Thursday, May 24th, 2018

പെണ്‍കുട്ടികളുടെ ‘അസമയം’ തേടി ഒരു സംഘം ക്യാമ്പസുകളില്‍

സിനിമയുടെ പ്രചരണത്തിനും സിനിമ ഉന്നയിക്കുന്ന ചോദ്യങ്ങള്‍ക്ക് ഉത്തരം തേടുന്നതിനുമായാണ് സിനിമാ താരങ്ങളുടെ കോളേജ് സന്ദര്‍ശനം.

Published On:Feb 10, 2018 | 11:06 am

കണ്ണൂര്‍: ‘പെണ്‍കുട്ടികള്‍ക്ക് പുറത്തിറങ്ങാന്‍ പ്രത്യേക സമയം നിഷ്‌കര്‍ഷിച്ചിട്ടുണ്ടോ?’ ചോദ്യം തളിപ്പറമ്പിനടുത്ത കാരക്കുണ്ടിലെ എം എം നോളഡ്ജ് ആര്‍ട്‌സ് ആന്റ് സയന്‍സ് കോളേജിലെ ഒന്നാംവര്‍ഷ ബിരുദ വിദ്യാര്‍ത്ഥി കാവ്യയുടെതായിരുന്നു. ഇതിന് മറുപടി പറഞ്ഞത് മിഥുനാണ്. ക്യൂന്‍ എന്ന സിനിമയില്‍ അഭിനയിച്ച യുവനടന്‍ മിഥുന്‍.
പെണ്‍കുട്ടികളുടെ അവകാശങ്ങള്‍ക്ക് വേണ്ടി വാദിക്കുന്ന സിനിമയാണ് ക്യൂന്‍. കേരളത്തിലെ സിനിമാകൊട്ടകകളില്‍ പുത്തന്‍ ചരിത്രം സൃഷ്ടിച്ച് തകര്‍ത്താടുകയാണ് പുതുമുഖങ്ങളെ അണിയറയിലും അരങ്ങിലും പരിചയപ്പെടുത്തുന്ന ക്യൂന്‍.
‘പെണ്‍കുട്ടികള്‍ക്ക് ഏതാണ് അസമയം’ എന്ന് സിനിമ ചര്‍ച്ച ചെയ്യുന്നു. സമൂഹത്തിലെ പലരും ചോദിക്കാന്‍ മടിച്ച ചോദ്യങ്ങളാണ് സിനിമ ഉയര്‍ത്തുന്നത്. പെണ്‍കുട്ടികള്‍ക്കും ആണ്‍കുട്ടികള്‍ക്കുമായി പ്രത്യേക സമയം ഉണ്ടോ. പെണ്‍കുട്ടികള്‍ രാത്രിസമയത്ത് പുറത്തിറങ്ങിയാല്‍ എന്താണ് തുടങ്ങിയ പ്രസക്തമായ ചോദ്യങ്ങളാണ് സിനിമ ഉയര്‍ത്തുന്നത്.
സിനിമയുടെ പ്രചരണത്തിനും സിനിമ ഉന്നയിക്കുന്ന ചോദ്യങ്ങള്‍ക്ക് ഉത്തരംതേടുന്നതിനുമായി സിനിമാ താരങ്ങള്‍ വിവിധ കോളേജുകളില്‍ സന്ദര്‍ശനം നടത്തിവരികയാണ്. ഇതിന്റെ ഭാഗമായാണ് സിനിമയുടെ അഭിനേതാക്കളും അണിയറ പ്രവര്‍ത്തകരും കണ്ണൂരിലെ വിവിധ കോളേജ് ക്യാമ്പസുകൡലെത്തിയത്.
സൂരജ്, അരുണ്‍, ഹരിദാസ്, മിഥുന്‍, നഹാസ്, ശരത്കുമാര്‍, അഭിനന്ദ്, മനു, എ ഇ മിഥുന്‍, ജുനൈസ് എന്നിവരാണ് ക്യാമ്പസുകളില്‍ കുട്ടികളുമായി സംവദിച്ചത്. സിനിമയുടെ ക്യാമറക്ക് മുന്നിലും പിന്നിലുമായി അണിനിരന്നവര്‍ എണ്‍പത് ശതമാനവും നവാഗതരാണെന്ന പ്രത്യേകതയുണ്ട്. ഡിജോ ജോസ് ആന്റണിയാണ് ക്യൂന്‍ സംവിധാനം ചെയ്തത്. ജബിന്‍ ആന്റണിയും ഷാരിസ് മുഹമ്മദുമാണ് കഥയൊരുക്കിയത്. സലിംകുമാര്‍, വിജയരാഘവന്‍, ശ്രീജിത്ത് രവി, നന്ദു, സേതുലക്ഷ്മി അമ്മ, ലിയോണ, ഡിസ, അനീഷ് ജി മേനോന്‍ തുടങ്ങിയവരും വേഷമിട്ടു.
എം എം നോളഡ്ജ് ആര്‍ട്‌സ് ആന്റ് സയന്‍സ് കോളേജില്‍ സി ഇ ഒ ഡോ. ഷാഹു ല്‍ ഹമീദ് സിനിമാതാരങ്ങളെ സ്വീകരിച്ചു. കൂടാതെ തളിപ്പറമ്പ് എയറോസിസ് കോളേജ്, തളിപ്പറമ്പ് ആര്‍ട്‌സ് ആന്റ് സയന്‍സ് കോളേജ്, ആംസ്റ്റക്ക് മൊറാഴ തുടങ്ങിയ കലാലയങ്ങളിലും സിനിമാ പ്രവര്‍ത്തകര്‍ സന്ദര്‍ശനം നടത്തി. പയ്യന്നൂര്‍ സുമംഗലി തീയേറ്ററില്‍ നിന്നും ആരാധകര്‍ക്കൊപ്പം സിനിമയും കണ്ടാണ് സംഘം മടങ്ങിയത്.

 

 

LIVE NEWS - ONLINE

  • 1
    30 mins ago

    പുര കത്തുമ്പോള്‍ വാഴ വെട്ടുന്നവര്‍..!

  • 2
    1 hour ago

    മദ്യപിച്ച് നഗ്‌നനൃത്തമാടിയ 50കാരന്‍ അറസ്റ്റില്‍

  • 3
    2 hours ago

    ചെങ്ങന്നൂരില്‍ എല്‍.ഡി.എഫിന് തുടര്‍ച്ചയുണ്ടാകണം: മുഖ്യമന്ത്രി

  • 4
    2 hours ago

    ചെങ്ങന്നൂരില്‍ എല്‍.ഡി.എഫിന് തുടര്‍ച്ചയുണ്ടാകണം: മുഖ്യമന്ത്രി

  • 5
    3 hours ago

    കേരള മുഖ്യനെത്താത്ത ശ്രീജിത്തിന്റെ വീട്ടില്‍ ത്രിപുര മുഖ്യമന്ത്രി

  • 6
    3 hours ago

    ഓടാന്‍ റെഡിയായി സ്‌കൂള്‍ വാഹനങ്ങള്‍

  • 7
    3 hours ago

    നിപ; മൃതദേഹം സംസ്‌കരിക്കാന്‍ വിസമ്മതിച്ച ശ്മശാനം ജീവനക്കാര്‍ക്കെതിരെ കേസെടുത്തു

  • 8
    4 hours ago

    ഷാര്‍ജയില്‍ പുത്തന്‍ ആരോഗ്യ പദ്ധതി

  • 9
    4 hours ago

    ജനത്തിന്റെ നടുവൊടിച്ച് ഇന്ധനവില വീണ്ടും വര്‍ധിച്ചു