Saturday, August 24th, 2019

മനുഷ്യക്കടത്ത് കേസ് സി ബി ഐ അന്വേഷിക്കേണ്ടതാണെന്ന് ഹൈക്കോടതി

കൊച്ചി : നെടുമ്പാശ്ശേരി വിമാനത്താവളം വഴി നടത്തിയ അനധികൃത മനുഷ്യക്കടത്ത് കേസ് സി.ബി.ഐ. അന്വേഷിക്കേണ്ടതാണെന്ന് ഹൈക്കോടതി. കോടതിയുടെ ഈ നിരീക്ഷണം പരിഗണിച്ച് സര്‍ക്കാര്‍ അഭിഭാഷകന്‍ ഉടന്‍ സര്‍ക്കാരിന് കുറിപ്പ് നല്‍കണമെന്നും കേസിലെ പ്രതികളായ അജീബിന്റെയും അബ്ദുള്‍ ഹമീദ് സവാദിന്റെയും ജാമ്യാപേക്ഷ തള്ളിക്കൊണ്ട് കോടതി നിര്‍ദേശിച്ചിട്ടുണ്ട്. സി.ബി.ഐ. അന്വേഷണത്തിന് ഉത്തരവിടുന്നില്ലെങ്കിലും കേസിലെ സാഹചര്യം ഉയര്‍ത്തുന്ന ആശങ്ക രേഖപ്പെടുത്തുകയാണെന്ന് ജസ്റ്റിസ് സതീശ്ചന്ദ്രന്‍ വ്യക്തമാക്കി. അതിനിടെ വിമാനത്താവളത്തിലൂടെ നടത്തിയിരുന്ന വിവാദ മനുഷ്യക്കടത്ത് കേസില്‍ അന്വേഷണം ഏതാണ്ട് സ്തംഭിച്ചു. അന്വേഷണ സംഘത്തലവനായ ഡിവൈ … Continue reading "മനുഷ്യക്കടത്ത് കേസ് സി ബി ഐ അന്വേഷിക്കേണ്ടതാണെന്ന് ഹൈക്കോടതി"

Published On:Mar 28, 2013 | 11:41 am

കൊച്ചി : നെടുമ്പാശ്ശേരി വിമാനത്താവളം വഴി നടത്തിയ അനധികൃത മനുഷ്യക്കടത്ത് കേസ് സി.ബി.ഐ. അന്വേഷിക്കേണ്ടതാണെന്ന് ഹൈക്കോടതി. കോടതിയുടെ ഈ നിരീക്ഷണം പരിഗണിച്ച് സര്‍ക്കാര്‍ അഭിഭാഷകന്‍ ഉടന്‍ സര്‍ക്കാരിന് കുറിപ്പ് നല്‍കണമെന്നും കേസിലെ പ്രതികളായ അജീബിന്റെയും അബ്ദുള്‍ ഹമീദ് സവാദിന്റെയും ജാമ്യാപേക്ഷ തള്ളിക്കൊണ്ട് കോടതി നിര്‍ദേശിച്ചിട്ടുണ്ട്. സി.ബി.ഐ. അന്വേഷണത്തിന് ഉത്തരവിടുന്നില്ലെങ്കിലും കേസിലെ സാഹചര്യം ഉയര്‍ത്തുന്ന ആശങ്ക രേഖപ്പെടുത്തുകയാണെന്ന് ജസ്റ്റിസ് സതീശ്ചന്ദ്രന്‍ വ്യക്തമാക്കി.
അതിനിടെ വിമാനത്താവളത്തിലൂടെ നടത്തിയിരുന്ന വിവാദ മനുഷ്യക്കടത്ത് കേസില്‍ അന്വേഷണം ഏതാണ്ട് സ്തംഭിച്ചു. അന്വേഷണ സംഘത്തലവനായ ഡിവൈ എസ് പി വര്‍ഗീസ് വിരമിച്ചതിനു ശേഷം ആര്‍ക്കും ചുമതല നല്‍കാതിരുന്നതിനെ തുടര്‍ന്നാണ് അന്വേഷണം നിലച്ചത്. അറസ്റ്റിലായവര്‍ക്ക് ഉന്നതരുമായി ബന്ധമുണ്ടെന്ന വിവരം പുറത്തു വന്ന പശ്ചാത്തലത്തില്‍ അന്വേഷണം നിലച്ചത് ദുരൂഹതയുണര്‍ത്തുകയാണ്. കൂടാതെ അന്വേഷണ സംഘത്തിലുണ്ടായിരുന്ന എസ് ഐയെ സ്ഥലം മാറ്റുകയും മറ്റൊരു ഉദ്യോഗസ്ഥന് സ്ഥാനക്കയറ്റം നല്‍കുകയും ചെയ്തതോടെ സംഘത്തില്‍ ഇപ്പോള്‍ ബാക്കിയുള്ളത് രണ്ടു പോലീസുകാര്‍ മാത്രമായി. പ്രതികളില്‍ പലരും പോലീസ് ഉദ്യോഗസ്ഥരാണെന്നതും കേസ് നിശ്ചലമായതിനു പിന്നില്‍ ദുരൂഹത ആരോപിക്കാന്‍ കാരണമായിട്ടുണ്ട്.

LIVE NEWS - ONLINE

  • 1
    5 hours ago

    ഡ്യൂറന്റ് കപ്പ് ഗോകുലത്തിനു സ്വന്തം

  • 2
    6 hours ago

    രാഹുലിന്റെ കശ്മീര്‍ സന്ദര്‍ശനത്തിന് പിന്നില്‍ രാഷ്ട്രീയം മാത്രം; സത്യപാല്‍ മാലിക്ക്

  • 3
    9 hours ago

    രാഹുലിനെയും സംഘത്തെയും ശ്രീനഗറില്‍ തടഞ്ഞു

  • 4
    9 hours ago

    ലോക ബാഡ്മിന്റണ്‍: സിന്ധു ഫൈനലില്‍

  • 5
    12 hours ago

    കെവിന്‍ വധം; വിധി ചൊവ്വാഴ്ച

  • 6
    12 hours ago

    മുന്‍ കേന്ദ്രമന്ത്രി അരുണ്‍ ജയ്റ്റ്‌ലി അന്തരിച്ചു

  • 7
    12 hours ago

    അരുണ്‍ ജയ്റ്റ്‌ലി അന്തരിച്ചു

  • 8
    13 hours ago

    എതിര്‍ത്തത് അമ്പലം വിഴുങ്ങികളെ: മന്ത്രി കടകംപള്ളി

  • 9
    13 hours ago

    ഭീകരനുമായി ബന്ധം; തൃശൂരില്‍ സ്ത്രീ അറസ്റ്റില്‍