Monday, July 15th, 2019

പുതിയ ഔട്ട്‌ലാന്‍ഡര്‍ PHEV മിത്സുബിഷി ഇന്ത്യയിലേക്ക് കൊണ്ടുവരുന്നു

ഔട്ട്ലാന്‍ഡര്‍ PHEV യ്ക്ക് 35 ലക്ഷത്തിന് മേലെ വില പ്രതീക്ഷിക്കാം

Published On:Aug 20, 2018 | 12:25 pm

ഔട്ട്ലാന്‍ഡര്‍ എസ്യുവിക്ക് പിന്നാലെ ഔട്ട്ലാന്‍ഡര്‍ PHEV മോഡലിനെയും മിത്സുബിഷി ഇന്ത്യയിലേക്ക് കൊണ്ടുവരുന്നു. ഓഗസ്റ്റ് 20 ന് പുതിയ ഔട്ട്ലാന്‍ഡര്‍ PHEV വിപണിയില്‍ അവതരിക്കുമെന്ന് റിപ്പോര്‍ട്ട്. ഔട്ട്‌ലാന്‍ഡര്‍ PHEV യ്ക്ക് 35 ലക്ഷത്തിന് മേലെ വില പ്രതീക്ഷിക്കാം. ഔട്ട്ലാന്‍ഡര്‍ എസ്യുവിയുടെ പ്ലഗ്-ഇന്‍ ഹൈബ്രിഡ് പതിപ്പാണ് ഔട്ട്ലാന്‍ഡര്‍ PHEV. നിലവില്‍ രാജ്യാന്തര വിപണികളില്‍ മിത്സുബിഷി ഔട്ട്ലാന്‍ഡര്‍ PHEV വില്‍പനയ്ക്ക് എത്തുന്നുണ്ട്. പൂര്‍ണ ഇറക്കുമതി മോഡലായാകും ഔട്ട്‌ലാന്‍ഡര്‍ PHEV ഇന്ത്യയില്‍ അവതരിക്കുക.
കീലെസ് ഗോ, ഓട്ടോ ഹെഡ്‌ലാമ്പുകള്‍, വൈദ്യുത സണ്‍റൂഫ്, ക്രൂയിസ് കണ്‍ട്രോള്‍, വൈദ്യുത പാര്‍ക്കിംഗ് ബ്രേക്ക്, ഡ്യൂവല്‍ സോണ്‍ ക്ലൈമറ്റ് കണ്‍ട്രോള്‍, 6.1 ഇഞ്ച് ടച്ച്‌സ്‌ക്രീന്‍ ഇന്‍ഫോടെയ്ന്‍മെന്റ് സംവിധാനം എന്നിവ ഔട്ട്‌ലാന്‍ഡര്‍ PHEV യുടെ മറ്റു വിശേഷങ്ങളാണ്. പെട്രോള്‍ എഞ്ചിന്റെയും വൈദ്യുത മോട്ടോറിന്റെയും പിന്തുണയോടെയാണ് ഔട്ട്ലാന്‍ഡര്‍ PHEV നിരത്തിലോടുക. 2.0 ലിറ്റര്‍ നാലു സിലിണ്ടര്‍ പെട്രോള്‍ എഞ്ചിനും രണ്ടു വൈദ്യുത മോട്ടോറുകളും ഔട്ട്ലാന്‍ഡര്‍ PHEV യില്‍. പെട്രോള്‍ എഞ്ചിന്‍ 118 bhp കരുത്തും 186 Nm torque മാണ് പരമാവധി സൃഷ്ടിക്കുക. ഇരു വൈദ്യുത മോട്ടോറുകള്‍ക്കും 82 bhp വരെ കരുത്തുത്പാദിപ്പിക്കാനുള്ള ശേഷിയുണ്ട്. അതിനാല്‍ ഹൈബ്രിഡ് സവിശേഷതയുടെ ആകെത്തുകയായി 203 bhp കരുത്തു ഔട്ട്ലാന്‍ഡര്‍ PHEV യ്ക്ക് ലഭിക്കും.
12kW ലിഥിയം അയോണ്‍ ബാറ്ററി വൈദ്യുത മോട്ടോറുകള്‍ക്ക് ഊര്‍ജ്ജമേകും. ആറര മണിക്കൂര്‍ കൊണ്ടു ബാറ്ററി സംവിധാനം പൂര്‍ണമായും ചെയ്യാന്‍ കഴിയുമെന്നാണ് മിത്സുബിഷിയുടെ അവകാശവാദം. മൂന്നു ഡ്രൈവിംഗ് മോഡുകളാണ് ഔട്ട്ലാന്‍ഡര്‍ PHEV യില്‍. ഓള്‍ ഇലക്ട്രിക്, സീരീസ് ഹൈബ്രിഡ്, പാരലല്‍ ഹൈബ്രിഡ് എന്നീ മോഡുകള്‍ മോഡലിന്റെ പ്രകടനക്ഷമത നിര്‍ണ്ണയിക്കും. പൂര്‍ണമായി വൈദ്യുത മോട്ടോറുകളെ ആശ്രയിച്ച് ഓള്‍ ഇലക്ട്രിക് മോഡ് പ്രവര്‍ത്തിക്കും. സീരീസ് ഹൈബ്രിഡ് മോഡും വൈദ്യുത കരുത്തിലാണ് പ്രവര്‍ത്തിക്കുക. എന്നാല്‍ ഇവിടെ പെട്രോള്‍ എഞ്ചിന്റെ സഹായത്താല്‍ ബാറ്ററി തുടര്‍ച്ചയായി ചാര്‍ജ്ജ് ചെയ്യപ്പെടും. പാരലല്‍ മോഡില്‍ പെട്രോള്‍ എഞ്ചിന്‍ കരുത്തിലാണ് എസ്യുവി ഓടുക. അതേസമയം പെട്രോള്‍ എഞ്ചിന് വൈദ്യുത മോട്ടോറുകള്‍ പിന്തുണയര്‍പ്പിക്കും.

