Friday, January 18th, 2019

നഗരമധ്യത്തിലെ ഹോട്ടലില്‍ അഗ്നിബാധ

ഇന്ന് കാലത്ത് പതിനൊന്നരമണിയോടെയാണ് തീപിടുത്തമുണ്ടായത്. ജീവനക്കാര്‍ അടുക്കളയില്‍ നിന്ന് ഭക്ഷണം പാകംചെയ്യുന്നതിനിടയിലാണ് തീപിടുത്തമുണ്ടായത്.

Published On:Jun 21, 2018 | 11:45 am

കണ്ണൂര്‍: ഫോര്‍ട്ട് റോഡിലെ സാധുബില്‍ഡിംഗില്‍ പ്രവര്‍ത്തിക്കുന്ന അക്വേറീയസ് ഫാസ്റ്റ് ഫുഡ് വെജിറ്റേറിയന്‍ ഹോട്ടലില്‍ വന്‍ അഗ്നിബാധ. ഇന്ന് കാലത്ത് പതിനൊന്നരമണിയോടെയാണ് തീപിടുത്തമുണ്ടായത്. ജീവനക്കാര്‍ അടുക്കളയില്‍ നിന്ന് ഭക്ഷണം പാകംചെയ്യുന്നതിനിടയിലാണ് തീപിടുത്തമുണ്ടായത്. മുറികളാകെ പുക നിറഞ്ഞതോടെ ഭക്ഷണം കഴിക്കാനെത്തിയവരും ജീവനക്കാരും പുറത്തേക്കോടി. വിവരമറിഞ്ഞെത്തിയ ഫയര്‍സര്‍വീസ് ഏറെ നേരത്തെ ശ്രമത്തിനൊടുവില്‍ തീ നിയന്ത്രണ വിധേയമാക്കി. അടുക്കളയില്‍ സൂക്ഷിച്ചിരുന്ന കാച്ചിയ പപ്പടത്തില്‍ നിന്നാണ് എണ്ണയുടെ ഭാഗത്ത് തീ പടര്‍ന്ന് പെട്ടെന്ന് ആളികത്തലുണ്ടായതെന്ന് കരുതുന്നതായി ഫയര്‍സര്‍വീസ് ഉദ്യോഗസ്ഥര്‍ പറഞ്ഞു. 2 യൂനിറ്റ് ഫയര്‍എഞ്ചിനെത്തി വെള്ളം ചീറ്റി തീ നിയന്ത്രണ വിധേയമാക്കിയ ശേഷം പ്രത്യേക സംവിധാനമുപയോഗിച്ച് പുക നിറഞ്ഞ മുറിക്കകത്ത് കയറിയ ഇവര്‍ തീ പൂര്‍ണമായും അണഞ്ഞെന്ന് ഉറപ്പ് വരുത്തിയ ശേഷമാണ് പുറത്തേക്കിറങ്ങിയത്. മാനം മുട്ടെ പുക ഉയരുന്നതുകണ്ട് കോരിച്ചൊരിയുന്ന മഴയത്തും ആളുകള്‍ തടിച്ചുകൂടിയതോടെ ഇതുവഴിയുള്ള വാഹന ഗതാഗതം സ്തംഭിക്കുകയും വാഹനങ്ങള്‍ വഴിതിരിച്ചുവിടുകയും ചെയ്യേണ്ടി വന്നു. പന്ത്രണ്ടരയോടെയാണ് ഇതുവഴിയുളള ഗതാഗതം പൂര്‍വ സ്ഥിതിയിലായത്.

 

 

LIVE NEWS - ONLINE

  • 1
    2 hours ago

    ബിന്ദുവിനും കനകദുര്‍ഗക്കും മതിയായ സംരക്ഷണം നല്‍കണം: സുപ്രീം കോടതി

  • 2
    3 hours ago

    എസ്ബിഐ ആക്രമണം; എന്‍ജിഒ യൂണിയന്‍ നേതാക്കള്‍ക്ക് സസ്‌പെന്‍ഷന്‍

  • 3
    3 hours ago

    യുവതിയെയും മക്കളെയും ആസിഡ് ഒഴിച്ച് പൊള്ളിച്ച സംഭവം; ഭര്‍ത്താവ് അറസ്റ്റില്‍

  • 4
    4 hours ago

    സ്വര്‍ണക്കടത്ത്; രണ്ടുപേര്‍ പിടിയില്‍

  • 5
    4 hours ago

    ഇന്ധന വില ഇന്ന് വീണ്ടും വര്‍ധിച്ചു

  • 6
    4 hours ago

    കശ്മീരില്‍ ഭീകരരുടെ ഗ്രനേഡ് ആക്രമണം;മൂന്ന് പോലീസുകാര്‍ക്ക് പരിക്ക്

  • 7
    4 hours ago

    ചരിത്ര നേട്ടത്തിന് ഇന്ത്യക്ക് 231 റണ്‍സ് വേണം

  • 8
    5 hours ago

    കരിമണല്‍ ഖനനം; ജനവികാരം മനസിലാക്കാന്‍ സര്‍ക്കാരിന് കഴിഞ്ഞില്ല: ചെന്നിത്തല

  • 9
    5 hours ago

    കരിമണല്‍ ഖനനം; ജനവികാരം മനസിലാക്കാന്‍ സര്‍ക്കാരിന് കഴിഞ്ഞില്ല: ചെന്നിത്തല