Saturday, January 19th, 2019

പെന്‍ഷന്‍ പ്രായം 56 ആക്കി

തിരു : സംസ്ഥാന ജീവനക്കാരുടെ പെന്‍ഷന്‍ പ്രായം 56വയസ്സാക്കി നിജപ്പെടുത്തിക്കൊണ്ടുള്ള സുപ്രധാന നിര്‍ദ്ദേശവുമായി നിയമസഭയില്‍ ധനമന്ത്രി കെ എം മാണിയുടെ പത്താമത്തെ ബജറ്റ് അവതരണം പ്രതിപക്ഷ ബഹളത്തോടെ തുടങ്ങി. പെന്‍ഷന്‍ പ്രായം ഏകീകരണം പിന്‍വലിക്കുമെന്നും മന്ത്രി വ്യക്തമാക്കി. ഇതോടെ മുദ്രാവാക്യം വിളിയുമായി സഭയുടെ നടുത്തളത്തിലിറങ്ങി പ്രതിപക്ഷം കുത്തിയിരുന്നു മുദ്രാവാക്യം വിളിക്കുകയായിരുന്നു. ആഗോള സാമ്പത്തിക പ്രതിസന്ധി നേരിടാന്‍ കേരളത്തിന് കഴിഞ്ഞതായി ആമുഖ പ്രസംഗത്തില്‍ മാണി ചൂണ്ടിക്കാട്ടി. സംസ്ഥാനത്ത് പദ്ധതിയേതര ചെലവ് 30ശതമാനം ഉയര്‍ന്നുവെന്നും മന്ത്രി പറഞ്ഞു. യു ഡി … Continue reading "പെന്‍ഷന്‍ പ്രായം 56 ആക്കി"

Published On:Mar 19, 2012 | 4:36 am

തിരു : സംസ്ഥാന ജീവനക്കാരുടെ പെന്‍ഷന്‍ പ്രായം 56വയസ്സാക്കി നിജപ്പെടുത്തിക്കൊണ്ടുള്ള സുപ്രധാന നിര്‍ദ്ദേശവുമായി നിയമസഭയില്‍ ധനമന്ത്രി കെ എം മാണിയുടെ പത്താമത്തെ ബജറ്റ് അവതരണം പ്രതിപക്ഷ ബഹളത്തോടെ തുടങ്ങി. പെന്‍ഷന്‍ പ്രായം ഏകീകരണം പിന്‍വലിക്കുമെന്നും മന്ത്രി വ്യക്തമാക്കി. ഇതോടെ മുദ്രാവാക്യം വിളിയുമായി സഭയുടെ നടുത്തളത്തിലിറങ്ങി പ്രതിപക്ഷം കുത്തിയിരുന്നു മുദ്രാവാക്യം വിളിക്കുകയായിരുന്നു.
ആഗോള സാമ്പത്തിക പ്രതിസന്ധി നേരിടാന്‍ കേരളത്തിന് കഴിഞ്ഞതായി ആമുഖ പ്രസംഗത്തില്‍ മാണി ചൂണ്ടിക്കാട്ടി. സംസ്ഥാനത്ത് പദ്ധതിയേതര ചെലവ് 30ശതമാനം ഉയര്‍ന്നുവെന്നും മന്ത്രി പറഞ്ഞു. യു ഡി എഫ് അവതരിപ്പിച്ച ധവളപത്രം ശരിയെന്ന് തെളിഞ്ഞു. റവന്യൂവരുമാനത്തില്‍ 19ശതമാനം വര്‍ധനവുണ്ടായി. ശമ്പളച്ചെലവ് കഴിഞ്ഞവര്‍ഷത്തേക്കാള്‍ 22ശതമാനം വര്‍ധിച്ചു. ശമ്പളം നല്‍കുന്നതിനായി കഴിഞ്ഞവര്‍ഷം 20539 കോടി രൂപ ചിലവഴിച്ചതായും മന്ത്രി അറിയിച്ചു.
കൃഷി, വ്യവസായം, ഗ്രാമവികസനം, സഹകരണം എന്നീ മേഖലകള്‍ക്ക് ഊന്നല്‍ നല്‍കിയുള്ള ബജറ്റായിരിക്കും ഇത്തവണത്തേതെന്ന് മന്ത്രി പറഞ്ഞു.
മന്ത്രി മാണി അവതരിപ്പിക്കുന്ന ബജറ്റിലെ മറ്റു പ്രധാന നിര്‍ദ്ദേശങ്ങള്‍ ഇവയാണ്:

