Wednesday, July 24th, 2019

ഭര്‍ത്താക്കന്‍മാരുടെ ജയില്‍ മോചനത്തിന് പണം കണ്ടെത്താന്‍ വൃക്ക വാഗ്ദാനവുമായി യുവതികള്‍

ഹൈദരാബാദ് : ദുബായ് ജയിലില്‍ കഴിയുന്ന ഭര്‍ത്താക്കന്‍മാരുടെ മോചനത്തിന് പണം കണ്ടെത്താന്‍ തങ്ങളുടെ വൃക്ക വില്‍ക്കാന്‍ അനുവദിക്കണമെന്ന് കാട്ടി ആറ് സ്ത്രീകള്‍ മനുഷ്യാവകാശ കമ്മീഷനെ സമീപിച്ചു. ആന്ധ്രാപ്രദേശിലെ കരീംനഗറില്‍ നിന്നുള്ള സ്ത്രീകളാണ് സംസ്ഥാന മനുഷ്യാവകാശ കമ്മീഷനെ ഈ ആവശ്യവുമായി സമീപിച്ചത്. ഇതേ തുടര്‍ന്ന് ഇക്കാര്യത്തില്‍ ജനിവരി 17 നകം റിപ്പോര്‍ട്ട് നല്‍കാന്‍ ആന്ധ്രാപ്രദേശ് പ്രവാസി സെല്‍ പ്രിന്‍സിപ്പല്‍ സെക്രട്ടറിയോടും കേന്ദ്ര പ്രവാസികാര്യ മന്ത്രാലയത്തോടും കമ്മീഷന്‍ നിര്‍ദ്ദേശിച്ചു. ദുബായിയില്‍ നിര്‍മാണത്തൊഴിലാളികളായി ജോലി ചെയ്യവെ ഒരു നേപ്പാളി സുരക്ഷാ ജീവനക്കാരന്റെ … Continue reading "ഭര്‍ത്താക്കന്‍മാരുടെ ജയില്‍ മോചനത്തിന് പണം കണ്ടെത്താന്‍ വൃക്ക വാഗ്ദാനവുമായി യുവതികള്‍"

