ചെലവ് കുറയ്ക്കുന്നതിന്റെ ഭാഗമായാണിത്
Tuesday, July 16th, 2019
ത്രീഡി ടച്ച് ഫീച്ചര്‍ ഇനി ഐഫോണില്‍ ഉണ്ടാവില്ല
Published On:May 2, 2018 | 1:47 pm
വരാനിരിക്കുന്ന ഐഫോണുകളില്‍ ത്രീഡി ടച്ച് ഫീച്ചര്‍ ഒഴിവാക്കാന്‍ ആപ്പിള്‍ ഒരുങ്ങുകയാണെന്ന് റിപ്പോര്‍ട്ട്. ചെലവ് കുറയ്ക്കുന്നതിന്റെ ഭാഗമായാണിത്. കവര്‍ ഗ്ലാസ് സെന്‍സര്‍ എന്ന പുതിയ ഡിസ്‌പ്ലേ സാങ്കേതികവിദ്യ അവതരിപ്പിക്കാന്‍ പദ്ധതിയുള്ളതിനാലാണ് ത്രിഡി ടച്ച് സംവിധാനം ഒഴിവാക്കാനുള്ള നീക്കത്തിന് പിന്നിലെന്ന് മിങ് ചി കുവോ പറയുന്നു. കെജിഐ സെക്യൂരിറ്റീസിലെ അനലിസ്റ്റാണ് അദ്ദേഹം. ഇതുവഴി ഐ ഫോണ്‍ നിര്‍മ്മാണത്തിനുള്ള ചെലവ് കുറയ്ക്കാനും ആപ്പിളിന് സാധിക്കും.
ത്രീഡി ടച്ച് സംവിധാനം വരാനിരിക്കുന്ന 6.1 ഇഞ്ച് ഐഫോണില്‍ നിന്ന് പൂര്‍ണമായും നീക്കുമെന്നാണ് റിപ്പോര്‍ട്ട്. 2019 ഓടെ എല്ലാ ഐഫോണുകളും കവര്‍ഗ്ലാസ് സെന്‍സറിലേക്ക് മാറുമെന്നും മിങ് പറഞ്ഞു. എന്നാല്‍ ഐഫോണ്‍ 10 പ്ലസില്‍ ത്രീഡി ടച്ച് ഫീച്ചര്‍ നിലനിര്‍ത്തുമെന്നാണ് റിപ്പോര്‍ട്ട്.
