Wednesday, December 12th, 2018

ആദായ നികുതി ഉദ്യോഗസ്ഥര്‍ ചമഞ്ഞ് കവര്‍ച്ച; മുഖ്യ പ്രതി പിടിയില്‍

തലശ്ശേരി സൈദാര്‍ പള്ളിയിലെ മാളിക വീട്ടിലാണ് കവര്‍ച്ച

Published On:Oct 11, 2018 | 12:25 pm

തലശ്ശേരി:  സൈദാര്‍ പള്ളിക്കടുത്ത ജെ ടി റോഡിലെ മാളിക വീട്ടില്‍ ഇക്കഴിഞ്ഞ സപ്തമ്പര്‍ 20 ന് പാതിരാത്രിയില്‍ ആദായ നികുതി വകുപ്പ് ഉദ്യോഗസ്ഥരായി ചമഞ്ഞെത്തി റെയ്ഡും കവര്‍ച്ചയും നടത്തി രക്ഷപ്പെട്ട സംഘത്തിലെ മുഖ്യപ്രതിയും കൈയ്യറപ്പില്ലാത്ത കൊടും ക്രിമിനലെന്ന വിശേഷണമുമുള്ള യുവാവ് തമിഴ്‌നാട് പോലിസിന്റെ കസ്റ്റഡിയിലുള്ളതായി വിവരം. മധുര ജില്ലാ പോലിസില്‍ നിന്നും ഇത് സംബന്ധിച്ച സൂചനകള്‍ തലശ്ശേരി എ എസ് പിക്ക് ലഭിച്ചതായറിയുന്നു. ഇയാളെ കസ്റ്റഡിയില്‍ എടുത്ത് തലശ്ശേരിയിലെത്തിക്കാനുള്ള നിയമ നടപടികള്‍ നിലവില്‍ കവര്‍ച്ചാ കേസ് അന്വേഷിക്കുന്ന ഉദ്യോഗസ്ഥര്‍ സ്വീകരിച്ചുവരികയാണ്. കോടതിയില്‍ നിന്നും അനുമതി ലഭിച്ചാല്‍ അന്വേഷണ സംഘം മധുരയിലേക്ക് പുറപ്പെടും.
തലശ്ശേരിയിലെ മത്സ്യ മൊത്തവ്യാപാരി പി പി എം.അബ്ദുള്‍ മജീദിന്റെ ഹുദ വീട്ടില്‍ നടന്ന പാതിരാ ഓപറേഷനില്‍ ആദായ നികുതി ഓഫീസറായി സ്വയംപരിചയപ്പെടുത്തിയാണ് ഇപ്പോള്‍ പിടിയിലായ മധുര അറുമുഖം വീട്ടിനകം മുഴുവന്‍ അരിച്ചുപെറുക്കിയത്. കോടി ക്കണക്കിന് പണവും സ്വര്‍ണ്ണവും സൂക്ഷിച്ചിട്ടുണ്ടാവുമെന്ന വിവരത്തിന്റെ ബലത്തിലായിരുന്നത്രെ പരിശോധന. എന്നാല്‍ 26,000 രൂപ മാത്രമാണ് സംഘത്തിന് കിട്ടിയത്. തമിഴ്‌നാട് മുന്‍ മുഖ്യമന്ത്രി ജെ ജയലളിതയുടെ ഊട്ടി കോടനാട്ടെ ഫാം ഹൌസില്‍ കഴിഞ്ഞ വര്‍ഷം കാവല്‍ക്കാരനെ ബന്ധിയാക്കി കഴുത്തറുത്ത് കൊന്ന കേസിലെ മുഖ്യപ്രതിയാണ് അറുമുഖം. കൂടാതെ തമിഴ്‌നാട്ടില്‍ നിരവധി കവര്‍ച്ചാ-കൊലപാതകക്കേസുകളിലും ഉള്‍പെട്ട പ്രതിയാണത്രെ. അറുമുഖത്തിന്റെ കവര്‍ച്ചാ സംഘത്തിനായിരുന്നു തലശ്ശേരി സൈദാര്‍ പള്ളി ഓപറേഷന്റെ ചുമതല. അറുമുഖത്തിനൊപ്പം ഫാം ഹൌസ് കവര്‍ച്ചാ കൊല കേസില്‍ പങ്കെടുത്ത തൃശൂര്‍ കൊടകര കനകമലയിലെ പള്ളത്തില്‍ വീട്ടില്‍ ദീപു ഉള്‍പെടെ 7 പേരെ സൈദാര്‍ പള്ളി വീട് കവര്‍ച്ചാ കേസില്‍ പാലക്കാട്, തൃശൂര്‍ ചാലക്കുടി ഭാഗത്ത് നിന്നും തലശ്ശേരി പോലിസ് അറസ്റ്റ് ചെയ്തിട്ടുണ്ട്. ഇവര്‍ ഏഴു പേരും ഇപ്പോള്‍ റിമാന്റിലാണുള്ളത്. ഇവരെ തിരിച്ചറിയല്‍ പരേഡിന് വിധേയമാക്കാന്‍ കസ്റ്റഡിയില്‍ വാങ്ങുമെന്ന് പോലിസ് പറഞ്ഞു.

 

LIVE NEWS - ONLINE

  • 1
    3 hours ago

    വനിതാ മതിലില്‍ സര്‍ക്കാര്‍ ജീവനക്കാരെ നിര്‍ബന്ധിച്ച് പങ്കെടുപ്പിക്കില്ലെന്ന് ധനമന്ത്രി

  • 2
    5 hours ago

    ശബരിമലയിലെ നിരോധനാജ്ഞ നീട്ടി

  • 3
    6 hours ago

    കമല്‍നാഥ് മധ്യപ്രദേശ് മുഖ്യമന്ത്രിയായേക്കും

  • 4
    9 hours ago

    ശബരിമലയിലെ ബാരിക്കേഡുകള്‍ പൊളിച്ചു നീക്കണം: ഹൈക്കോടതി

  • 5
    11 hours ago

    ഗ്രാമീണരെ അവഗണിച്ചത് കേന്ദ്ര സര്‍ക്കാറിന് വിനയായി

  • 6
    13 hours ago

    ആലുവ കൂട്ടക്കൊല; പ്രതി ആന്റണിയുടെ വധശിക്ഷ ജീവ പര്യന്തമാക്കി

  • 7
    14 hours ago

    പ്രതിഷേധത്തിന്റെ അതിര്‍വരമ്പുകള്‍ ലംഘിക്കരുത്: സ്പീക്കര്‍

  • 8
    14 hours ago

    പ്രതിഷേധത്തിന്റെ അതിര്‍വരമ്പുകള്‍ ലംഘിക്കരുത്: സ്പീക്കര്‍

  • 9
    14 hours ago

    മധ്യപ്രദേശില്‍ തന്ത്രങ്ങള്‍ മെനഞ്ഞ് ബിജെപിയും; ഗവര്‍ണറെ കാണും