Thursday, June 20th, 2019

ഡല്‍ഹിയില്‍ നടന്നത് ഭീകരാക്രമണമെന്ന് അഭ്യന്തരമന്ത്രാലയം

ന്യൂഡല്‍ഹി : കഴിഞ്ഞ ദിവസം പ്രധാനമന്ത്രിയുടെ വസതിക്ക് സമീപം ഇസ്രായേല്‍ എംബസി വാഹനത്തില്‍ ബോംബ് സ്‌ഫോടനം നടത്തിയത് തീവ്രവാദികളാണെന്ന് അഭ്യന്തരമന്ത്രാലയം സ്ഥിരീകരിച്ചു. അഭ്യന്തര മന്ത്രി പി ചിദംബരമാണ് ഇക്കാര്യം അറിയിച്ചത്. കാറിലുണ്ടായിരുന്ന ഇസ്രായേല്‍ നയതന്ത്രപ്രതിനിധിയുടെ ഭാര്യയായിരുന്നു ഭീകരരുടെ ലക്ഷ്യമെന്നും മന്ത്രി പറഞ്ഞു. ട്രാഫിക് സിഗ്നലില്‍ നിര്‍ത്തിയിട്ടിരുന്ന വാഹനത്തിന്റെ പിന്‍ഭാഗത്തെ ഡോറില്‍ ബൈക്കിലെത്തിയ ഒരാള്‍ സ്‌ഫോടകവസ്തു ഘടിപ്പിക്കുകയായിരുന്നു. ഇയാള്‍ പോയ ശേഷം നാലോ അഞ്ചോ സെക്കന്‍ഡുകള്‍ക്കുള്ളിലാണ് സ്‌ഫോടനം നടന്നതെന്നും മന്ത്രി പറഞ്ഞു. ഇതിന് ദൃക്‌സാക്ഷിയായ ഗോപാലകൃഷ്ണന്‍ എന്നയാളുടെ മൊഴിയില്‍ … Continue reading "ഡല്‍ഹിയില്‍ നടന്നത് ഭീകരാക്രമണമെന്ന് അഭ്യന്തരമന്ത്രാലയം"

