Sunday, February 17th, 2019

ഉയരാനിനി 60 ദിനം; 15 മുതല്‍ പരീക്ഷണ പറക്കല്‍ ആരംഭിക്കും

ഇന്‍ഡിഗോ, എയര്‍ഇന്ത്യ എക്‌സ്പ്രസ് എന്നിവ ഇതിനകം രണ്ടുതവണ വീതം പരീക്ഷണ പറക്കല്‍ നടത്തിയിട്ടുണ്ട്. ഗോ എയര്‍, സ്‌പൈസ് ജറ്റ് എന്നിവയാണ് അടുത്ത ഘട്ടങ്ങളില്‍ എത്തുക.

Published On:Oct 10, 2018 | 1:32 pm

മട്ടന്നൂര്‍: രാജ്യാന്തര വിമാനത്താവള ഉദ്ഘാടനത്തിന്റെ മുന്നോടിയായി കസ്റ്റംസ് പരിശോധന പൂര്‍ത്തിയാവുകയും വിവിധ വിമാനക്കമ്പനികളുമായി ചര്‍ച്ച നടത്തുകയും ചെയ്തതോടെ 15 മുതല്‍ വിവിധ കമ്പനികള്‍ പരീക്ഷണ പറക്കല്‍ നടത്തും. ഇന്‍ഡിഗോ, എയര്‍ഇന്ത്യ എക്‌സ്പ്രസ് എന്നിവ ഇതിനകം രണ്ടുതവണ വീതം പരീക്ഷണ പറക്കല്‍ നടത്തിയിട്ടുണ്ട്. ഗോ എയര്‍, സ്‌പൈസ് ജറ്റ് എന്നിവയാണ് അടുത്ത ഘട്ടങ്ങളില്‍ എത്തുക.
ഇന്നുമുതല്‍ രണ്ടുദിവസം വിമാനത്താവള പരിധിയിലുള്ള മട്ടന്നൂര്‍ നഗരസഭ, കീഴല്ലൂര്‍ ഗ്രാമപഞ്ചായത്ത് എന്നിവിടങ്ങളിലെ പൊതുജനങ്ങള്‍ക്കും വെള്ളിയാഴ്ച വിദ്യാര്‍ത്ഥികള്‍ക്കും ശനി, ഞായര്‍ ദിവസങ്ങളില്‍ ഓഹരി ഉടമകള്‍ക്കും വിമാനത്താവളത്തില്‍ സന്ദര്‍ശനം അനുവദിച്ചിട്ടുണ്ട്. ഇതിനുശേഷമാണ് വിവിധ കമ്പനികള്‍ തങ്ങളുടെ കണ്ണൂരിലെ കന്നിപറക്കലിന് എത്തുക.
സര്‍വ്വീസിന് കരാര്‍ ഒപ്പിട്ടതും താല്പര്യം പ്രകടിപ്പിച്ചതുമായ എയര്‍ ഇന്ത്യാ എക്‌സ്പ്രസ്സ്, ഇന്റിഗോ, ഗോ എയര്‍, സ്‌പൈസ് ജറ്റ് എയര്‍വെയ്‌സ്, ഫ്‌ളൈദുബായ്, എയര്‍ അറേബ്യ, ഒമാന്‍ എയര്‍, ഖത്തര്‍ എയര്‍വെയ്‌സ്, ഗള്‍ഫ് എയര്‍ എന്നീ കമ്പനികളുടെ പ്രതിനിധികളായിരുന്നു വിമാനത്താവളം സന്ദര്‍ശിച്ചശേഷം കിയാലുമായി ചര്‍ച്ച നടത്തിയത്. ഡിസംബര്‍ 9 നാണ് കണ്ണൂര്‍ രാജ്യാന്തര വിമാനത്താവളത്തിന്റെ ഉദ്ഘാടനം. തുടക്കം മുതല്‍ എയര്‍ഇന്ത്യ എക്‌സ്പ്രസ്, ഇന്‍ഡിഗോ, ഗോ എയര്‍ എന്നിവ സര്‍വ്വീസ് നടത്തും.
കസ്റ്റംസ് എറണാകുളം ഹെഡ് ക്വാര്‍ട്ടേഴ്‌സ് ജോയിന്റ് കമ്മീഷണര്‍ അനില്‍ രാജന്‍, കണ്ണൂര്‍ ഡിവിഷന്‍ അസിസ്റ്റന്റ് കമ്മീഷണര്‍ പ്രദീപ് കുമാര്‍, കോഴിക്കോട് ഇന്റലിജന്റ്‌സ് അസിസ്റ്റന്റ് കമ്മീഷണര്‍ വിധുലാല്‍ എന്നിവരുടെ നേതൃത്വത്തിലുള്ള 15 അംഗസംഘമാണ് ഇന്നലെ കസ്റ്റംസ് പരിശോധന പൂര്‍ത്തിയാക്കിയത്.

LIVE NEWS - ONLINE

  • 1
    1 hour ago

    ഭീകരാക്രമണത്തിന് മസൂദ് അസര്‍ നിര്‍ദേശം നല്‍കിയത് പാക് സൈനിക ആശുപത്രിയില്‍നിന്ന്

  • 2
    3 hours ago

    നാലുവയസ്സുകാരിയെ കൊലപ്പെടുത്തിയ സംഭവം: ഭിക്ഷാടകസംഘത്തിലെ രണ്ടുപേര്‍ അറസ്റ്റില്‍

  • 3
    4 hours ago

    വസന്തകുമാറിന്റെ കുടുംബത്തെ ഇന്ന് മന്ത്രി ബാലന്‍ സന്ദര്‍ശിക്കും

  • 4
    16 hours ago

    പുല്‍വാമ ആക്രമണം: തെളിവുണ്ടെങ്കില്‍ ഹാജരാക്കണമെന്ന് പാക് വിദേശകാര്യ മന്ത്രി

  • 5
    17 hours ago

    സ്ഫോടകവസ്തു നിര്‍വീര്യമാക്കുന്നതിനിടെ ജമ്മു കശ്മീരില്‍ സൈനികന്‍ കൊല്ലപ്പെട്ടു

  • 6
    19 hours ago

    വസന്ത്കുമാറിന്റെ മൃതദേഹം ജന്മനാട്ടിലേക്ക് കൊണ്ടു പോയി

  • 7
    23 hours ago

    കൊട്ടിയൂര്‍ പീഡനം; വൈദികന് 20വര്‍ഷം കഠിന തടവും മൂന്നു ലക്ഷം പിഴയും

  • 8
    23 hours ago

    കൊട്ടിയൂര്‍ പീഡനം; വൈദികന് 20വര്‍ഷം കഠിന തടവും മൂന്നു ലക്ഷം പിഴയും

  • 9
    24 hours ago

    ദിലീപന്‍ വധക്കേസ്; 9 പ്രതികള്‍ക്ക് ജീവപര്യന്തം തടവും മുപ്പതിനായിരം പിഴയും