Thursday, October 18th, 2018

എ റിയല്‍ ബട്‌ലര്‍

ജയ്പുര്‍: ജോസ് ബട്‌ലറിന്റെ പോരാട്ട മികവ് ഐപിഎലില്‍ രാജസ്ഥാന്‍ റോയല്‍സിന്റെ ജീവന്‍ നിലനിര്‍ത്തി. നിര്‍ണായക മത്സരത്തില്‍ ചെന്നൈ സൂപ്പര്‍ കിംഗ്‌സിനെ നാലു വിക്കറ്റിനു പരാജയപ്പെടുത്തി. തുടര്‍ച്ചയായ നാലാം അര്‍ധസെഞ്ചുറിയാണ് ബട്‌ലര്‍ ജയ്പൂരിലെ സവായ് മാന്‍സിംഗ് സ്റ്റേഡിയത്തില്‍ കുറിച്ചത്. സ്‌കോര്‍: ചെന്നൈ സൂപ്പര്‍ കിംഗ്‌സ്: 176/4, രാജസ്ഥാന്‍ റോയല്‍സ്: 177/6(19.5). അവസാന ഓവറില്‍ ജയിക്കാന്‍ വേണ്ടിയിരുന്ന 12 റണ്‍സ് അടിച്ചുകൂട്ടി ബട്‌ലര്‍ ഒരു പന്തുശേഷിക്കെ രാജസ്ഥാനെ വിജയത്തിലെത്തിക്കുകയായിരുന്നു. 60 പന്തില്‍ 95 റണ്‍സുമായി ബട്‌ലര്‍ പുറത്താകാതെനിന്നു. 11 ബൗണ്ടറികളും … Continue reading "എ റിയല്‍ ബട്‌ലര്‍"

