പാലക്കാട് : വെളിച്ചെണ്ണയില്‍ കലര്‍ത്താന്‍ കൊണ്ടുവന്ന ആരോഗ്യത്തിനു ഹാനികരമായ 20,000 ലീറ്റര്‍ പാം കര്‍നല്‍ ഓയില്‍ ഭക്ഷ്യ സുരക്ഷാ വിഭാഗം മീനാക്ഷിപുരം ചെക്‌പോസ്റ്റില്‍ പിടികൂടി. സേലം നാമക്കല്‍ കരൂര്‍ തിരുവൈ ട്രേഡേഴ്‌സില്‍ നിന്നാണ് പാം കര്‍നല്‍ഓയില്‍ കൊണ്ടുവന്നിട്ടുള്ളതെന്ന് ഭക്ഷ്യ സുരക്ഷാ അധികൃതര്‍ പറഞ്ഞു. ഇവ ചാലക്കുടിയിലെ ഭദ്ര എണ്ണ ഉല്‍പാദന കേന്ദ്രത്തിലേക്കാണ് കൊണ്ടു പോകുന്നതെന്ന് ഡ്രൈവര്‍ അധികൃതര്‍ക്ക് മൊഴി നല്‍കിയിട്ടുണ്ട്. ഭക്ഷ്യ വസ്തുക്കളില്‍ കലര്‍ത്താന്‍ സംസ്ഥ്ാനത്തേക്ക്് വ്യാപകമായി ആരോഗ്യത്തിനു ഹാനികരമായ ഉല്‍പന്നങ്ങള്‍ കടത്തുന്നുണ്ടെന്ന് പരാതിയുണ്ടായിരുന്നു. തുടര്‍ന്ന് നടത്തിയ … Continue reading "20,000 ലീറ്റര്‍ പാം കര്‍നല്‍ ഓയില്‍ പിടികൂടി"
Saturday, November 17th, 2018
20,000 ലീറ്റര്‍ പാം കര്‍നല്‍ ഓയില്‍ പിടികൂടി
Published On:Sep 11, 2013 | 4:59 pm
പാലക്കാട് : വെളിച്ചെണ്ണയില്‍ കലര്‍ത്താന്‍ കൊണ്ടുവന്ന ആരോഗ്യത്തിനു ഹാനികരമായ 20,000 ലീറ്റര്‍ പാം കര്‍നല്‍ ഓയില്‍ ഭക്ഷ്യ സുരക്ഷാ വിഭാഗം മീനാക്ഷിപുരം ചെക്‌പോസ്റ്റില്‍ പിടികൂടി. സേലം നാമക്കല്‍ കരൂര്‍ തിരുവൈ ട്രേഡേഴ്‌സില്‍ നിന്നാണ് പാം കര്‍നല്‍ഓയില്‍ കൊണ്ടുവന്നിട്ടുള്ളതെന്ന് ഭക്ഷ്യ സുരക്ഷാ അധികൃതര്‍ പറഞ്ഞു. ഇവ ചാലക്കുടിയിലെ ഭദ്ര എണ്ണ ഉല്‍പാദന കേന്ദ്രത്തിലേക്കാണ് കൊണ്ടു പോകുന്നതെന്ന് ഡ്രൈവര്‍ അധികൃതര്‍ക്ക് മൊഴി നല്‍കിയിട്ടുണ്ട്. ഭക്ഷ്യ വസ്തുക്കളില്‍ കലര്‍ത്താന്‍ സംസ്ഥ്ാനത്തേക്ക്് വ്യാപകമായി ആരോഗ്യത്തിനു ഹാനികരമായ ഉല്‍പന്നങ്ങള്‍ കടത്തുന്നുണ്ടെന്ന് പരാതിയുണ്ടായിരുന്നു.
തുടര്‍ന്ന് നടത്തിയ പരിശോധനയിലാണ് ടാങ്കറില്‍ കടത്തുകയായിരുന്ന പാം കര്‍നല്‍ ഓയില്‍ കണ്ടെത്തിയത്. ഇവയുടെ സാംപിള്‍ പരിശോധിക്കാനായി കോഴിക്കോട് റീജനല്‍ അനലറ്റിക്കല്‍ ലബോറട്ടറിയിലേക്ക് അയച്ചിട്ടുണ്ട്.
സംസ്ഥാനത്തേക്ക് വ്യാപകമായി പാരഫിന്‍ വാക്‌സ്, എന്‍ജിന്‍ ഓയില്‍, ശുദ്ധീകരിച്ച വൈറ്റ് ഓയില്‍ എന്നീ ഉല്‍പന്നങ്ങള്‍ വെളിച്ചെണ്ണിയില്‍ കലര്‍ത്താന്‍ കൊണ്ടുപോകുന്നതായി പരാതിയുണ്ട്. സംസ്ഥാനത്തെ ചിലയിടങ്ങളില്‍ നടത്തിയ പരിശോധനയില്‍ ഇതു കണ്ടെത്തിയിട്ടുമുണ്ട്.
തുടര്‍ന്ന് പരിശോധന കര്‍ശനമാക്കാന്‍ പ്രത്യേക സംഘത്തെ നിയോഗിക്കുകയായിരുന്നു. കഴിഞ്ഞ ദിവസവും വാളയാര്‍ ചെക് പോസ്റ്റില്‍ നിന്നു മായം കലര്‍ത്തിയ വെളിച്ചെണ്ണ ഭക്ഷ്യ സുരക്ഷാ വിഭാഗം പിടികൂടിയിരുന്നു. തുടര്‍ന്ന് എല്ലാ ചെക്‌പോസ്റ്റിലും പരിശോധന കര്‍ശനമാക്കുകയായിരുന്നു.
