തിരു: സോളാര്‍ വിഷയത്തില്‍ മുഖ്യമന്ത്രിക്കെതിരേ ശ്രീധരന്‍ നായര്‍ നടത്തിയ വെളിപ്പെടുത്തലിനെത്തുടര്‍ന്ന്‌ ഉടലെടുത്ത പ്രതിസന്ധിയെ രാഷ്‌ട്രീയമായി നേരിടാന്‍ കോണ്‍ഗ്രസും യു ഡി എഫും തീരുമാനിച്ചതോടെ മുഖ്യമന്ത്രി ഉമ്മന്‍ ചാണ്ടി നേരിട്ട ഭീഷണിയില്‍ നിന്നു തത്‌കാലിക ശമനമായി. എങ്കിലും പ്രശ്‌നം ഉയര്‍ത്തിയ ഭീഷണിയില്‍ നിന്നു മുഖ്യമന്ത്രിയും മുന്നണിയും ഇനിയും കര കയറിയിട്ടില്ല. ഇതിനിടെ സോളാര്‍ പ്രശ്‌നത്തില്‍ ഇടതുമുന്നണി ഹര്‍ത്താല്‍ ഉള്‍പ്പെടെയുള്ള സമരപരിപാടികളുമായി ശക്തമായി മുന്നോട്ടു പോകാനാണ്‌ തീരുമാനം. രാഷ്‌ട്രീയമായും നിയമപരമായും സോളാര്‍ കേസിനെ നേരിടുന്നതിനൊപ്പം പ്രതിപക്ഷ സമരത്തെക്കൂടി ഉമ്മന്‍ ചാണ്ടിക്കു … Continue reading "പാര്‍ട്ടിയും മുന്നണിയും മുഖ്യമന്ത്രിക്കൊപ്പം"
Saturday, July 20th, 2019
പാര്‍ട്ടിയും മുന്നണിയും മുഖ്യമന്ത്രിക്കൊപ്പം
Published On:Jul 10, 2013 | 10:32 am
തിരു: സോളാര്‍ വിഷയത്തില്‍ മുഖ്യമന്ത്രിക്കെതിരേ ശ്രീധരന്‍ നായര്‍ നടത്തിയ വെളിപ്പെടുത്തലിനെത്തുടര്‍ന്ന്‌ ഉടലെടുത്ത പ്രതിസന്ധിയെ രാഷ്‌ട്രീയമായി നേരിടാന്‍ കോണ്‍ഗ്രസും യു ഡി എഫും തീരുമാനിച്ചതോടെ മുഖ്യമന്ത്രി ഉമ്മന്‍ ചാണ്ടി നേരിട്ട ഭീഷണിയില്‍ നിന്നു തത്‌കാലിക ശമനമായി. എങ്കിലും പ്രശ്‌നം ഉയര്‍ത്തിയ ഭീഷണിയില്‍ നിന്നു മുഖ്യമന്ത്രിയും മുന്നണിയും ഇനിയും കര കയറിയിട്ടില്ല.
ഇതിനിടെ സോളാര്‍ പ്രശ്‌നത്തില്‍ ഇടതുമുന്നണി ഹര്‍ത്താല്‍ ഉള്‍പ്പെടെയുള്ള സമരപരിപാടികളുമായി ശക്തമായി മുന്നോട്ടു പോകാനാണ്‌ തീരുമാനം. രാഷ്‌ട്രീയമായും നിയമപരമായും സോളാര്‍ കേസിനെ നേരിടുന്നതിനൊപ്പം പ്രതിപക്ഷ സമരത്തെക്കൂടി ഉമ്മന്‍ ചാണ്ടിക്കു നേരിടേണ്ടിവരും.
പ്രശ്‌നത്തെക്കുറിച്ചുള്ള റിപ്പോര്‍ട്ട്‌ കോണ്‍ഗ്രസ്‌ അധ്യക്ഷ സോണിയ ഗാന്ധി തേടുകയും ചെയ്‌തു. കേരളത്തിന്റെ ചുമതലയുള്ള എ ഐ സി സി ജനറല്‍ സെക്രട്ടറി മുകുള്‍ വാസ്‌നിക്കിനോടാണു റിപ്പോര്‍ട്ട്‌ തേടിയിട്ടുള്ളത്‌. കേരളത്തില്‍ത്തന്നെ പ്രശ്‌നം പരിഹരിക്കട്ടെ എന്ന നിലപാടിലാണ്‌ ഹൈക്കമാന്‍ഡ്‌ എന്നും കരുതുന്നു. തിങ്കളാഴ്‌ച വൈകുന്നേരം ശ്രീധരന്‍ നായരുടെ വെളിപ്പെടുത്തല്‍ പുറത്തുവന്നതിനെത്തുടര്‍ന്നു പ്രശ്‌നങ്ങള്‍ രാഷ്‌ട്രീയപ്രേരിതമാണെന്നും രാഷ്‌ട്രീയമായി നേരിടുമെന്നും ഇന്നലെ യോഗം ചേര്‍ന്നു രമേശ്‌ ചെന്നിത്തല പ്രഖ്യാപിച്ചതോടെ മുഖ്യമന്ത്രിയുടെ രാജി സംബന്ധിച്ച അഭ്യൂഹത്തിനു തത്‌കാലത്തേക്കു വിരാമമാകുകയായിരുന്നു. കോണ്‍ഗ്രസ്‌ പാര്‍ട്ടിയെയും യു ഡി എഫിലെ ഘടകകക്ഷികളെയും ഒപ്പം നിര്‍ത്തുന്നതില്‍ ഇതുവരെ ഉമ്മന്‍ ചാണ്ടി വിജയിച്ചിട്ടുണ്ട്‌.
