Sunday, February 17th, 2019

ബജറ്റ് ചര്‍ച്ച ; പുകഴ്ത്തി ഭരണപക്ഷവും പ്രതിപക്ഷവും

കണ്ണൂര്‍ : വികസന പ്രവര്‍ത്തനങ്ങള്‍ക്ക് ആക്കം കൂട്ടുന്ന തരത്തിലുള്ള ബജറ്റാണിതെന്നും മുന്‍വര്‍ഷങ്ങളേക്കാള്‍ നല്ലനിര്‍ദേശങ്ങള്‍ ബജറ്റിലുണ്ടെന്നും നഗരസഭാ സ്റ്റാന്റിംഗ് കമ്മറ്റി ചെയര്‍മാന്‍ അഡ്വ. ടി ഒ മോഹനന്‍. വൈസ് ചെയര്‍മാന്‍ സി സമീര്‍ അവതരിപ്പിച്ച ബജറ്റിന് മേലുള്ള ചര്‍ച്ചക്ക് തുടക്കം കുറിച്ച് സംസാരിക്കുകയായിരുന്നു അദ്ദേഹം. വികസന പ്രവര്‍ത്തനങ്ങള്‍ നന്നായി നടപ്പിലാക്കണമെങ്കില്‍ താക്കോല്‍ സ്ഥാനത്തിരിക്കുന്ന ഉദ്യോഗസ്ഥരെ മിനിമം മൂന്നുവര്‍ഷമെങ്കിലും സ്ഥാനത്ത് തന്നെ പ്രവര്‍ത്തിക്കാന്‍ അനുവദിക്കണമെന്ന നിര്‍ദേശം അഡ്വ. ടി ഒ മോഹനന്‍ മുന്നോട്ടുവെച്ചു. പദ്ധതികള്‍ നടപ്പിലാക്കാനും തുടങ്ങിയത് പൂര്‍ത്തിയാക്കാനും ഉദ്യോഗസ്ഥന്‍മാര്‍ക്ക് … Continue reading "ബജറ്റ് ചര്‍ച്ച ; പുകഴ്ത്തി ഭരണപക്ഷവും പ്രതിപക്ഷവും"

