പാലക്കാട്: രണ്ടംഗ മോഷണ സംഘം പിടിയില്‍. രണ്ടംഗ മോഷണ സംഘം ടൗണ്‍ നോര്‍ത്ത് ക്രൈം സ്‌ക്വാഡ് പിടിയിലായി. നേമം കനല്‍ക്കരയില്‍ സുധീര്‍ (31), മുണ്ടൂര്‍ വടക്കുംപുറം വലിയപറമ്പ് മുസ്തഫ (21) എന്നിവരെയാണ് ടൗണ്‍ നോര്‍ത്ത് സിഐ കെഎം ബിജുവിന്റെ നേതൃത്വത്തില്‍ പാലക്കാട് കോളജ് റോഡില്‍ വെച്ച് ഇന്നലെ പുലര്‍ച്ചെ അറസ്റ്റു ചെയ്തത്. മുഖംമൂടി ധരിച്ച് വീടുകളില്‍ കയറി സ്ത്രീകളുടെ മാല പൊട്ടിക്കുകയാണ് സുധീറിന്റെ രീതിയെന്ന് പോലീസ് പറഞ്ഞു. 15 വര്‍ഷത്തോളമായി ഇയാള്‍ മോഷണം നടത്തിവരികയാണ്. നേമം, കാട്ടാക്കട, … Continue reading "രണ്ടംഗ മോഷണ സംഘം പിടിയില്‍"
Monday, June 24th, 2019
രണ്ടംഗ മോഷണ സംഘം പിടിയില്‍
Published On:Sep 26, 2013 | 6:32 pm
പാലക്കാട്: രണ്ടംഗ മോഷണ സംഘം പിടിയില്‍. രണ്ടംഗ മോഷണ സംഘം ടൗണ്‍ നോര്‍ത്ത് ക്രൈം സ്‌ക്വാഡ് പിടിയിലായി. നേമം കനല്‍ക്കരയില്‍ സുധീര്‍ (31), മുണ്ടൂര്‍ വടക്കുംപുറം വലിയപറമ്പ് മുസ്തഫ (21) എന്നിവരെയാണ് ടൗണ്‍ നോര്‍ത്ത് സിഐ കെഎം ബിജുവിന്റെ നേതൃത്വത്തില്‍ പാലക്കാട് കോളജ് റോഡില്‍ വെച്ച് ഇന്നലെ പുലര്‍ച്ചെ അറസ്റ്റു ചെയ്തത്. മുഖംമൂടി ധരിച്ച് വീടുകളില്‍ കയറി സ്ത്രീകളുടെ മാല പൊട്ടിക്കുകയാണ് സുധീറിന്റെ രീതിയെന്ന് പോലീസ് പറഞ്ഞു. 15 വര്‍ഷത്തോളമായി ഇയാള്‍ മോഷണം നടത്തിവരികയാണ്. നേമം, കാട്ടാക്കട, ചിറ്റൂര്‍, ആലത്തൂര്‍, ആലുവ പോലീസ് സ്‌റ്റേഷനുകളില്‍ മോഷണകേസുകളുണ്ട്. ഒരു വര്‍ഷത്തോളം പൂജപ്പുര സെന്‍ട്രല്‍ ജയിലില്‍ തടവുശിക്ഷ അനുഭവിച്ചിട്ടുണ്ട്. ബ്ലേഡ് ഉപയോഗിച്ച് ബാഗ്, പോക്കറ്റ് എന്നിവ കീറുന്നതില്‍ സമര്‍ത്ഥനാണ് മുസ്തഫ. ബസുകളിലും മറ്റു തിരക്കേറിയ കച്ചവടസ്ഥാപനങ്ങളിലുമാണ് ഇയാള്‍ മോഷണം നടത്തുന്നത്. മുസ്തഫക്കെതിരെ പാലക്കാട് സൗത്ത്, കുഴല്‍മന്ദം, നോര്‍ത്ത് സ്‌റ്റേഷനുകളില്‍ കേസുണ്ട്. പാലക്കാട് സിജെഎം കോടതിയില്‍ ഹാജരാക്കിയ പ്രതികളെ റിമാന്‍ഡ് ചെയ്തു.