LIVE NEWS - ONLINE

  • 1
    4 hours ago

    സംസ്ഥാനത്ത് ജൂലായ് 31 വരെ വൈദ്യുതി നിയന്ത്രണം ഉണ്ടാവില്ല

  • 2
    4 hours ago

    കാണാതായ വിദ്യാര്‍ഥിയുടെ മൃതദേഹം കണ്ടെത്തി

  • 3
    7 hours ago

    പമ്പവരെ സ്വകാര്യ വാഹനങ്ങള്‍ക്ക് പോകാമെന്ന് ഹൈക്കോടതി

  • 4
    8 hours ago

    കര്‍ണാടകയില്‍ വ്യാഴാഴ്ച വിശ്വാസ വോട്ടെടുപ്പ്

  • 5
    10 hours ago

    എസ്.എഫ്.ഐക്കാരന്റെ വീട്ടില്‍ സമാന്തര പി.എസ്.സി ഓഫീസ്: മുല്ലപ്പള്ളി

  • 6
    11 hours ago

    എസ്എഫ്‌ഐ ‘സ്റ്റുപ്പിഡ് ഫെഡറേഷന്‍ ഓഫ് ഇന്ത്യ’യായി മാറി: അബ്ദുള്ളക്കുട്ടി

  • 7
    11 hours ago

    എസ്എഫ്‌ഐ ‘സ്റ്റുപ്പിഡ് ഫെഡറേഷന്‍ ഓഫ് ഇന്ത്യ’യായി മാറി: അബ്ദുള്ളക്കുട്ടി

  • 8
    11 hours ago

    കള്ളുംകുടിച്ചു ഭക്ഷണവും കഴിച്ചു; 100 രൂപ ടിപ്പ് വെച്ച് മോഷ്ടാക്കള്‍ സ്ഥലംവിട്ടു

  • 9
    11 hours ago

    പോലീസ് റാങ്ക് ലിസ്റ്റില്‍ അപാകതയെന്ന് സംശയം; നിയമനങ്ങള്‍ക്ക് താത്കാലിക സ്‌റ്റേ