Monday, July 22nd, 2019

രോഗങ്ങളിലെ ലിംഗ വ്യത്യാസം ശാസ്ത്രലോകത്തിന് വെല്ലുവിളിയാകുന്നു

രോഗങ്ങളിലെ സ്ത്രീ,പുരുഷ വ്യത്യാസം ശാസ്ത്രലോകത്തിന് തലവേദനയാകുന്നു. ഒരേ രോഗത്തിന് സ്ത്രീക്കും പുരുഷനും വ്യത്യസ്തസ്വഭാവം കൈവരുന്ന പശ്ചാത്തലത്തില്‍ ഇതിന് അനുയോജ്യമായ മരുന്നുകള്‍ വികസിപ്പിച്ചെടുക്കുകയെന്നതാണ് മരുന്നു പരീക്ഷണത്തിലെ ഇനി വരാന്‍ പോകുന്ന പ്രധാന വെല്ലുവിളി. പ്രത്യേകിച്ചും ഹൃദ്രോഗം, അര്‍ബുദം, കരള്‍ രോഗം, അസ്ഥിസംബന്ധമായ രോഗങ്ങള്‍ എന്നിവയുടെ കാര്യത്തില്‍ സ്ത്രീ, പുരുഷ വ്യത്യാസം പ്രകടമാണെന്ന കണ്ടെത്തലിന്റെ സാഹചര്യത്തില്‍. ഈ മേഖലയില്‍ ഗവേഷകര്‍ക്ക് ഏറെയൊന്നും കണ്ടെത്താന്‍ കഴിഞ്ഞിട്ടില്ല. കഴിഞ്ഞ നാല് നൂറ്റാണ്ടുകളായി തുടരുന്ന ഗവേഷണത്തില്‍ ഏറെയും പുരുഷന്‍മാരെ കേന്ദ്രീകരിച്ചുള്ളതാണെന്ന് ശാസ്ത്രലോകം സാക്ഷ്യപ്പെടുത്തുന്നു. സാമൂഹ്യപരമായ … Continue reading "രോഗങ്ങളിലെ ലിംഗ വ്യത്യാസം ശാസ്ത്രലോകത്തിന് വെല്ലുവിളിയാകുന്നു"

