Friday, September 21st, 2018

ബൈ…ബ്യൂട്ടിഫുള്‍ മേന്‍

വിരമിക്കല്‍ പ്രഖ്യാപനം കുക്ക് തന്നെയാണ് അറിയിച്ചത്.

Published On:Sep 4, 2018 | 9:36 am

ലണ്ടന്‍: ഇംഗ്ലണ്ട് ക്രിക്കറ്റ് ടീമിന്റെ മുന്‍ ക്യാപ്റ്റനും വിശ്വസ്ത ഓപ്പണറുമായ അലിസ്റ്റര്‍ കുക്ക് രാജ്യാന്തര ക്രിക്കറ്റില്‍നിന്ന് വിരമിക്കുന്നു. ഇന്ത്യ-ഇംഗ്ലണ്ട് അഞ്ചാം ടെസ്റ്റ് ആയിരിക്കും കുക്കിന്റെ അവസാന രാജ്യാന്തര മത്സരം.
മുപ്പത്തിമൂന്നുകാരനായ കുക്ക് 160 ടെസ്റ്റില്‍നിന്ന് 32 സെഞ്ചുറിയുള്‍പ്പെടെ 12,254 റണ്‍സ് നേടിയിട്ടുണ്ട്. ഇംഗ്ലണ്ടിനായി ഇത്രയും മത്സരങ്ങളോ സെഞ്ചുറിയോ റണ്‍സോ നേടിയ മറ്റൊരു താരമില്ല. 59 ടെസ്റ്റില്‍ ടീമിന്റെ ക്യാപ്റ്റനായും കുക്ക് റിക്കാര്‍ഡിട്ടിട്ടുണ്ട്.
ടെസ്റ്റില്‍ ഏറ്റവും അധികം റണ്‍സ് നേടിയവരുടെ പട്ടികയില്‍ ലോകത്തില്‍ ആറാം സ്ഥാനത്താണ് കുക്ക്. ഓപ്പണറായി ഏറ്റവും അധികം റണ്‍സ് നേടിയ റിക്കാര്‍ഡ് ഇംഗ്ലീഷ് താരത്തിനു സ്വന്തം, 11,627 റണ്‍സ്.
വിരമിക്കല്‍ പ്രഖ്യാപനം കുക്ക് തന്നെയാണ് അറിയിച്ചത്. നേടാന്‍ സാധിക്കുന്നതിന്റെ പരമാവധി സ്വന്തമാക്കി. ഡ്രസിംഗ് റൂമില്‍ ഇനി മുതല്‍ ഉണ്ടാകേണ്ടതില്ലെന്നാണ് തീരുമാനം. ഏറെ ആലോചിച്ചാണ് തീരുമാനമെടുത്തതെന്നും പത്രക്കുറിപ്പില്‍ കുക്ക് വ്യക്തമാക്കി.
രാജ്യാന്തര ക്രിക്കറ്റില്‍നിന്ന് വിരമിച്ചെങ്കിലും കൗണ്ടിയില്‍ കുക്കിന്റെ സാന്നിധ്യമുണ്ടാകും. കൗണ്ടി ടീമായ എസെക്‌സിനൊപ്പം മുഴുവന്‍ സമയം ചെലവിടുമെന്നും കുക്ക് പറഞ്ഞു.
21-ാം വയസിലാണ് കുക്ക് ഇംഗ്ലീഷ് ടെസ്റ്റ് ടീമില്‍ അരങ്ങേറുന്നത്. മൈക്കിള്‍ വോണിന്റെ പകരക്കാരനായി 2006ല്‍ നാഗ്പുരില്‍ അരങ്ങേറ്റം കുറിച്ച കുക്ക് രണ്ടാം ഇന്നിംഗ്‌സില്‍ സെഞ്ചുറി നേടി പുറത്താകാതെനിന്നു. മൂന്നാം ടെസ്റ്റില്‍ അസുഖങ്ങളെത്തുടര്‍ന്ന് പുറത്തിരിക്കേണ്ടിവന്ന കുക്ക് തുടര്‍ന്ന് ഇംഗ്ലണ്ടിന്റെ ടെസ്റ്റ് ടീമിനു പുറത്തുപോയിട്ടില്ല. തുടര്‍ച്ചയായി 158 ടെസ്റ്റില്‍ കളിച്ച് റിക്കാര്‍ഡും കുറിച്ചു.

 

LIVE NEWS - ONLINE

  • 1
    19 mins ago

    ബിഷപ്പിന്റെ അറസ്റ്റ് രേഖപ്പെടുത്തി

  • 2
    1 hour ago

    നരേന്ദ്രമോദിയേയും അമിത് ഷായേയും രൂക്ഷമായി വിമര്‍ശിച്ച് ശത്രുഘ്നന്‍ സിന്‍ഹ

  • 3
    3 hours ago

    ബിഷപ്പിനെ വൈദ്യപരിശോധനക്ക് തൃപ്പൂണിത്തുറ താലൂക്ക് ആശുപത്രിയില്‍ എത്തിച്ചു

  • 4
    3 hours ago

    ടാന്‍സാനിയയില്‍ കടത്തുബോട്ട് മറിഞ്ഞുണ്ടായ അപകടത്തില്‍ 100 പേര്‍ മരിച്ചു

  • 5
    6 hours ago

    ബിഷപ്പ് ഫ്രാങ്കോ മുളയ്ക്കല്‍ അറസ്റ്റില്‍

  • 6
    7 hours ago

    കന്യാസ്ത്രീസമരത്തെ സര്‍ക്കാര്‍ വിരുദ്ധ സമരമായി മാറ്റാന്‍ നീക്കം: കോടിയേരി

  • 7
    10 hours ago

    യുവാവ് ദുരൂഹ സാഹചര്യത്തില്‍ മരിച്ച നിലയില്‍

  • 8
    11 hours ago

    അശ്ലീല വാട്‌സാപ്പ് വീഡിയോ; മൂന്നുപേര്‍ കസ്റ്റഡിയില്‍

  • 9
    11 hours ago

    കശ്മീരില്‍ മൂന്ന് പോലീസുദ്യോഗസ്ഥരെ തീവ്രവാദികള്‍ തട്ടിക്കൊണ്ടുപോയി