Monday, July 15th, 2019

കാര്‍ മോഷണം, അപകടം; രണ്ടുപേര്‍ പിടിയില്‍

മാനന്തവാടി: മോഷ്ടിച്ച കാര്‍ ഇടിച്ച് സ്‌കൂട്ടര്‍ യാത്രികര്‍ക്ക് പരുക്ക്. കാറില്‍ നിന്ന്‌രക്ഷപ്പെടാന്‍ ശ്രമിച്ച യുവാവിനെയും യുവതിയെയും പോലീസും നാട്ടുകാരും ചേര്‍ന്നു പിടികൂടി. ഇന്നലെ രാവിലെ പത്തോടെയാണ് സംഭവം. മാനന്തവാടിയില്‍നിന്ന് കണ്ണൂര്‍ ഭാഗത്തേക്ക് അതിവേഗം പാഞ്ഞുപോയ കാര്‍ കുഴിനിലത്ത് രണ്ടു സ്‌കൂട്ടറുകള്‍ ഇടിച്ചുതെറിപ്പിക്കുകയായിരുന്നു. നിര്‍ത്താതെ അതിവേഗത്തില്‍ കുതിച്ച കാറിനെ തലപ്പുഴ 44ല്‍ പോലീസും നാട്ടുകാരും ചേര്‍ന്ന് തടഞ്ഞുനിര്‍ത്തി. ഇതോടെ കാറിലുണ്ടായിരുന്ന യുവാവും യുവതിയും ഇറങ്ങി ഓടി. തുടര്‍ന്ന് നാട്ടുകാരുടെ സഹായത്തോടെ പോലീസ് പ്രദേശത്ത് വ്യാപക തിരച്ചില്‍ നടത്തി. ഇതിനിടെയാണ് … Continue reading "കാര്‍ മോഷണം, അപകടം; രണ്ടുപേര്‍ പിടിയില്‍"

Published On:Jul 9, 2018 | 1:11 pm

മാനന്തവാടി: മോഷ്ടിച്ച കാര്‍ ഇടിച്ച് സ്‌കൂട്ടര്‍ യാത്രികര്‍ക്ക് പരുക്ക്. കാറില്‍ നിന്ന്‌രക്ഷപ്പെടാന്‍ ശ്രമിച്ച യുവാവിനെയും യുവതിയെയും പോലീസും നാട്ടുകാരും ചേര്‍ന്നു പിടികൂടി. ഇന്നലെ രാവിലെ പത്തോടെയാണ് സംഭവം. മാനന്തവാടിയില്‍നിന്ന് കണ്ണൂര്‍ ഭാഗത്തേക്ക് അതിവേഗം പാഞ്ഞുപോയ കാര്‍ കുഴിനിലത്ത് രണ്ടു സ്‌കൂട്ടറുകള്‍ ഇടിച്ചുതെറിപ്പിക്കുകയായിരുന്നു. നിര്‍ത്താതെ അതിവേഗത്തില്‍ കുതിച്ച കാറിനെ തലപ്പുഴ 44ല്‍ പോലീസും നാട്ടുകാരും ചേര്‍ന്ന് തടഞ്ഞുനിര്‍ത്തി. ഇതോടെ കാറിലുണ്ടായിരുന്ന യുവാവും യുവതിയും ഇറങ്ങി ഓടി. തുടര്‍ന്ന് നാട്ടുകാരുടെ സഹായത്തോടെ പോലീസ് പ്രദേശത്ത് വ്യാപക തിരച്ചില്‍ നടത്തി. ഇതിനിടെയാണ് പരിസരത്തെ ഒരു വീടിന് സമീപത്ത് ഒളിച്ചിരുന്ന ഇരുവരെയും പിടിയിലായത്. എറണാകുളം വൈറ്റില മനക്കല്‍ വീട്ടില്‍ ആഷിക്ക് ആന്റണി(25), ഇരിട്ടി കീഴ്പ്പിളളി കൂമ്പനാട്ടില്‍ രഞ്ജിനി(28) എന്നിവരെയാണ് പോലീസ് കസ്റ്റഡിയിലെടുത്തത്. അശ്രദ്ധമായി വാഹനം ഓടിച്ച് അപകടം ഉണ്ടാക്കിയ കേസില്‍ ആഷിക്ക് ആന്റണിയെ മാനന്തവാടി പോലീസ് അറസ്റ്റ് ചെയ്തു. കാര്‍ ഇടിച്ച് പരുക്കേറ്റ സ്‌കൂട്ടര്‍ യാത്രികരായ കുഴിനിലം സ്വദേശികളായ പുളിഞ്ചിക്കല്‍ അഭിജിത്ത്(29), വേങ്ങച്ചുവട്ടില്‍ സാജു(46) എന്നിവര്‍ മാനന്തവാടി ജില്ലാ ആശുപത്രിയില്‍ ചികില്‍സയിലാണ്. രണ്ടു സ്‌കൂട്ടറുകളും പൂര്‍ണമായും തകര്‍ന്നു. കാറിലുണ്ടായിരുന്ന രഞ്ജിനിയെ കാണാനില്ലെന്നു കോഴിക്കോട് നടക്കാവ് സ്‌റ്റേഷനില്‍ കേസ് നിലവിലുളളതിനാല്‍ നടക്കാവ് പോലീസിന് കൈമാറി. കളമശ്ശേരിയില്‍ നിന്നും മോഷ്ടിച്ച കാറാണിതെന്നും പ്രതിക്ക് മറ്റ് മോഷണക്കേസുകളില്‍ പങ്കുണ്ടെന്നുമാണ് സൂചന.

LIVE NEWS - ONLINE

  • 1
    4 hours ago

    സംസ്ഥാനത്ത് ജൂലായ് 31 വരെ വൈദ്യുതി നിയന്ത്രണം ഉണ്ടാവില്ല

  • 2
    4 hours ago

    കാണാതായ വിദ്യാര്‍ഥിയുടെ മൃതദേഹം കണ്ടെത്തി

  • 3
    7 hours ago

    പമ്പവരെ സ്വകാര്യ വാഹനങ്ങള്‍ക്ക് പോകാമെന്ന് ഹൈക്കോടതി

  • 4
    8 hours ago

    കര്‍ണാടകയില്‍ വ്യാഴാഴ്ച വിശ്വാസ വോട്ടെടുപ്പ്

  • 5
    10 hours ago

    എസ്.എഫ്.ഐക്കാരന്റെ വീട്ടില്‍ സമാന്തര പി.എസ്.സി ഓഫീസ്: മുല്ലപ്പള്ളി

  • 6
    11 hours ago

    എസ്എഫ്‌ഐ ‘സ്റ്റുപ്പിഡ് ഫെഡറേഷന്‍ ഓഫ് ഇന്ത്യ’യായി മാറി: അബ്ദുള്ളക്കുട്ടി

  • 7
    11 hours ago

    എസ്എഫ്‌ഐ ‘സ്റ്റുപ്പിഡ് ഫെഡറേഷന്‍ ഓഫ് ഇന്ത്യ’യായി മാറി: അബ്ദുള്ളക്കുട്ടി

  • 8
    11 hours ago

    കള്ളുംകുടിച്ചു ഭക്ഷണവും കഴിച്ചു; 100 രൂപ ടിപ്പ് വെച്ച് മോഷ്ടാക്കള്‍ സ്ഥലംവിട്ടു

  • 9
    11 hours ago

    പോലീസ് റാങ്ക് ലിസ്റ്റില്‍ അപാകതയെന്ന് സംശയം; നിയമനങ്ങള്‍ക്ക് താത്കാലിക സ്‌റ്റേ