുന്ന പ്രകൃതിയുടെ ഈ വരദാനത്തിന് പറഞ്ഞറിയിക്കാനാവാത്ത ഒരു ആകര്‍ഷണീയതയുണ്ട്. അടുക്കുന്തോറും വിസ്മയമേകുന്ന അതിരപ്പിള്ളിയുടെ ഗുണം ഇനിയെങ്കിലും പുറം ലോകമറിയേണ്ടതുണ്ട്്. തുമ്പൂര്‍മുഴി റിവര്‍ ഡൈവര്‍ഷന്‍ സ്‌കീം, അവിടത്തെ ചിത്രശലഭങ്ങളുടെ ഉദ്യാനം, മഴക്കാലത്തു മാത്രം പ്രത്യക്ഷപ്പെടുന്ന ചാര്‍പ്പ വെള്ളച്ചാട്ടം, പെരിങ്ങല്‍കുത്ത് ഡാം, ഷോളയാര്‍ ഡാം എന്നിങ്ങനെ വേറെയും കാഴ്ചകളുണ്ട് ഇവിടെ. (ഡാമുകള്‍ കാണാന്‍ തൃശൂരില്‍നിന്ന് നേരത്തെ അനുമതി വാങ്ങണം.) റോഡിന്റെ ഇരുവശത്തുമുള്ള ഇടതൂര്‍ന്ന വനത്തില്‍ അവസരം ഒത്തുവന്നാല്‍ … Continue reading "അതിരപ്പിള്ളിയുടെ മനസ്സ്"

Published On:Aug 22, 2013 | 5:48 pm

athirapally water falls

 

 

അതിരപ്പള്ളി സുന്ദരിയാണ്. കാടിന്റെ മനോഹാരിതക്കുള്ളില്‍ സഞ്ചാരികളുടെ പാദ സ്പര്‍ശനമേറ്റുണരാന്‍ വെമ്പുന്ന പ്രകൃതിയുടെ ഈ വരദാനത്തിന് പറഞ്ഞറിയിക്കാനാവാത്ത ഒരു ആകര്‍ഷണീയതയുണ്ട്. അടുക്കുന്തോറും വിസ്മയമേകുന്ന അതിരപ്പിള്ളിയുടെ ഗുണം ഇനിയെങ്കിലും പുറം ലോകമറിയേണ്ടതുണ്ട്്. തുമ്പൂര്‍മുഴി റിവര്‍ ഡൈവര്‍ഷന്‍ സ്‌കീം, അവിടത്തെ ചിത്രശലഭങ്ങളുടെ ഉദ്യാനം, മഴക്കാലത്തു മാത്രം പ്രത്യക്ഷപ്പെടുന്ന ചാര്‍പ്പ വെള്ളച്ചാട്ടം, പെരിങ്ങല്‍കുത്ത് ഡാം, ഷോളയാര്‍ ഡാം എന്നിങ്ങനെ വേറെയും കാഴ്ചകളുണ്ട് ഇവിടെ. (ഡാമുകള്‍ കാണാന്‍ തൃശൂരില്‍നിന്ന് നേരത്തെ അനുമതി വാങ്ങണം.) റോഡിന്റെ ഇരുവശത്തുമുള്ള ഇടതൂര്‍ന്ന വനത്തില്‍ അവസരം ഒത്തുവന്നാല്‍ മാനുകളെയും മറ്റു മൃഗങ്ങളെയും കാണാം. കൂടാതെ വിനോദസഞ്ചാരികള്‍ക്കായി വിവിധ റൈഡുകളുള്ള വാട്ടര്‍ തീം പാര്‍ക്കുകളുമുണ്ട്. തൃശൂര്‍ ജില്ലയില്‍ ചാലക്കുടിയില്‍നിന്ന് 32 കിലോ മീറ്റര്‍ അകലെ ചാലക്കുടിമലക്കപ്പാറ സംസ്ഥാനപാതയിലൂടെ പോകുമ്പോള്‍ ചാലക്കുടിപ്പുഴയിലാണ് ദക്ഷിണേന്ത്യയിലെ ഏറ്റവും ആകര്‍ഷകമായ അതിരപ്പിള്ളിവാഴച്ചാല്‍ വെള്ളച്ചാട്ടങ്ങള്‍. പ്രകൃതിയുടെ അപൂര്‍വമായ ദൃശ്യവിരുന്നുകളുടെ ഒരു പരമ്പരതന്നെയുണ്ടിവിടെ. അതുകൊണ്ട് ഇവിടേക്കുള്ള ഒരു ട്രിപ്പ് വിനോദസഞ്ചാരികള്‍ക്ക് ഒരിക്കലും നഷ്ടമല്ല. ചാലക്കുടിയിലെത്തിയാല്‍ ഇവിടെ വാഹന സൗകര്യമുണ്ട്. രാവിലെ 7 മുതല്‍ സ്വകാര്യ ബസ്സുകളും കെ.എസ്.ആര്‍.ടി.സി ബസ്സുകളും ലഭ്യമാണ്.  athirapally water falls full
അതിരപ്പിള്ളി വെള്ളച്ചാട്ടമാണ് ഇവിടത്തെപ്രധാന ആകര്‍ഷണം.വേനല്‍ക്കാലത്ത് പുഴയിലിറങ്ങാന്‍ അനുവദിക്കും. പടിക്കെട്ടുകള്‍ ഇറങ്ങി വെള്ളച്ചാട്ടത്തിന്റെ താഴേക്ക് ഇറങ്ങിച്ചെന്നാല്‍ പ്രത്യേകമായ അനുഭൂതിയാണ്. ജീവിതത്തില്‍ മറക്കാനാവാത്ത കാഴ്ചയാണിത്. അതിരപ്പിള്ളിയില്‍നിന്ന് 3 കി.മീ. അപ്പുറത്തുള്ള വാഴച്ചാല്‍ വെള്ളച്ചാട്ടവും ആകര്‍ഷകമാണ്. വിനോദസഞ്ചാരികള്‍ക്ക് ഇരിപ്പിടങ്ങളും മറ്റുമായി ചെറിയ പാര്‍ക്ക് നിര്‍മ്മിച്ചിട്ടുണ്ട്. അപകടസാധ്യത വളരെയധികമുള്ളതുകൊണ്ട് ഇവിടെ അധികം പുഴയിലേക്കിറങ്ങാന്‍ സമ്മതിക്കില്ല.
മഴക്കാലത്തും അല്ലാതെയുമായി നിരവധി സഞ്ചാരികള്‍ അതിരപ്പിള്ളിതേടിയെത്തുന്നുണ്ട്. ഒരിക്കല്‍ സന്ദര്‍ശിച്ചാല്‍ ഇവിടത്തെ കാഴ്ചകള്‍ മനസില്‍ നിന്ന് മാഞ്ഞ് പോകില്ല. കാരണം ഈ പ്രദേശത്തിന്റെ വശ്യത പറഞ്ഞറിയിക്കാനാവാത്തതാണ്.