പദ്ധതിയിതര ചിലവ് 30 ശതമാനം വര്‍ധിച്ചു
ശമ്പളം, പെന്‍ഷന്‍ ചിലവുകള്‍ കുതിച്ചുയര്‍ന്നു
റവന്യൂവരുമാനം കൂടി
മുന്‍ സര്‍ക്കാരിന്റെ ട്രഷറി മിച്ചമെന്ന അവകാശവാദം കളവ്
റവന്യൂ കമ്മി കുറയ്ക്കാനാകുമെന്ന് പ്രതീക്ഷ
റവന്യൂ വരുമാനം 19 ശതമാനം വര്‍ധിച്ചു
വികസനത്തിന് സപ്തതന്ത്രങ്ങള്‍
കൃഷി, മലയോരമേഖല, പിന്നാക്കസംരക്ഷണം എന്നിവയ്ക്ക് മുന്‍ഗണന
തിരുവനന്തപുരം, കോഴിക്കോട് മോണോ റെയില്‍ പദ്ധതി: പ്രാരംഭപ്രവര്‍ത്തനത്തിന് 20 കോടി
കൊച്ചി മെട്രോയ്ക്ക് 150 കോടി
വിഴിഞ്ഞം പദ്ധതിക്ക് 224 കോടി
കുട്ടനാട്, പാലക്കാട് എന്നിവിടങ്ങളില്‍ റൈസ് ബയോപാര്‍ക്ക്
തിരു കാസര്‍കോട് അതിവേഗ റെയില്‍: പ്രാരംഭപ്രവര്‍ത്തനങ്ങള്‍ക്ക് 50 കോടി
ഹൈടെക് കൃഷിരീതി വ്യാപകമാക്കും
തൊഴില്‍ വൈദഗ്ധ്യം കൂട്ടാന്‍ വിദ്യാര്‍ത്ഥികള്‍ക്ക് പ്രത്യേക പദ്ധതി
പ്രാദേശിക പത്രപ്രവര്‍ത്തകര്‍ക്ക് ക്ഷേമനിധിക്കായി ഒരു കോടി രൂപ
പത്രപ്രവര്‍ത്തകരുടെ പെന്‍ഷന്‍ 4500 ആയി വര്‍ധിപ്പിച്ചു
കണ്ണൂര്‍ വിമാനത്താവളത്തിന് 50കോടി
വിധവാ പെന്‍ഷന്‍ 575രൂപയായും വികലാംഗ പെന്‍ഷന്‍ 700രൂപയാക്കി
വിവാഹസഹായം 20000രൂപയാക്കി
പെന്‍ഷന്‍ പ്രായം 56വയസ്സാക്കി
ശബരിമല വികസനത്തിന് 25കോടി രൂപ നീക്കിവെച്ചു

LIVE NEWS - ONLINE

  • 1
    7 hours ago

    ബിജെപി ഇനി അധികാരത്തിലെത്തിയാല്‍ ഹിറ്റ്‌ലര്‍ ഭരണം ആയിരിക്കുമെന്ന് കേജ്രിവാള്‍

  • 2
    9 hours ago

    കോട്ടയത്ത് 15കാരിയെ കൊന്നു കുഴിച്ചുമൂടിയ നിലയില്‍

  • 3
    12 hours ago

    മോദി ഇന്ത്യയെ തകര്‍ത്തു: മമത

  • 4
    15 hours ago

    ഹാക്ക് ചെയ്യപ്പെട്ട ഫേസ്ബുക്ക് അക്കൗണ്ട് തിരിച്ചെടുക്കാം

  • 5
    15 hours ago

    ശബരിമലയില്‍ ഒരുപാട് സ്ത്രീകള്‍ പോയെന്ന് മന്ത്രി ജയരാജന്‍

  • 6
    16 hours ago

    കീടനാശിനി ശ്വസിച്ച രണ്ടു തൊഴിലാളികള്‍ മരിച്ചു

  • 7
    16 hours ago

    കര്‍ണാടക പ്രതിസന്ധി; കോണ്‍ഗ്രസ് വീണ്ടും യോഗം വിളിച്ചു

  • 8
    16 hours ago

    കര്‍ണാടക; കോണ്‍ഗ്രസ് വീണ്ടും യോഗം വിളിച്ചു

  • 9
    17 hours ago

    ശബരിമല വിഷയത്തില്‍ സര്‍ക്കാറിന് ജനം മറുപടിനല്‍കും: എം.കെ. രാഘവന്‍