Saturday, July 20th, 2019

അഭിമന്യൂ വധം; കൊലയാളി സംഘത്തിലെ മൂന്നുപേര്‍ വിദേശത്തേക്ക് കടന്നതായി സംശയം

കൊലപാതകം നടന്ന് അഞ്ച് ദിവസത്തിന് ശേഷമാണ് വിമാനത്താവളങ്ങില്‍ പോലീസ് ജാഗ്രതാ നിര്‍ദേശം നല്‍കിയത്.

Published On:Jul 11, 2018 | 12:41 pm

കൊച്ചി: മഹാരാജാസ് കോളേജിലെ എസ്.എഫ്.ഐ നേതാവ് അഭിമന്യുവിനെ കുത്തിക്കൊലപ്പെടുത്തിയ സംഘത്തിലെ മൂന്നുപേര്‍ വിദേശത്തേക്ക് രക്ഷപ്പെട്ടതായി സംശയം. വ്യാജ പാസ് പോര്‍ട്ട് ഉപയോഗിച്ചാണ് ഇവര്‍ വിദേശത്തേക്ക് കടന്നതെന്നാണ് സൂചന. അതേസമയം, സംഭവത്തില്‍ പോലീസിനുനേരെ വിമര്‍ശനം ഉണ്ടാകാന്‍ സാധ്യതയുണ്ടെന്നും കരുതപ്പെടുന്നു. കൊലപാതകം നടന്ന് അഞ്ച് ദിവസത്തിന് ശേഷമാണ് വിമാനത്താവളങ്ങില്‍ പോലീസ് ജാഗ്രതാ നിര്‍ദേശം നല്‍കിയത്. അതിന് മുമ്പുതന്നെ പ്രതികള്‍ വിദേശത്തേക്ക് കടന്നിരിക്കാമെന്നാണ് നിഗമനം. അങ്ങനെയെങ്കില്‍ അത് പോലീസിന്റെ വീഴ്ചയായി ചിത്രീകരിക്കപ്പെടാം. കൊച്ചിയില്‍ നിന്നു റോഡ് മാര്‍ഗം ഹൈദരാബാദിലെത്തി അവിടെനിന്ന് പ്രതികള്‍ വിദേശത്തേക്ക് കടന്നതെന്നാണ് പ്രാഥമിക നിഗമനം.
അതേസമയം, കേസില്‍ കൂടുതല്‍ അറസ്റ്റ് ഉടന്‍ ഉണ്ടാകുമെന്ന് പോലീസ് പറഞ്ഞു. ഏതാനും ചിലര്‍ കൂടി അന്വേഷണ സംഘത്തിന്റെ കസ്റ്റഡിയിലുണ്ടെന്നാണ് സൂചന. ഇവരെക്കുറിച്ചുള്ള വിവരങ്ങള്‍ പോലീസ് പുറത്തുവിട്ടിട്ടില്ല. പ്രതികള്‍ വിദേശത്തേക്ക് കടന്നു എന്ന സംശയം ബലപ്പെട്ടതിനെ തുടര്‍ന്ന് അതേക്കുറിച്ചും അന്വേഷണം നടക്കുന്നുണ്ട്. കൃത്യം നടത്തിയ ശേഷം കടന്നുകളഞ്ഞ ക്രിമിനല്‍ സംഘത്തിന്റെ സി.സി.ടി.വി ദൃശ്യങ്ങള്‍ പുറത്ത് വന്നിട്ടുണ്ട്. പ്രതികളെന്ന് സംശയിക്കുന്നവര്‍ ഓട്ടോറിക്ഷ ഡ്രൈവറുമായി സംസാരിക്കുന്ന ദൃശ്യമാണ് പുറത്ത് വന്നത്. പ്രതികള്‍ സഞ്ചരിച്ച വാഹനങ്ങളുടെ ഉടമകളെ തിരിച്ചറിഞ്ഞിട്ടുണ്ട്. അഭിമന്യുവിനെ കൊലപ്പെടുത്തിയശേഷം വാഹനം ഉപേക്ഷിച്ചാണ് പ്രതികള്‍ മുങ്ങിയത്. തൃപ്പൂണിത്തുറ സബ് ആര്‍.ടി.ഒയില്‍ രജിസ്റ്റര്‍ ചെയ്ത നാല് ഇരുചക്ര വാഹനങ്ങളും മട്ടാഞ്ചേരിയിലെ മൂന്നും കോതമംഗലത്തുള്ള ഒരു വാഹനവുമാണ് പിടിച്ചെടുത്തത്. പി.എം റജീബ്, എം.എച്ച് സഹല്‍, ടി.ഡി സിദ്ധാര്‍ഥന്‍, പി.എച്ച് സനീഷ്, അമന്‍ മൈതീന്‍, എന്‍.കെ ഖാലിദ്, ഷാഹിദ റസാഖ്, കെ.എം തന്‍സീല്‍ എന്നിവരുടെ പേരിലുള്ളതാണ് എട്ട് ഇരുചക്രവാഹനങ്ങള്‍.

 

LIVE NEWS - ONLINE

  • 1
    3 hours ago

    ഷീല ദീക്ഷിത് കോണ്‍ഗ്രസ് പാര്‍ട്ടിയുടെ മാനസപുത്രി; രാഹുല്‍ ഗാന്ധി

  • 2
    5 hours ago

    ഇന്‍ഡൊനീഷ്യന്‍ ഓപ്പണ്‍; പി.വി.സിന്ധു ഫൈനലില്‍

  • 3
    7 hours ago

    ഷീല ദീക്ഷിത് അന്തരിച്ചു

  • 4
    7 hours ago

    മുതിര്‍ന്ന കോണ്‍ഗ്രസ് നേതാവ് ഷീല ദീക്ഷിത് അന്തരിച്ചു

  • 5
    8 hours ago

    വിന്‍ഡീസ് പര്യടനത്തിനില്ല; ധോണി രണ്ടുമാസം സൈന്യത്തോടൊപ്പം

  • 6
    8 hours ago

    ഭരണകക്ഷി വിദ്യാര്‍ത്ഥി സംഘടനകളുടെ ഇടപെടല്‍ പരീക്ഷയുടെ വിശ്വാസ്യത നശിപ്പിച്ചു: കേന്ദ്ര മന്ത്രി മുരളീധരന്‍

  • 7
    11 hours ago

    കാണാതായ നാല് മത്സ്യത്തൊഴിലാളികളെ കണ്ടെത്തി

  • 8
    11 hours ago

    സിഒടി നസീര്‍ വധശ്രമം; ഷംസീര്‍ എംഎല്‍എ എത്തിയത് പോലീസ് തെരയുന്ന വാഹനത്തില്‍

  • 9
    12 hours ago

    തെരച്ചിലില്‍ മത്സ്യത്തൊഴിലാളികളെയും ഉള്‍പ്പെടുത്തണം: ഉമ്മന്‍ചാണ്ടി