Saturday, August 24th, 2019

തൃശ്ശൂരില്‍ ഇടഞ്ഞ ആന ബൈക്ക് യാത്രക്കാരനെ കുത്തിക്കൊന്നു; നിരവധി പേര്‍ക്ക് പരിക്ക്

തൃശ്ശൂര്‍ : കേച്ചേരിയില്‍ ഇടഞ്ഞ ആന ബൈക്ക് യാത്രകാരനെ കൊന്നു. പാപ്പാനടക്കം നിരവധി പേര്‍ക്ക് പരിക്കേറ്റു. ഇതില്‍ രണ്ടു പേരുടെ നില ഗുരുതരമാണ്. പാവറട്ടി മനപ്പടി വീട്ടില്‍ മാളിയേക്കല്‍ അലോഷ്യസാണ്(50) മരണപ്പെട്ട ബൈക്ക് യാത്രക്കാരന്‍. ഗുരുതരമായി പരിക്കേറ്റ പാപ്പാന്‍ ആഷിദ്(25), ബസ് യാത്രക്കാരന്‍ സിന്‍സണ്‍(36) എന്നിവരെ തൃശ്ശൂര്‍ അമല ആശുപത്രിയില്‍ പ്രവേശിപ്പിച്ചു. രണ്ടരമണിക്കൂറോളം കേച്ചേരിയെ വിറപ്പിച്ച കൊമ്പനെ ഒടുവില്‍ ഡോ. പി ബി ഗിരിദാസ്, ഡോ. രാജീവ് എന്നിവരുടെ നേതൃത്വത്തിലുള്ള സംഘം മയക്കുവെടി വെച്ച് തളക്കുകയായിരുന്നു. സുകുമാരന്‍ … Continue reading "തൃശ്ശൂരില്‍ ഇടഞ്ഞ ആന ബൈക്ക് യാത്രക്കാരനെ കുത്തിക്കൊന്നു; നിരവധി പേര്‍ക്ക് പരിക്ക്"

Published On:Feb 16, 2012 | 6:07 am

തൃശ്ശൂര്‍ : കേച്ചേരിയില്‍ ഇടഞ്ഞ ആന ബൈക്ക് യാത്രകാരനെ കൊന്നു. പാപ്പാനടക്കം നിരവധി പേര്‍ക്ക് പരിക്കേറ്റു. ഇതില്‍ രണ്ടു പേരുടെ നില ഗുരുതരമാണ്. പാവറട്ടി മനപ്പടി വീട്ടില്‍ മാളിയേക്കല്‍ അലോഷ്യസാണ്(50) മരണപ്പെട്ട ബൈക്ക് യാത്രക്കാരന്‍. ഗുരുതരമായി പരിക്കേറ്റ പാപ്പാന്‍ ആഷിദ്(25), ബസ് യാത്രക്കാരന്‍ സിന്‍സണ്‍(36) എന്നിവരെ തൃശ്ശൂര്‍ അമല ആശുപത്രിയില്‍ പ്രവേശിപ്പിച്ചു. രണ്ടരമണിക്കൂറോളം കേച്ചേരിയെ വിറപ്പിച്ച കൊമ്പനെ ഒടുവില്‍ ഡോ. പി ബി ഗിരിദാസ്, ഡോ. രാജീവ് എന്നിവരുടെ നേതൃത്വത്തിലുള്ള സംഘം മയക്കുവെടി വെച്ച് തളക്കുകയായിരുന്നു.
സുകുമാരന്‍ എന്നയാളുടെ ഉടമസ്ഥതയിലുള്ള കുറുപ്പത്ത് ശിവശങ്കരന്‍ എന്ന ആനയാണ് ഇടഞ്ഞത്. രാവിലെ ഏഴരയോടെ വെള്ളം കൊടുക്കാനായി അഴിച്ചപ്പോള്‍ പാപ്പാനെ കുത്തിവീഴ്ത്തിയ ശേഷം ഇടഞ്ഞോടിയ ആന വടക്കാഞ്ചേരി – കേച്ചേരി റോഡില്‍ കയറി ഇതുവഴി വരികയായിരുന്നു സെന്റ് ജോസഫ് എന്ന സ്വകാര്യബസടക്കം നിരവധി വാഹനങ്ങള്‍ കുത്തിമറിച്ചിട്ടു. ബസിനടിയില്‍ പെട്ടുപോയ ഒരു യാത്രക്കാരനെ പിന്നീട് രക്ഷപ്പെടുത്തി. ബസിലെ പരിക്കേറ്റ പതിമൂന്ന് യാത്രക്കാരെ അമല ആശുപത്രിയില്‍ പ്രവേശിപ്പിച്ചു. ഇതിനു പുറമെ സ്‌കൂള്‍ വാന്‍ ഉള്‍പ്പെടെ നിരവധി വാഹനങ്ങള്‍ ആന കുത്തിമറിച്ചിട്ടു. സ്‌കൂള്‍ വാനില്‍ ആരും ഇല്ലായിരുന്നതിനാല്‍ വന്‍ ദുരന്തമാണ് ഒഴിവായത്. സമീപത്തെ ഒരു വീടും കാറും ചൂണ്ടല്‍ ഗ്രാമപഞ്ചായത്തിന്റെ ജീപ്പും ആന തകര്‍ത്തിട്ടുണ്ട്. പത്തോളം വീടുകള്‍ക്ക് ആനയുടെ ആക്രമണത്തില്‍ കേടുപറ്റി.

LIVE NEWS - ONLINE

  • 1
    5 hours ago

    ഡ്യൂറന്റ് കപ്പ് ഗോകുലത്തിനു സ്വന്തം

  • 2
    6 hours ago

    രാഹുലിന്റെ കശ്മീര്‍ സന്ദര്‍ശനത്തിന് പിന്നില്‍ രാഷ്ട്രീയം മാത്രം; സത്യപാല്‍ മാലിക്ക്

  • 3
    9 hours ago

    രാഹുലിനെയും സംഘത്തെയും ശ്രീനഗറില്‍ തടഞ്ഞു

  • 4
    9 hours ago

    ലോക ബാഡ്മിന്റണ്‍: സിന്ധു ഫൈനലില്‍

  • 5
    12 hours ago

    കെവിന്‍ വധം; വിധി ചൊവ്വാഴ്ച

  • 6
    12 hours ago

    മുന്‍ കേന്ദ്രമന്ത്രി അരുണ്‍ ജയ്റ്റ്‌ലി അന്തരിച്ചു

  • 7
    12 hours ago

    അരുണ്‍ ജയ്റ്റ്‌ലി അന്തരിച്ചു

  • 8
    13 hours ago

    എതിര്‍ത്തത് അമ്പലം വിഴുങ്ങികളെ: മന്ത്രി കടകംപള്ളി

  • 9
    13 hours ago

    ഭീകരനുമായി ബന്ധം; തൃശൂരില്‍ സ്ത്രീ അറസ്റ്റില്‍