തിരു: ധനമന്ത്രി കെ.എം.മാണിക്കും ഭക്ഷ്യസിവില്‍ സപ്ലൈസ് മന്ത്രി അനൂപ് ജേക്കബിനുമെതിരെ കേരളാ കോണ്‍ഗ്രസ്(ബി) ചെയര്‍മാന്‍ ആര്‍.ബാലകൃഷ്ണപിള്ള വിജിലന്‍സ് ഡയറക്ടര്‍ക്ക് പരാതി നല്‍കി. മന്ത്രിമാര്‍ ഇരുവരും അഴിമതി കാണിച്ചു ഇതേക്കുറിച്ച് അന്വേഷിക്കണമെന്നാണ് ബാലകൃഷ്ണപിള്ളയുടെ പരാതി. അരി മില്ലുടമകളില്‍ നിന്നും ക്വാറി ഉടമകളില്‍ നിന്നും കോഴ വാങ്ങിയെന്നാണു മാണിക്കെതിരേയുള്ള ആരോപണം. കണ്‍സ്യൂമര്‍ ഫെഡിലും രജിസ്‌ട്രേഷന്‍ വകുപ്പിലും ജഡ്ജിമാരെ നിയമിച്ചതില്‍ ക്രമക്കേടു നടത്തിയെന്നാണു അനൂപ് ജേക്കബിനെതിരെയുള്ള ആരോപണം. ഇക്കാര്യങ്ങള്‍ കാട്ടി മുമ്പു മുഖ്യമന്ത്രിക്ക് നല്‍കിയ രണ്ടു കത്തുകളുടെ പകര്‍പ്പും … Continue reading "മന്ത്രി മാണിക്കും അനൂപിനുമെതിരെ ബാലകൃഷ്ണപിള്ളയുടെ പരാതി"
Thursday, September 20th, 2018
മന്ത്രി മാണിക്കും അനൂപിനുമെതിരെ ബാലകൃഷ്ണപിള്ളയുടെ പരാതി
Published On:Apr 18, 2015 | 9:23 am
തിരു: ധനമന്ത്രി കെ.എം.മാണിക്കും ഭക്ഷ്യസിവില്‍ സപ്ലൈസ് മന്ത്രി അനൂപ് ജേക്കബിനുമെതിരെ കേരളാ കോണ്‍ഗ്രസ്(ബി) ചെയര്‍മാന്‍ ആര്‍.ബാലകൃഷ്ണപിള്ള വിജിലന്‍സ് ഡയറക്ടര്‍ക്ക് പരാതി നല്‍കി. മന്ത്രിമാര്‍ ഇരുവരും അഴിമതി കാണിച്ചു ഇതേക്കുറിച്ച് അന്വേഷിക്കണമെന്നാണ് ബാലകൃഷ്ണപിള്ളയുടെ പരാതി.
അരി മില്ലുടമകളില്‍ നിന്നും ക്വാറി ഉടമകളില്‍ നിന്നും കോഴ വാങ്ങിയെന്നാണു മാണിക്കെതിരേയുള്ള ആരോപണം. കണ്‍സ്യൂമര്‍ ഫെഡിലും രജിസ്‌ട്രേഷന്‍ വകുപ്പിലും ജഡ്ജിമാരെ നിയമിച്ചതില്‍ ക്രമക്കേടു നടത്തിയെന്നാണു അനൂപ് ജേക്കബിനെതിരെയുള്ള ആരോപണം. ഇക്കാര്യങ്ങള്‍ കാട്ടി മുമ്പു മുഖ്യമന്ത്രിക്ക് നല്‍കിയ രണ്ടു കത്തുകളുടെ പകര്‍പ്പും പരാതിക്കൊപ്പം വിജിലന്‍സിനു കൈമാറിയിട്ടുണ്ട്. ഇതില്‍ ഒരു കത്ത് മാണിക്കും രണ്ടാമത്തേതു അനൂപ് ജേക്കബിനുമെതിരേയുള്ളതാണ്.
ഇക്കാര്യങ്ങള്‍ ആദ്യം മുഖ്യമന്ത്രിയോടു പറഞ്ഞപ്പോള്‍ എഴുതി നല്‍കുവാന്‍ ആവശ്യപ്പെട്ടെന്നും എന്നാല്‍ എഴുതി നല്‍കിയിട്ടും യാതൊരുവിധ നടപടികളുമുണ്ടായില്ലെന്നും ഈ സാഹചര്യത്തിലാണു വിജിലന്‍സിനു പരാതി നല്‍കാന്‍ തീരുമാനിച്ചതെന്നും പിള്ള പറഞ്ഞു.
ഇക്കാര്യത്തില്‍ ഇനിയും നടപടിയുണ്ടായില്ലെങ്കില്‍ കോടതിയെ സമീപിക്കാനാണു പിള്ളയുടെ തീരുമാനം. ഇന്നലെ സോളാര്‍ കമ്മീനു മുമ്പില്‍ ബാലകൃഷ്ണപിള്ള മൊഴി നല്‍കിയിരുന്നു. ഇതിനുശേഷം മാധ്യമങ്ങളെ കണ്ട പിള്ള മുഖ്യമന്ത്രിക്കും സര്‍ക്കാരിനുമെതിരേ രൂക്ഷ വിമര്‍ശനമായിരുന്നു ഉന്നയിച്ചത്.
