Saturday, January 19th, 2019

വിശ്വാസികളെ ചൂഷണം ചെയ്യാന്‍ ഉമ്മന്‍ചാണ്ടി പാഷാണം വര്‍ക്കി ചമയുന്നു : പി ജയരാജന്‍

കണ്ണൂര്‍ : വിശ്വാസികളെ ചൂഷണം ചെയ്യാനായി മുഖ്യമന്ത്രി ഉമ്മന്‍ചാണ്ടി പാഷാണം വര്‍ക്കിയെപ്പോലെയാണ് അഭിനയിക്കുന്നതെന്ന് സി.പി.എം ജില്ലാ സിക്രട്ടറി പി. ജയരാജന്‍ പറഞ്ഞു. പെന്‍ഷന്‍പ്രായം ഉയര്‍ത്തുന്നതിനെതിരെ ഡി.വൈ.എഫ്.ഐയുടെ ആഭിമുഖ്യത്തില്‍ നടന്ന കലക്ടറേറ്റ് വളയല്‍ സമരം ഉദ്ഘാടനം ചെയ്യുകയായിരുന്നു അദ്ദേഹം. സമുദായ നേതാക്കളുടെ പ്രീതി നേടാന്‍ ഉമ്മന്‍ചാണ്ടിയും ചെന്നിത്തലയും നെട്ടോട്ടമോടുകയാണ്. എന്‍.എസ്.എസിന്റെ വേദികളിലെത്തിയാല്‍ ഇവര്‍ ഉമ്മന്‍ചാണ്ടിനായരും ചെന്നിത്തലനായരുമാവും. ഇനി എസ്.എന്‍.ഡി.പിയുടെ വേദിയില്‍ എത്തിയാല്‍ ഇവര്‍ ഈഴവരാകും. പാഷാണം വര്‍ക്കിയെപോലെ ഓരോ സ്ഥലങ്ങളിലും യാചിക്കാന്‍ പോകുമ്പോള്‍ ഓരോ മതത്തിലെ ആളെപ്പോലെയാണ് പെരുമാറുക. … Continue reading "വിശ്വാസികളെ ചൂഷണം ചെയ്യാന്‍ ഉമ്മന്‍ചാണ്ടി പാഷാണം വര്‍ക്കി ചമയുന്നു : പി ജയരാജന്‍"

