Monday, February 18th, 2019

മാരുതി സിയാസ് 1.5 ലിറ്റര്‍ ഡീസല്‍ മോഡലിന്റെ ബുക്കിംഗ് തുടങ്ങി

ബുക്കിംഗ് തുക 5,000 രൂപ

Published On:Feb 7, 2019 | 9:07 am

പുതിയ 1.5 ലിറ്റര്‍ സിയാസ് ഡീസല്‍ മോഡലിന്റെ പ്രീബുക്കിംഗ് മാരുതി നെക്സ ഡീലര്‍ഷിപ്പുകള്‍ തുടങ്ങി. ബുക്കിംഗ് തുക 5,000 രൂപ. നിലവില്‍ 1.5 ലിറ്റര്‍ പെട്രോള്‍, 1.3 ലിറ്റര്‍ ഡീസല്‍ പതിപ്പുകളാണ് സിയാസില്‍ അണിനിരക്കുന്നത്. മാരുതി സുസുക്കി സ്വന്തമായി വികസിപ്പിച്ച എഞ്ചിന്‍ യൂണിറ്റെന്ന സവിശേഷത വരാനിരിക്കുന്ന 1.5 ലിറ്റര്‍ സിയാസ് ഡീസല്‍ പതിപ്പിനുണ്ട്. 1,498 സിസിയുള്ള DDiS225 എഞ്ചിന് 4,000 rpm -ല്‍ 94 bhp കരുത്തും 2,500 rpm-ല്‍ 225 Nm torque ഉം സൃഷ്ടിക്കാനാവും. ആറു സ്പീഡാണ് മാനുവല്‍ ഗിയര്‍ബോക്‌സ്. പുതിയ 1.5 ലിറ്റര്‍ ഡീസല്‍ എഞ്ചിന്‍ 26.82 കിലോമീറ്റര്‍ മൈലേജ് ഉണ്ടാകുമെന്നാണ് റിപ്പോര്‍ട്ട്. 1.3 ലിറ്റര്‍ എഞ്ചിന് പകരക്കാരനാണെങ്കിലും നിലവില്‍ ഇരു എഞ്ചിന്‍ യൂണിറ്റുകളെയും സിയാസില്‍ നിലനിര്‍ത്താന്‍ കമ്പനിക്ക് ആലോചനയുണ്ട്.
1.5 ലിറ്റര്‍ പെട്രോള്‍ എഞ്ചിനും സിയാസ് വകഭേദങ്ങളില്‍ ലഭ്യമാണ്. എന്തായാലും സിയാസിന് പിന്നാലെ മറ്റു മാരുതി കാറുകളിലും പുതിയ 1.5 ലിറ്റര്‍ ഡീസല്‍ എഞ്ചിന്‍ തുടിക്കാന്‍ തുടങ്ങും. നിലവില്‍ ഫിയറ്റിന്റെ ലൈസന്‍സ് ഉപയോഗിച്ചാണ് 1.3 ലിറ്റര്‍ ഡീസല്‍ എഞ്ചിനെ മാരുതി നിര്‍മ്മിക്കുന്നത്. ഇക്കാരണത്താല്‍ വാര്‍ഷികാടിസ്ഥാനത്തില്‍ വലിയൊരു തുക ഫിയറ്റിന് കമ്പനി നല്‍കുന്നുണ്ട്. 1.5 ലിറ്റര്‍ എഞ്ചിന്‍ കാറുകളില്‍ ഇടംപിടിക്കാന്‍ തുടങ്ങിയാല്‍ ഫിയറ്റ് എഞ്ചിന്റെ ഉപയോഗം കമ്പനി നിര്‍ത്തും. നിലവിലെ ഡീസല്‍ മോഡലിനെക്കാള്‍ 20,000 രൂപയോളം കൂടുതല്‍ 1.5 ലിറ്റര്‍ സിയാസ് ഡീസല്‍ പതിപ്പിന് വില പ്രതീക്ഷിക്കാം.

LIVE NEWS - ONLINE

  • 1
    45 mins ago

    പുല്‍വാമയില്‍ ഏറ്റുമുട്ടല്‍; നാല് സൈനികര്‍ക്ക് വീരമൃത്യു

  • 2
    2 hours ago

    കാസര്‍കോട് രണ്ട് യൂത്ത് കോണ്‍ഗ്രസ് പ്രവര്‍ത്തകര്‍ വെട്ടേറ്റുമരിച്ചു; സംസ്ഥാനത്ത് ഇന്ന് ഹര്‍ത്താല്‍

  • 3
    14 hours ago

    പയ്യന്നൂര്‍ വെള്ളൂരില്‍ വാഹനാപകടം: രണ്ടു പേര്‍ മരിച്ചു

  • 4
    17 hours ago

    പുല്‍വാമ ഭീകരാക്രമണം: വ്യാജ ചിത്രങ്ങള്‍ പ്രചരിപ്പിക്കരുതെന്ന് സി.ആര്‍.പി.എഫ്

  • 5
    23 hours ago

    ഭീകരാക്രമണത്തിന് മസൂദ് അസര്‍ നിര്‍ദേശം നല്‍കിയത് പാക് സൈനിക ആശുപത്രിയില്‍നിന്ന്

  • 6
    1 day ago

    നാലുവയസ്സുകാരിയെ കൊലപ്പെടുത്തിയ സംഭവം: ഭിക്ഷാടകസംഘത്തിലെ രണ്ടുപേര്‍ അറസ്റ്റില്‍

  • 7
    1 day ago

    വസന്തകുമാറിന്റെ കുടുംബത്തെ ഇന്ന് മന്ത്രി ബാലന്‍ സന്ദര്‍ശിക്കും

  • 8
    2 days ago

    പുല്‍വാമ ആക്രമണം: തെളിവുണ്ടെങ്കില്‍ ഹാജരാക്കണമെന്ന് പാക് വിദേശകാര്യ മന്ത്രി

  • 9
    2 days ago

    സ്ഫോടകവസ്തു നിര്‍വീര്യമാക്കുന്നതിനിടെ ജമ്മു കശ്മീരില്‍ സൈനികന്‍ കൊല്ലപ്പെട്ടു