Published On:Mar 27, 2013 | 4:34 pm

കണ്ണൂര്‍ : വികസന പ്രവര്‍ത്തനങ്ങള്‍ക്ക് ആക്കം കൂട്ടുന്ന തരത്തിലുള്ള ബജറ്റാണിതെന്നും മുന്‍വര്‍ഷങ്ങളേക്കാള്‍ നല്ലനിര്‍ദേശങ്ങള്‍ ബജറ്റിലുണ്ടെന്നും നഗരസഭാ സ്റ്റാന്റിംഗ് കമ്മറ്റി ചെയര്‍മാന്‍ അഡ്വ. ടി ഒ മോഹനന്‍. വൈസ് ചെയര്‍മാന്‍ സി സമീര്‍ അവതരിപ്പിച്ച ബജറ്റിന് മേലുള്ള ചര്‍ച്ചക്ക് തുടക്കം കുറിച്ച് സംസാരിക്കുകയായിരുന്നു അദ്ദേഹം.
വികസന പ്രവര്‍ത്തനങ്ങള്‍ നന്നായി നടപ്പിലാക്കണമെങ്കില്‍ താക്കോല്‍ സ്ഥാനത്തിരിക്കുന്ന ഉദ്യോഗസ്ഥരെ മിനിമം മൂന്നുവര്‍ഷമെങ്കിലും സ്ഥാനത്ത് തന്നെ പ്രവര്‍ത്തിക്കാന്‍ അനുവദിക്കണമെന്ന നിര്‍ദേശം അഡ്വ. ടി ഒ മോഹനന്‍ മുന്നോട്ടുവെച്ചു. പദ്ധതികള്‍ നടപ്പിലാക്കാനും തുടങ്ങിയത് പൂര്‍ത്തിയാക്കാനും ഉദ്യോഗസ്ഥന്‍മാര്‍ക്ക് സമയം കിട്ടണം. എന്നാല്‍ ആറ്മാസം കഴിയുമ്പോഴേക്കും പലര്‍ക്കും സ്ഥലംമാറ്റം കിട്ടുകയാണ്. നിര്‍ബന്ധമായും മൂന്നുവര്‍ഷമെങ്കിലും ഒരാളെ ഒരു സ്ഥാനത്ത് തന്നെ പ്രവര്‍ത്തിക്കാന്‍ അനുവദിക്കണം.
പഴയ വീഞ്ഞ് പുതിയ കുപ്പിയിലാക്കി അവതരിപ്പിക്കുന്നു എന്ന വിമര്‍ശനമാണ് സാധാരണ ഉണ്ടാവുകയുള്ളൂവെന്നും എന്നാല്‍ ഇത്തവണ അടിമുടി വ്യത്യസ്തമായ ബജറ്റാണ് അവതരിപ്പിച്ചതെന്നും സ്റ്റാന്റിംഗ് കമ്മറ്റി ചെയര്‍മാന്‍ ടി കെ നൗഷാദ് പറഞ്ഞു. 13 കോടി 34 ലക്ഷത്തിന്റെ മെക്കാഡം ടാറിംഗ് പദ്ധതി ബജറ്റില്‍ ഉണ്ട്. ഒരു മെട്രോ നഗരത്തിലപ്പുറം സ്റ്റാര്‍സിറ്റിയായി മാറ്റുന്ന പദ്ധതികളാണ് ബജറ്റിലുള്ളത്. സീനിയര്‍ സിറ്റിസണ്‍സ് മുതല്‍ വിദ്യാര്‍ത്ഥികള്‍ വരെയുള്ളവരെ തൊട്ടുതലോടുന്ന ബജറ്റാണിത്. ഗതാഗതകുരുക്ക് പരിഹരിക്കുന്നതിനായി സ്ഥാപിക്കുന്ന പീതാംബര പാര്‍ക്ക് സര്‍ക്കിളില്‍ ക്ലോക്ക് ടവര്‍ സ്ഥാപിക്കണമെന്നും ടി കെ നൗഷാദ് പറഞ്ഞു. ഉപ്പ് തൊട്ട് കര്‍പ്പൂരം വരെ എന്ന രീതിയില്‍ വികസന ദീര്‍ഘവീക്ഷണത്തോടെയുള്ളതാണ് ബജറ്റെന്ന് രോഷ്‌നി ഖാലിദും നഗരസഭയില്‍ സ്വാദിഷ്ഠ കാന്റീന്‍ നടത്തുമെന്ന പ്രഖ്യാപനം സ്വാഗതാര്‍ഹമാണെന്നും ഉദ്യോഗസ്ഥന്‍മാര്‍ക്ക് വരെ രാവിലെ ഭക്ഷണം കൊണ്ടുവരേണ്ട അവസ്ഥക്ക് മാറ്റം വരുത്താന്‍ കഴിയുമെന്നും മീറ വത്സനും റെക്കോഡ് റൂം തുടങ്ങുന്നതിന് പണം നീക്കിവെച്ചത് നല്ലതാണെന്നും നഗരസഭാ കൗണ്‍സിലര്‍മാര്‍ നല്‍കുന്ന കടലാസുകള്‍ കാണാതാകുന്നതിന് ഇത് പരിഹാരമാകുമെന്നും ജയലക്ഷ്മി രാമകൃഷ്ണനും അഭിപ്രായപ്പെട്ടു.
വാഗ്ദാനങ്ങളുടെ പെരുമഴയില്ലാതെ നടപ്പിലാക്കാന്‍ പറ്റുന്നത് മാത്രമാണ് ബജറ്റിലെന്നും ഓറഞ്ച് ജൂസ് കഴിക്കുന്നത് പോലെയാണിതെന്നും പ്രതിപക്ഷനേതാവ് യു പുഷ്പരാജ് പറഞ്ഞപ്പോള്‍ ഭരണപക്ഷം ഡസ്‌കിലടിച്ച് പ്രോത്സാഹിപ്പിച്ചു. എന്നാല്‍ പിന്നീട് പുഷ്പരാജ് വിമര്‍ശനത്തിന്റെ കൂരമ്പുകള്‍ തൊടുത്തുവിട്ടു. പഴയവീഞ്ഞ് പുതിയ കുപ്പിയിലില്ലെന്നും പഴയതെല്ലാം നശിപ്പിച്ചുപോയെന്നും പുഷ്പരാജ് പറഞ്ഞു. 2011ലും 12ലും ബജറ്റില്‍ പറഞ്ഞതെന്നും നടപ്പിലാക്കിയിട്ടില്ല. വാഗ്ദാനങ്ങളുടെ പെരുമഴയില്ലാത്തതിനാല്‍ ഇത് നടപ്പിലാക്കാന്‍ സാധിക്കുമെന്നും ഇതിന് ഇച്ഛാശക്തി കാണിക്കണമെന്നും പുഷ്പരാജ് പറഞ്ഞു.

LIVE NEWS - ONLINE

  • 1
    1 hour ago

    ഭീകരാക്രമണത്തിന് മസൂദ് അസര്‍ നിര്‍ദേശം നല്‍കിയത് പാക് സൈനിക ആശുപത്രിയില്‍നിന്ന്

  • 2
    3 hours ago

    നാലുവയസ്സുകാരിയെ കൊലപ്പെടുത്തിയ സംഭവം: ഭിക്ഷാടകസംഘത്തിലെ രണ്ടുപേര്‍ അറസ്റ്റില്‍

  • 3
    4 hours ago

    വസന്തകുമാറിന്റെ കുടുംബത്തെ ഇന്ന് മന്ത്രി ബാലന്‍ സന്ദര്‍ശിക്കും

  • 4
    16 hours ago

    പുല്‍വാമ ആക്രമണം: തെളിവുണ്ടെങ്കില്‍ ഹാജരാക്കണമെന്ന് പാക് വിദേശകാര്യ മന്ത്രി

  • 5
    17 hours ago

    സ്ഫോടകവസ്തു നിര്‍വീര്യമാക്കുന്നതിനിടെ ജമ്മു കശ്മീരില്‍ സൈനികന്‍ കൊല്ലപ്പെട്ടു

  • 6
    19 hours ago

    വസന്ത്കുമാറിന്റെ മൃതദേഹം ജന്മനാട്ടിലേക്ക് കൊണ്ടു പോയി

  • 7
    23 hours ago

    കൊട്ടിയൂര്‍ പീഡനം; വൈദികന് 20വര്‍ഷം കഠിന തടവും മൂന്നു ലക്ഷം പിഴയും

  • 8
    23 hours ago

    കൊട്ടിയൂര്‍ പീഡനം; വൈദികന് 20വര്‍ഷം കഠിന തടവും മൂന്നു ലക്ഷം പിഴയും

  • 9
    24 hours ago

    ദിലീപന്‍ വധക്കേസ്; 9 പ്രതികള്‍ക്ക് ജീവപര്യന്തം തടവും മുപ്പതിനായിരം പിഴയും