Saturday, April 20th, 2019

അഭിമന്യൂ വധം; സനീഷന്റെ അറസ്റ്റ് പോലീസ് രേഖപ്പെടുത്തി

അഭിമന്യുവിന്റെ ഫോണും കുത്താന്‍ ഉപയോഗിച്ച കത്തിയും അന്വേഷണ സംഘത്തിന് കണ്ടെത്താന്‍ സാധിച്ചിട്ടില്ല.

Published On:Jul 27, 2018 | 11:26 am

തിരു: എറണാകുളം മഹാരാജാസ് കോളേജിലെ എസ്.എഫ്.ഐ നേതാവ് അഭിമന്യുവിനെ വധിച്ച കൊലപാതക സംഘത്തിലെ അംഗമെന്ന് കരുതുന്ന പള്ളുരുത്തി ബത്തേരി സ്വദേശി സനീഷിന്റെ അറസ്റ്റ് പോലീസ് രേഖപ്പെടുത്തി. ഇയാളെ ഉച്ചയോടെ കോടതിയില്‍ ഹാജരാക്കും. കഴിഞ്ഞ ദിവസം പിടിയിലായ കാമ്പസ് ഫ്രണ്ട് സംസ്ഥാന സെക്രട്ടറി മുഹമ്മദ് റിഫയെ ചോദ്യം ചെയ്ത് വരികയാണെന്നും പോലീസ് അറിയിച്ചു. കേസില്‍ നിര്‍ണായക വഴിത്തിരിവായേക്കാവുന്ന തിരിച്ചറിയല്‍ പരേഡ് ഉടന്‍ ഉണ്ടാകും. മുഖ്യപ്രതിയായ അലപ്പുഴ അരൂക്കുറ്റി സ്വദേശി മുഹമ്മദ് ഉള്‍പ്പടെ 14 പ്രതികളാണ് അറസ്റ്റിലായിട്ടുള്ളത്. കൃത്യത്തില്‍ നേരിട്ട് പങ്കാളികളായ ക്രിമിനലുകളും ഇക്കൂട്ടത്തിലുണ്ട്.
അതേസമയം, കേസിലെ മുഖ്യപ്രതിയും കാമ്പസ് ഫ്രണ്ട് ആലപ്പുഴ ജില്ലാ പ്രസിഡന്റുമായ ജെ.ഐ.മുഹമ്മദിനെ കഴിഞ്ഞ ദിവസം ആലപ്പുഴയിലെത്തിച്ച് തെളിവെടുപ്പ് നടത്തിയിരുന്നു. മുഹമ്മദ് ഉപയോഗിച്ച മൊബൈല്‍ ഫോണ്‍ കണ്ടെത്താനായിരുന്നു പരിശോധന. ആലപ്പുഴ വാടക്കനാലില്‍ പരിശോധന നടത്തിയെങ്കിലും ഫോണ്‍ കണ്ടെത്താനായില്ല. സംഭവശേഷം ആലപ്പുഴയിലെത്തിയ മുഹമ്മദ് മൊബൈല്‍ ഫോണ്‍ കനാലിലേക്ക് എറിഞ്ഞെന്നാണ് അന്വേഷണസംഘത്തിന് നല്‍കിയ മൊഴി. കൊല്ലപ്പെട്ട അഭിമന്യുവിന്റെ ഫോണും കുത്താന്‍ ഉപയോഗിച്ച കത്തിയും അന്വേഷണ സംഘത്തിന് കണ്ടെത്താന്‍ സാധിച്ചിട്ടില്ല.

 

LIVE NEWS - ONLINE

  • 1
    2 hours ago

    കര്‍ഷകരെയും ആദിവാസികളെയും മോദി സര്‍ക്കാര്‍ വഞ്ചിച്ചു: പ്രിയങ്ക

  • 2
    4 hours ago

    ശബരിമല; വിശ്വാസികളെ ചതിച്ചത് ബിജെപി: ശശി തരൂര്‍

  • 3
    4 hours ago

    നീതിന്യായ സംവിധാനം ഭീഷണിയില്‍; ലൈംഗികാരോപണം ബ്ലാക്ക് മെയ്‌ലിംഗ്്: ചീഫ് ജസ്റ്റിസ്

  • 4
    5 hours ago

    രമ്യഹരിദാസിനെതിരായ മോശം പരാമര്‍ശം; എ.വിജയരാഘവനെതിരെ കേസെടുക്കില്ല

  • 5
    5 hours ago

    സുപ്രീം കോടതിയില്‍ അസാധാരണ നടപടി

  • 6
    5 hours ago

    അടിയന്തര സിറ്റിംഗ് വിളിച്ചു ചേര്‍ത്തു

  • 7
    5 hours ago

    നീതിന്യായ സംവിധാനം ഭീഷണിയില്‍

  • 8
    6 hours ago

    പ്രധാനമന്ത്രിയുടെ സന്ദര്‍ശനം; വെടി പൊട്ടിച്ചത് തന്നെ എഡിജിപി

  • 9
    6 hours ago

    ജെറ്റ് എയര്‍വേസ് പ്രതിസന്ധി; ഗള്‍ഫ് യാത്ര രൂക്ഷമാവും