Published On:Mar 26, 2013 | 4:51 pm

രോഗങ്ങളിലെ സ്ത്രീ,പുരുഷ വ്യത്യാസം ശാസ്ത്രലോകത്തിന് തലവേദനയാകുന്നു. ഒരേ രോഗത്തിന് സ്ത്രീക്കും പുരുഷനും വ്യത്യസ്തസ്വഭാവം കൈവരുന്ന പശ്ചാത്തലത്തില്‍ ഇതിന് അനുയോജ്യമായ മരുന്നുകള്‍ വികസിപ്പിച്ചെടുക്കുകയെന്നതാണ് മരുന്നു പരീക്ഷണത്തിലെ ഇനി വരാന്‍ പോകുന്ന പ്രധാന വെല്ലുവിളി. പ്രത്യേകിച്ചും ഹൃദ്രോഗം, അര്‍ബുദം, കരള്‍ രോഗം, അസ്ഥിസംബന്ധമായ രോഗങ്ങള്‍ എന്നിവയുടെ കാര്യത്തില്‍ സ്ത്രീ, പുരുഷ വ്യത്യാസം പ്രകടമാണെന്ന കണ്ടെത്തലിന്റെ സാഹചര്യത്തില്‍. ഈ മേഖലയില്‍ ഗവേഷകര്‍ക്ക് ഏറെയൊന്നും കണ്ടെത്താന്‍ കഴിഞ്ഞിട്ടില്ല. കഴിഞ്ഞ നാല് നൂറ്റാണ്ടുകളായി തുടരുന്ന ഗവേഷണത്തില്‍ ഏറെയും പുരുഷന്‍മാരെ കേന്ദ്രീകരിച്ചുള്ളതാണെന്ന് ശാസ്ത്രലോകം സാക്ഷ്യപ്പെടുത്തുന്നു. സാമൂഹ്യപരമായ പല കാരണങ്ങള്‍ കൊണ്ട് സ്ത്രീകളുമായി ബന്ധപ്പെട്ട ഗവേഷണങ്ങള്‍ക്ക് അധികം പ്രാധാന്യം ലഭിച്ചിട്ടില്ല.
ഹൃദ്രോഗം പോലുള്ള രോഗലക്ഷണങ്ങളില്‍ പുരുഷന്‍മാര്‍ക്കും സ്ത്രീകള്‍ക്കും പലപ്പോഴും വ്യത്യസ്ത ലക്ഷണങ്ങളാണ് കാണിക്കുക. ഉദാഹരണത്തിന്, പുരുഷന്‍മാര്‍ക്ക് നെഞചില്‍ നിന്നാരംഭിക്കുന്ന വേദന ഇടതു കയ്യിലേക്ക് പടരുന്നതാണ് ഹൃദ്രോഗ ലക്ഷണമെങ്കില്‍ സ്ത്രീകള്‍ക്ക് അടിവയറിലുള്ള വേദനയും ഛര്‍ദ്ദിക്കാനുള്ള പ്രവണതയുമാണ്. വന്‍കുടലില്‍ വരുന്ന അര്‍ബുദത്തെ സംബന്ധിച്ചാണെങ്കില്‍ സ്ത്രീകള്‍ക്ക് പൊതുവെ പ്രായം ചെല്ലുമ്പോഴാണ് കൂടുതലും കണ്ടുവരുന്നതെങ്കില്‍ പുരുഷന്‍മാര്‍ക്ക് അത് ചെറുപ്രായത്തില്‍ തന്നെ വരാനുള്ള സാധ്യത വളരെ കൂടുതലാണ്. ഇത്തരം പല കാരണങ്ങളും ഉണ്ടെന്നിരിക്കെ ലിംഗവ്യത്യാസത്തെ കുറിച്ച് വ്യക്തമായ പഠനം നടത്താതെ മരുന്നുകള്‍ തയ്യാറാക്കുന്നത് ശരിയല്ലെന്ന് ഗവേഷകര്‍ ചൂണ്ടിക്കാട്ടുന്നു. ആസ്പിരിന്‍ പോലുള്ള മരുന്നുകള്‍ രോഗികളുടെ വത്യസ്ത ശരീര പ്രകൃതിക്കനുസരിച്ച് തയ്യാറാക്കിയില്ലെങ്കില്‍ കൃത്യമായ ഫലം തരില്ലെന്ന് ഇത് സംബന്ധിച്ച് പഠനം നടത്തിയ പാദുവ യൂണിവേഴ്‌സിറ്റി ആശുപത്രിയിലെ ഇറ്റാലിയന്‍ ഗവേഷകനായ ജിയോവനെല്ല ബാജിയോ പറയുന്നു. അതുകൊണ്ട് തന്നെ ലിംഗവ്യത്യാസമനുസരിച്ച് മരുന്നുകള്‍ നല്‍കേണ്ട അളവും ചികിത്സാരീതിയും മാറ്റണമെന്നും അദ്ദേഹം പറയുന്നു.

LIVE NEWS - ONLINE

  • 1
    20 mins ago

    യൂത്ത് കോണ്‍ഗ്രസ് പിഎസ് സി ഓഫീസ് മാര്‍ച്ചില്‍ സംഘര്‍ഷം

  • 2
    23 mins ago

    യൂണിവേഴ്‌സിറ്റി കോളജ് വധശ്രമക്കേസ്; പ്രതികള്‍ക്കായി തെരച്ചില്‍

  • 3
    56 mins ago

    സ്വര്‍ണ വില 240 രൂപ വര്‍ധിച്ചു

  • 4
    1 hour ago

    കര്‍ണാടക; ഇടപെടാനാവില്ലെന്ന് ആവര്‍ത്തിച്ച് സുപ്രീം കോടതി

  • 5
    2 hours ago

    ശൗചാലയവും ഓവുചാലും വൃത്തിയാക്കാനല്ല എം.പിയായത്: പ്രജ്ഞ സിംഗ് ഠാക്കൂര്‍

  • 6
    3 hours ago

    പീഡനക്കേസ്; എഫ്‌ഐ ആര്‍ റദ്ദാക്കണമെന്നാവശ്യപ്പെട്ട് ബിനോയ് ഹൈക്കോടതിയില്‍

  • 7
    3 hours ago

    ഗള്‍ഫില്‍ മത്സ്യ വില ഉയര്‍ന്നു

  • 8
    3 hours ago

    ഇന്തോനീഷ്യന്‍ ഓപ്പണ്‍; ഫൈനലില്‍ അടി പതറി സിന്ധു

  • 9
    4 hours ago

    വീട്ടമ്മ മരിച്ച നിലയില്‍