Published On:Feb 24, 2012 | 7:45 am

കണ്ണൂര്‍ : വിശ്വാസികളെ ചൂഷണം ചെയ്യാനായി മുഖ്യമന്ത്രി ഉമ്മന്‍ചാണ്ടി പാഷാണം വര്‍ക്കിയെപ്പോലെയാണ് അഭിനയിക്കുന്നതെന്ന് സി.പി.എം ജില്ലാ സിക്രട്ടറി പി. ജയരാജന്‍ പറഞ്ഞു. പെന്‍ഷന്‍പ്രായം ഉയര്‍ത്തുന്നതിനെതിരെ ഡി.വൈ.എഫ്.ഐയുടെ ആഭിമുഖ്യത്തില്‍ നടന്ന കലക്ടറേറ്റ് വളയല്‍ സമരം ഉദ്ഘാടനം ചെയ്യുകയായിരുന്നു അദ്ദേഹം.
സമുദായ നേതാക്കളുടെ പ്രീതി നേടാന്‍ ഉമ്മന്‍ചാണ്ടിയും ചെന്നിത്തലയും നെട്ടോട്ടമോടുകയാണ്. എന്‍.എസ്.എസിന്റെ വേദികളിലെത്തിയാല്‍ ഇവര്‍ ഉമ്മന്‍ചാണ്ടിനായരും ചെന്നിത്തലനായരുമാവും. ഇനി എസ്.എന്‍.ഡി.പിയുടെ വേദിയില്‍ എത്തിയാല്‍ ഇവര്‍ ഈഴവരാകും. പാഷാണം വര്‍ക്കിയെപോലെ ഓരോ സ്ഥലങ്ങളിലും യാചിക്കാന്‍ പോകുമ്പോള്‍ ഓരോ മതത്തിലെ ആളെപ്പോലെയാണ് പെരുമാറുക. അത്തരം നിലപാടാണ് നമ്മുടെ മുഖ്യമന്ത്രിയുടേത്.
തൊഴിലില്ലാത്തവര്‍ക്ക് തൊഴില്‍ നല്‍കാന്‍ ഇവര്‍ക്ക് കഴിയുന്നില്ല. വര്‍ഗീയ ശക്തികള്‍ക്ക് പ്രോത്സാഹനം നല്‍കുകയാണ് മുഖ്യമന്ത്രി ചെയ്യുന്നത്. ഉമ്മന്‍ചാണ്ടി സര്‍ക്കാറിന്റെ ഭരണത്തെ വര്‍ഗീയ ശക്തികള്‍ മൂക്ക് കയറിട്ട് നിര്‍ത്തിയിരിക്കുകയാണ്. ഇതിന്റെ തെളിവാണ് മാറാട് കലാപത്തെക്കുറിച്ച് അന്വേഷണം നടത്തിയ ഉദ്യോഗസ്ഥരെ മാറ്റിയതിലൂടെ വ്യക്തമായത്. തൊഴിലില്ലാതെ വലയുന്ന അഭ്യസ്ഥവിദ്യരായ ചെറുപ്പക്കാര്‍ക്ക് തൊഴിലവസരം നല്‍കാന്‍ തയാറാകാതെ മുസ്ലിംലീഗിന് ഒരു മന്ത്രിയെ കൂടി നല്‍കാനുള്ള തിരക്കിലാണ് ഉമ്മന്‍ചാണ്ടി. മുസ്ലിംലീഗ് എന്ത് ആവശ്യപ്പെട്ടാലും നല്‍കുമെന്ന അവസ്ഥയാണിപ്പോള്‍ സംസ്ഥാന മന്ത്രിസഭയില്‍.
ഭരണത്തിന്റെ സമസ്ത മേഖലയിലും പരാജയമാണ്. കഴിഞ്ഞ എല്‍.ഡി.എഫ് മന്ത്രിസഭയില്‍ കര്‍ഷക ആത്മഹത്യ അവസാനിച്ചുവെങ്കില്‍ യു.ഡി.എഫ് മന്ത്രിസഭ അധികാരത്തിലേറി ഒമ്പത് മാസം തികയുന്നതിനിടയില്‍ അമ്പതോളം കര്‍ഷകര്‍ ആത്മഹത്യ ചെയ്തുവെന്നും ജയരാജന്‍ കുറ്റപ്പെടുത്തി.
അഭ്യസ്ത വിദ്യരായ ചെറുപ്പക്കാര്‍ തൊഴിലിന് വേണ്ടി നെട്ടോട്ടമോടുന്ന കാഴ്ചയാണിപ്പോള്‍ സംസ്ഥാനത്ത് അങ്ങോളമിങ്ങോളം കാണാന്‍ കഴിയുന്നത്. അവരുടെ പ്രശ്‌നങ്ങള്‍ക്ക് പരിഹാരമുണ്ടാക്കാന്‍ കഴിയുന്നില്ല. എന്നിട്ട് സര്‍വ്വീസിലിരിക്കുന്നവര്‍ക്ക് കാലാവധി നീട്ടി നല്‍കാനാണ് ഇപ്പോള്‍ തീരുമാനിച്ചിരിക്കുന്നത്. യാതൊരു കാരണവശാലും ഇടതുപക്ഷ യുവജന പ്രസ്ഥാനത്തിന്റെ പോരാളികള്‍ ഇത് അനുവദിക്കില്ലെന്നും ജയരാജന്‍ പറഞ്ഞു.
അധികാരത്തിന്റെ ഹുങ്കിലാണ് ലീഗ്. പോലീസിനെ ഉപരോധിച്ച് ബോംബെറിയുന്നു. കാസര്‍കോടും കാഞ്ഞങ്ങാടും വര്‍ഗീയ ലഹളക്ക് കാരണക്കാരന്‍ ലീഗുകാരാണ്. മന്ത്രി പി.കെ. കുഞ്ഞാലിക്കുട്ടി പ്രസംഗിച്ചതിന് ശേഷമാണ് അവിടെ വര്‍ഗീയ കുഴപ്പങ്ങള്‍ നടന്നത്. ഭരണത്തിന്റെ ഹുങ്കില്‍ ലീഗുകാര്‍ ഉറഞ്ഞ് തുള്ളുകയാണ്. ഇവരെ നിയന്ത്രിക്കാന്‍ മുഖ്യമന്ത്രിക്കാവുന്നില്ല. ഈ സംഭവത്തിന് പിന്നില്‍ മാഫിയകളാണ്. കള്ളനോട്ടടിക്കലും കള്ളക്കടത്തുമാണ് അക്രമങ്ങള്‍ക്ക് നേതൃത്വം നല്‍കിയതെന്ന് ജില്ലാ പോലീസ് മേധാവികളുടെ റിപ്പോര്‍ട്ടില്‍ തന്നെ വ്യക്തമാക്കുന്നുണ്ടെന്ന് ജയരാജന്‍ കൂട്ടിച്ചേര്‍ത്തു. എ.എന്‍. ഷസീര്‍ അധ്യക്ഷതവഹിച്ചു.

LIVE NEWS - ONLINE

  • 1
    7 hours ago

    ബിജെപി ഇനി അധികാരത്തിലെത്തിയാല്‍ ഹിറ്റ്‌ലര്‍ ഭരണം ആയിരിക്കുമെന്ന് കേജ്രിവാള്‍

  • 2
    9 hours ago

    കോട്ടയത്ത് 15കാരിയെ കൊന്നു കുഴിച്ചുമൂടിയ നിലയില്‍

  • 3
    11 hours ago

    മോദി ഇന്ത്യയെ തകര്‍ത്തു: മമത

  • 4
    14 hours ago

    ഹാക്ക് ചെയ്യപ്പെട്ട ഫേസ്ബുക്ക് അക്കൗണ്ട് തിരിച്ചെടുക്കാം

  • 5
    15 hours ago

    ശബരിമലയില്‍ ഒരുപാട് സ്ത്രീകള്‍ പോയെന്ന് മന്ത്രി ജയരാജന്‍

  • 6
    15 hours ago

    കീടനാശിനി ശ്വസിച്ച രണ്ടു തൊഴിലാളികള്‍ മരിച്ചു

  • 7
    15 hours ago

    കര്‍ണാടക പ്രതിസന്ധി; കോണ്‍ഗ്രസ് വീണ്ടും യോഗം വിളിച്ചു

  • 8
    15 hours ago

    കര്‍ണാടക; കോണ്‍ഗ്രസ് വീണ്ടും യോഗം വിളിച്ചു

  • 9
    17 hours ago

    ശബരിമല വിഷയത്തില്‍ സര്‍ക്കാറിന് ജനം മറുപടിനല്‍കും: എം.കെ. രാഘവന്‍