LIVE NEWS - ONLINE

  • 1
    9 hours ago

    ഇതര സംസ്ഥാന തൊഴിലാളിയെ മരിച്ചനിലയില്‍ കണ്ടെത്തി

  • 2
    10 hours ago

    വിമാനം റാഞ്ചുമെന്ന് ഭീഷണി; വിമാനത്താവളങ്ങളില്‍ കനത്ത സുരക്ഷ

  • 3
    10 hours ago

    മലപ്പുറം എടവണ്ണയില്‍ വന്‍ തീപ്പിടിത്തം

  • 4
    12 hours ago

    പോരാട്ടം കശ്മീരികള്‍ക്കെതിരെ അല്ല: മോദി

  • 5
    13 hours ago

    ബംഗളൂരുവിലെ പാര്‍ക്കിംഗ് മേഖലയില്‍ നിര്‍ത്തിയിട്ടിരുന്ന 300 കാറുകള്‍ കത്തിനശിച്ചു

  • 6
    15 hours ago

    അധികാരമുണ്ടെന്ന് കരുതി എന്തുമാവാമെന്ന് കരുതരുത്: സുകുമാരന്‍ നായര്‍

  • 7
    16 hours ago

    കണ്ണൂരില്‍ യൂത്ത്‌കോണ്‍ഗ്രസ് മാര്‍ച്ചിനിടെ ലാത്തിച്ചാര്‍ജ്‌

  • 8
    17 hours ago

    ‘സ്വാമി’യെത്തി; വെള്ളി വെളിച്ചത്തില്‍ സ്വാമിയെ കാണാന്‍ കുടുംബസമേതം

  • 9
    17 hours ago

    പത്ത് രൂപക്ക് പറശിനിക്കടവില്‍ നിന്നും വളപട്ടണത്തേക്ക് ഉല്ലാസ ബോട്ടില്‍ സഞ്ചരിക്കാം