Published On:May 12, 2018 | 9:05 am

ജയ്പുര്‍: ജോസ് ബട്‌ലറിന്റെ പോരാട്ട മികവ് ഐപിഎലില്‍ രാജസ്ഥാന്‍ റോയല്‍സിന്റെ ജീവന്‍ നിലനിര്‍ത്തി. നിര്‍ണായക മത്സരത്തില്‍ ചെന്നൈ സൂപ്പര്‍ കിംഗ്‌സിനെ നാലു വിക്കറ്റിനു പരാജയപ്പെടുത്തി. തുടര്‍ച്ചയായ നാലാം അര്‍ധസെഞ്ചുറിയാണ് ബട്‌ലര്‍ ജയ്പൂരിലെ സവായ് മാന്‍സിംഗ് സ്റ്റേഡിയത്തില്‍ കുറിച്ചത്. സ്‌കോര്‍: ചെന്നൈ സൂപ്പര്‍ കിംഗ്‌സ്: 176/4, രാജസ്ഥാന്‍ റോയല്‍സ്: 177/6(19.5).
അവസാന ഓവറില്‍ ജയിക്കാന്‍ വേണ്ടിയിരുന്ന 12 റണ്‍സ് അടിച്ചുകൂട്ടി ബട്‌ലര്‍ ഒരു പന്തുശേഷിക്കെ രാജസ്ഥാനെ വിജയത്തിലെത്തിക്കുകയായിരുന്നു. 60 പന്തില്‍ 95 റണ്‍സുമായി ബട്‌ലര്‍ പുറത്താകാതെനിന്നു. 11 ബൗണ്ടറികളും രണ്ടു സിക്‌സറും ബട്‌ലര്‍ പറത്തി. സഞ്ജു സാംസണ്‍(22), സ്റ്റ്യുവര്‍ട്ട് ബിന്നി(21) എന്നിവര്‍ ബട്‌ലര്‍ക്കു പിന്തുണ നല്‍കി. 67, 51, 82, 95* എന്നിങ്ങനെയാണ് ഓപ്പണറായി സ്ഥാനക്കയറ്റം കിട്ടിയശേഷം ബട്‌ലറുടെ പ്രകടനം.
ടോസ് നേടി ആദ്യം ബാറ്റു ചെയ്ത ചെന്നൈ നിശ്ചിത 20 ഓവറില്‍ നാലു വിക്കറ്റ് നഷ്ടത്തില്‍ 176 റണ്‍സ് നേടി. അര്‍ധസെഞ്ചുറി നേടിയ സുരേഷ് റെയ്‌ന(35 പന്തില്‍ 52)യുടെ പ്രകടനമാണ് ചെന്നൈക്കു ഭേദപ്പെട്ട സ്‌കോര്‍ സമ്മാനിച്ചത്. ബാറ്റിംഗ് ആരംഭിച്ച ചെന്നൈക്ക് സ്‌കോര്‍ 19ല്‍ ഇന്‍ഫോം ബാറ്റ്‌സ്മാന്‍ അന്പാട്ടി റായിഡുവിനെ നഷ്ടപ്പെട്ടു. ഇതിനുശേഷം ഒത്തുചേര്‍ന്ന റെയ്‌നഷെയ്ന്‍ വാട്‌സണ്‍(31 പന്തില്‍ 39) കൂട്ടുകെട്ട് 86 റണ്‍സ് കൂട്ടിച്ചേര്‍ത്താണ് പിരിഞ്ഞത്. ഇരുവരും പുറത്തായതോടെ ചെന്നൈയുടെ സ്‌കോറിംഗ് റേറ്റ് കുറഞ്ഞു.
സാം ബില്ലിംഗ്‌സ് 22 പന്തില്‍ 27 റണ്‍സ് നേടി റണ്ണൗട്ടായി. 23 പന്തില്‍ 33 റണ്‍സുമായി എം.എസ്.ധോണിയും ഒരു റണ്‍സുമായി ബ്രാവോയും പുറത്താകാതെനിന്നു. രാജസ്ഥാനായി ജോഫ്ര ആര്‍ച്ചര്‍ രണ്ടു വിക്കറ്റ് നേടി. മത്സരം പരാജയപ്പെട്ടാല്‍ പ്ലേഓഫ് പ്രതീക്ഷകള്‍ അവസാനിക്കുമെന്ന അവസ്ഥയിലാണ് രാജസ്ഥാന്‍ ചെന്നൈയിയെ നേരിടാനിറങ്ങിയത്.

 

LIVE NEWS - ONLINE

  • 1
    11 hours ago

    ഹര്‍ത്താലിനോടനുബന്ധിച്ച് അക്രമമുണ്ടായാല്‍ കര്‍ശന നടപടികള്‍ സ്വീകരിക്കുമെന്ന് ലോക്നാഥ് ബെഹ്റ

  • 2
    13 hours ago

    ശബരിമല കര്‍മസമിതിയും നാളെ ഹര്‍ത്താലിന് ആഹ്വാനം ചെയ്തു

  • 3
    14 hours ago

    ശബരിമലയില്‍ നാളെ നിരോധനാജ്ഞ

  • 4
    17 hours ago

    നിലക്കലില്‍ സംഘര്‍ഷം; കല്ലേറ്, പോലീസ് ലാത്തിവീശി

  • 5
    18 hours ago

    പ്രതിഷേധക്കാരെ അറസ്റ്റ്ചെയ്ത് നീക്കി; മാധ്യമങ്ങള്‍ക്ക് നേരെ ആക്രമണം

  • 6
    19 hours ago

    നാഥനില്ലാ സമരത്തിന് ആളെകൂട്ടേണ്ട ബാധ്യത യോഗത്തിനില്ല: വെള്ളാപ്പള്ളി

  • 7
    21 hours ago

    ശബരിമല: സുഗമമായ ദര്‍ശനത്തിന് സൗകര്യമൊരുക്കണം

  • 8
    21 hours ago

    പമ്പയില്‍ സംഘര്‍ഷം

  • 9
    23 hours ago

    സന്നിധാനത്തെത്തിയ ആരോഗ്യവകുപ്പ് വനിതാ ഉദ്യോഗസ്ഥരെ പരിശോധിച്ചു