Tuesday, June 25th, 2019

87 കാരിയെ 92 കാരന്‍ തലക്കടിച്ച് കൊന്ന് മൃതദേഹം കത്തിച്ചു

കലഹം പതിവായതിനെ തുടര്‍ന്ന് കൊലപ്പെടുത്തിയ ശേഷം ഭാര്യയുടെ മൃതദേഹം ഷെഡ്ഡില്‍ ഇട്ട് കത്തിച്ചു കളയുകയായിരുന്നു.

Published On:Aug 31, 2018 | 8:03 am

തൃശൂര്‍: 87 കാരിയായ ഭാര്യയെ 92 കാരനായ ഭര്‍ത്താവ് തലക്കടിച്ച് കൊന്നു. കലഹം പതിവായതിനെ തുടര്‍ന്ന് കൊലപ്പെടുത്തിയ ശേഷം ഭാര്യയുടെ മൃതദേഹം ഷെഡ്ഡില്‍ ഇട്ട് കത്തിച്ചു കളയുകയായിരുന്നു. അമ്മയെ നാല് ദിവസമായി കാണാതായതിനെ തുടര്‍ന്ന് മകള്‍ അന്വേഷിച്ചെത്തിയപ്പോഴാണ് കൊലപാതക വിവരം പുറം ലോകം അറിഞ്ഞത്. 28 ന് മകളും കുടുംബവും ചേര്‍ന്ന് അമ്മയെ കാണാനില്ലെന്ന് പോലീസില്‍ പരാതി നല്‍കി. പരാതിയില്‍ അന്വേഷണം തുടങ്ങിയ പോലീസ് വീട്ടില്‍ എത്തി പരിശോധന നടത്തി. പരിശോധനയില്‍ വീട്ടിലെ കിടപ്പുമുറി അലങ്കോലമായി കിടക്കുന്നത് പോലീസിന്റെ ശ്രദ്ധയില്‍ പെട്ടു. കൂടുതല്‍ പരിശോധിച്ചതോടെ മുറിക്കകത്ത് രക്തക്കറയും കണ്ടെത്തി. ചോദ്യം ചെയ്തു
തുടര്‍ന്ന് ചെറിക്കുട്ടിയെ ചോദ്യം ചെയ്തപ്പോഴാണ് കൊലപാതകത്തിന്റെ ചുരുളഴിഞ്ഞത്. ഭാര്യയുമായി ചെറുകുട്ടി മിക്കപ്പോഴും വഴക്കിടാറുണ്ടായിരുന്നത്രേ. നാലു ദിവസം മുന്‍പ് വഴക്കടിച്ചപ്പോള്‍ ചെറുകുട്ടി വടി കൊണ്ട് കൊച്ചു ത്രേസ്യയുടെ തലക്കടിച്ചു. മരിച്ചെന്ന് മനസിലായതോടെ മുണ്ടില്‍ പൊതിഞ്ഞ് മുകളിലെ നിലയില്‍ നിന്ന് ഗോവേണിപ്പടിയിലൂടെ മൃതദേഹം വലിച്ച് താഴെയിറക്കി ഷെഡില്‍ കൊണ്ടിട്ടു. എന്നിട്ട് അവിടുന്ന് തന്നെ കത്തിച്ചു. വീടിന് പുറകിലുള്ള ഷെഡ് പരിശോധിച്ചപ്പോള്‍ മൃതദേഹം കത്തിച്ചതിന്റെ ലക്ഷണങ്ങള്‍ കണ്ടെത്തുകയായിരുന്നു. കൂടുതല്‍ പരിശോധനയില്‍ തലയോട്ടിയും മറ്റ് അവശിഷ്ടങ്ങളും പോലീസ് കണ്ടെത്തി. പെട്രോള്‍ ഒഴിച്ചാകാം മൃതദേഹം കത്തിച്ചതെന്നാണ് പോലീസ് നിഗമനം. ഗോവേണിപ്പടിയില്‍ വീണ രക്തത്തുള്ളികള്‍ ചെറികുട്ടി തുടച്ചുകളയാന്‍ ശ്രമിച്ചതായി പോലീസ് കണ്ടെത്തിയിട്ടുണ്ട്. ഡോഗ് സ്‌ക്വാഡും ഫോറന്‍സിക് വിദഗ്ദരും തെളിവെടുപ്പ് നടത്തി.

LIVE NEWS - ONLINE

  • 1
    27 mins ago

    റിമാന്റ് പ്രതിയുടെ മരണം; എട്ട് പോലീസുകാരെ സ്ഥലം മാറ്റി

  • 2
    2 hours ago

    മലപ്പുറം ജില്ല വിഭജനം അശാസ്ത്രീയം

  • 3
    4 hours ago

    മൊറട്ടോറിയം; റിസര്‍വ് ബാങ്കിനെ നേരില്‍ സമീപിക്കും: മുഖ്യമന്ത്രി

  • 4
    5 hours ago

    സര്‍വകാല റിക്കാര്‍ഡ് ഭേദിച്ച് സ്വര്‍ണ വില കുതിക്കുന്നു

  • 5
    5 hours ago

    പ്രവാസി വ്യവസായിയുടെ ആത്മഹത്യ: നഗരസഭാ അധ്യക്ഷക്കെതിരെ തെളിവില്ല

  • 6
    5 hours ago

    കണ്ണൂര്‍ സെന്‍ട്രല്‍ ജയിലില്‍ നാലാം ദിനവും റെയ്ഡ്

  • 7
    5 hours ago

    പ്രളയത്തില്‍ 15,394 വീടുകള്‍ തകര്‍ന്നു: മന്ത്രി

  • 8
    6 hours ago

    ദിഷ പട്ടാണിയും ടൈഗര്‍ ഷ്‌റോഫും വേര്‍പിരിയുന്നു

  • 9
    6 hours ago

    നവകേരള നിര്‍മാണം; പ്രതിപക്ഷം ദിവാസ്വപ്‌നം കാണുന്നു: മുഖ്യമന്ത്രി