Published On:Feb 14, 2012 | 8:20 am

ന്യൂഡല്‍ഹി : കഴിഞ്ഞ ദിവസം പ്രധാനമന്ത്രിയുടെ വസതിക്ക് സമീപം ഇസ്രായേല്‍ എംബസി വാഹനത്തില്‍ ബോംബ് സ്‌ഫോടനം നടത്തിയത് തീവ്രവാദികളാണെന്ന് അഭ്യന്തരമന്ത്രാലയം സ്ഥിരീകരിച്ചു. അഭ്യന്തര മന്ത്രി പി ചിദംബരമാണ് ഇക്കാര്യം അറിയിച്ചത്. കാറിലുണ്ടായിരുന്ന ഇസ്രായേല്‍ നയതന്ത്രപ്രതിനിധിയുടെ ഭാര്യയായിരുന്നു ഭീകരരുടെ ലക്ഷ്യമെന്നും മന്ത്രി പറഞ്ഞു. ട്രാഫിക് സിഗ്നലില്‍ നിര്‍ത്തിയിട്ടിരുന്ന വാഹനത്തിന്റെ പിന്‍ഭാഗത്തെ ഡോറില്‍ ബൈക്കിലെത്തിയ ഒരാള്‍ സ്‌ഫോടകവസ്തു ഘടിപ്പിക്കുകയായിരുന്നു. ഇയാള്‍ പോയ ശേഷം നാലോ അഞ്ചോ സെക്കന്‍ഡുകള്‍ക്കുള്ളിലാണ് സ്‌ഫോടനം നടന്നതെന്നും മന്ത്രി പറഞ്ഞു. ഇതിന് ദൃക്‌സാക്ഷിയായ ഗോപാലകൃഷ്ണന്‍ എന്നയാളുടെ മൊഴിയില്‍ നിന്നാണ് ഇക്കാര്യങ്ങള്‍ വ്യക്തമായത്. സംഭവത്തിന്റെ സി സി ടി വി ക്യാമറ ദൃശ്യങ്ങള്‍ വ്യക്തമല്ലെന്നും ബൈക്കിന്റെ നമ്പര്‍ പ്ലേറ്റോ മറ്റ് കാര്യങ്ങളോ പതിഞ്ഞിട്ടില്ലെന്നും മന്ത്രി വ്യക്തമാക്കി. ബൈക്ക് കണ്ടെത്താനായി പ്രത്യേക സംഘത്തെ നിയോഗിച്ചിട്ടുണ്ടെന്നും മന്ത്രി ചിദംബരം കൂട്ടിച്ചേര്‍ത്തു.
അതിനിടെ അന്വേഷണത്തിനായി ഇസ്രയേല്‍ സംഘം ഇന്ത്യയിലെത്തി. അഞ്ചുപേരടങ്ങുന്ന സംഘമാണ് എത്തിയത്. രണ്ടുപേര്‍ ഇസ്രായേല്‍ രഹസ്യാന്വേഷണ സംഘമായ മൊസാദ് ഉദ്യോഗസ്ഥരാണ്. സ്‌ഫോടനവുമായി ബന്ധപ്പെട്ട് സംശയിക്കുന്നവരുടെ പട്ടിക സംഘം ഇന്ത്യക്ക് കൈമാറി. സ്‌ഫോടനത്തിനു പിന്നില്‍ ഇറാനും ഹിസ്ബുല്ലയുമാണെന്ന് ഇസ്രായേല്‍ കഴിഞ്ഞ ദിവസം ആരോപിച്ചിരുന്നു.
അതിനിടെ സ്‌ഫോടനത്തെ കുറിച്ച് ഇന്ത്യന്‍ രഹസ്യാന്വേഷണ സംഘവും ശക്തമായ അന്വേഷണം തുടങ്ങി. ഡല്‍ഹി നഗരത്തിലെ വിവിധ ഗസ്റ്റ് ഹൗസുകളും ഹോട്ടലുകളും മറ്റും അന്വേഷണം സംഘം പരിശോധിക്കുന്നുണ്ട്.
തിങ്കളാഴ്ച വൈകുന്നേരമുണ്ടായ സ്‌ഫോടനത്തില്‍ നയതന്ത്ര ഉദ്യോഗസ്ഥ അടക്കം നാലു പേര്‍ക്ക് പരിക്കേറ്റിരുന്നു. ജോര്‍ജ്ജിയയിലും സമാനമായ രീതിയില്‍ ആക്രമണ ശ്രമം നടന്നിരുന്നു. ഇത് പരാജയപ്പെട്ടതിനു പിന്നാലെയാണ് ദല്‍ഹിയിലെ ഇസ്രയേല്‍ എംബസി വാഹനത്തില്‍ സ്‌ഫോടനം ഉണ്ടായത്. ഇസ്രയേല്‍ എംബസിയുടെ ടൊയോട്ട ഇന്നോവ കാര്‍ പ്രധാനമന്ത്രിയുടെ വസതിക്ക് ഏതാനും മീറ്ററുകള്‍ അകലെ പൊട്ടിത്തെറിക്കുകയായിരുന്നു. പൊട്ടിത്തെറിച്ച വാഹനവും അതിന്റെ സമീപമുണ്ടായിരുന്ന മറ്റൊരു വാഹനവും കത്തി നശിച്ചു.

LIVE NEWS - ONLINE

  • 1
    5 hours ago

    തൃശൂരില്‍ കള്ളനോട്ടുമായി സഹോദരങ്ങള്‍ അറസ്റ്റില്‍

  • 2
    7 hours ago

    തമിഴ്‌നാടിന് കുടിവെള്ളം ട്രെയിന്‍മാര്‍ഗം എത്തിച്ചുനല്‍കാമെന്ന് കേരളം

  • 3
    8 hours ago

    ഹിമാചല്‍പ്രദേശിലെ കുളുവില്‍ ബസ് കൊക്കയിലേക്ക് മറിഞ്ഞ് 15 പേര്‍ മരിച്ചു

  • 4
    10 hours ago

    സാജന്‍ സിപിഎം കുടിപ്പകയുടെ ഇര: കെ സുരേന്ദ്രന്‍

  • 5
    11 hours ago

    കല്ലട ബസിലെ പീഡനശ്രമം; ഡ്രൈവറുടെ ലൈസന്‍സ് റദ്ദാക്കും: മന്ത്രി ശശീന്ദ്രന്‍

  • 6
    12 hours ago

    പ്രവാസി വ്യവസായിയുടെ ആത്മഹത്യ; ആന്തൂര്‍ നഗരസഭ ഉദ്യോഗസ്ഥരെ മന്ത്രി വിളിപ്പിച്ചു

  • 7
    14 hours ago

    മുത്തലാഖ് നിര്‍ത്തലാക്കണം: രാഷ്ട്രപതി

  • 8
    14 hours ago

    പ്രവാസികള്‍ക്കും കുടുംബങ്ങള്‍ക്കും വിമാന നിരക്കില്‍ ഉളവ് നല്‍കും: മുഖ്യമന്ത്രി

  • 9
    15 hours ago

    ഫോണ്‍ സ്വിച്ച് ഓഫ്; ബിനോയ് ഒളിവിലെന്ന് സൂചന