Wednesday, September 19th, 2018

ജാമ്യമില്ല; ദിലീപ് പോലീസ് കസ്റ്റഡിയില്‍

അങ്കമാലി മജിസ്‌ട്രേറ്റ് കോടതിയിലെത്തിച്ച ദിലീപിനെ കാണാന്‍ വലിയ ജനക്കൂട്ടം തടിച്ചുകൂടിയിരുന്നു. ദിലീപിനെയും പിന്നാലെയെത്തിയ അഭിഭാഷകന്‍ രാംകുമാറിനേയും ജനം കൂവലോടെയാണ് എതിരേറ്റത്.

Published On:Jul 12, 2017 | 12:30 pm

കൊച്ചി: നടിയെ ആക്രമിച്ച കേസില്‍ അറസ്റ്റിലായ നടന്‍ ദിലീപിന്റെ ജാമ്യാപേക്ഷ വിധി പറയാന്‍ മാറ്റിവെച്ചു. രണ്ടു ദിവസത്തെ കസ്റ്റഡി കാലാവധി കഴിഞ്ഞ് ജാമ്യാപേക്ഷ പരിഗണിക്കുമെന്ന് അങ്കമാലി ഒന്നാം ക്ലാസ് മജിസ്‌ട്രേറ്റ് കോടതി അറിയിച്ചു. നേരത്തേ ഇതേ കോടതി ദിലീപിനെ രണ്ട് ദിവസത്തെ കസ്റ്റഡിയില്‍ വിട്ടുകൊണ്ടുള്ള ഉത്തരവിട്ടിരുന്നു. കൂടുതല്‍ ചോദ്യം ചെയ്യണമെന്നും തെളിവെടുപ്പ് നടത്തണമെന്നുമുള്ള പോലീസിന്റെ വാദം കോടതി അംഗീകരിക്കുകയായിരുന്നു. കേസിലെ ഗൂഢാലോചനയും മറ്റ് ബന്ധങ്ങളും തെളിയിക്കാനായി മൂന്ന് ദിവസം കസ്റ്റഡിയില്‍ വിട്ടുകിട്ടണമെന്നായിരുന്നു പോലീസ് ആവശ്യപ്പെട്ടത്. മജിസ്‌ട്രേറ്റിന്റെ ചേംബറിലാണ് കേസ് പരിഗണിച്ചത്.
എന്നാല്‍ അന്വേഷണത്തോട് സഹകരിക്കാന്‍ തയ്യാറാണെന്നും അതുകൊണ്ട് ജാമ്യം നല്‍കണമെന്നും ദിലീപ് കോടതിയില്‍ ആവശ്യപ്പെട്ടെങ്കിലും പരിഗണിച്ചില്ല. അതേസമയം രണ്ടു ദിവസത്തിനു ശേഷം വീണ്ടും കോടതിയില്‍ ഹാജരാക്കുമ്പോള്‍ അന്വേഷണ സംഘം ദിലീപിനെ വീണ്ടും കസ്റ്റഡിയില്‍ ആവശ്യപ്പെടാനും സാധ്യതയുണ്ട്.
ആലുവ സബ്ജയിലില്‍നിന്ന് രാവിലെ 10.25ഓടെ അങ്കമാലി മജിസ്‌ട്രേറ്റ് കോടതിയിലെത്തിച്ച ദിലീപിനെ കാണാന്‍ വലിയ ജനക്കൂട്ടം തടിച്ചുകൂടിയിരുന്നു. ദിലീപിനെയും പിന്നാലെയെത്തിയ അഭിഭാഷകന്‍ രാംകുമാറിനേയും ജനം കൂവലോടെയാണ് എതിരേറ്റത്. സുരക്ഷ പരിഗണിച്ച് വലിയ പോലീസ് സന്നാഹമാണ് കോടതി പരിസരത്ത് ഒരുക്കിയിരുന്നത്.

 

LIVE NEWS - ONLINE

  • 1
    10 hours ago

    മുസ്ലിം വിഭാഗക്കാര്‍ അടക്കം എല്ലാവരെയും ഉള്‍ക്കൊള്ളുന്നതാണ് ഹിന്ദുത്വമെന്ന് മോഹന്‍ ഭാഗവത്

  • 2
    12 hours ago

    എ.എം.എം.എയ്ക്ക് വീണ്ടും കത്തു നല്‍കി നടിമാര്‍

  • 3
    13 hours ago

    സംസ്ഥാന സ്‌കൂള്‍കലോത്സവം ഡിസംബര്‍ ഏഴുമുതല്‍; മൂന്ന് ദിവസം മാത്രം

  • 4
    16 hours ago

    ഫ്രാങ്കോ മുളക്കലിന്റെ ജാമ്യാപേക്ഷ 25ലേക്ക് മാറ്റി

  • 5
    17 hours ago

    ബിഷപ്പിനെ തൊടാന്‍ പോലീസിന് പേടി: എംഎന്‍ കാരശ്ശേരി

  • 6
    18 hours ago

    വിനോദസഞ്ചാരികളെ ആകര്‍ഷിക്കാന്‍ മെച്ചപ്പെട്ട സൗകര്യങ്ങള്‍ ഒരുക്കണം

  • 7
    18 hours ago

    കണ്ണൂര്‍ മെഡിക്കല്‍ കോളജ്; ആവശ്യമെങ്കില്‍ സിബിഐ അന്വേഷണം: സുപ്രീംകോടതി

  • 8
    20 hours ago

    ബാര്‍ കോഴക്കേസില്‍ തുടരന്വേഷണം വേണമെന്ന് കോടതി

  • 9
    20 hours ago

    ബാര്‍ കോഴ; കോടതി വിധി അനുസരിച്ച് പ്രവര്‍ത്തിക്കും;മന്ത്രി ഇപി ജയരാജന്‍