Published On:Nov 14, 2012 | 4:46 am

ഹൈദരാബാദ് : ദുബായ് ജയിലില്‍ കഴിയുന്ന ഭര്‍ത്താക്കന്‍മാരുടെ മോചനത്തിന് പണം കണ്ടെത്താന്‍ തങ്ങളുടെ വൃക്ക വില്‍ക്കാന്‍ അനുവദിക്കണമെന്ന് കാട്ടി ആറ് സ്ത്രീകള്‍ മനുഷ്യാവകാശ കമ്മീഷനെ സമീപിച്ചു. ആന്ധ്രാപ്രദേശിലെ കരീംനഗറില്‍ നിന്നുള്ള സ്ത്രീകളാണ് സംസ്ഥാന മനുഷ്യാവകാശ കമ്മീഷനെ ഈ ആവശ്യവുമായി സമീപിച്ചത്. ഇതേ തുടര്‍ന്ന് ഇക്കാര്യത്തില്‍ ജനിവരി 17 നകം റിപ്പോര്‍ട്ട് നല്‍കാന്‍ ആന്ധ്രാപ്രദേശ് പ്രവാസി സെല്‍ പ്രിന്‍സിപ്പല്‍ സെക്രട്ടറിയോടും കേന്ദ്ര പ്രവാസികാര്യ മന്ത്രാലയത്തോടും കമ്മീഷന്‍ നിര്‍ദ്ദേശിച്ചു.
ദുബായിയില്‍ നിര്‍മാണത്തൊഴിലാളികളായി ജോലി ചെയ്യവെ ഒരു നേപ്പാളി സുരക്ഷാ ജീവനക്കാരന്റെ കൊലപാതകവുമായി ബന്ധപ്പെട്ടാണ് കരിംനഗര്‍ സ്വദേശികളായ ശിവരാത്രി മല്ലേഷ്, രവി, നാംപെല്ലി വെങ്കിട്ട്, ലക്ഷ്മണ്‍, ഹനുമന്തു, സയ്യിദ് കരീം എന്നിവര്‍ ജയിലിലായത്. അഞ്ചു പേര്‍ക്ക് 24 വര്‍ഷവും ഒരാള്‍ക്ക് 10 വര്‍ഷവുമായിരുന്നു ദുബായ് കോടതി ശിക്ഷ വിധിച്ചത്. അതേസമയം ഇവര്‍ കുറ്റകൃത്യത്തില്‍ പങ്കാളികളല്ലെന്നും മതിയായ നിയമസഹായം കിട്ടാത്തതിനാലാണ് ജയിലിലായതെന്നും ഇവരുടെ ഭാര്യമാര്‍ പറയുന്നു. ശരിഅത്ത് നിയമപ്രകാരം മരണപ്പെട്ടയാളുടെ ബന്ധുക്കള്‍ ‘ബ്ലഡ്മണി’ എന്ന പേരില്‍ അറിയപ്പെടുന്ന നഷ്ടപരിഹാരം സ്വീകരിച്ച് മാപ്പ് നല്‍കുകയാണെങ്കില്‍ ഇവരെ മോചിപ്പിക്കാനാവുമെന്ന പ്രതീക്ഷയാണ് സ്വന്തം വൃക്ക വില്‍ക്കാന്‍ ഇവരെ പ്രേരിപ്പിച്ചത്. ദുബായിയിലെ ഇന്ത്യന്‍ കോണ്‍സുലേറ്റ് അധികൃതര്‍ ബന്ധപ്പെട്ടപ്പോള്‍ മരണപ്പെട്ട നേപ്പാളി സ്വദേശിയുടെ ഭാര്യ ആവശ്യപ്പെട്ടത് 15 ലക്ഷം രൂപയായിരുന്നു. ഇത്രയും തുക കണ്ടെത്താന്‍ മറ്റു മാര്‍ഗമില്ലാതെ വന്നപ്പോഴാണ് ഇവര്‍ ഈ കടുത്ത തീരുമാനത്തിലെത്തിയത്.

LIVE NEWS - ONLINE

  • 1
    12 hours ago

    കുമാരസ്വാമി സര്‍ക്കാര്‍ വിശ്വാസവോട്ടില്‍ പരാജയപ്പെട്ടു

  • 2
    13 hours ago

    സന്തോഷത്തോടെ സ്ഥാനമൊഴിയാന്‍ തയ്യാറാണെന്ന് കുമാരസ്വാമി

  • 3
    15 hours ago

    ബോറിസ് ജോണ്‍സണ്‍ ബ്രിട്ടീഷ് പ്രധാനമന്ത്രിയാകും

  • 4
    16 hours ago

    കാര്‍ വാങ്ങാന്‍ പിരിവെടുത്ത സംഭവം; മുല്ലപ്പള്ളിക്കെതിരെ വിമര്‍ശനവുമായി അനില്‍ അക്കര

  • 5
    18 hours ago

    നിപ ബാധിതന്‍ ആശുപത്രി വിട്ടു

  • 6
    20 hours ago

    മാവ് വീണ് വീട് തകര്‍ന്നു

  • 7
    21 hours ago

    സിപിഐ മാര്‍ച്ചില്‍ ലാത്തിച്ചാര്‍ജും ജലപീരങ്കിയും

  • 8
    21 hours ago

    പ്രവാസിയായ മധ്യവയസ്‌കന്‍ ദുരൂഹ സാഹചര്യത്തില്‍ മുങ്ങിമരിച്ച നിലയില്‍

  • 9
    22 hours ago

    ശബരിമല വിഷയം ജനങ്ങള്‍ക്കിടയില്‍ തെറ്റിദ്ധാരണയുണ്ടാക്കി: കോടിയേരി